طلال خبير تقني MutMrD

- ياكثر الرسائل اللي وصلتني مثل كذا .. اولاً لا يستطيع احد ان يمنعني من مساعدتكم هذي رغبة شخصية وعطيتكم رؤوس اقلام والباقي لا يستحق الذكر حفاظاً على المبادئ ، واذا فيه امور غير تقنية في طريقك لازم تتوقف مؤقتًا لو كان الامر تقني لتجاوزته هذا التطبيق عطيته اكثر مما اعطاني بكثير والاستفسارات مفتوحة بـ اي وقت من قال ان الرحلة انتهت تونا مابدينا !

- شخص بمكاني ممكن يحول كل شي للكسب المادي وهذا مافيه شي كنت حريص جزء كبير من النصائح اخليها مجانية ١٠٠٪؜ والبعض يجيني بالخاص يقول ياطلال طريقتك اللي شرحت فيها كيف ناخذ يوتيوب بريميوم بريالين اخذتها وصرت ابيعه اشتراكات ب ٢٠ ريال وكنت اقول الله يوفقكم ويرزقكم. لاني مؤمن بالعطاء لكن المريض النفسي حتى لو حاول امام الناس التمثيل انه يحب الخير من داخله ينفضح . بكل سهولة اقدر اسوي دورات واهايط بالارباح وانتقل للتيكتوك واسوي الهوائل بالنسبة لي ماهي انجاز. شي جميل تستفيد ماديًا ولكن ليس على حساب شخص يثق بك وقدم هالشي وانت ضامن ١٠٠٪؜ ولو مافيه ضمان نبهه ممكن تخسر.. بكذا بتكسب محبة الجميع. والله يجعلنا عند حسن ظنكم دائمًا.

- كل مساعداتي بالقصة العلنية لم تكن مادية شغلي ٧٠٪؜ مجاني ٣٠٪؜ امور كبيرة ممكن استفيد كنت اقدر اسوي دورة بالاضواء مثلاً واحقق ٢٠٠ الف دولار رفضت هالشي لاسباب شخصية ولا يعني اني ضد من يسويها بس لا احد يجي ينظر علينا بالمال لانه اسهل شي ممكن نسويه. فكرة انك تكون تحسب حساب لكل خطوة وتقدر متابعينك بمختلف اعمارهم ولا يمكن ان تعطي شي غير مضمون بحد ذاتها تسبب حقد ومرض عند البعض والعياذ بالله 🤝.

توضيح: لا يوجد شي خطير حصل معي وابشركم الامور طيبة والمعنويات عالية كل مافي الأمر انزعاج من وصولي لعدد مشتركين 750,000 الف بالسناب وطبيعي اي انسان يكبر بالسناب وتحديدًا بمجالي بينظر له من قبل بعض الموظفين انه يسبب اشكالية ف حاولوا انشاء تقارير للشركة. الام في امريكا اني اساعد الناس في اشياء من اختصاص ( موظفين معينين داخل الشركة وفي امريكا فقط ) وهذا غير صحيح تقدر تحل معظم المشاكل بدون الاستعانة ب احد مثلاً مشكلة الشاشة السوداء يعاني منها معظم المشاهير في القصة العلنية اذا وجدت حل لها خلال5 دقائق هل هي مشكلة مثلًا طيب فيه ناس يقولون لو ماتساعدنا بنتعرض للاحتيال ويحرجونك وش تبون بالضبط ؟ تواصل معي واحد يقول الوالد يحكي عن شخص اسمه طلال صايره له مشاكل لانه مساعد الناس ولا كنت اتوقع انه انت ( 🤣) بالنسبة لي هذي مو مشاكل مجرد مرحلة تثبت اني ماشي بالطريق الصحيح ولو ماكنت محارب مستحيل تصنف نفسك من الناجحين وانا لولا اني كنت اشوف شكاوي الناس ولا ماكان ساعدت بكل شي اقدر عليه ولو تجاهلتهم كذا ولا كذا بيتعرضون للاحتيال وهذا شي ماكنت اتقبله بحكم هدفي بالوصول لرفع الوعي التقني عند الغالبية !

في حالة عدم اكمال ورقة الضريبة او تم تعطيل حسابك في هايبر والت ( منصة استقبال ارباح سناب ) تواصل هنا وابشر بحلها @nr4nn

- قروب الاراء والملاحظات كان هدفه سماع رأيكم والاغلب اتفق على التيلقرام بإذن الله بيكون فيه مرجع لحلول مشاكل السناب اذا فيه نصيحة اقدمها اللي يتابعني زمان كنت اقول وزع البيض في اكثر من سلة والتيكتوك مستقبله غامض وفعلاً حصلت مشاكل ركز على اكثر من تطبيق لأني انا ممكن اعرف اتصرف غيري بيتوقف رزقه والله يوفقكم واي احد يسال عني يتابعني هنا وبتويتر اي جديد يخص السناب بنشره هنا حصريًا.

حاب اسمع لوجهات نظركم هنا بالتيلقرام بنتستمر بالتوعية والشرح ولكن ماهو التطبيق اللي تشوفه مناسب للرد على المتابعين انا شخص احب اجاوب على الناس بصفة عامة والسناب حاليًا غير مناسب https://t.me/+VWOAzt0rOrpjODI0

- تحديث والله ضحك: جاني ايميل يقولون ماينفع تعلن عن حساب ثاني بسناب وحسابك القديم مازال عليه تقارير ومراجعة ! الموضوع شخصي بإختصار : لو اي شخص تكلم عن المواضيع اللي اتكلم فيها مثل كيفية تحقيق ارباح من سناب كيف توثق حسابك بطريقة صحيحة كيف تنشر بالمنصة عادي لكن الخبير التقني طلال لا هذا يسبب الحرج ! لذلك اعتذر عن النشر بسناب مؤقتًا لأن الوضع صار نكتة ! تركوا كل المشاكل وماعندهم الا انا.

شخص يسال خاصية النشر بسناب بالقصة العلنية اكثر من ٢٤ ساعة مختفية؟ الاجابة بالصورة.

- ارجوك لا تضحك بس عشان اوضح لكم اللي صاير اعلان مروج يظهر بين السنابات لاحد. الحسابات المشهورة( المشهور ماله ذنب ) اللي مسوي الاعلان شخص مجهول والسناب اقترح الاعلان بين قصص المشهور ( المتجر يسرق البطائق البنكية عيني عينك ) وينتحل صفة متجر رسمي !! ( محد سوا له شي وتمت الموافقة على الاعلان ) وانا شخصيًا قمت بتعطيل المتجر استجابة لطلب احد المتابعين. عزيزي اللي ترفع تقارير ضدي لاني اساعد الناس ماتكلف نفسك يالفاهم تقنيًا وتحاول تبلغ شركة سناب في امريكا عنّ معالجة مشاكل السناب والاعلانات اللي تظهر بشكل مزيف؟ ولا ماعندكم مشكلة فيها ؟ اها همكم حماية المستخدمين ! الصور تتحدث عن نفسها صدق من قال : لو للنوايا صوت ي فضايح بعض البشر !

طلب بسيط نزل بسنابك اني متواجد هنا بحسابي بسناب M22VPN بعضكم ارسل لي طلبات ماشفتها.

( لأجل هذي النصائح يزعجهم تكرار اسمك ) ولكن هيهات توكم ماشفتوا شيء 🤝

توضيح يخص منصة اضواء سناب : لو ظهر لك هذا التنبية مايدل على نزول الارباح هذا التنبيه لتحفيزك على الإستمرارية👏👏 استمرررر بالنشر والاستمرارية مطلوبة خلال الشهر الميلادي وباقي اسبوع على نهاية الشهر فالكم التوفيق يا اعظم جيش وشاركو القناة مع الجميع المحتوى الجاي بيكون قوي بإذن الله 👍

طلب بسيط ، اعتقد لا يوجد شخص على الساحة يجازف عشان متابعينه ولا يهتم بالارقام وكل هذا عشان لا اتوقف عن خدمتكم حينما تصبح التهمة تعليم الناس على ارباح سنابشات ومن موظفين بالشركة هنا تصبح المنافسة غير شريفة لأنها خارج المجال التقني مو مشكلتي ان المشاهير يقولون طلال حل مشكلتنا ويسبب حرج على الموظفين. ما برجع انشط الحساب الا في حالة التحقيق من فريق مستقل بالدعم الامريكي وكويس يكون عندك حسابين لو عندك هدف واضح لانهم يبونك ماتخدم الناس بالعربي 👍

طرق التواصل - انستقرام NR4N سنابشات ( الحالي ) حتى لو فتحت الاول بستمر بحسابين M22VPN تيلقرام @Nr4nn تويتر VV69t قناة التيلقرام الحالية للشروحات @Mutmrd1 ارسلوها لكل شخص يريد التواصل ولن اتركم وحيدين 👍

توضيح : قمت بتعطيل حسابي في سنابشات الأول مؤقتًا وهذا حسابي الثاني متواجد به لحين الانتهاء من فهم وجهة نظر دعم سناب في امريكا ( ماكنت اتوقع اني مؤثر لهالدرجة ) بعد تواصل احد موظفين دعم سنابشات في امريكا معي وافادتي بوجود تقارير ضدي من داخل سنابشات نفسها ( اذا خصمك القاضي فمن تقاضي ) لاني اقوم بمساعدة الناس على الربح من سنابشات وتأثير حسابي اصبح ينتشر بشكل كبير جدًا مما يسبب حرج على بعض الموظفين داخل الشركة. الاسباب المزعجة من وجهة نظرهم : - مساعدة الناس على التوثيق ( رغم توقفي عن هالشي من زمان ) واكتفي بإعطاء الطريقة الصحيحة بدلاً من التعرض للاحتيال. - تطوير خدمات لتجاوز الوصول المحدود بسناب وحل مشاكل الروابط حاب اقول شي لكم انتم تعرفوني جيدًا همي نفع الناس من سنوات طويلة ولا اسوي اعلانات ولا عندي اكواد خصم اعتبر السناب نافذة لإفادة الناس وفزعه لهم واذا الشركة تشوف ان رفع الوعي بهذي الطريقة يسبب احراج ف انا بالاخير لي ١١ سنة ماعندي مخالفة وحدة وافتخر بكل ماصنعته لأجلكم ❤️👍 - اتشرف بكم بحسابي هذا M22VPN واي مستجدات بذكرها لكم وهذي القناة بتستمر تقدم الشروحات والفوائد فـ راس المال وجودكم !

- احيانًا اذا سويت ترويج بسناب يتم توجيهك لموقع الويب ما انصحك تدخل الموقع وتعدل اي شي وانت ماتفهم فيه عشان لا يتحول حسابك تجاري تقدر تسوي ترويج من داخل التطبيق نفسه بدلا من الدخول للموقع 👍