📚 ကဗျာ​လေဟာနယ်နှင့် ကလောင်ပျို ကဗျာများ💕✍

ဒိုင်ယာရီလေးထဲ ကြွေဆင်းရတော့မယ့် ကျနော့် ကဗျာလေးတွေဟာ အရမ်းကို လှပနေခဲ့တယ် ကျနော့်အတွက် ကြားသမျှ တေးတွေ ချိုသာတယ် သူ့ခြေလှမ်းလေး လှမ်းတာက အစ မျက်လုံးလေး ပင့်ကြည့်တာအဆုံး ရုန်းမရအောင် ညှိ့ငင်လွန်းခဲ့တယ် သူတချက် ပြုံးလိုက်တိုင်း စံပယ်တွေဟာ တဖြုတ်ဖြုတ်ကြွေတယ်။ ဘယ်သူတွေ ဘယ်လောက်လှလှ သူ့လိုတော့ ကမ္ဘာတုန်အောင် မလှပါဘူးပေါ့ ကျနော့်မေတ္တာမိုး ကျနော်ကိုယ်တိုင်ပဲ ရွာချရတော့မယ် ချစ်တယ်လို့ တိုးတိုးဖွဖွလေး ပြောပြဖို့ရာ အားအင်တွေ ဆုတ်ယုတ်သလိုပါပဲ စိုးစိတ်ဝေ့ဝဲနေတဲ့ လေပြေလေညှင်းထဲ ညနေလေးက မှော်ဆန်လွန်းလှတယ် မင်းကို မြင်လိုက်တိုင်း ငြိမ်ငြိမ်ဆိတ်ဆိတ်လေး ကမ္ဘာကြီးက ဘယ်လိုလည်နေလဲ ငေးမိတယ် ။ ခြေလှမ်းတွေရဲ့ နေဝင် ဆည်းဆာဟာ တိမ်ရောင် ဖြာတော့မလား အံ့သြစရာတွေနဲ့ ဘဝဟာ မှော်ဆန်လွန်းလှတဲ့ နေ့ရက်တွေကို သယ်ဆောင်လာခဲ့တယ် ရင်ခုန်သံကြိမ်နှုန်းခြင်း ထပ်တူကျတဲ့အခါ ကမ္ဘာမြေဟာ ပိုလှပလွန်းရဲ့။ မန်းတလေးရဲ့ လမ်းမတွေဟာလည်း အရင်ထက် ပိုပြီး လင်းကျယ်လာသလိုပဲ ကျနော့် စိတ်အစွဲနဲ့ ကျနော့် စိတ္တဇလို့ပဲ ထင်ချင်ထင်ပေါ့ ကောင်းကင်ကို မော့ကြည့်လို့ ကြယ်လေးတပွင့် ရင်ခွင်ထဲ ကြွေဆင်းလာတဲ့ ညမျိုးမှာ ခဗျားတို့ ပျော်ရွှင်စွာ ဆုတောင်းခဲ့ဘူးလား အပျော် ကပိုကရိုနဲ့ ကျနော့်လွင်ပြင်က စိမ်းစိုလာခဲ့ပါပြီ စကားတီးတိုးလေပြေ ရနံ့တွေ ပျော်ပျော်လွန်လွန် ကခုန်လို့ ကျနော်တို့ဟာ ၂ကမ္ဘာထဲ ပေါင်းထားတဲ့ စကြ်ာဝဠာ လက်သန်းချင်း ချိတ်တွယ်ထားတဲ့ စိတ်မှာ ကျနော် အိပ်ရာမထချင်တော့ဘူး...။ # မုဒြာ

လေတိုးသံတောင် မင်းစကားသံလို့ ထင်နေတဲ့နေ့တွေမှာ မူတ်ထုတ်လိုက်တဲ့ ဆေးလိပ်ငွေ့တွေဟာ မင်းပုံရိပ်ဖြစ်နေတာတော့ မထူးစမ်းတော့ပါဘူး # မယ်ညို

ကိုယ့်နံရိုးလေးကိုတော့ တွေ့ခဲ့ပါရဲ့ တစ်ပါးသူရင်ခွင်ထဲမှာမို့ နူတ်မဆက်ဖြစ်ဘူး ဖန်ဆင်းရှင်ဟာ နမော်နမဲ့နိုင်လွန်းတယ်။ သောတပန်မဖြစ်ရင် စုန်းမဖြစ်ချင်တယ်။ ပြုစားပစ်မယ် မေမေရယ်။ သမီးဒီလောကကို မချစ်ဘူး။ -စောနန္ဒာခိုင်