EASY PHYSIOLOGY//Dr.Hussein Yousif

السلام عليكم ورحمة الله وبركاته عساكم بخير ي عمدان البلد في المستقبل تقريباً مضى حوالي اسبوعين من الجوطة الحصلت في البلد، اولاً نسأل الله أن يكشف الغمة ويرفع هذا البلاء ويطفئ نار الفتنة ويحفظ النفوس والأموال. ثانياً : انا ح اكتب الكلام ده عشان مصلحتك انت، عشان تطور نفسك، بحب الزول البنجز في وسط الضجة، خت التلفون ده لمدة خمس دقايق واسأل نفسك عملت شنو خلال الأسبوعين ديل؟ (بالأخص الناس اللي احوالها كويسة وبعيدة من الهرج والمرج ده؟) مقضيها كلها فيس؟ اخبار؟ وماذا بعد ذلك؟ لقيت حل للمشكلة؟ هل انت تعتقد انك بمتابعة الاخبار في كل السودان ح تخليك تحل المعضلة دي؟ (إجابة اكثر من 95% ح تكون لااااااااااااااا بالخط العريض). كسرة : البقية الاقل من 5% ديل ما تردوا على البوست ده & واصلو حياتكم عادي مع الاخبار! طيب نرجع للناس اللي في أمن بحمد الله، اها قررت تعمل شنو لو الجامعة قفلت شهرين، تلاتة، عشرة من اليوم؟ في جزء ح يشتغل أشغال حرة (وديل حاملي كروموسوم Y غالباً)، اها انتو ي دبل X، قاعدات تعملن في شنو بعد تنجزو شغل البيت وخدمة ابويكم واخوتكم؟!! شمارات؟ ونسات؟ كسير اوقات؟ انتِ مقتنعة تماماَ 100% انو الزمن ده محسوب عليك، وما عارفة تعملي شنو؟ وانت ي شاب بعد تخلص شغل، بضيع زمنك في الاخبار وقلنا وقالو؟ على العموم : اذا عندك برنامج مفيدة اوكي (حفظ قرآن مثلاَ، قراءة سيرة نبوية، كتب ثقافية، لغة جديدة، مهارة جديدة)؟؟ كلو حلو وادعمكم تواصلو فيو، لكن ما تنسوا انكم طلاب، يعني ما ممكن الاجازة دي كلها تبعدوا عن قرايتكم، كده ح تنسوا ال قريتو وح تكونو مش واقفين في مكان واحد، بل ح تكونو اتراجعتو للخلف 💔، في حين ح تلقوا ناس بلغوا المعالي في مثل هذه الإجازات 🔥. العايز اوصلو ليكم انو لازم تكونو بتقرو في الإجازة، اي تقرو قراية الطب الكتيرة دي، تتعمقوا، ما بتسمعوا البروف الفلاني والاستشاري الفلاني؟ ديل والله وعكو نفسهم شديد عشان يصلو للمرحلة دي (ولحدي الان اذكر كلمات احد بروفاتنا الكبار هو الآن استشاري الطب الباطني مناظير الجهاز الهضمي بروف محمد سعد، قال لي انا لو ما زبطت علم التشريح وعلم وظائف الأعضاء والكيمياء الحيوية ما كنت ح اكون في المكان ده!!) فا يبقى مطلوب منكم ترمو لقدام، لا أرى عيباً ان يسبق الطالب الجامعة، مثلاً ناس دفعة 99 جامعة الخرطوم اشجع الجادين منكم انهم يباشروا سمستر 4، بالأخص الاناتومي لانو كتير شديد ال Head and neck ، ودفعة 100 اشجعهم وبشدة ان يبدو مواد الطب الأساسية ممكن يبدو ب anatomy, physiology.... (لانو هذه هي نفس الظروف التي مررنا بها ف السابق). الفيزياء والكيمياء ملحوقة. وكذلك بقية الجامعات السودانية، انا ضربت مثال بهؤلاء لانهم الأقرب لي في معرفة تقويمهم وكده. انا لا أعني ألا تحمل همّ البلد، لكنك تعلم تماما ليس لك سلاح لها إلا الدعاء، فادعو الله أن يصلح حال البلد، وانجز لنفسك قدّم لنفسك، فا والله الذي لا إله إلا هو ما بلغنا هذه المراتب العليا بفضل الله الا بهذه الاجازات ❤️🔥.. لان فترة السمسترات أصبحت ضيقة نسبياً (مثلا دكتور م يجي الشهر الاول كلو، ويجي يخمك في نهاية السمستر 💔، يغيب محاضرة ويجي محاضرة، والأسباب كثيرة الخ )... وهناك بشرى سارة، ان منصة EASY رغم هذه الضجة بإذن الله ستوفر البيئة التنافسية للبدء المبكر في كورسات السمستر الرابع للدفعة 99 و السمستر الثاني للدفعة 100 (وما يقابلهما من دفع في بقية الجامعات السودانية) 🔥🔥 للاستفسار التواصل مع @Huss97KH #قدّم_لنفسك 🔥. #العيد _انتهى

القراية يوم العيـــــد حــــراااام أكاديمياً.

🎉🎉🎉🎉🎉🎉🎉🎉🎉🎉🎉🎉 تتقدم إدارة منصة EASY إلى جميع منتسبيها بأحرى التهاني والتبريكات بمناسبة حلول عيد الفطر المبارك اعاده الله علينا وعليكم بالخير واليمن والبركات، ونسأل الله أن يحفظ البلاد والعباد ❤️✨ وكل عــــ وانتم بخير ـــــام ❤️🌹 🎉🎉🎉🎉🎉🎉🎉🎉🎉🎉🎉🎉

وربنا يفتح عليكم من الفهم كما فتح على نبي الله سليمان عليه السلام ، ويعلمكم العلم النافع كما علّم داؤود عليه السلام. ويأتيكم من كل ما سألتموه ❤️❤️.

الطلاب الاكارم، اسالو الله لي العفو والعافية وبركة الوقت ولكم مثل ما دعوتم لي ❤️. كتروا لي من بركة الوقت دي حتى استطيع إقامة كورسات تنفع اعداد كبيرة منكم. وما تنسوا البلد من دعواتكم. اسأل الله العظيم رب العرش العظيم ان يعفو عنكم جميعاً ويستجيب لكم.

بكون في نوع من الخوف في مثل هذه اللحظات، لكن الإنسان لا يقتل نفسه هماً بهذا الخوف، خايف تموت يعني؟ لا اطمئن، لن تموت قبل يومك ( وما كان لنفس أن تموت إلا بإذن الله كتاباً مؤجلاً)... (وكل نفس ذائقة الموت) .... ولو مت ما تنسى انو في جنة تنتظرنا بإذن الله "يعني انظر للجانب المشرق من الموضوع أيضاً". وان كنت خايف تقع فيك قذيفة او غيرها بحيث انها تؤذيك فتذكر (قل لن يصيبنا إلا ما كتب الله لنا هو مولانا وعلى الله فليتوكل المؤمنون) كلمة "مولانا" في الآية دي مطمنة جداً، اي يتولاكم وحينما تكون الولاية من الله، فنحن في الملاذ الآمن. هذا الكلام لا يعني ان يعرض الإنسان نفسه للخطر، بل يجب عليه شرعاً الحفاظ على نفسه من كل ما يؤذيها، ولكن ما أردته ألا يكون الإنسان قلق ومتوتر اكثر من اللازم، فذلك له عواقب وخيمة ايضاً على نفسياته.. وما كتبه وقدره الله حتماً سيقع علينا وان كنّا في قصور مشيّدة آمنين مطمئنين!! ظنوا في الله خيراً، ما ظنك في اثنين الله ثالثهما !! واخيراً (حسبنا الله ونعم الوكيل). محبكم د. حسين يوسف 🌹

(ورفع أبويه على العرش) رفع نبي الله يوسف عليه السلام ابويه إلى سريره وكان في تلك اللحظة ملكاً، وعلّى من شأنهما ورفع مكانتهما!! انت برضو ممكن ترفع أبويك كيف؟ ب مذاكرتك ونجاحك وتفوقك ممكن ترفع ابويك على عرش السعادة والفخر بك 🌹✨ وبعد تخرجك وامتهانك الطب في مستشفيات مرموقة ح تستلم مرتب كويس وترفع أبويك غداَ على عرش الدنيا حيث العيش الهنيئ الطيب وتلبية كل طلباتهم وأكثر ❤️🔥 #نوايا_المذاكرة.

بفضل الله انطلق تسجيل part l سجلت ليكم ال respiratory و 70% من ال digestive system 🔥🔥🔥🔥 للتسجيل التواصل مع @Huss97KH

(سر نجاح المتفوقين هو عدم التشتت أثناء مذاكرتهم).!! زمن المذاكرة عندهم زمن مقدّس، لا يلعبوا فيه كما لا يلعبون في أداء صلواتهم. لديهم في اليوم على الأقل 3 ساعات يومياً للمذاكرة ( 3 ساعات صافية ك حد أدنى في اليوم) فمنهم من يزيد وذلك خير له ولكن لا يسمحوا لأنفسهم بأقل من ذلك في يومهم العادي!!! د. حسين يوسف 🌹. انتظروا بوست قادم عن التشتت وكيفية التخلص منه (لديّ طرق فعّالة بإذن الله تنجح معكم).

الحمد لله اكتمل part ll Axial skeleton (1 hour) Muscular system (1 hour) Limbs development (1 hour) Head and neck development ( 2 hrs) Ear development (1 hour) Eye development (1 hour) Integumentary system ( 0.5 hour) رسوم الكورس كلها 6 الف فقط للتسجيل التواصل مع @Huss97KH

بفضل الله اقترب ان يكتمل part 2 على طلاب الانترميديت الالتحاق بالكورس عما اذا كانو يعانون مع ال embryology من مرجع سادلر.... سوف تنتهي جميع معاناتكم بإذن الله Axial skeleton (1 hour) Muscular system (1 hour) Limbs development (1 hour) Head and neck development ( 2 hrs) جميع الفديوز جاهزة 🔥🔥🔥🔥🔥

سيكون الكورس في شكل فديوز من مرجع سادلر. 🔥🔥🔥🔥🔥🔥🔥 للتسجيل التواصل مع @Huss97KH

تبقى 4 مقاعد حتى نبدأ هذا الكورس 🔥 الناس الراغبة تسارع بالتسجيل. 🔥🔥 للتسجيل التواصل مع @Huss97KH

🚫إلى طلاب السنة الثانية وبالاخص ناس الانترميديت، ما زال التسجيل متاحاً هيا لرحلة علم الأجنة من مرجع سادلر الشهير 🔥.