Bahodir Jovliyev

Фақат бир шарт: чорласам, кирсанг, ҳасрат чекиш йўқ, бу эшикдан, азизам, кириш бордир, чиқиш йўқ! © Мансур Жумаев

Sevgi soʻrma sevgilim, Sevilmagan odamdan... © Mansur Jumayev

Maqsadlarimga tomon sekin-sekin qadam bosayapman.... Orzular orzuligicha qolib ketmaydi albatta.

Mening hali chugʻurlashga ovozim yoʻq. Vatan - shoir! ©Otajon Tilovov

Vatan - boʻynimga osilgan tumor, Yurak uzra qadalgan bir oʻq. Gullab ketgan mehr yulduzing, Ulugʻbekning osmonida yoʻq. Menga Kavsar bogʻi kerakmas, Menga arab xurmosi taxir. Kindik qonim toʻkilgan uyning, Olmasini yeganman axir. Viqor bilan kekkaygan togʻning, Qoʻltigʻidan koʻtargan toshlar. Vatan - seni eslatib turar, Bobur Mirzo toʻkkan koʻz yoshlar. Burgutlaring qanotin yozib, Bulutlarga uraverar doʻq. Vatan - seni yomonlamoqqa, Shoh-u gado berolmas huquq. Men ota deb zabonim chiqqan, Men ona deb bilaman seni. Navoiyning izdoshi sanab, Shoir bolam deb chaqir meni. © Bahodir Jovliyev

Ёнингга бормасам, кечир, севиклим, Қўрқади Ёлғизлик ёлғиз қолгани. © Беҳзод Фазлиддин

Anov ishqsizlarga aytib qoʻy gulim, Ortimdan boʻxtonlar uloqtirsa ham. Yiqilishim poylab chogʻlar qazisin, Men seni battarroq sevaveraman. Anov ishqsizlarga aytib qoʻy gulim, Otashni soʻndira olmaydi dengiz. Har lahza choʻgʻ boʻlib, har lahza yonib, Men seni battarroq sevaveraman. Anov ishqsizlarga aytib qoʻy gulim, Toʻfonning yoʻlini choʻp toʻsolmaydi. Oʻzimni toshlar-u qoyaga urib, Men seni battarroq sevaveraman. Axir, koʻzlaringa boqib koʻrganman, Xudoning borligin va bitta oʻlim. Men seni battarroq sevaveraman, Anov ishqsizlarga aytib qoʻy gulim! © Bahodir Jovliyev https://t.me/jovliyev_bahodir