ՄաթԹիմ և ԻԿՄ ֆակուլտետի ՈՒԳԸ

Եթե ցանկանում եք միանալ 1. տեսադասեր, 2. տիպային խնդիրների լուծումներ, 3. դասա/խնդրագրքերի թարգմանություններ/թվայնացնումներ, 4. բազմաթիվ այլ կրթական նախագծեր պատրաստելու գործին, խնդրում ենք լրացնել այս հայտը։ Եթե հիմա ժամանակ չունեք, բայց հետագայում կուզեք ժամանակ տրամադրել (կամ եթե այս նախագծերը հետաքրքիր չեն, բայց գաղափարը կիսում եք), միևնույն է, կարող եք միանալ։ Շնորհակալ կլինենք նաև, եթե կիսվեք Ձեր ընկերների հետ (կարևոր չէ, թե որ համալսարանից / ուսանող, թե ոչ)։

Ողջույններ։ BioBrain Pro ընկերությունը նախատեսում է կազմակերպել կենսավիճակագրության (բիոստատիստիկայի) անվճար դասընթացներ։ Եթե հետաքրքրված եք դասընթացի մանրամասներով, կարող եք գրանցվել տեղեկատվական հանդիպմանը։ Որոշ մանրամասներ և տեղեկատվական հանդիպման գրանցման հղումը կարող եք գտնել այստեղ․ https://forms.gle/x1HEuLahPT8aeTU79

Ողջույն։ Ուրախությամբ տեղեկացնում ենք, որ սույն թվականի հունիսի 29-ից հուլիսի 6-ը Ծաղկաձորում կանցկացվի "Մաթեմատիկա և կիրառություններ" 7-րդ ամառային դպրոցը՝ "Cryptography, Statistics and Machine Learning" վերնագրով։ Ամառային դպրոցին դասախոսելու են տարբեր երկրներից հրավիրված ոլորտների փորձառու դասախոսներ։ Մանրամասների և գրանցվելու համար կարող եք այցելել ամառային դպրոցի վեբկայքը՝ http://mathschool.ysu.am/mss2025/ հասցեով։ Սիրով սպասում ենք։

Ողջույն բոլորին, https://mathteam.notion.site կայքում կգտնեք հիմնականում համալսարանական մաթեմատիկայի նյութերի հավաքածու՝ ներառյալ ~200 հայերեն դասախոսությունների տեսագրություններ, տարալեզու գրքեր, օգտակար հղումներ և այլն։

Ողջույն։ Սիրով տեղեկացնում եմ շատ հետաքրքիր մի դասընթացի մասին․ սույն թվականի փետրվարի 11-ից Անուշ Ծերունյանը (McGill University) դասավանդելու է «Չափի տեսություն` էրգոդիկ հորիզոններով» դասընթացը։ Դասախոսությունները տեղի են ունենալու օնլայն ձևաչափով, իսկ գործնական պարապմունքները՝ առկա։ Դասախոսությունների լեզուն հայերենն է լինելու։ Դասընթացին մասնակցությունն անվճար է, իսկ բարձր առաջադիմություն ցուցաբերած ուսանողները կարող են արժանանալ կրթաթոշակի։ Դասընթացի մանրամասները կարող եք գտնել դասընթացի վեբկայքում՝ https://www.math.mcgill.ca/atserunyan/Courses/2025_S.Yerevan.MeasureTheory/ , ինչպես նաև կից ինֆորմացիոն թերթիկում։ Տեղեկացնեմ միայն, որ դասընթացին գրանցման վերջնաժամկետը փետրվարի 9-ն է։

Ողջույն։ Այս տարի, հուլիսի 14-ից 26-ը, Երևանում՝ Մաթեմատիկայի ինստիտուտում, կանցկացվի "Էլիպտիկ կորեր և դրանց կիրառությունները" ամառային դպրոցը։ Մանրամասները կարող եք տեսնել ամառային դպրոցի վեբկայքում․ https://sites.google.com/view/ecasummerschool2025 Գրանցվելու համար խնդրում ենք կապվել Միհրան Պապիկյանին, հետևյալ հասցեով․ mpapikian@icloud.com ։

Ողջույն Ուզում ենք տեղեկացնել, այսօրվա փոխարեն «Հոսքային ալգորիթմների» մասին վերջին սեմիմարը տեղի կունենա հաջորդ ուրբաթ օրը։

Հիշեցնենք, որ 5 րոպեից կսկսվի 3-րդ սեմինարը։ Մանրամասները⬆️

Ողջույն։ Այսօր տեղի կունենա «Հոսքային ալգորիթմների» մասին երկրորդ սեմինարը։ Միանալու հղումը նույնն է. https://mit.zoom.us/j/98576003871

Դասախոսի մասին Արսեն Վասիլյանը 2015-2024 տարիներին սովորել է Մասաչուսեթսի Տեխնոլոգիական Ինստիտուտում (MIT, Cambridge, MA)։ Այնտեղ նա ստացել է իր բակալավրի և մագիստրոսի կոչումները (2019թ․, 2020թ․), այնուհետև շարունակել է ուսումը ասպիրանտուրայում և 2024թ․ պաշտպանել է իր դոկտորական թեզը և ստացել է փիլիսոփայության դոկտորի կոչումը (Ph.D.) համակարգչային գիտությունների բնագավառում։ Այժմ Արսենը շարուկանում է իր գիտական աշխատանքը՝ մասնակցելով հատուկ հետդոկտորական ծրագրին (Research Fellow) Կալիֆորնիայի Բերկլի համալսարանում (The Simons Institute for the Theory of Computing, UC Berkeley, CA)։ Սեմինարների մասին Հոսքային ալգորիթմները օգտագործվում են արհեստական բանականության բնագավառում, երբ հարկավոր է մեծ ծավալի տվյալներ մշակել խիստ սահմանափակ միջոցների (հիշողություն, ժամանակ) պայմաններում։ Արսենը կներկայացնի ժամանակակից մոտեցումները և ալգորիթմները այդ խնդիրները լուծելու համար։ Սեմինարին մասնակցելու համար անհրաժեշտ է ծանոթ լինել հավանականությունների տեսության հիմունքներին: Սեմինարների տևողությունը` 5 շաբաթ։ Սեմինարին կարող եք միանալ հետևյալ հղումով՝ https://mit.zoom.us/j/98576003871 Meeting ID: 985 7600 3871

Ողջո՜ւյն բոլորին: Ուրախությամբ հայտնում ենք, որ այս ուրբաթ օրվանից մեկնարկում է Հոսքային ալգորիթմների մասին սեմիմարների շարք, որը կարող է հետաքրքիր լինել և՛ տվյալագետներին, և՛ մաթեմատիկոսներին։

Նախորդ կիսամյակ, ոգեշնչված MIT OpenCourseWare-ից՝ ԵՊՀ Մաթեմատիկայի և մեխանիկայի ֆակուլտետում սկսել էինք մեր լավագույն դասախոսներից չորսի դասախոսությունների տեսագրումը, Տեսագրությունները՝ Մաթեմատիկական անալիզ 2, դասախոս Կարեն Քեռյան Մաթեմատիկական անալիզ 3, դասախոս Մհեր Մարտիրոսյան Ֆունկցիոնալ անալիզ, դասախոս Խաչատուր Խաչատրյան Հավանականությունների տեսություն, դասախոս Հայկ Ալեքսանյան Սկզբի մի քանի դասում որոշակի տեխնիկական խնդիրներ էինք ունեցել, բայց հետո անցանք լավ տեսախցիկով և միկրոֆոնով նկարահանումների։ Այս կիսամյակ նույնպես շարունակում ենք նկարահանումները, բայց ունենք օգնության կարիք. Մեզ պետք է՝ 1. Մեկ պրոֆեսիոնալ տեսախցիկ 2. Մեկ-երկու օպերատոր 3. Մոնտաժող Այս պահին չենք կարող վճարում առաջարկել և փնտրում ենք գաղափարակիցների, ովքեր կմիանան կամավորական սկզբունքով։ Եթե գիտեք մարդկանց, ովքեր կարող են օգնել այս հարցերում, կամ ում օգտակար կլինեն տեսագրությունները, խնդրում ենք կիսվեք այս գրառմամբ։ Իսկ եթե կարող եք օգնել, նամակ ուղարկեք մեր էջին։ Շնորհակալություն և բարի դիտում։

🤩 Սիրելի ուսանողներ, 🎞️ Ավարտին է մոտենում ուսումնական տարվա առաջին օրը։ Շնորհավորում ենք բոլորիդ և մաղթում արդյունավետ ու հետաքրքիր ուսում։ 🌟 Դե իսկ առաջին կուրսեցի մեր ապագա ընկերներին մաղթում ենք բարի երթ ու սպասում մեր գալիք հանդիպումներին։ Իսկ մինչ այդ՝ առանձնացրել ենք մի քանի խորհուրդներ, որոնց ձեզ կօգնեն հաղթահարել դժվարությունները ու գնալ ԵՊՀ-ում ձեր սահմանած նպատակների ետևից: ⤴️ «Ինչպե՞ս ճիշտ և արդյունավետ սովորել ուսումնական նյութը»

🤩 Ողջու՜յն բոլորին: 📚 Ուրախ ենք տեղեկացնել, որ գալիք կիսամյակ մաթեմատիկայի ինստիտուտում անց են կացվելու «Սովորական դիֆերենցիալ հավասարումների» և «Մաթեմատիկական վերլուծության» դասընթացներ։ 🔍 Դասերը անցկացվելու են Լ. Խաչատրյանի և Ա. Շիրիկյանի կողմից: 📩 Գրանցվելու համար անհրաժեշտ է մինչև սեպտեմբերի 1 և 7-ը ուղարկել էլ. նամակ Ա. Շիրիկյանին` նշելով անուն-ազգանուն և 2024-25 ուսումնական տարվա համար նախատեսվող ԲՈՒՀ-ը, ֆակուլտետը և կուրսը: 😍 Դասընթացը հաջողությամբ ավարտած ուսանողներին կտրվի վկայական: 🤍 Սիրով` Մաթեմատիկայի և Մեխանիկայի ֆակուլտետի ՈւԳԸ:

Երևանի Պետական Համալսարանը և Գենտի Համալսարանի Անալիզի և դիֆ․ հավասարումների կենտրոնը համատեղ կազմակերպում են ամառային դպրոց և գիտաժողով՝ «Անալիզ, դիֆերենցիալ հավասարումներ և կիրառություններ» թեմայով: Ամառային դպրոց՝ 📅 24-29 Հունիս, 2024 📍 ԵՊՀ 3-րդ մասնաշենք՝ 2-րդ հարկ՝ Ֆիզիկայի ֆակուլտետի կոնֆերենս դահլիճ։ 🗓 Դասացուցակը՝ https://gmg70.com/#schedules Գիտաժողով՝ 📅 1-6 Հուլիս, 2024 📍ԵՊՀ կենտրոնական մասնաշենք՝ 5-րդ հարկ՝ գիտխորհրդի նիստերի դահլիճ Միջոցառումը հիանալի հնարավորություն է գիտելիքներ ձեռք բերելու և արտերկրից մաթեմատիկների հետ համագործակցելու համար:

Այս երկուշաբթի, հունիսի 17-ին, ժամը 13։30-ին ԵՊՀ Մաթեմատիկայի ֆակուլտետի 137 լսարանում սեմինարով հանդես կգա Ռաֆայել Թեյմուրազյանը (KAUST, UAE և University of Coimbra, Portugal)՝ Ազատ եզրերով խնդիրներ և կիրառություններ (Free boundary problems and applications) թեմայով: