Easy module 1st generation ❤️

عيد مبارك عليكم جميعا ❤️ و ربنا يتقبل منا ومنكم صالح الأعمال ❤️❤️

إذا كانت ليلة القدر مجهولة فإن يوم عرفة معلوم فيلا نقوم نصلي القيام و نتسحر 🥰🥰 نكثر من الدعاء و ذكر الله تعالى و ندعي لبعض بظهر الغيب، و ربنا يتقبل منا جميعا يارب والعالمين ❤️❤️❤️

مساء الخير عليكم ❤️ يا ريت لو حد امتحن دور تاني Clinical patho & radio Derma يبعت الامتحان هنا @basemsaeed2000

جمعة مباركة عليكم ❤️ بالنسبة لي التقيم هو بيبقي حاجة روتيني كده و خلاص 🚫 رسمي لازم نحضر ٢ من ٣ بس اقسام عاوزين نحضر ٣ بالاخص أطفال و باطنة 🚫 بنطبع ورقتين بتوع التقيم واحدة بتبقي انجليزي و واحدة عربي هيخدوا ايه الله اعلم كل قسم زي ما بيحب بقي 😂 و سعات يقولوا ودوا الورقة التانية الشؤون (الورقتين موجودين في مكتبة دار الاطباء لو عاوز تخدهم من هناك قبل ما تروح) 🚫 بيبقي في كشف للغياب مهم جدا تمضي فيه اهم حاجة و لو مش موجود خلاص بقي

اطفال

بيبعتوا ملف و يسالوا فيه و خلاص و سعات في نقط من بره الملف و لو انت مش عارف عادي مفيش اي مشكلة هم لذاذ يعني

جراحة

بتبقي ادوات و بتقول اسم و استخدام و خلاص

ولادة

بتبقي ادوات بشكل اساسي و بتقول اسم او استخدام او disadvantage و خلاص و ممكن يسالوا في الجزء history و examination اللي في اول الملف

باطنة

دول اللي ملهمش ملكة بيسالوا علي اي حاجة عامة بقي و انت و نصيبك و لو معرفتش تجاوب بيسيبك و يسال غيرك و بعدها يسالك و هكذا بيبقي الدكتور واقف مثلا وانت حوليه و يسال بقي 🚫 اغلب اسئلة common يعني الا لو دكتور رخم بقي و ممكن تقروا من النوتس او من كتاب الباطنة او من جوجل اي حاجة عادي ------------------------- كده كده التقيم ده اي كلام يعني هو الباطنة اللي رخم شوية و بيعدي برضه يعني

عيد مبارك عليكم جميعا ❤️❤️ ربنا يتقبل منا و منكم صالح الاعمال و يكون ربنا غفر لنا جميعا الحمد لله قدرنا نوقف ذنوب كتير و نكتر في الطاعات في رمضان ربنا يعينا و نكمل علي ذلك ❤️❤️

من عرف شرف ما يطلب، هان عليه ذل ما يبذل خلاص احنا في العشر الأواخر من رمضان فنستغل كل يوم سواء فردي او زوجي فحاولوا علي مدار العشر ايام دول 1⃣ كل يوم تصلي التراويح في المسجد مع الإمام لما يبدا لحد ما يخلص 2⃣ كل يوم تطلع صدقة لله حتي لو 5 جنيه 3⃣ كل يوم تصلي التهجد في المسجد لو صعب تصلي في البيت بالمصحف 4⃣ طبعا نقرا قرآن 5️⃣ ذكر الله و الاستغفار و الصلاة علي النبي عامة بقي 6️⃣ اكيد ابعد عن الذنوب و اي حاجة ملهاش لزمة و نزود في الطاعات عشان كل دقيقة احنا اولي بيها ربنا يتقبل مننا و منكم صالح الاعمال ❤️❤️

بكره ان شاء الله بداية استلام امتياز و علي مدار الاسبوع بلاش تعملوا زحمة خليكم منظمين عشان يخدوا عنكم انطباع حلو و تعاملهم معاكم يبقي كويس و يمشوا معاكم الدنيا شؤون امتياز متعاونين معانا جدا طول ما احنا مش بنقرفهم 🚫 خلوا معاكم قلم عشان لو بتكتبوا حاجة في الورق 🚫 في ورق الاستلام الاتينن اكتبوا رقم الكشف فوق 🚫 في ورقة استلام الخاص اوعي تنسي توقع قسم الأطفال مش هيرضي يمضي لو مش موقع كده كده الحضور و الغياب من الأسبوع الجاي مش الاسبوع ده الا لو قسم الباطنة بس حب يبقي فيه حضور

ركزوا اهم حاجة ان كل واحد يحول لي الجروب اللي عاوزة دلوقتي اهم حاجة و سيبكم من تقسيمة subgroups هتتظبط بعدها ان شاء الله ---------------------------- فكرة subgroups لو انتم حضور يويمن في الأسبوع الجروب في ٢٢٠ شخص

هنقسمة الي

ناس سبت و ثلاث ناس حد و اربع ناس اتنين و خميس كل يومين فيه شبه ٧٥ واحد بيحضروا مع بعض

نرجع نقسم ٧٥ الي ٣ مجاميع صغيرة

لو حاجة زي الجراحة العيادة فيهم ٢٥ بيحضروا مع بعض العنبر فيهم ٢٥ بيحضروا مع بعض العمليات فيهم ٢٥ بيحضروا مع بعض 🚨 طبعا كل ٢٥ واحد دول بيحضروا مع بعض طول مدة ٣ شهور مينفعش يروحوا مع جروب تاني او يوم تاني الا لو لقي حد يبدل معاه لو في يوم عنده ظرف و لا حاجة 🚨طبعا بيكون فيه فرصة في الاول ان كل واحد يحول لي subgroup المناسب ليه عشان يبقي مع أصحابه 🚨طبعا انتم هتلفوا علي عيادة و عمليات و عنابر مثلا السبت عيادة الثلاث عمليات السبت عنبر الثلاث عيادة وهكذا طول ٣ شهور كده كده كل الكلام ده الليدر في كل جروب هيقولوه ليكم لسه بس خليكموا ماشين خطوة بخطوة دلوقتي

بيبقي فيه برضه تحويلات لي subgroups بحيث الأصحاب يبقوا مع بعض عادي

طبعا يا شباب كل group هيتقسم لي Subgroups يعني كل ١٠ او ١٥ واحد بيحضروا في وقت معين طول مدة ٣ شهور مثبتين مثلا حد و اربع عندنا حضور طول ٣ شهور

صباح الخير عليكم ❤️

ايه احسن ترتيب في الروتاشن نبدا بيه؟

كله زي بعضه مش هتفرق بس الفكرة كلها في حاجة واحدة ان الباطنة اللي بيرخموا علي الغياب بيكون غياب في شؤون امتياز و غياب مع النواب فكله واحد يشوف الفترة اللي عنده فيها باطنة مظغوط في الوقت او مشغول ولا لا بس كده يعني مثلا حد عنده باطنة ٦ و ٧ و ٨ و هو الوقت ده عنده ظروف و مش هيقدر يحضر بانتظام زي التقسيمة يبقي يحول لي جروب تاني احسن اطفال و نسا و جراحة مفيش غياب مع النواب بيكون غايب في الشؤون بس

طب الحضور قد ايه

هيبان من كلام الأقسام بس المستشفي متستوعبش عدد كبير اصلا يعني في اطفال بنكون ١٠ في العيادة بيقولوا نصكم يمشوا عشان الزحمة 😂 فالحضور يومين بالكتير يعني ان شاء الله ده لو يومين يبقي العيادة في اليوم مثلا فيها حوالي ٢٥ واحد و ده صعب خالص

مساء الخير عليكم اللي عندهم دور تاني و محتاجين اي مذكرات يبعتوا علي البوت هنا و ربنا يعينكم و يقويكم @Easymodule2_bot انتم بتبدوا امتياز في شهر ٩ ان شاءالله

كل عام وأنتم بخير وصحة وسلامة يارب العالمين ❤️❤️ رمضان فرصة جديدة للتوبة و العتق من النار فنسعي كأنها اخر فرصة لينا ربنا يتقبل منا ومنكم صالح الأعمال ❤️❤️

صباح الخير عليكم ❤️ زي ما اتكلمت معاكم في نصايح في رحلة الطب و لسه فيه تكملة بعد رمضان ان شاء الله لازم اتكلم معاكم عن اهم حاجة و هي علاقتنا مع ربنا فبذكركم و بذكر نفسي ديما لازم نسعي الي ربنا و نقرب و  هنلاقي ربنا بيكرمنا و بيفتح علينا عن أنس بن مالك عن النبي ﷺ فيما يرويه عن ربه قال: «إذا تقرب العبد إلي شبرًا تقربت إليه ذراعًا، وإذا تقرب إلي ذراعًا تقربت منه باعًا، وإذا أتاني يمشي أتيته هرولة». ---------------------------- 🚫 فديما شوف انت فين و بتعمل ايه و ركز علي ذنوبك واياك انك تقلل من ذنب و بالاخص ذنوب اللسان اللي بنقع فيها واحنا مش حاسسين زي كذبة او غيبة او نمية او شتيمة و الخ قال تعالي: «مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ» 🚫 اهتم تحضر او تسمع دروس و تعرف اكتر عن الحلال و الحرام عشان فيما بعد هنبقي مسؤلين عن اسرة و اولاد وانت ساعتها القدوة فانت لو مش عاوز ولاد يكذبوا يبقي انت لازم تكون مش بتكدب و هكذا هرشحلكم اسماء شيوخ كتير اولاين 1️⃣ د احمد العربي 2️⃣ م امجد سمير 3️⃣ الثلاثي في ايه المشكلة 4️⃣ م احمد عامر 5️⃣ م علاء حامد 6️⃣ فاهم برودكاست ده مستضيف شيوخ كتير في مواضيع مختلفة تحفة جدا 7️⃣ د احمد عبدالمنعم في تفسير القرآن 8️⃣ د حازم شومان طبعا في كتير كمان كويسين جدا اولاين انت لما تبدا تسمع مع حد هتلاقي الاغلبية بيظهر قدامك ان شاء الله  🚫 اقرا و اسمع قران كتير ثواب عظيم و راحة و هدوء و هيسهل عليك لما تقرأ او تحفظ كمان 🚫 الصحبة الصالحة مهمة جدا جدا عشان تعينوا بعض ولما تحس انك بتقع تلاقي اللي يساعدك 🚫 خلي التايم لاين عندك يبقي مفيد و تاخد منه ثواب انك تعمل فلو لي شيوخ و صفح بتنزل قران ربنا يوفقنا جميعا لما يحب و يرضي ❤️❤️

معلش كنت فاكرهم بيتكلوا اعلي إفادة التراكمي هتبقي بعد ٣ او ٤ شهور الافادة اللي بيتكلموا عليها لو حد عاوزها عشان يقدم علي شغل او كورس عامة و بيكون مكتوب فيها إفادة الي مستشفى كذا او الي حضور كورس كذا و ده اختياراي لو حد محتاجها يعملها و لو مش عاوزها مش مهم دلوقتي اعلمها لما تعوزها بعدين بقي عادي

الافادة دي يا شباب هتروح الشؤون تخدوا وصل و تكتبوا اسمكم و تروحوا خزنة اسنان تدفعوا و بعدها ترجعوا الوصل الشؤون بس كده كانت ب ١٠٥ السنة اللي فات و طبعا الدفع فيزا ممكن و انتم رايحين حولوا تخلصوا اختام ورقة اخلاء بالمرة الرجاله ابقوا دبسوا الورقة بتاعة التربية العسكرية في ورقة اخلاء

بسم الله الرحمن الرحيم ❤️ رسايل اللي نزلت حتي الان 1️⃣ طريق السفر واحد +اتنين 2️⃣ الشغل البرايفت 3️⃣ التدريب 4️⃣ الامتياز و نظامة 🚫 البطاقة

مساء الخير عليكم ❤️ انا زودت شوية معلومات في الرسايل 1️⃣ في جزء البطاقة 2️⃣ في جزء ازاي تبقي أخصائي عدلت شوية معلومات هنا كذا حد كان سال علي النقط دي 🚫 لو معاك فيزا بريد بالرقم القومي بتاعتك قديمة عادي المهم تكون صالحة لحد شهر ابريل ٢٠٢٨ 🚫 لو هتحول الامتياز بره بينزلك المرتب عادي 🚫 لو انت ليك تاجيل من الجيش او اعفاء و مش هتقدر تعمله دلوقتي عادي اطلب ٧ و ٢و٣ جند و زي الفل

بسم الله الرحمن الرحيم ❤️ رسايل اللي نزلت حتي الان 1️⃣ طريق السفر واحد +اتنين 2️⃣ الشغل البرايفت 3️⃣ التدريب 4️⃣ الامتياز و نظامة 🚫 البطاقة

يلا بسم الله الرحمن الرحيم نشوف الامتياز ده عبارة عن ايه

حاجات هنعملها قبل الامتياز

🚫 ورقة اخلاء و دي عشان نخلصها هنلف علي ٤ او ٥ أماكن عشان نمضيها 1️⃣ التربية العسكرية للولاد فقط تروح و يبقي معاك الورقة الصغيرة بتاع التربية العسكرية ممكن يقولك سبها يوم و تعالي خدها بكره (مينفعش حد يروح يعمل ل اتنين كل واحد بنفسه) 2️⃣ ختم من المدنية الجامعية بتاع السكن دي كله هيختمه حتي لو عمرك ما اخدت سكن احنا كانت المدنية الجامعة اللي عند عند الميكروباصات 3️⃣ ختم من راعية الطلبة في الأرضي 4️⃣ ختم من المكتبة 5️⃣ ختم من الشؤون 6️⃣ في الاخر ختم من وكيل الكلية بقي 😂 🚫 الجاي حاجات بسيطة بقي 1️⃣ 4 صور شخصية 2️⃣ اصل شهادة الميلاد حديثة 3️⃣ 2 صورة بطاقة 4️⃣ ٢ و٧ جند واحدة بتطلبها اولاين و هحط لها رسالة في الكومنتات (ولاد بس) او لو ليك إعفاء او تأجيل مؤقت تروح نخلصه من منقطة التجنيد التابع ليها في الحالة دي لازم تكون البطاقة سارية وانت رايح 🚨 الكلام ده كله هيتقال بعدين من الكلية بس قولت اوضحه عشان لو حد عاوز يبدا في الورق او يبقي عارف مطلوب منه ايه الفترة الجاية تقدروا تخلصوا كل حاجة دلوقتي ما عدا ورقة اخلاء ---------------------------- 🚨 اخر حاجة لازم فيزا من البريد اي نوع بقي عشان المرتب 🥰 المرتب ٢٦٢٠ 🫣 - لو حد معاه فيزا قديم تنفع ولا لا بحاول اسال في النقطة دي لسه بس لو ينفع المهم تبقي صالحة لحد شهر ابريل ٢٠٢٨ - اول مرتب بيتاخر شوية ممكن شهرين يعني فلو انت البطاقة منتهيه استني لما تستلم امتياز و تجدد البطاقة و بعدها اعمل فيزا بريد بقي ---------------------------- نيجي للجد اللي يهمنا بقي الأمتياز في اول سنة فيه ايه انا كاتب بالترتيب اللي بدانا بيه عادي يتغير عندكم 1️⃣ اطفال 2️⃣ جراحة عامة 3️⃣ نسا 4️⃣ باطنة عامة كل حاجة ٣ شهور

نظام بشكل عام

- هيبقي في ليدر لكل جروب ده اللي بينظم الدنيا مع الدكتور المنسق من القسم (اللي هيبقي ليدر يبعتلي اقوله يظبط الدنيا ازاي و تقسيمات الحضور عندنا) - الليدر هيعرف الحضور ازاي و علي أساسه يبدا يقسم الحضور و عادي برضه نبدا مع بعض قبل ما تخلص التقسيمة النهائية للحضور - الحضور نفسه بناخد امضي حضور من شؤون الامتياز في الدور السادس و مفيش امضي انصراف و محدش يسال فيه امضي انصراف ولا لا - الامضي لحد ١٠ بالكتير اوي و في اول شهر بالكتير برضه هيبقي بالكارنيه - الحضور رسمي ٣ ايام في الأسبوع و اليوم ١٢ ساعة بس الواقع الحضور يومين في الأسبوع و بعد كده خليناها يوم في الأسبوع عشان الزحمة و external (دول امتياز من جامعات تانية معانا) - طب الغياب بيبقي الدنيا جد اوي؟ الدنيا كويسة في الغياب مع الشؤون بعد ما يعدي اول شهر و طول ما انتم بتتعاملوا معاهم كويس و مش بتعملوا زحمة (يعني رايحن تخدوا الغياب لقتوا زحمة شوية بشوية يدخلوا) - طب رتم الحضور هيفضل هادي اه ان شاء الله الا اذا فتحوا طوارئ ممكن يزيد يوم في الأسبوع ولا حاجة - الأقسام كويسة و مش بيخدوا غياب عندهم الا قسم الباطة العامة فيه غياب عندهم يعني لازم تفضل قاعد لحد الساعة ١ او ٢ - بيكون في تقيم كل شهر و ده بيبقي شفوي منظر بس حرفيا و الدكتور يمضي في الوك بوك و خلاص لازم تحضر ٢ من ٣ الا الباطنة و اطفال لازم تحضر ٣

طب الإستفادة

🚫 في نواب كويسين وبيعملوا عادي و كل ما النايب يبقي شايفك اكتر معاه هيهتم وهو بيعلمك و العماليات برضه كويسة بي صعب تعمل حاجة طبعا بتشوف بس و تسال عادي و النواب متعاونين 🚫 مفيشق، درتي هنا الا حاجات بسيطة زي تودي المريض يعمل اشعة او تحليل او تاخد غياب لراوند 😂 و ده في قسم واحد برضه مش هقول المرة دي

طب ينفع احول امتياز بره

- ليك سنة لو هتحول جامعة - او ٦ شهور لو هتحول تعليمي او عام مش لازم تاخد الفترة علي بعضها ممكن عادي راوند هنا بعدها راوند بره وبعدها راوند هنا زي ما تحب 🚫 ده بيبقي ليه شوية ورق بتخلصه هنا و المكان اللي هتحول فيه و كمان في العاصمة الإدارية ده اللي عرفته في الموضوع ده

طب احول و اروح مكان حلو و تعليم حلو ولا افضل هنا

1️⃣ لو من كفر الشيخ نفسها هنا او مراكز كفر الشيخ مش مستاهله تحول افضل هنا و خلاص الحضور قليل و الدينا ماشية بالحب عشان كده كتير اوي اكسترنال بيجوا هنا 🚫 هتقولي عاوز تعليم احسن واتدرب كويس هقولك جميل ما تخليك هنا حضور كويس اوي و روح المكان اللي تحبه volunteer و اتعلم و انطلق علشان متبقاش مقيض نفسك بنظام معين عشان لو حصلك ظرق تكون عارف تسلك امورك بسهولة 2️⃣ لو انت من بعيد و عاوز جامعة قريبة منك يبقي انقل عندك التخصصات اللي حضورها هنا صعب بشكل اساسي زي باطنة عامة طواري في السنة التانية ---------------------------- دلوقتي في رحلة التعليم انت مش مجبر و لا هتلاقي حد يمشي وراك يعلمك، انت اللي بتسعي بنفسك عشان تتعلم و تطور من نفسك خطوة بخطوة لو في سؤال ابعتوا في الكومنتات