Benha nursing

مفيش حد بيجتهد ومجهوده بيروح.. مفيش حاجه اسمها كله محصل بعضه ..شعارات كلها اوهام...استمراريه مذاكرتك بنفس الرتم رغم انك مبتوصلش لل نفسك فيه بس بتلاقي تسهيلات كتير ومنح الهيه بتفهم ان الطريق ال راسمه ربنا ليك اجمل من ال انت مخططه لنفسك..ظبط اولوياتك وطول مانت شاغل دماغك بنفسك مش برزق غيرك هتلاقيك راضي وسوي وبتعلي... كل واحد رسم طريق مختلف عن التاني لكن اي طريق محتاج نجاح فيه صدقني لازم تبقي سوي نفسيا وراضي بال ربنا بيكتبهولك واوعي تبطل مذاكره بعد فتره هتحس بالفرق وربنا يعينكو الفتره ال جايه❤️ طلبه ال لسه داخلين امتياز وطلبه سنه رابعه واولي هيبقي ليهم شرح وشغل ليهم هنعيدو بشرح مختلف وان شاء الله نفيدكو

بتابع عل السوشيال مواضيع تخص التمريض بشوف الكومنتات بلاقي اكتر ناس مسيئين للمهنه هم من ال في المهنه وهنا بيجيلي كذا سؤال... انت ليه مكمل في حاجه مانتش حاببها؟؟ ليه بتطور نفسك في حاجه نفسك كارهاها؟؟ ليه مصمم تضلل نفسك وتبقي شخص مضلل في حق نفسك ؟ ممكن تروح مستشفى اسكاي احد مستشفيات كليوبترا وشوف هيئه التمريض هناك تسلسلها الوظيفي والمهني..انزل كده مستشفى الناس..بكلم عل مناصب ما بعد الاستاف..يعني لا انت بتذاكر ولا عاوز تذاكر ولو بتذاكر ومكمل فعشان ال حواليك مكملين فانت بتقول اهو امشي وراهم لحد منشوف ...ومعندكش هدف ..قارف نفسك وال حواليك ليه.... لنفسك يبني والله...متكملش في حاجه مضيقاك... والمشكلة ممكن متكونش في المهنه عل قد مهي فيك انت فاشل!! فاي مجال هتخشه هتبقي فاشل بس بتحط المهنه شماعه لفشلك...

12 شفت والامتياز ال 12 شهر يخلص 🤎 شعور بالفرحه انك هتبقي حر والحياة ملكك وايامك بتاعتك والفرص في ايدك انت بعد كده الى بتقرر مصيرك 🤎 الدفعه طلعت فيها ناس بشعه ..احساسهم بالنقص وحقدهم وغلهم صعب .. ياريت تغيرو من نفسكم..ايذائك لغيرك مش هيرفع من شأنك ...حبك للخير هيخلي كله يحبك ...طور من نفسك وركز في نفسك بدل مانت شاغل دماغك بال حواليك وانت في القاع ...سنه ولا اتنين هتلاقي نفسك زي مانت وغيرك ربنا كرمو وعدي لو كان فيه سلكان كنا محسناش بامتياز..بس اهو ال خلانا نستحمل 12 شهر نزق اخر 12 شفت والفرحة جوا الواحد لا توصف🌎

دفعه فيها عالم زباله...ومرضي نفسيين قسما بالله..

ال راح اشتكي أداره الجامعه عل موضوع الخميس وبيقول اخيرا هشوف الناس تبات في الجامعه انت ليك روقه بس اصبر .... لازم الخلق النتنه ده الواحد يطلعها مسرح ويظبطها صبرك

ابشع كام يوم بنقضيهم في الامتياز الحمد لله انهم قربو ينتهو وبجد اعظم انتصار لراحه بال انك هتتعافي من وجوه بني ادمين مش لاقي وصف يلم السواد ال فيهم... الحمد لله ان الواحد مشغول في شغله..الفضا بيخلق بني ادمين تافهين ومبيصدقو يمسكو في حاجه تخلق ليهم قيمه..التعامل معانا بقا باسلوب الحضانة ال هو لو نفخت هتتعاقب بقا فجر مش مسايسه..بجد بنعصر شوال ليمون وحامض عشان الكام اسبوع دول يعدو من غير منعمل مشاكل مع حد

فاضل تقريبا 18 شيفت او 20 شيفت بالكتير في الإمتياز..سنه من العمر مرت ...كل واحد تقريبا شق طريقه ورسم خطوط مستقبله العريضه ...سنه ineffective لل محاولش ينمي من نفسه..لل يأس من اول قلم واول خبطه...وسنه غيرت من شخصيه ناس كتير عل مستوي الشغل والعلم والنضج لل قبل بالمرمطه وفهم انه يتمرمط وهو من غير مزاوله اهون وان المرمطه والصبر لل بيعلمه ...اتمني محدش يعمل مشاكل في الكام شيفت ال باقيين..اتمني ال لسه مبدأش يواجه يبدأ..اتمني الناس متبطلش سعي سواء كمذاكره او كشغل..او كحرفه او مهنه او شغل ليك برا الصندوق المهم تشتغل وتعرف تعمل فلوس وتحط تارجت انك هتطور من امكاناتك عشان تبقي افضل حد فيه عشان يبقي سعر شغلك عالي وقيمتك اكبر♥️القناه هتفضل للشباب ال لسه داخل امتياز يسمع ويشوف شويه المعلومات ال نزلناهم وقريب هنتوسع في امر الشرح وهيفضل سعينا للعلم ونقله لزمايلنا امر ابدي طول محنا في المجال ربنا يوفقكم🤎

*شرحنا تعريف stroke انواعه أعراضه Risk factor *موضوع intracranial pressure ..تعريف واعراض وازاي تتعامل *موضوع hematoma وانواعه وازاي تتعامل مع epidural و subdural وال subarachnoid *شرحنا intervention during acute and post acute *وموضوع thrombolytic therapy ال هو TPA من اهم المحاضرات خصوصا الناس ال بتنزل فاطمه كتير لان معظم حالاتك stroke ♥️

مجرد اقتراح...ليه ميتمش جمع نص المبلغ ال هنشترك فيه في موضوع حفله التخرج ونعمل بيه حاجه لله اي كانت هي اي ... الموضوع لو بصناله بعين العقل هتلاقي بتدفع 1200 في الولا حاجه نهيك عن البهدله واسامي بيتنده عليها وبعدها كل حد يروح لحاله...طب لو لمينا 600 من كل واحد ونجيب بيها جهاز لمستشفى..نجهز واحده يتيمه .او افكار كتير ممكن ناس تقترحها بدل جو السبوبه ال احنا داخلين عليه وال ملوش اي لازمه غير صوره ولقطه ...طبعا ده بالعقل فيه ناس بتحب تفرح بالشكل ده وده حريه شخصيه بس ده كان اقتراح وهكون انا اول المساهمين ب 1000 ونفوض الليدر بتاعنا وهو يتولي الأمر وتبقي حاجه مشرفه لدفعه تمريض بنها

طول مانت فاضي ثقف نفسك ...اعرف عن الجلطات ومنين بتتكون وتاثيرها المخ وشرايين المخ عشان تعرف الظاهر ليك اي ولما ناحيه بتقف تعرف اثرت في المخ في اي....مثلا الانسولين لازم تعرف الانواع بتاعته جت منين وعيانك امتا تديه انسولين ومش عمال عل بطال وبيشتغل ازاي عشان مريض السكر لما يزنقك في الرعايه او عمك يكلمك تعرف تفهمه ...نمسك مثلا الدم وتعرف مكوناته وال reaction بتاعته وتعرف يعني اي anaphylaxis ويعني اي anaphylactic shock لان حضرتك اول حد بتلاحظ ده عل العيان وبعلمك ممكن تلحقه بسرعه قبل ميدخل في shock ال علطول dcl لدرجه ممكن يتيب...ثقف نفسك واتعامل انك بتعلم نفسك من اول وجديد...كل محد ينزل شغل يفضل يحكي عن انجازاته في التعامل مع الحالات وانه ماسك حاله كذا وادناها كذا ...ايوه انت عارف ليه ادناها ده ..اه خبره انك شوفت بس انت ساعتها بتنفذ وخلاص ولا بتنفذ وانت فاهم.... لما بشوف حد بيفضل يحكي عن حالات الشغل من غير اساس علمي عباره عن فسيو وباثو وفارما بفهم انه بلح وبيحكي عشان يورينا جمدانو وهو في الحقيقه بلغه القدام شغال تملي في الرعايه ثقف نفسك باساس علمي

ده ريكورد للثانويه العامه وياريت تسمعوه وياريت الجهات المسئولة حد يوصلهم الموضوع ده عشان الكوارث ال عيشناها السنادي وال تم التكتم عليها

نصيحه اسعي انك تبقي اشطر واحد بينفذ ال doctor order ..سواء كان صح او غلط ولو نوعيته متغطرس نفذ الغلط بدون متقول رأيك وكل تتفيذ يبقي ب written order not 🚫 oral order ..عشان ميسوحكش واشتري دماغك من اي مسئوليه وكونك بتطور نفسك ومبسوط من ادائك فانت مش محتاج تبين انك جامد لل حواليك بالزات في الشغل ومتقوليش ليه... افتكر ان مهنتنا زي السواق والتباع زميله..السواق ال معاه الرخصه من الحكومه فهو ال سايق ولو السواق تعب في نص الطريق وقالك سوق مكاني لازم تبقي متعلم السواقه ولو وقفت في كمين فال هيطلع رخصته هو السواق مش انت في الاخر..انت بتأهل لنفسك لاي ظرف طارئ مش موجود معاك طبيب رعايه بحيث تتعامل بنفس الكفاءه إنما في العادي مترميش اي معلومه تحط بيها عل الطبيب لان نفوس اغلب الدكاتره مش سويه وهيعملك مشكله فقضي شفتك بسلام

نصيحه اسعي انك تبقي اشطر واحد بينفذ ال doctor order ..سواء كان صح او غلط ولو نوعيته متغطرس نفذ الغلط بدون متقول رأيك وكل تتفيذ يبقي ب written order not 🚫 oral order ..عشان ميسوحكش واشتري دماغك من اي مسئوليه وكونك بتطور نفسك ومبسوط من ادائك فانت مش محتاج تبين انك جامد لل حواليك بالزات في الشغل ومتقوليش ليه... افتكر ان مهنتنا زي السواق والتباع زميله..السواق ال معاه الرخصه من الحكومه فهو ال سايق ولو السواق تعب في نص الطريق وقالك سوق مكاني لازم تبقي متعلم السواقه ولو وقفت في كمين فال هيطلع رخصته هو السواق مش انت في الاخر..انت بتأهل لنفسك لاي ظرف طارئ مش موجود معاك طبيب رعايه بحيث تتعامل بنفس الكفاءه إنما في العادي مترميش اي معلومه تحط بيها عل الطبيب لان نفوس اغلب الدكاتره مش سويه وهيعملك مشكله فقضي شفتك بسلام

اديني اتكلمت وياريت حد يعمل حاجه

الجو صعب ويمشو في عز الحر ليه ..والناس ال بتتعب مننا وال بيجيلهم ضربات شمس وال بيسافرو ده ليه تمشوهم في عز الولعه...نرجو المسؤلين يتكلمو لحد مالموجه ده تعدي بسلام حفاظا عل صحتنا.. نكلم مس ناديه ونكلم مديره التمريض لو الموضوع متحلش.. كل سنه كانو في الشهرين دول بيمشوهم يعني ده مش استثنا...المسئول عننا حط نفسك مكان الطالب...طلعت من بيتك دفعت دم قلبك مواصلات وجيت في عز الحر قولت هتعلم فقالولك مش عاوزين امتياز فقعدت تستني الدكتور تمر وانت بتلف عليها وشكلك في المستشفى وحش وانت لابس الاسكراب وبتجري بلا هدف والمرضي بيبصولك بقرف..خدت المرور...تستني تاني بلا هدف برضو عشان المسئول يعفو عنك الساعه 2 ويطلع الدفاتر وانت كل ده بتلاقي اي مكان تضيع الكام ساعه لا وتلاقي زمايلك بياخدو انصراف وهو حافظ وش امك ويقولك وريني الكارنيه بتاعك اكنك متنكر انت مثلا فبيتاكد لتكون عامل تحويل جنسي وبعدين تمشي الساعه 2 ونص تتعب من الشمس وتروح ميت... ده روتينا طول السنه...انت لو مكاني يا سياده المسئول هتعمل اي ومواصلاتك الشهريه قد ال 2000 جنيه مرتين

امر الامتياز في بنها عجيب... الدنيا مشدوده اخر شهرين وغياب مرور..يعني الطالب هيتعلم اي في الشهرين..هو اتعلم اي في السنه؟ قولنا العدد كتير ومفيش عجز في الوحدات فالطالب هيقعد لي..بتقعدو الناس للساعه 2 ليه ..لو مشي 12 هل الساعتين دول غيرو موازين الكون..مدام مبيتعلموش مشوهم بدري اهو يروحو شغلهم او يروحو بيتهم يعملو حاجه مفيده..بحترم الدكاتره بتوعنا بيشوفو شغلهم بس انت بتجبر طالب يقعد في الوحده وبتوع الوحده مش عاوزينه..طب منخلي الشهرين دول محاضرات مكافحه عدوي..اداره..حالات حرجة..اهو الطلبه يطلعو باي حاجه...طالب طلع من بيتو صرف مواصلات واكل وجه خد حضور وفجاه يدكتور بتمري ملقتوش..اكيد ال خلاه يمشي انه شاف انه بيضيع وقت..فنغيبه مهو ده مش حل ..طب حضر وحضرتك شوفتيه مهو مش حل برضو... الإمتياز في بنها مبيعلمش فعلموهم نظري ووريهم ساعتين الوضع حسب كل قسم ومشوهم ..ولا زمايلنا ال بياخدو انصراف ويحسسك انه مدير المستشفى..ده لا تعليق ومتركزش مع العته المخي ده... نرجو من دكاترتنا تييسر الوضع واما تعلموهم بجد او تسبيهم ال 60 يوم دول يشوفو شغلهم وبلاش تغيبوهم ولما تسيبهم ده مش معناه تقصير في شغلك ..حضراتكم بتودو الطالب بالاجبار لمكانو والمكان مش عاوزه فكده بنظلم وقته وبنخليه بلا قيمه ..اما المنظومه كلها تتظبط او تمشوهم بدري وسيبوهم يشوفو حياتهم

تضارب افكارك معروفه .. تلاقي ناس مش شبهك في المجال..تحس لوهله ان الدنيا هتتساوي وان ليه دخلت نفسي هنا... مشاعرك تحترم بس ده نصيبك ووجب تتعامل..انك شغال وانت طالب فده نعمه..ممكن بعد كده تغير المهنه بس دلوقتي مفيش سكه سالكه غيرها فخد الأمر انه مؤقت...بعد سنه الموازين هتظبط ..ال بيتعب هيتحط في الحته ال هتناسبه..اصلو الاحباط مش هيغير الواقع...زعلك عل نفسك انك اكيد بتلمس الفرق وانت وسط دفعتك ووانت في استراحه كليه الطب..وبتشوف فرق العقليات وفرق حاجات كتير وانا محترم الحته ال جواك ال بتوجعك بس خلي الوجع يزقك ومش شرط الناس تلتمس سعيك..خلي الوجع يبقي حافز مع رضاك بكل مجايب ربنا والعوض حلو بس عاوز مرمطه وصبر ...♥️عاوز تغير البيئه لازم تطور من نفسك ووانت بتطور هتقابل غل وحقد وكره من بيئتك الحاليه..انت المحدد لمصيرك وانت ال قادر تغير اي وضع مش مناسبك