🌹 ሑረል ~ ዓይን 🌹

ሼር አድርጉት ለአንድ ሰው ማንበብ ሰበብ ብትሆኑስ ወደ ከይር ያመላከተ የሰሪውን ያህል ያገኛል። https://t.me/+In08rn5Pxk42Y2Y0

🌹 ሑረል ዓይን 🌹 ~ የመጨረሻው ክፍል.. ~ አትሌቱ አሞራ... እብራሂም ኢብኑ አድሃም የገጠመውን አስገራሚ ክስተት እንዲህ በማለት ያወጋናል... ሐጅ ለማድረግ በመጓዝ ላይ ሳለሁ ምግብ የያዘ አገልግሌን አሞራ ይዞብኝ ከነፈ፡፡ ጾሜን መዋሌ እሳስቦኝ እሱ በሰማይ እኔ በምድር ዓይኔን አንጋጥጬ እከተለው ጀመር ከርቅትም ወደ አንድ ዋሻ ሲገባ ኣየሁት ተከትዬው ገባሁ፡፡ አንድ ዕድሜው ገፋ ያለ እዛ ዋሻ ውስጥ ብቻውን እግርና እጁ ታስሮ የኔን ምግብ አቀርቅሮ በአፉ እንደ ዶሮ ሲመገብ ተመለከትኩት፡፡ ማን እንዳሰረው ለምን እንደታሰረም ጠየቅኩት፡፡ እሱም እንዲህ በማለት መለሰልኝ... ሐጅ ለማድረግ በወጣሁበት ሽፍቶች ንብረቴን ዘርፈው እንደምታየው እጅና እግሬን አስረው በዚህ በረሃ ላይ ጥለውኝ ሄዱ፡፡ ጌታዬ ሆይ! አንተኑ ለመገዛት ከቤቴ ወጥቻለሁና የሪዝቄን ነገር አደራ በማለትሽ ተማጸንኩት፡፡ እጄን ወደ ሰማይ ከፍ አድርጌ ዱዓዬን ለጌታዬ አላህ አደረስኩ፡፡ ይሄው እንደምታየው ይህን አሞራ ሰበብ አርጎልኝ ቁርሴንም ምሳዬንም እያመጣ ይመግበኛል፡፡ እናም ወዳጃችን ተወኩል ከሰብብያ ጋር ሲገናኝ የማይሰራው ተዓምር የለምና አንተም ሑረል ዐይኗ ላይ አደራ! ‹‹ ብዕሬን አድምቼ ብፅፍም ስላንቺ ቃላት ተቆላልፈው ያጡብኛል ፍቺ>> ስለ ሑረል ዓይን ተወርቶ ፣ ተከትቦ ታስቦም አያልቅም አይደረስበትም... እኛ ግን እዚህ ላይ አጠናቀቅነው። በእስካሁኑ ቆይታችን አብራችሁን ለነበራችሁ እንዲሁም አዲስም ለገባችሁ ታዲያሞቻችን። አላህ (ሱ ወ) ሑረል ዓይኗን በጀና ይሸልመን። አሚን ተጠናቀቀ!!! 💚 https://t.me/Golden_Speech https://t.me/Golden_Speech

ሑረል ዓይን ክፍል ሃያ ሁለት... ሑረል ዐይኗን ፍለጋ... የአንድ ት/ቤት ተማሪዎች ለትምህርታዊ ጉብኝት ዛፍ በሚበዛበት ጭር ያለ ስፍራ አቀኑ ከረጅምና እልህ አስጨራሽ ጉዞ በኃላ የፈለጉት ቦታ ደረሱ፡፡ በቡድንና በተናጥል ተፈጥሮን እያደነቁ መማር ጀመሩ ጉብኝታቸውን እንደጨረሱም አስተማሪዎች ተማሪዎቻቸውን ሰብስበው ተመለሱ፡፡ አንዲት ሊጋ ወጣት ኮረዳ ተማሪ ብቻዋን ቀርታለች እየመሸ ስለሆነ ባሱ ወደነበረበት ቦታ ሄደች፡፡ ነገር ግን ከሷ ውጪ ማንንም አላገኘችም፡፡ ሁሉም እንደሄዱ አወቀች፡፡ በዚያ ጫካ ብቻዋን መሆኗ አስጨንቋታል፡፡ በድንጋጤ ልቧ ይመታል፡፡ ከዐይኗም እንባ እንደ ጎርፍ ይወርዳል፡፡ ያላት አማራጭ ቅርብ ወደሆነው አንድ ቤት ማምራት ነበር፡፡ ከረጅም ጉዞ በኋላ ትንሽዬ ጎጆ አገኘች፡፡ ወደ በሩ በመጠጋትም አንኳኳች፡፡ በሀያዎቹ ዕድሜ መጨረሻ የሚጠጋ ወጣት በሩን ከፈተላት፡፡ ሲመለከታትም ደንግጦ አንቺ ማን ነሽ? ሲል ጠየቃት፡፡ እያለቀሰች እንዲህ በማለት መለሰች “ከአንድ ትምህርት ቤት ለትምህርታዊ ጉዞ ነበር የመጣሁት ጓደኞቼና አስተማሪዎቼ ብቻዬን ትተውኝ ሄዱ መመለሻ መንገዱንም አላውቅም” በማለት ቤቷ የሚገኝበትን አካባቢ ነገረችው፡፡ እሱም “አሁን ያለሽበት መንደር ብዙ ሰዎች የማይኖሩበት ነው፡፡ አንቺ የምትፈልጊው መንደር ከዚህ ትንሽ ራቅ ይላል መንገድ ላይ ይመሽብሽና ማደሪያ ታጫለሽ፡፡ ስለዚህ ወደ ውስጥ ግቢ፡፡ እዚህም እደሪ፡፡ ጠዋት መንገዱን አሳይሻለሁ” አላት፡፡.... ወደ አልጋውም እየጠቆማት እዚህ ላይ እደሪ እኔ መሬት ላይ እድራለሁ ብሎ እልጋውንና የቀረውን ቦታ በመጋረጃ ለሁለት ለየው (ከፈለው)፡፡ ልጅቷም እየፈራች ልጁ የሚሰራውን መከታተል ጀመረች፡፡ ሰውነቷን ጠቅላላ ዓይኗን ብቻ አስቀርታ ሸፈነች፡፡ ልጁም ኪታብ ከፍቶ ማንበብ ጀመረ፡፡ ብዙም አልቆየም ኪታቡን በፍጥነት ዘግቶ በአቅራቢያው ወደሚገኘው ሻማ ላይ አውራ ጣቱን አስቀምጦ ያቃጥለው ጀመረ፡፡ እያቀያየረና እያፈራረቀ የተቀረቱንም ጣቶቹን አቃጠለ፡፡ ልጅቱ በፍርሃት ደንግጣ ማልቀስ ጀመረች፡፡ ሰው ነው ሰይጣን ግራ ገባት እንቅልፍ በአይኗ ሳይዞር ነጋ፡፡ ጠዋት ሲነጋም እቤቷ አደረሳት፡፡ የተከሰተውን ታሪክ ለአባቷ አጫወተችው፡፡ ማመን አቃተው፡፡ ሄዶ ለማረጋገጥም ተጓዥ መስሎ ወደ ወጣቱ ልጅ አመራ መንገድ እንዲጠቁመውም ጠየቀው:: የልጁን እጅ አባት ተመለከተ፡፡ ቅዳጅ ጨርቆች ተጠምጥመውበታል፡፡ እጅህን ምን ሆነህ ነው በማለትም ጠየቀው ልጁም እንዲህ ሲል መለሰ... " ከሁለት ቀን በፊት በጣም ቆንጆ ልጅ መንገድ ጠፍቷት መጥታ ነበር፡፡ እኔ ዘንድ ባለው አልጋ ላይ ተኛች፡፡ ሸይጧንም ከሷ ጋር በሀራም እንድተኛ ይወሰውሰኝ ጀመር፡፡ እኔም ይህንን ወንጀል ላለመፈጸምና በዚህ ወንጀል ምክኒያት ከባዱን የጀሀነም እሳት ለማስታወስ ጣቶቼን አንድ በአንድ ኢቃጠልኳቸው፡፡ ጣቶቼን በዚህች ሴት ላይ ዚና ከምፈጽም መቃጠል መረጥኩ፡፡ የጀነቷን እንስት ሑረል ዐይንን በጀነት ውስጥ ከምከለከል ጣቴ እስኪከስል መንደዱን አስበለጥኩ፡፡ አባት ተገረመ፡፡ ወደ ቤቱም በእንግድነት ጋበዘው፡፡ ልጁን ሊያጋባውም አሰበ፡፡ ወጣቷ እሷ መሆኗን ሳያውቅ ሊድረው ወሰነ፡፡ በሃሳቡም ተስማማ፡፡ አንድ ለሊት ከሷ ጋር በሐራም ከማደር ህይወቱን ሙሉ በሀላል ደስተኛ የሚሆንበትን መንገድ አገኘ የተሻለውንም አላህ መረጠለት፡፡..... 💚 https://t.me/Golden_Speech https://t.me/Golden_Speech

🌹ሑረል ዓይን🌹 ~ ክፍል ሃያ አንድ ~ ይህን ወጣት አጥብቀህ ቅበርልኝ.. የአስራ ስድስት ዓመት ለጋ ወጣት ነው። ቁርአንን ሀፍዟል መስጅድ መመላለስ ያዘወትራል። ይህ ወጣት በጠና ታሞ ሞተ። አጎቱ ነበር የሚያስታምመው። የሞተው ማታ ስለነበር አጎቱ አጥቦ ለመቅበር ንጋትን እየተጠባበቀ ሳለ እንቅልፍ አሸንፎት አሸለበ። በህልሙ ውቧ እንስት ወደርሱ አቅጣጫ መጣችና እንዲህ አለቺው... በአላህ ይህን ልጅ አጥበህ ቅበርልኝ ፤ ከሞተበት ሰአት ጀምሮ እሱን መጠበቅ እንደ ፍም እሳት እየጋምኩ የምገኝ የጀነት እንስት ነኝ በአላህ ይሁንብህ ባሌን በፍጥነት አጥበህ ቅበርልኝ " ታሪኩን በአንደበቱ ይቀጥልልናል.. ከእንቅልፌ በድንጋጤ ነቃሁ ፤ የቤቱ ሽታ በመልካም ጠረን ተሞልቶ ያውዳል ፤ ጀናዛውን በመጠቢያ እንጨት ላይ ዘርግቼ ጓደኞቼን ጠርቼ መጠብ ጀመርኩ። በመሃል መብራቱ ጠፋ። ከጓደኞቼ መካከል አንዱን ፈኖስ እንዲያመጣ አዘዝኩት። ፋኖሱን ሊያመጣ ወጣ። ነገር ግን በዚያ ድቅድቅ ጨለማ ከጀናዛው አካል በሚወጣው ብርሃን ቤቱ በራ። ለማገላበጥ ሳንቸገር በቀላሉ አጥበን ጨረስን። ወደ መቃብርም አስገባነው። ፊቱ በፈገግታ ተሞልቶ የናፈቀውን ሰው ያገኝ ይመስላል። "አላህ ብርሀንን ያላደረገለት ሰው ለርሱ ብርሃን የለው" የታቢዒዩ ዱዓ ሙዕሚኖች በተሰበስቡበት ቦታ ዳመና ታልፋለች ፤ ምን ላዝንብላችሁ በማለትም ትጠይቃለች ፤ የጠየቋትንና የተመኙትን ሁሉ ታዘንባለች ፤ አላህ የዚያ ቀን ካደረሰኝ ውብ የሆኑትን ሑረል ዓይኖች አዝንቢልኝ እላታለሁ" ((ታላቁ ታቢዕይ ኻሊድ ኢብኑ ሚዕዳን) 💚 https://t.me/Golden_Speech https://t.me/Golden_Speech

🌹ሑረል ዓይን 🌹 ~ ክፍል ሃያ ~ ሰለምቴው ከሑሯ ጋር... ከእስልምናን የአስር ሰላት ወቅት ነው የተቀበለው ሻወር ከወሰደና ሸሃዳን ከያዘ በኃላ ስለ ኢስላም ለማወቅ ላፕቶፑን ከፍቶ እይልነበበ ለሊቱን አሳለፈ። በጣም ቅርብ ጓደኛሞች ነን። የሱቢህን ሶላት ሰግጄ እንደጨረስኩ ልዘይረው ወደ ቤታቸው አቀናሁ። የለቅሶ ድምፅ ይሰማል። ድንጋጤ ወረረኝ። ተብረከረኩ። ወደ ውስጥ ገባሁ። አባቱን ፊት ለፊት አገኘኃቸው ። ጓደኛዮን ምን ሆነ ስል... ጠየቅኳቸው። ጓደኛህ ሞቷል.... አሉኝ። እንዴት ብዮ ማልቀስ ጀመርኩ። ወደ ላይ ውጣና አማሞቱን እይ በማለት ያለበትን ክፍል አመላከቱኝ። በሩን ከፍቼ ስገባ ስጁድ ላይ እንደተደፋ ነበር የሞተው። ክፍት ወደ ነበረው ኮፒውተር ዓይኖቼን ስወረውር ስለ ሑረል ዓይን ቁንጅና የሚገልፅ ፁሁፍን ተመለከትኩ ለካስ ስለ ጀነቷ ፀጋ በውስጦ ለእኛ አላህ ስለ አዘጋጀልን እንስት እያነበበ ሳለ ነበር የሱብሒ ወቅት ገብቶበት እየሰገደ ስጁድ ላይ የሞተው......። 💚 https://t.me/Golden_Speech https://t.me/Golden_Speech

ሑረል ዓይን ክፍል አስራ ዘጠኝ የማይገለፀው በሰው ልጅ አንደበት ሑረል የኔ ዓለም የዉበት ሁሉ ውብ ውበት ካንቺ ዘንቦ ደርሶ ሚንጠባጠብ ዓይኖችሽ ይልቃል ከሰማይ ጨረቃ አየናት በማታ ካንች ተደብቃ ፀሐይም ከፊትሽ በሚወጣው ፀዳል አየናት ስትሸሽ ራሷን ስትከልል ፀጉርሽም ዞማ ነው ማረፊያው ከዳሌሽ በጥበብ ተሰርቷል ባትሽ ተረከዝሽ ስልክክ እንዳለ ነው ቀጭኑ አፍንጫሽ ራስን ያስታል ያ ሞንዳላ ዳሌሽ ጣቶችሽ አለንጋ ጥፍሮችሽ ስላት የማገለፀው በሰው ልጅ አንደበት.... የመእሚን ሽልማቱ... ሳቢት ኢብኑ ነዑማን ይባላል .. በጣም ተርቧል ከረሃቡም የተነሳ መላ አካላቱ ተዳክሞል። በአቅራቢያው ወዳለው አትክልት ስፍራ አመራ። ዓይኑ ወደ አንድ የፍራፍሬ ዛፍ ተመለከተ። የተንጠለጠለቺውን አንድ የፓም ፍሬ እጁን ሰዶ ቀጠፈ። ግማሹን በላና በአቅራቢያው ካለው ወራጅ ውሃ ትንሽ ተጎነጨ። የሰራው ስህተት ለአእምሮው የፀፀት ምልክቱን ሰጠ። ወዮውልሽ! ባለሀቁን ሳታስፈቅጂ ያንቺ ያልሆነን የአትክልት ፍሬ ትመገቢያለሽ እንዴ ? በማለት ነፍሱን ወቀሰ። የአትክልቱን ባለ ቤት አፈልልልጎ አግኝቶ ለተመገበው ፓም ይቅርታ መጠየቅ እንዳለበት ወሰነ። የአትክልተኛውን ቤት ፍለጋ ተንቀሳቀሰ። ብዙ ካጠያየቀ በኃላ ቤቱን አገኘው። ወደ ሰውዮ2 ቤት በር ጠጋ ብሎ አንኳኳ። ባለ አትክልቱ ገበሬም ከቤቱ ወጣ። በእጁ የያዘውን የተገመጠ ፓም ይዞ ያደረገውን ድርጊት መናገር ጀመረ። በጣም ተርቤ ስለነበር ከወንዙ ዳር ካለው የአትክልትህ ቦታ ይህንን ፓም በላሁ። ከተመገብኩ በኃላ የኔ ሐቅ አለመሆኑን አስታወስኩ ፤ ይቅርታ እንድታደርግልኝና ለሰራሁት ስህተት ተምጣጣኝ ቅጣት እንድትቀጣኝ በማለት መማጸን ጀመረ። ሰውዮውም የምልህን ካላሟላህ በስተቀር በፍጹም ይቅርታ አላደረገልህም አለው። ምንድን ነው ግዴታ ያደረግክብኝ ብሎ ጠየቀ... ዓይነ ስውር መስማት የተሳናት እንዲሁም መናገር የማትችል ልጅ አልቺኝ። እሷን እንድታገባ እፈልጋለሁ... ብሎ መለሰለት።.... የገባበትን አስቸጋሪ ጉዳይ በደንብ አጥኖት አስቦት የማይፀፅተው ውሳኔ ለማሳለፍ አሰበ። በግማሽ ፓም ምክንያት አላህ በጀሃነም እሳት ከሚያቃጥለኝና ዘላለም ከምሰቃይ ይህችን ማግባት የተሻለ ነው፤ በዚህች አጭር የዱኒያ ህይወት መቸቸገሬ ከረጅሙ የአኬራ ህይወት ስቃይ እጅግ የተሻለ ነው ሲል ከራሱ ጋር ተማርከውና ጋብቻውን ተቀብለ። የሰርጉ ቀን ሲደርስ ጋብቻውን ለመፈፀም ቤት ቀድሞ ተገኝ። እጅግ በጣም ተጨንቋል። ሃሳብ ገብቶታል። ኒካህ ከተደረገ በኃላ ወደ መሽራዋ ክፍል ገባ። ሚስቱ ከተቀመጥችበት ብድግ ብላ የአላህ ሰላም ባንተ ላይ ይሁን አለቺው። ግር ብሎታል። ተሳስቶ ይሆን? ተመለከታት! የሑረል ዓይን ሁኔታ አስታውሰ ፤ ቁንጅናዋ ተመሳሰለበት። በዝምታ ተዋጠ።.... ይህች ሴት ትናገራለች ፣ ትሰማለች ፣ ! ታያለች! ምንድን ነገሩ? ግራ ገብቶታል። እሷ ወዳለችበት ቦታ አመራ። አባቷ የተናገረውን ሁሉ አጫወታት። እርሷም.... አባቴ ያለው ሁሉ እውነት ነው አልዋሸም ፤ አትናገርም ያለህ በህይወቴ የሐራምን ንግግርን ተናግሬ ስለማላውቅ ነው፤ መስምልት አትችልም ያለህም ሃሜትም ሆነ አልባሌ ንግግርን ሰምቼ አላውቅም ፤ ዓይነስውር ናት የተባልከውም እውነት ነው ወንድን በሐራም ተመልክቼ አላውቅምና ነው.. በማለት መለሰች። አላህን በመፍራት ምክንያቱ አባቷ ለትዳር መረጠው። በተከበረው የፍቅር ህይወታቸው ውስጥ #ኢማሙ_ሀኒፋን ወለዱ.... ሰብሃን አላህ... ይቀጥላል.....

ሑረል ዓይን ~ ክፍል አስራ ስምንት . አቡ ወዳእ የሚባል ታላቁ ታቢአይ የራሱን የትዳር ታሪክ እንዲህ ሲል ያጫውተናል... በረሱል (ሰ ዐ) መስጅድ ውስጥ እውቀትን ለማግኝት የሸህ ሰዒድ ኢብኑ ሙሰይብን የእውቀት ማዕድ አዘወትር ነበር።.. አዝታዙ ዘንድ የሚማሩ ተማሪዎችም ቁጥር በርካታ ነው። ሆኖም ግን ጎበዝ ተማሪ ስለነበርኩኝ ከሌሎች የተለየ ቦታ ነበረኝ። የተወሰኑ ቀናቶችን ከኡዝታዜ የመማሪያ ስፍራ ራቅሁ። ኡዝታዜ የታመምኩብ ስለመሰለው የመኖሪያ አድራሻዮን ያፈላልግ ጀመር። ስለ እኔ ሁኔታ ቢጠይቅም ተገቢውን መልስ የሚሰጠው ማንንም አላገኘም። ስለደረሰብኝ ችግር እያጣራ ደርሱን ማስተማሩን ቀጠለ። ጉዳዩ ከፈጀው የቀናት ቆይታ ቡኃላ ወደ መማሪያ ስፍራ ሄድኩ። በደንብ ሰላምታ ተለዋወጥንና በምን ምክንያት ቀናቶችን እንደቀረሁ ለምንስ እንዳልመጣሁ ጠየቀኝ። እኔም ባለቤቴ ሞታብኝ ሀዘን ላይ መቆየቴን አብራቼ ገለጵኩለት። ከነበርንበት ቦታ ገለል አድርጎ ይዞኝ ሄደና እንዲህ ሲል ጠየቀኝ <አዲስ ሚስት ለማግባት አላሰብክምን?> እኔም .. ኡዝታዜ ለኔ ዓይነቱ የቲም ሆኖ ላደገ ፣ ደሃ ሆኖ ለኖረ ልጂን የሚድር ማን አለ?! ወላሒ አሁን ከሁለት ዲርሃም በላይ በሃብትም ሆነ ንብረት የለኝም መለስኩለት። እኔ ልጄን እድርሃለሁ በማለት ድምጱን ከፍ አድርጎ በጆሮዮ አስተጋባ።.. ታላላቅ ባለስልጣናት ልጁን ለትዳር ጠይቀውት አልሰጥም ማለቱን አውቃለሁና ይህ ቃል ከአፉ ሲወጣ ምላሴ ተኮላተፈ። ተንተባተብኩኝ። የኔን ሁኔታና ምስጢራዊ የችግር ህይወቴን ካወቅክ በኃላ ልጅህን ልትድረኝ? ሲል በተደናገጠ በተቆራረጠ ድምፅ ጠየኩት። እሱም እንዲህ ሲል መለሰልኝ "አዎ ልጄን እድርሃለሁ እኛ መስሊሞች ሃይማኖቱና ስነ ምግባሩ ያማረ ሰው ካገኘን ልጃችንን እንድራለን አንተ ደግሞ በእምነትህም ሆነ በስነ ምግባርህ ወደር የሌለህ መልክልም ሰው ነህ። ከዛም ለምስክርነት ሁለት ሰዎችን ከመስጅድ ጠራና ሁለት ዲርሃሙን መህር አድርጎ ዳረኝ። ልጅቱን ግን አላውቃትም። አላየኃትምም። በቦታው አልነበረችም። ከድንጋጤና ከደስታዮ ብዛት የተነሳ የምናገረውን እንኳን ማወቅ ተሳነኝ። ከተቀመጥኩበት ተነሳሁ። ቀኑን ፆመኛ ስለነበርኩ መስጅድ ገብቼ የመግሪብን ሶላት ሰገድኩ። ወደ ቤቴም አቀናሁ። የማፈጥርበትን ነገር ዘይትና ዳቦ ከፊት ለፊቴ አቀረብኩ። ፋኖሴን አበራሁ። ያቀረብኩትን ምግብ አንዴ ወይም ሁለቴ እንደጎረስኩ የቤቴ በር ተንኳኳ። ማን ነው? በማለት ከበሩ ኃላ የቆመውን ሰው ማንነት ለማጣራት ጠየቅኩሽ።... ሰዒድ የሚል ድምፅ ሰማሁ። በአላህ እምላለሁ ሰዒድ በሚል መጠሪያ ስም የማውቃቸውን ሰዎች ሁሉ አሰብኩ። ሰዒድ ኢብኑ ሙሰየብ ግን በልቦናዮ ውል አላለም ነበር። ምክንያቱም አርባ አመት ሙሉ ቤቱ ወይም መስጅድ እንጂ ሌላ ቦታ ታይቶ አይታወቅምና። አወለ ሰፍ እንጂ የሰውን ጀርባ እያየ ሰግዶ አያውቅምና ነው። በሩን ከፈትኩ ። ከፊት ለፊቴ ሰኢድ ኢብኑ ሙሰየብ ቆሞል። በቃ ልጁን ለኔ ዓይነቱ መናጢ ደሃ በመዳሩ ተጸጽቶ ሀሳቡን ሊቀይር ነው የመጣው ስል አሰብኩ። የመሐመድ አባት ሆይ! ሰው አትልክብኝም ያለህበት ቦታ እመጣ ነበር አልኩት። እሱም "በፍፁም ዛሬማ እኔ ራሴ አንተ ዘንድ ልመጣ ይገባል" በማለት መለሰልኝ ወደ ቤት እንዲገባ ጋበዝኩት። አይ አልገባም ባይሆን የመጣሁት ለጉዳይ ነው ልጄ የአንተ ሚስት ሆናለች እሷ አባቷ ቤት ብቻዋን አንተም በቤትህ ያለ አጫዋች ስለ እሷ እያሰብክ ብቻህን መሆናችሁን ጠልቼ ይዣት መጥቻለሁ አለና" ከጎኑ ቆማ ወደነበረችው መልከመልካም ውብ እንስት ዞሮ.. "ልጄ ሆይ!... በአላህ ስምና ረድኤት ወደ ባልሽ ቤት ግቢ በማለት ትእዛዝን ሰጣት። ከእፍረቷ የተነሳ ወደ እኔ ስትመጣ ቀሚሷ አደናቅፏት ልትወድቅ ተቃረበች። አባቷን እንኳ ሳልሰናበት ከፊት ተቀድሜ እየመራኃት ወደ ቤት ገባን። ድህነቴ ስላሳፈረኝ ዳቦና ዘይቱን ደበቅኩ። የፋኖሱን ብርሃንም አደበዘዝኩ። ጣራ ላይ ወጥቼ "ሰዒድ ልጁን ዳረኝ እቤቴ ድረስም ይዞልኝ መጣ" ብዮ ከፍ ባለ ድምጽ ጎረቤቶቼን ተጣራሁ። ከጎረቤቶቼ ሰዎች መካከል አንዲት አሮጊት እንዲህ አለች... አንተ ሰው! ለመሆኑ የምትናገረው ታውቃለህ? ሰዒድ ልጁን ድሮህ ከቶውንም ቤትህ ድረስ ይዞልህ ሊመጣ?! የእሷ ነገር እኮ እንኳን ላንተ ለደሃው የታላቁ ባለስልጣን ልጅ ወሊድ ኢብን ዓብዱል መሊክ ሽማግሌ ልኮ እምቢ የተባለበት ጉዳይ ነው እኔም አዎ ድሮኛል ከፈለጋችሁ ግቡና ተመልከቱ። ግቡ እቤቴ ናት ያለቺው ተመልከቷት እውነተኛነቴን ታረጋግጣላችሁ በማለት መልስ ሰጠሁ። ከእሷ ጋር ሳምንትን ከቆየሁ በኃላ ወደ ቀድሞው የእውቀት ገበታ ስፍራ ዒልምን ለመቋደስ ስነሳ "ቁጭ በል አባቴ ጋር ያለው እውቀት ሁሉ እኔ ጋርም አለ" በማለት በጆሮዮ ሹክ አለቺኝ። የረሱልን (ሰ ዐ ወ) ሐዲስ የሃፈዘች የጌታዋን ቃል አክባሪ የያዘቺውን እውቀት ተግባሪ አላህን ፈሪ የባሏን ሐቅ ጠባቂ መልከ መልከመልካምና እጅግ በጣም ቆንጆ እንስት ሆና አገኝኃት። ሰብሃን አላህ... ይቀጥላል....

ሑረል ዓይን ክፍል አስራ ሰባት አንተን በመጠበቅ ላይ ነኝ ================ ኡዝትልዝ ሱለይማን ዘንድ ገባሁ። ብቻውን ይስቃል ከፊቱ ላይም ደስታ ይነበባል። ምን ተገኝ ብዮ ጠየኩት። እሱም ለይል ተነስቼ እየሰገድኩ ሁለተኛ ረክኣ ስጁድ ላይ ሳለሁ እንቅልፍ ወሰደኝ ፤ በእንቅልፍ ልቤም ከፅሃይ የምታበራ እንስት በእግሯ እየሮጠች .. ወዳጄ ሆይ መላኢኮች ንቁ ሆነው ተሀጁድ የሚሰግዱትን ሰዎች እየመዘገቡ አንተ እኔን አጭተህ ትተኛለህ? የአይኔ ማረፊያ ሆይ ረጅም አመታትን (ተሞሽሬ) ተጨጉዮ አንተን በመጠበቅ ላይ ነኝ አለች። የሷ ንግግር እስከ አሁን ጆሮዮ ይመላለሳል። ጣፋጭ አንደበቶ ነው ያስባለኝ። በማለት መለሰልኝ። ሑረል ዓይን ወደ ምድር አጮልቃ ብትመለከት ፍጥረታት ሁሉ አፋቸውን ይዘው ውበቷን እያደነቁ አላህን ያጠሩ ነበር። እሷን ከማየት ውጪ ወሌላም ፈፅሞ ባልተዘነበሉ ነበር። ይቀጥላል...

ሑረል ዓይን ክፍል አስራ ስድስት ~ ለእኛ ለሴቶችስ🌹 ጀነት ውስጥ ለወንዶች ሁረል ዓይን ሚስቶች እንዳላቸው ሁሉ በዱኒያ ህይወቶ ላይ መልካም የሆነች ሚስት በአኬራ ከሑረል ዓይን በላይ ትሆናለች ጠረኖም ተፈላጊነቶም ከጀነት እንስት የበለጠ ይሆናል። በዱነያ ያላገባች ሴት ጀነት ውስጥ የምትደርስበትን የዓይን ማረፊያ የሚሆናትን ባል አላህ ይሰጣታል። አላህ የጀነት ሰዎች ድሎትና ፀጋን አስመልክቶ እንዲህ ይላል።.. በውስጧ ነፍሶች ዘውታሪዎች ናቸው ዙኽሩፍ 71 ውዷ እህቴ! የሑረል ዓይን የቁንጅና ውበት በእጥፍ ለመብለጥና በአርረህማን በአርረህማን ጀነት ውስጥ በሚደረገው የስነ ውበት ውድድር ላይ በአንደኝነት ደረጃ አማላይ ቆንጆ ለመሆን በሒጃብሽ ፣ በኢማንሽና በሀያእሽ ላይ ጠንካራ ባልሽን ታዘዚ ከአጉል ባህሪያት ራቂ። ሙአዝ ኢብኑ ጀበል (ረ ዐ) ባስተላለፉት ሐዲስ ረሰልብ(ሰ ዐ ወ) እንዲህ ብለዋል... የዱኒያ ሚስቱ ስታስቸግር በጀነት ውስጥ የተዘጋጀላት ሑረል ዓይን ሚስቱ አላህ (ሱ ወ) ያዋርድሽ አታስቸግሪው አንቺ ጋር። በእንግድነት ነው የመጣው የሚለይሽም ቀን ቅርብ ነው። በማለት ትረገማለች። [ቡኻሪ ዘግበውታል] ሑረል ዓይን በምድር ባህር ላይ አንዴ ብትተ የባህሩ ጨውነት ጠፍቶ ወደ ጥፍጥና በተለወጠ ነበር። ስትጠጋ ውበቷ ከሰባ እጥፍ በላይ ይጨምራል። 💚 ይቀጥላል

ሑረል = ዓይን ክፍል አስራ አምስት ለአላህ ብሎ የተወ ምርጡን ይተካዋል መሐመድ ኢብኑ ዓብዱልባቂ ስለአጋጣሚው አንድ ክስተት በራሱ አንደበት እንዲህ ሲል ይተርክልናል። ‹የአላህ ጥበቃ በማይለያት መካ አቅራቢያ እኖር ነበር። ከእለታት በአንደኛው ቀን ከባድ የሆነ ረሃብ አጋጠመኝ። ርሃቤን የሚመክትልኝ ፣ ጉሮሮዮን የሚደፍንልኝ አንድ ጉርሻ ግን አላየሁም። ቤት ተቀምጬ አንጀቴ ከሚላወስ ወደ ውጪ ወጥቼ ብዟዟር አንዳች ነገር አገኝ ይሆናል ብዮ በማሰብ ከቤት ወጣሁ። በመንገድ ላይ ሳለሁ በሀር ጨርቅ የተጠቀለለ በውስጡም ጠጣር ነገርን ያቀፈ ከረጢት በማግኘቴ ደስ አለኝ። ወደ ኪሴ ከትቼ ምን ሊሆን ይችላል ብዮ እያሰላሰልኩ ከቤቴ ደጃፍ ደርስኩ። በሩን ከፍቼ ወደ ውስጥ ገባሁ ቋጠሮውን ፈታሁ በውስጡ አይቼ የማላውቀው በጣም ውድና እንቁ ነበር። ርሃብ ስላሽመደምደኝ እና ስላዳከመኝ ከፊሉን ሸጬ በማገኛው ገንዘብ ምግብ ለመግዛት አስቤ ከቤት ወጣሁ። መንገዴን ይዤ ሽቅብ በመጎዝ ላይ ሳለሁ አንድ እድሜው የገፋ አዛውንት ድምፅ ከፍ አድርጎ እንዲህ ሲል ሰማሁት። የሀር ጨርቅ ቆጠሮ ላገኝና ለምለሰልኝ አምስት መቶ ዲናር ለውለታው እከፍላለሁ በእጁም ከጨርቅ የተሰራ የገንዘብ መያዣ ከረጢት ይዞል ንግግሩን እንደሰማሁ ለነፍሴ እንዲህ አልኮት. ርቦኛል ግን ብሩን ተቀብዮ እንቁውን ብመልስ ተጠቃሚ ነኝ ግን።ብሩንስ ለምን እቀበለዋለዋለሁ ለምን ለአላህ ብዮ አልመልስለትም በማለት አስብኩኝ ። ይዤው ወደ ቤቱ ሄድኩ የቆጠሮውን ክር አይነት የጨርቁን ቀለም የእንቁውን ልዩ ምልክት ጠይቄው መለስኩለት እሱም አምስት መቶ ዲናር ሊሰጠኝ እጁን ዘረጋ እኔ ግን የሰራሁት ለአላህ ስል ነው ብር አልፈልግም ። ወረታን አልፈልግም አልኩት ቢያስጨንቀኝም አልቀበልም ብዮ በአቆሜ ፀናሁ። ከአመታት ቡሃላ ከመካ ወጥቼ በመርከብ ጉዞ ማድረግ ጀመርኩ። መሃል ምንገድ ላይ መርከቦ ተሰበረችና ሰዎች ሰጠሙ ብዙ ገንዘብ ወደመ። እኔም በአንድ መርከብ ስባሪ እንጨት ላይ ተንጠልጥዮ ወዴት እንደሚወስኝ ሳላውቅ ጉዞን ተያያዝኩ። በባህር ውስጥም ለትንሽ ግዜ ያህል ከቆየሁ ቡሃላ ንፋስ እያወዛወዘ ወደ አንድ መንደር ወስዶ ጣለኝ። በአንድ መስጅድ ውስጥ ገብቼ ቁርአንን በመቅራት ላይ ሳለሁ አንድ ግርማ ሞገስ ያለው ወጣት ጠጋ ብሎ ቁርአንን እንዳስቀራው ጠየቀኝ። አስተምሬው እንደጨርስኩኝ የተለያየ ይዘት ያላቸውን ፁሁፎች ከመደርደሪያ ላይ አንስቼ ማንበብ ጀመርኩ። ወጣቱ መፅፕፍ እንደምችል ጠይቆኝ ፁሁፍ መለማመድ ጀመርኩ ብዙ አባቶች ልጆቻቸውን።እንዳስተምርላቸው ወደኔ።መምጣት ጀመሩ ጠቀም ያለም ስጦታም ይመጣልኝ ይዞል. ከወራት ቡሃላ ከማስተምራቸው ሰዎች አንዱ ጠጋ በማለት ሲል ሃሳብ አቀረበልኝ። እኛ ዘንድ የቲም ቆንጅዮ ልጃገረድ አለች። ከዱኒያ ጥቅማ ጥቅም በውርስ የያዘቺው ከበቂ በላይ ገንዘብ አላት ልናጋባህ ወስነናል ተቀበለን እኔም እሽታዮን ገለፅኩላቸው የጋብቻ ቀናችን ተቃርቦ አስተካክለውና ሞሽረው ከጨረሱ ቡሃላ ይዘዋት መጡ። በጣም ተይዛና ተውባ ነበር። ከሶ ውበት ይልቅ አንገቶ ላይ የተንጠለጠለው እንቁ ትኩረቱን ሳበው። ሰዎቹም ታዝበውኝ ኖሮ ወደኔ ተጠግተው እይታህ ሙሉ በሙለ ከእሶ ይልቅ በአንገቶ ላይ ባጠለቀቺው ውድ ጌጥ ላይ ነው። ቀልቦ ተጠንቀቅላት እንጂ በማለት ተናገሩኝ። እኔም የዚያን ቀን እንቁ ታሪክ አጫወትኮቸው ደስታቸው እጥፍ ድርብ ሆነ ከመሃከላቸው አንዱም ድምፁን ከፍ አድርጎ የዚህ እንእቁ ባለቤት እንዲህ ይል ነበር። በዱኒያ ላይ ይህን ጌጥ ከመለሰልኝ ሰው የበለጠ እውነተኛ አላህን የሚፈራ ሙስሊም እስካሁን አላጋጠመኝም። ጌታዮ ሆይ አገናኝንና ልድጄን ልዳረው እያለ አላህን በተደጋሙሚ ሲለምን ሰምቼዋለሁ በማለት በደስታና ፈንጥዚያ ጋብቻው እንዲጠናቀቅ አደረገ። ለአላህ ብሎ አንድን ነገር የተወ የተሻለውን በላጩን አላህ ይተካዋል። ውዱ ነብዩ መሃመድ (ሰ ዐ ወ) ይቀጥላል......