Кыргыз 🇰🇬 Ырлары топ 👆 🎧🎧

«Акындын ашыгы» 💘

Ашыгым, сен каякта? Акының мен каякта? Жээктен турам карап, Жеталбай сен тарапка. Эскирген жаңы болор, Эх, чиркин, баары болор. Учкан куш чабытындай, Убакыт дары болор. Ичейин калтырбастан, Күчөйүн айтылбастан. Куу дүйнө дары берчи, Кусалык дартын бакан. Оттугу карашыңдын, Шоктугу санатыңдын. Жолдорго баш ийбеген, Жоктугу канатымдын. Өмүрдүн жылдарында, Көңүлдүн ыргагында. Кор кылбай сактайм сени, Комуздун ыргагында. Түнөгүм калкаланар, Жүрөгүм балталанар. Буулуккан сезимимди, Булуттар айта барар. Сан жылдыз жыбырасын, Сабырым, кыйыласың. Сагындым дегенимди, Салкын жел шыбырасын. Ар кимдин ашыгы көп, Ай, Күндүн жазыгы көп. Айтылып калар сенсиң, Акындын асылы деп, Акындын ашыгы деп. Сөзү, обону: Баян Акматов.