مالي وطن في نجد الا وطنها، روايات

تدفيهم كلها غرقت بالمويه الله يكون بالعون حتى البقاله معظم المواد فسدت من المويه ما لقيت شيء اشتريه لو رجعنا للمدينه كان احسن يمه أم منيره : الحمد لله على كل حال قلت لك من قبل خلينا نرجع للمدينه بس انت عارضت منيره : بعد اليوم اقتنعت وخلاص ابغى ارجع وابحث عن شغل ونعيش هناك احسن من هنا أم منيره هزت راسها :،وأنا اقول كذا خلال هذا الاسبوع نرجع بس اصبري يتحسن الجو والطريق منيره : على خير اقتربت من فراش ريم وحطت يدها على جبينها وناظرت انفها الاحمر وعلامات الارهاق والتعب عليها : حرارتها مرتفعه بعدها بس اخف من الصبح ام منيره : غطيها كويس لا تبرد وان شاء الله رح تخف درجه الحراره غطتها كويس وناظرت روعه نايمه قريب من ريم ومستغرقه بالنوح ما زالت الاجواء بارده ناظرت من الشباك حطت يدها على جبهتها تتحسس حرارتها خفيفه أخف من البارحة بس الزكام متعبها قررت ترجع مع ام منيره للمدينه ما رح تبقى هنا لوحدها قلبها يتقطو ويتمزق لما كانت تبكي روعه تبغى بسكوته والبقاله بضاعتها فسدت ومنيره راحت ما لقت شيء الناس اخذت كل شيء الصالح والفاسد من الجوع واليوم رجعت ام منيره من المزرعه ووجهها مخطوف كل الزرع مضروب من البرد ومن البرده والسيول حطت يدها على حلقها تتحسسه بيديها النحيلات بلعت ريقها بصعوبه وهي تحس اللوزتين منتفخات رددت بصوت هامس مبحوح من الزكام «اعوذ بالله وقدرته من شر ما اجد واحاذر » دخلت منيره الغرفه التفتت لها وابتسمت لها بامتنان بعد ما غسلت ملابس روعه ونشرتهم كلمت منيره بصوتها المبحوح : يعطيك العافيه منيره بابتسامة : هو بالله اسكت وصارت تقلد صوتها بح م مج مج تقول شايب على حفة قبره وقاعد يتكلم ابتسمت ريم بنفس الصوت :،شايب بعينك كشت عليها منيره وتوجهت تكمل شغلها في اليوم الثاني دخلت منيره ومعها روعه وبيدها اغراض حطت الاغراض تحت نظرات ريم وام منيره المستغربه منيره بفرحه : ما تدرون ؟؟ وصلت المعونات للقريه بعد السيول للي اصابت اغلب البيوت وقفت أم منيره و استبشر وجهها : الله يبشرك بالخير خليني اروح ألحق وأخذ معونه البيت فاضي ما فيه شيء طلعت ام منيره وركضت روعه عند ريم وهي تضحك وبيدها بسكوته : ماما سوفي حست ريم بالضيق ما تبغى ابنتها تتعود على المعونه والصدقه من الناس بعد هذا الموقف رح تطلب من ام منيره يرجعون باكر رح تبحث عن شغل وما تبغى مساعده من احد رفعت نظرها للمنيره للي تكلمها : بسرعه يا ريم روحي خذي معونه ريم ونفسها رافضه تأخذ معونه من احد ما تعودت تأخذ صدقه من احد غمضت عيونها للحظات بألم للحال للي وصلت له :،ما ابغى اروح فاطعتها منيره : ليه يا غبية؟؟ ما فيها شيع وبعدين اذا انت ما تبغين بكيفك بس حق روعه ما يطلع لك تحريمها لها حق بالمعونه روحي خذيها ما يطلع لك ترفضين وبعدين شوفي وضعنا كيف هذي روعه ما تتحمل الجوع ولا تفهم شفت كيف بكت البارحه تبغى بسكوت ما فهمت وش يعني ما فيه ريم قاطعتها : خلاص باكر نرجع للمدينة منيره باستهزاء : لا يا شيخة اول ما تروحين دح تلاقين شغل ؟ حسابك شهر ما تلاقين شغل من وين رح تصرفين على روعه اقول قومي شوفي المعونه وجيبي لروعه شوفيها كيف مبسوطة بالبسكوته ناظرت ريم روعه تأكل من البسكويت ومبسوطه حست بتأنيب الضمير قررت تدوس على قلبها وتجيب من المعونه