MIGRATIONuzkr

Tashqi mehnat migratsiyasi agentligining Koreya Respublikasidagi vakolatxonasi tomonidan E-9 vizasi asosida mehnat faoliyatini olib borayotgan yurtdoshlarimiz bilan sayyor uchrashuvlar tashkil etilmoqda Xususan, Kyongi-do provinsiyasida joylashgan "Taewon Concrete" hamda Chollanam-do provinsiyasidagi "Beugoeul Heavy Industries Co., Ltd." tashkilotlarida mehnat faoliyatini amalga oshirayotgan fuqarolarimizning ish va yashash sharoitlari yuzasidan monitoring tadbirlari o’tkazildi. Monitoring davomida aniqlangan kamchiliklarni tashkilot mas'ullari bilan o'zaro muzokaralar orqali bartaraf etishga kelishib olindi. Shuningdek, ish beruvchi tashkilot mutasaddilari o'zbekistonlik fuqarolarning mehnatlarini qadrlab, ular bilan ish faoliyatini davom ettirishdan mamnun ekanliklarini bildirdi. Kanalga obuna bo'lish uchun: Telegram | Facebook | Instagram

Tashqi mehnat migratsiyasi agentligi xodimlari tomonidan Koreya Respublikasidagi fuqarolarimizning ish va yashash sharoitlari yuzasidan monitoring o'tkazildi Kyongi-do provinsiyasining Paju shahrida joylashgan "G-pro GNT Co., Ltd" elektr quvvatlagichlar ishlab chiqaruvchi tashkilotida mehnat faoliyatini olib borayotgan fuqarolarimiz va ish beruvchi bilan sayyor uchrashuv tashkil etildi. Monitoring davomida fuqarolarimizning ish va yashash sharoitlari bo’yicha e’tirozlari yo’qligi, ish beruvchi tomonidan oylik maoshlari o’z vaqtida berib kelinayotganligi ma’lum bo’ldi. Ish beruvchi tomonidan, yaratilgan sharoitlarga qaramay, ayrim mehnat migrantlari asossiz ravishda, mehnat shartnomalarini bekor qilishni talab qilayotganligi qayd etildi. Monitoring yakunida fuqarolarimiz bilan profilaktik suhbat o’tkazilib, bir ish beruvchi bilan tartibli mehnat munosabatlarida bo’lishning afzalliklari tushuntirildi. Kanalga obuna bo'lish uchun: Telegram | Facebook | Instagram

Bugun, Tashqi mehnat migratsiyasi agentligi orqali E-9 vizasi asosida 96 nafar yurtdoshlarimiz Koreya Respublikasiga kirib keldi Hamyurtlarimiz Inchon aeroportida Tashqi mehnat migratsiyasi agentligining mazkur davlatdagi vakolatxonasi hamda Koreya Inson resurslarini rivojlantirish xizmati vakillari tomonidan kutib olindi. Vakolatxona jamoasi vatandoshlarimizning Koreya davlatidagi kelgusi faoliyatida omad tilaydi! Kanalga obuna bo'lish uchun: Telegram | Facebook | Instagram

Koreya Respublikasiga joriy yilning oktyabr oyida E-9 vizasi asosida kirib kelib, mehnat faoliyatini amalga oshirayotgan bir guruh fuqarolarimizning ish va yashash sharoitlari o’rganildi O'zbekiston Respublikasining mazkur davlatdagi elchixonasi hamda Tashqi mehnat migratsiyasi agentligining vakolatxonasi vakillari tomonidan Kyongi-do provinsiyasida joylashgan "WooRi Door" tashkilotida sayyor uchrashuv tashkil etildi. Monitoring natijalariga ko'ra ushbu tashkilotda ish va yashash uchun qulayliklar yaratilganligi va fuqarolarimiz tartibli ravishda mehnat faoliyatini olib borayotgani ma’lum bo’ldi. Tashkilot ish boshqaruvchisi o’zbekistonlik ishchilar haqida ijobiy fikrda ekanligini ta’kidladi. Shu bilan birga, fuqarolarimizga mazkur davlat qonunchiligiga qat’iy rioya qilgan holda, ish joyini o’zgartirmasdan faoliyat yuritishning afzalliklari tushuntirildi. Kanalga obuna bo'lish uchun: Telegram | Facebook | Instagram

Mamlakatimizning Koreya Respublikasidagi elchixonasi hamda Tashqi mehnat migratsiyasi agentligining mazkur davlatdagi vakolatxonasi tomonidan Chinju va Chonju shaharlarida vatandoshlarimiz bilan sayyor uchrashuv tashkil etildi Uchrashuv davomida fuqarolarga mamlakatimizda siyosiy, iqtisodiy, ijtimoiy hamda tadbirkorlikni qo'llab-quvvatlashga doir olib borilayotgan keng ko'lamli ijobiy ishlar haqida ma'lumotlar berildi. Shuningdek, vatandoshlarimiz tomonidan Koreya Respublikasida sodir bo'layotgan salbiy holatlar va uni oldini olish bo'yicha ma'lumot va tavsiyalar berildi. Tashqi mehnat migratsiyasi agentligining Koreya Respublikasidagi vakolatxonasi tomonidan shartnoma asosida ishlayotgan ishchilarimizning muammolarini o'rganish, yangi tartib qoidalar va boshqa masalalar bo'yicha maslahatlar berildi. Kanalga obuna bo'lish uchun: Telegram | Facebook | Instagram

Президент Шавкат Мирзиёев Сеул шаҳри марказида юз берган фожиа оқибатида кўплаб инсонлар ҳалок бўлгани муносабати билан Корея Республикаси Президенти Юн Сок Ёлга таъзия йўллади. Давлатимиз раҳбари қурбон бўлганларнинг оила аъзолари ва яқинларига ҳамдардлик билдирди, жароҳат олганлар тез фурсатда соғайиб кетишларини тилади. — Президент Шавкат Мирзиёев направил соболезнования Президенту Республики Корея Юн Сок Ёлю в связи с многочисленными человеческими жертвами в результате трагического происшествия в центре города Сеула. Глава нашего государства выразил слова сочувствия и поддержки родным и близким погибших, пожелал скорейшего выздоровления пострадавшим. Facebook|Instagram|Twitter

Жанубий Кореяда ишлаб, Ўзбекистонга қайтган фуқаролар диққатига! Корея Республикасида шартнома асосида меҳнат фаолиятини муваффақиятли тугатиб, Ўзбекистонга қайтган фуқаролар учун махсус тест имтиҳони 2022 йил 31 октябрдан 4 ноябргача бўлиб ўтади. 👉 Манзил: Тошкент шаҳри Яшнобод тумани Паркент кўчаси 331-уй, “Ишга марҳамат” мономаркази биноси. 👉 Номзодлар рўйхати 🔻 Ахборот каналларимизни кузатиб боринг Telegram | Facebook | Youtube | Veb-sayt

Mamlakatimizning Koreya Respublikasidagi elchixonasi hamda Tashqi mehnat migratsiyasi agentligining mazkur davlatdagi vakolatxonasi tomonidan fuqarolarimizning ish va yashash sharoitlari yuzasidan monitoring tadbirlari olib borilmoqda Xususan, "HWANGGUM TECHNOLOGY" elektr jihozlari ishlab chiqarish korxonasida E-9 vizasi asosida mehnat faoliyatini olib borayotgan yurtdoshlarimizning ish va yashash sharoitlari bilan yaqindan tanishildi. Monitoring davomida mazkur korxona xavfsizlik talablariga javob berishi, yotoq va taomlanish joylari toza va ozoda ekanligi aniqlandi. Fuqarolarimizning so'zlariga ko'ra, ishlash va yashash uchun barcha sharoitlar mavjud. Mazkur tashkilotdagi fuqarolarimiz joriy yilning oktyabr oyida Koreya Respublikasiga E-9 ishchi vizasi asosida kirib kelgan bo’lib, qisqa muddat ichida ish beruvchi bilan iliq munosabatlar o’rnatganliklari ma’lum bo’ldi. Kanalga obuna bo'lish uchun: Telegram | Facebook | Instagram

DIQQAT E'LON! O'zbekistonning Koreya Respublikasidagi elchixonasi hamda Tashqi mehnat migratsiyasi agentligining Kvanju shahridagi vakolatxonasi tomonidan sayyor uchrashuv tashkil etilmoqda! Barcha yurtdoshlarimizni Koreya Respublikasining Chonju hamda Chinju shaharlarida bo'lib o'tadigan uchrashuvga taklif qilamiz. Uchrashuv davomida o'zingizni qiziqtirgan savollarga mas'ul vakillar tomonidan javob olishingiz mumkin. Kanalga obuna bo'lish uchun: Telegram | Facebook | Instagram

Юртимиздаги "Ишга марҳамат" мономарказларида фаолият юритаётган 10 нафар ўқитувчи учун Корея Республикасида ташкил этилган малака ошириш курсларининг очилиш маросими бўлиб ўтди Мазкур дастур давомида ўзбекистонлик ўқитувчилар Кванджу шаҳридаги “Хонам” касб-ҳунар коллежида ташкил этилган малака ошириш курсларида 3 ҳафта давомида қатнашиб билим ва кўникмаларини мустаҳкамлаш орқали хорижий тажрибани ўрганишлари режалаштирилган. Тадбирда мазкур коллеж раҳбарияти ва Ташқи меҳнат миграцияси агентлигининг Корея Республикасидаги ваколатхонаси вакиллари иштирок этдилар. Тадбир якунида малакали кадрларни қайта тайёрлаш юзасидан ишлар кўламини кенгайтириш ҳар икки томон учун ҳам манфаафтли эканлигини алоҳида таъкидлади. Каналга обуна бўлиш: Telegram | Facebook | Instagram

Юртимиздаги "Ишга марҳамат" мономарказларида фаолият юритаётган 10 нафар ўқитувчи Корея Республикаси Меҳнат вазирлиги томонидан ташкил этилган малака ошириш курсларига жўнаб кетди. Улар уч ҳафта мобайнида техник хизмат кўрсатиш ва ишлаб чиқариш соҳаларига оид билим ва кўникмаларини мустаҳкамлайди, хорижий тажрибани ўрганади. Мазкур турдаги ўқув курслари илк бор ташкил этилмоқда. 🔻 Ахборот каналларимизни кузатиб боринг Telegram | Facebook | Youtube | Veb-sayt

Бугун, Ташқи меҳнат миграцияси агентлиги орқали Е-9 визаси асосида 100 нафарга яқин ватандошларимиз Корея Республикасига етиб келди Ҳамюртларимиз, Инчон аэропортида Ташқи меҳнат миграцияси агентлигининг мазкур давлатдаги ваколатхонаси ҳамда Корея Инсон ресурсларини ривожлантириш хизмати вакиллари томонидан кутиб олинди. Ваколатхона жамоаси ватандошларимизнинг келгуси фаолиятида омад тилайди ва қонуний тартибли меҳнат олиб боришга чақиради! Каналга обуна бўлиш: Telegram | Facebook | Instagram

Жанубий Кореяда ишлаб, Ўзбекистонга қайтган фуқаролар диққатига! Корея Республикасида шартнома асосида меҳнат фаолиятини муваффақиятли тугатиб, Ўзбекистонга қайтган фуқаролар учун Инсон ресурсларини ривожлантириш хизмати томонидан берилган рўйхатга асосан махсус тест имтиҳони 2022 йил 31 октябрдан 4 ноябргача бўлиб ўтиши режалаштирилмоқда. Имтиҳон бўлиб ўтадиган манзил: Тошкент шаҳри Яшнобод тумани Паркент кўчаси 331-уй, “Ишга марҳамат” мономаркази биноси. Имтиҳонда қатнашувчи фуқаролар рўйхати 2022 йил 26 октябрь куни қўшимча равишда ҳавола қилинади. Имтиҳонга кириш талаб этиладиган ҳужжатлар ва маълумотлар: 1. Фуқаролик ва хорижга чиқиш паспорти; 2. 3,5 х 4,5 ҳажмдаги оқ фонли сифатли рангли сурат (2-дона); 3. 28 АҚШ доллари тўлангани тўғрисидаги квитанция. Эслатма! 1. Фуқаролик ҳамда хорижга чиқиш паспортини олиб келмаган, белгиланган сана ва вақтидан кеч қолганлар имтиҳонга киритилмайди. 2. Имтиҳонга белгиланган вақтдан 1 соат олдин кўрсатилган манзилга етиб келиш ва рўйхатдан ўтиш лозим. 3. Инсон ресурсларини ривожлантириш хизмати шартларига кўра, такрор ёки қайта аппеляция тест имтиҳонлари ўтазилмайди. 4. Имтиҳонда электрон воситалардан (мобил телефон, электрон соат, шпаргалка ва ҳоказо) фойдаланиш қатъиян ман этилади. 5. Инсон ресурсларини ривожлантириш хизмати талабларига мувофиқ қоидаларни бузган фуқаролар 3 йил давомида тест имтиҳонларида қатнашиш имкониятидан маҳрум бўлади. Махсус тест имтиҳони Корея давлати вакиллари иштирокида ўтказилаётганини эътиборга олган ҳолда белгиланган тартибга тўлиқ риоя қилган ҳолда иштирок этиш сўралади. Ташқи меҳнат миграцияси агентлиги тест имтиҳонларидан муваффақиятли ўтган фуқароларни Корея Республикасида меҳнат фаолиятини амалга оширишларини кафолатламаслигини маълум қилади. 🔻 Ахборот каналларимизни кузатиб боринг Telegram | Facebook | Youtube | Veb-sayt

Корея Республикасида Е-9 визаси асосида меҳнат фаолиятини амалга ошираётган фуқаролармиз иш ва яшаш шароитлари юзасидан доимий мониторинглар ўтказилмоқда Хусусан, Ташқи меҳнат миграцияси агентлигининг мазкур давлатдаги ваколатхонаси вакиллари томонидан Пусан шаҳрида жойлашган "MCM" ҳамда "Dada Industrial Co., Ltd." ташкилотларида меҳнат фаолиятини олиб бораётган юртдошларимизнинг иш ва яшаш шароитлари ўрганилди. Мазкур ташкилотларда 15 нафар ўзбекистонлик фуқаролар иш фаолиятини амалга ошираётган бўлиб, улардан 8 нафари Корея Республикасига жорий йилда кириб келган. Иш берувчи юртдошларимиз ҳақида илиқ фикр билдириб, корейс тилини мукаммал ўрганишга эътибор бериш кераклигини алоҳида таъкидлади. Каналга обуна бўлиш: Telegram | Facebook | Instagram

Корея Инсон ресурсларини ривожлантириш хизмати (HRD Korea) билан ҳамкорликда Кванджу шаҳрида Е-9 визаси асосида меҳнат фаолиятини амалга ошираётган ўзбекистонлик фуқаролар учун семинар ташкил этилди Семинар давомида бир иш берувчи билан узоқ муддатли меҳнат муносабатларида бўлишнинг афзалликлари, Корея Республикасида нолегал ҳолатда қолиб кетишнинг салбий оқибатлари каби мавзуларда тақдимотлар бўлиб ўтди. Ташқи меҳнат миграцияси агентлигининг мазкур давлатдаги ваколатхонаси раҳбари юртдошларимизга Ваколатхона фаолияти ва унинг вазифалари ҳақида маълумот берди. Тадбир якунида фуқароларимизни қизиқтирган саволларга жавоб берилди ва ташкилотчилар томонидан юртдошларимизга эсдалик совғалари топширилди. Каналга обуна бўлиш: Telegram | Facebook | Instagram

Бугун, Е-9 визаси асосида юртдошларимиздан иборат навбатдаги гуруҳ Корея Республикасига кириб келди Инчон аэропортида Ташқи меҳнат миграцияси агентлигининг мазкур давлатдаги ваколатхонаси ҳамда Корея Инсон ресурсларини ривожлантириш хизмати вакиллари томонидан кутиб олинди ва тиббий кўрик ўташ манзилларига кузатиб қўйилди. Ташқи меҳнат миграцияси агентлигининг Корея Республикасидаги ваколатхонаси ҳамюртларимизга келгуси фаолиятларида зафарлар тилайди! Каналга обуна бўлиш: Telegram | Facebook | Instagram

Чолланам-до провинциясида жойлашган "Moodeung Fire Door" эшиклар ишлаб чиқарувчи корхонасида меҳнат фаолиятини олиб бораётган фуқароларимизнинг иш ва яшаш шароитлари ўрганилди Ташқи меҳнат миграцияси агентлигининг мазкур давлатдаги ваколатхонаси вакиллари томонидан юртдошларимиз билан сайёр учрашув ташкил этилди. Ташкилот иш юритувчиси ватандошларимиз меҳнат фаолияти ҳақида илиқ фикр билдириб, ишчиларимиз корейс тилини мукаммал ўрганишга урғу беришлари кераклигини алоҳида таъкидлади. Ушбу фуқароларга корейс тилини қисқа муддатларда мукаммал ўрганишлари учун Ваколатхона томонидан ўқув қўлланмалар топширилди. Шу билан бирга, мониторинг давомида фуқароларимизга қонуний ва бир иш берувчи билан узоқ муддатли меҳнат муносабатларида бўлиш, мазкур иш турини мукаммал ўрганиб, орттирган билим ва тажрибаларини келажакда Ўзбекистонда қўллаш имкониятлари мавжудлиги тушунтирилди. Каналга обуна бўлиш: Telegram | Facebook | Instagram

ДИҚҚАТ ЭЪЛОН! Ташқи меҳнат миграцияси агентлигининг Корея Республикасидаги ваколатхонаси ҳамда Корея Инсон ресурсларини ривожлантириш хизмати (HRD) томонидан семинар-тренинг ташкил этилмоқда Мазкур семинар-тренинг давомида, Сиз, қуйидаги масалалар бўйича батафсил маълумот олишингиз мумкин бўлади: -13 ойлик олиш тартиби; -суғурта пулларини қайтариб олиш; -Ўзбекистон Республикасида бизнесни ривожлантириш учун яратилган шароитлар. Семинар-тренинг якунида қатнашувчилар ўзларини қизиқтирган саволларга жавоб олишлари мумкин. Тадбир якунида қатнашувчиларга ташкилотчилар томонидан тайёрланган совғалар улашилади. Тадбир вақти: 19 Октябрь (Чоршанба) 19:00 – 20:00 Манзил: Катта Кванджу шаҳри Чет эллик ишчиларни қўллаб-қувватлаш маркази (Вигук-центр) 광주 광산구 풍영로145번길 82 Маълумот учун: 010-4837-1988 Каналга обуна бўлиш: Telegram | Facebook | Instagram

Корея Инсон ресурсларини ривожлантириш хизмати (HRDK) вакиллари билан учрашув ташкил этилди Ташқи меҳнат миграцияси агентлигининг ходимлари Корея Инсон ресурсларини ривожлантириш хизмати (HRDK) ташкилотининг Инчон аэропортидаги Чет эллик ишчиларни қабул қилиш бўлимининг ўзбекистонлик ишчилар учун масъул ходими билан учрашди. Учрашув давомида СПАС электрон базасида мавжуд камчиликлар, номзодларнинг маълумотларини тасдиқлашдаги саволлар бевосита муҳокама қилинди. Шу билан бирга, корейс томони ўзбекистонлик Е-9 виза эгаларини Корея Республикасига кириб келишида, ташкилий ва тартибли кутиб олишда Агентликнинг мазкур давлатдаги ваколатхонаси вакилларига яқиндан ҳамкорлик учун ташаккур билдирди. Каналга обуна бўлиш: Telegram | Facebook | Instagram

Корея Республикасида Е-9 визаси асосида иш фаолиятини бошлаётган фуқароларимиз ва уларнинг иш берувчилари билан учрашув ташкил этилди Ташқи меҳнат миграцияси агентлигининг Корея Республикасидаги ваколатхонаси вакиллари иш берувчи ташкилот масъуллари ҳамда фуқаролар билан учрашди. Учрашув давомида икки давлат ўртасидаги меҳнат миграцияси жараёнлари, ишчиларнинг қисқа муддатларда кириб келиши ва Ваколатхона томонидан меҳнат мигрантларини қўллаб-қувватлашда амалга оширилаётган ишлар ҳақида атрофлича маълумотлар берилди. Шу билан бирга, фуқароларга қонуний тарзда бир иш берувчи билан иш жойини ўзгартирмасдан узоқ муддатли меҳнат муносабатларида бўлиш келажакда ватандошларимиз учун ажратиладиган квотани ошишида муҳим ўрин эгаллаши тушунтирилди. Каналга обуна бўлиш: Telegram | Facebook | Instagram