نجومٌ سرمَديَّة ✨

كله يختار ي بقاليظ ❤️🙈👏🏻

احم احم السلام عليكم ورحمة الله ي بقاليظ❤️ وحشتوني كتييير كتيير نأسف على الغيبة الطويلة جدا🥹 فيه كذا رسالة جاتلي ع صراحة اننا نرجع نشغل نجوم سرمديَّة وريَّان 🥹❤️ هنعمل الاستفتاء هنا، لو حابين نبتدي خطة جديدة نقضي على حالة الفتور بعد رمضان ومستعد للعشر من ذي الحجة 😍👏🏻

خلاص يجماعة نأجل العتاب بعدشين ، بلاش عياط بالله عليكو اهئ اهئ

👀

صليتوا الظهر وقرأتوا وِردكم ولا لسه ؟🙈

يلا نقوم نصلي الفجر يا بقاليظ ونقعد شوية تقرأ الوِرد، والأذكار، ونستغفر ربنا شوية 😍👏🏻❤️❤️ ومننساش ندعي ربنا بالطريقة الحلوة اللي اتفقنا عليها 🤩

جزاكِ الله خيرًا يا قمري عدلتها 🙈❤️❤️ فعلا مأخدتش بالي خالص والله، قولتها بدون قصد 🥹🥹 ربنا يكرمك يارب عالتنبيه الجميل ❤️❤️

النجمة الخامسة؛ الدعاء:⭐️ حابة أكلمكم ع الموضوع ده من زمان, فيه بنات كتيرة بتبعتلي تقولي مش عارفين ندعي ازاي! بصوا؛ أهم حاجة وانتو بتصلوا يبقا جو لطيف، مش ركعتين كده والسلام.. لا لا عوزاكم تعملوا جو هادي فـ الاوضة، إضاءة خفيفة، اقفلوا الباب، تفتحوا الشباك يدخل نسمة هواء سقعة مُنعشة، عطروا الأوضة، خلوا معاكم الإسدال بتاع الصلاة والمُصلية نُضاف وريحتهم برفان جميلة، خلوا جنبكم كوباية ماية.. ومناديل هقولكم ليه هتحتاجو مناديل.. - لما تعملوا الجو ده وتهيئوا قلوبكم ونفسيتكم هتحسوا بكمية راحة؛ لما تبتدوا تصلوا حاولوا تخشعوا فـ الصلاة، تقرأوا كل آية براحة خالص، أقرأوا الفاتحة ع مهلكم واستشعروا إحساس كل آية، استشعروا انكم بتكلموا ربنا فـ وقت السحر، استشعروا إن كل الناس نايمة أو بتلهوا وانتم قاعدين بتكلموا ربنا، استشعروا إن ربنا نازل فـ السماء بتاعتنا بيقولك هل من داع فاستجيب له؟ هل من مُستغفر فأغفر له؟ ربنا بيكلمك انت ياللي نفسك فـ حاجة ياللي نفسك تتوب ياللي تعبان من الدنيا! ربنا سامعك انت لوحدك وبس!! صدقوني لو استشعرتوا المعاني اللي بقولكم عليها هتبكوا وانتوا بتصلوا وهتحسزا بإحساس جمييل اوي عمري م هقدر اوصفه كل ده بس وانت بتصلي.. لما تيجي تسجد بقا يااااه ده انت كده فـ أحلى مرحلة فـ حياتك هتتمنى ساعتها إنك تنام وانت ساجد من كتر الراحة اللي هتحسها أول حاجة لازم تهيئ قلبك أكتر عشان دلوقت انت هتطلب من ربنا اللي انت عاوزه ويستجيب منك.. اكتبوا الخطوات دي عندكم فـ ورقة وخلوها معاكم قبل م تصلوا تقرأوها.. - أول حاجة؛ تحمد ربنا وتثني عليه؛ «الحمدلله حمدًا كثيرًا طيبًا مُباركًا فيه». ولازم تقولها وانت حاسسها، استشعر انك بتكلم ربنا وبتشكره ع كل حاجة حلوة عملهالك. - تاني حاجة؛ الصلاة على النبيﷺ؛ «اللهم صلِّ على سيدنا محمد وعلى آله وصحبه وسلِّم» استشعر إنك بتصلي على الرسول ﷺ. - تالت حاجة ودي المهمة اللي هتحس ساعتها إن قلبك اتفتح لربنا؛ تقول الدعاء ده: «اللهم إنِّي ظلمتُ نفسي ظلمًا كثيرًا فاغفر لي إنك أنت الغفور الرحيم» عوزاكِ تقولي الدعاء ده من قلبك كده، افتكري كام مرة أذنبتي فيها، افتكري كام مرة ظلمتِ نفسك واهنتيها بالذنوب، افتكري كام مرة حسيتي إنك مُقصرة ف حق ربنا وف حق نفسك؛ صدقيني لما تستشعري معنى الدعاء ده هتعيطي هتعيطي أوي من قلبك.. فاكرة لما قولتلك جهزي المناديل 😃 - رابع حاجة؛ ادعي من قلبك، مش لازم تدعي دعوات فيها سجع، ربنا مش طالب منك كده، ربنا عالم باللي ف قلبك، اتكلمي بقلبك، اتكلمي بلهجتك، اتكلمي بكل اللي حاسة بيه، اتكلمي وفضفضي مع ربنا وقولي كل حاجة نفسك فيها أمنيات أو حاجة خايفة منها.. اتكلمي بكل أريحية مع ربنا وخدي راحتك ف السجود. - خامس حاجة؛ ادعي لأصحابك وأهلك بظهر الغيب من أحد أسباب استجابة الدعاء إنك تدعي لأصحابك بالحاجة الكويسة الجميلة اللي نفسك فيها وهما نفسهم فيها، اعملي قائمة أسامي وافتكريهم معاكِ والملائمة هترد ع كل دعوة وتقولك ولكِ بالمثل ^^ ناس كتيرة أعرفها كانت بتبقا نفسها ف حاجة، ف تدعي لصحابها بالحاجة دي ف ربنا يكرمها بيها ويكرم صحابها كمان شوفي الجمال :) والله راحة وما بعدها راحة.. جربي مش هتخسري حاجة! مش يمكن ربنا جعلك تشوفي الرسالة دي عشان محتاج يسمع صوتك وأنتِ بتدعيله ويستجيب ليكِ.. صح؟! يلا قومي اعملي الجو ده علطول وصلي وادعي.. ومتنسيش تدعيلي معاكِ🤍

احنا كده بدأنا ٢ اسبوع في رمضان نبتدي نشد ف الطاعات وناخد النجوم الأكبر شوية؟؟؟!😃🤩❤️❤️