အနတ္တသာသနာ

စိတ်ကို စောင့်ကြည့် သတိထား❗ - အရှင်ဦးကိတ္တိသာရ ​ (တချိန်က ရုပ်ရှင်မင်းသားကြီး ဦးကျော်ဟိန်း) ​ မိမိစိတ်က ဘာလုပ်နေလဲ? ​ အလုပ်လုပ်နေတဲ့ စိတ်ကို စောင့်ကြည့်တာ။ ​ မိမိစိတ်က ဘာကိုသိနေလဲ? ​ စောင့်ကြည့် သိမှတ်နေတဲ့ စိတ်ကို စောင့်ကြည့်တာ။ ​ ခန္ဓာကိုယ်ထဲက အစိတ်အပိုင်းတွေနဲ့ စိတ်စေတသိက်တွေနဲ့ ဘယ်လိုပတ်သက်ပြီး၊ ​ ဘာ့ကြောင့် ပတ်သက်ပြီး၊ ဘယ်လောက်အထိ ပြောင်းရွှေ့ကုန်တာလဲဆိုတာ သိချင်လို့ စောင့်ကြည့်တာ။ ​ ခန္ဓာကိုယ်နဲ့ အတူပါလာတဲ့ ခံစားတဲ့စိတ်၊ မှတ်သားတဲ့စိတ်၊ သိတဲ့စိတ်၊ လှုံ့ဆော်တိုက်တွန်း ပြုလုပ်တဲ့စိတ်တွေရဲ့ လှုပ်ရှားနေတဲ့ သဘာဝသဘောတွေကို တိတိကျကျ သိချင်လို့ စောင့်ကြည့်တာ။ ​ မျက်စိ၊ နား၊ နှာခေါင်း၊ လျှာ၊ ကိုယ်၊ စိတ်ကြောင့် ဖြစ်ပေါ်လာတဲ့ အာရုံခြောက်ပါးရဲ့ သဘောတရားတွေကို ကိုယ်တိုင် လက်တွေ့ သိချင်လို့ စောင့်ကြည့်တာ။ ​ အာရုံတစ်ခု ဝင်လာရင် ဝင်လာတဲ့အာရုံကို သိတဲ့စိတ်နဲ့ ​ ခံစားမိလိုက်တဲ့စိတ်။ ​ ဘယ်စိတ်က ပိုများနေလဲ? ​ ခံစားတဲ့ဘက်မှာ အာရုံများနေရင် သိမှတ်တဲ့ဘက်မှာ အားထုတ်မှု လျော့သွားတာမျိုး မဖြစ်အောင် စောင့်ကြည့် သိမှတ်နေတာ။ ​ မိမိစိတ် ပင်ပန်းနေတာ၊ ဆင်းရဲနေတာ၊ ဒုက္ခဖြစ်နေတာတွေဟာ ​ သိမှတ်တဲ့ဘက်မှာ အားထုတ်မှု လျော့သွားလို့ ဒုက္ခဖြစ်စေတဲ့ စိတ်တွေ ဝင်ခွင့်ရလာပြီး နှိပ်စက်နေကြတာ။ ​ ဒီလို နှိပ်စက်ခံနေရတာတွေဟာလည်း ​ မိမိရဲ့ သတိ မရှိမှုကြောင့်ပဲ၊ ​ မိမိရဲ့ အသိ မရှိမှုကြောင့်ပဲ။ ​ မိမိရဲ့အသိနဲ့ သတိ အလုပ်လုပ်တယ်၊ မလုပ်ဖူးဆိုတာကို စောင့်ကြည့်သိမှတ်နေတာ။ ​ အာရုံခြောက်ပါးကြောင့် ဖြစ်ပေါ်လာတဲ့ အာရုံနဲ့စိတ်နဲ့ စိတ်ချင်းထိတွေ့ပြီး ဖြစ်ပေါ်လာတဲ့ စိတ်ကတစ်ဆင့် ဘာတွေ ထပ်ဆင့်ပွား ဖြစ်ကုန်တာလဲဆိုတာ သိချင်လို့ စောင့်ကြည့်နေတာ။ ​ ---- ​ ​ 🧘‍♀️ စိတ်ကို စောင့်ကြည့် သတိထား - မတွေးနဲ့ ကမ္မဋ္ဌာန်း လေ့ကျင့် အလုပ်ပေးရှုကွက်များ 🔗 https://bit.ly/watching_minds ​ 🙏🌹💐

မီးထဲက ပွင့်တဲ့ ကြာလို - ဝိမုတ္တိဥာဏဓမ္မ အရှင် ကုသလ (မတွေးဘူး ကမ္မဋ္ဌာန်း တရားရှင်းတမ်း မှ).mp4

ဟန်ရေးပဲ ပြလို့ရတဲ့ အတ္တ - ဝိမုတ္တိဥာဏဓမ္မ အရှင် ကုသလ (မတွေးဘူး ကမ္မဋ္ဌာန်း တရားရှင်းတမ်း မှ)

-------------------

The Chant of Metta 慈经 1999 by Imee Ooi 黄慧音

Karanīya Mettā Sutta 慈爱经 by Imee Ooi 黄慧音