• Axavat genaral blog! 💍

❗️Ўзбекистондаги никоҳ ўқиш тартиби тўғрими? (Савол:) Одатда домла қиз билан йигитни ўтқизиб қўяди. Қиз томондан қизнинг дугоналаридан бири ёки келинойиси киради. Куёв томондан эса ўртоқлари ёки вакил-отаси киради. Кейин домла «Фалончининг қизи фалончихон, сиз фалончининг ўғли фалончига турмушга чиқишга розимисиз?» дейди. Кейин йигитга қараб «Фалончининг ўғли Фалончи, сиз Фалончининг қизи Фалончихонни тан маҳрамликка олишга розимисиз? Қабул қилдингизми?» деб сўрайди. Йигит «Қабул қилдим», дейди. Домла гувоҳларга «Эшитдингларми?» дейди ва никоҳ ўқийди. Никоҳни мана шу тарзда ўқиш шариатга мувофиқми? (Устоз Юсуф Даврон ҳафизаҳуллоҳ): Бундай никоҳ валийсиз ўқилган никоҳ ҳисобланади. Кўпчилик қизнинг валийси (отаси)га билдирмасдан никоҳ ўқитадиган бўлса, ана шу валийсиз никоҳ бўлади, деб ўйлайди. Қизнинг уйида ўқилаётган никоҳ ҳам валийсиз никоҳ бўлиши мумкин. Чунки валий шарт дейилганда, ийжоб валийдан бўлиши керак. Яъни, «Қизимни Фалончига никоҳлаб бердим», деган сўзни валий айтиши керак. «Отасининг кўз ўнгида никоҳ ўқишади, отаси рози», дегани валий никоҳлаб қўйди дегани эмас. Қиз ўзини «бағишладим» дейиши ва йигитнинг «қабул қилдим» деб айтишида қиз ўзини ўзи никоҳлаган бўлиб қолади. Никоҳ валийнинг розилиги билан бўлса ҳам, бу кўринишда никоҳ ўқиш валийсиз никоҳ ҳисобланади. Абу Ҳурайра розияллоҳу анҳу ривоят қиладилар: «Расуллуллоҳ ﷺ дедилар: لاَ تُزَوِّجُ الْمَرْأَةُ الْمَرْأَةَ وَلاَ تُزَوِّجُ الْمَرْأَةُ نَفْسَهَا فَإِنَّ الزَّانِيَةَ هِيَ الَّتِي تُزَوِّجُ نَفْسَهَا «Аёл бошқа бир аёлни турмушга бермайди ва аёл ўзини ўзи никоҳламайди. Зеро, зинокор аёлгина ўзини ўзи турмушга беради». 📚Ибн Можжа:1882. Бу ҳадисни Ибн Ҳажар роҳимаҳуллоҳ 📚«Булуғул маром»да, Аҳмад Шокир 📚«Умдатут тафсир» китобида, шайх Албоний 📚«Саҳиҳул жомеъ»да саҳиҳ санаганлар. Санъоний раҳимаҳуллоҳ 📚«Субулус салом» китобида ёзади: «Бу ҳадисда аёл киши ўзини ҳам, бошқа бир аёлни ҳам никоҳлай олмаслигига далил бор. Аёл киши учун валийси рухсат берса ҳам, бермаса ҳам у ўзини ўзи никоҳлай олмайди ва бошқани ҳам никоҳлаб қўймайди. Бу жумҳур уламоларнинг сўзи». Хотийб Ширбиний раҳимаҳуллоҳ 📚«Муғнил муҳтож» китобида ёзади: «Аёл валийси изн берса ҳам ўзини ўзи никоҳлай олмайди, чунки аёлдан ҳаё талаб қилинади». 📍Шунинг учун бизнинг диёрлардаги никоҳ ўқитиш тартибини иложи борича ўзгартириш керак. Никоҳга аёлнинг валийси кириши керак. Шариатга биноан никоҳ ўқилаётган мажлисга қизнинг киришига ҳожат йўқ, чунки қизнинг валийси, йигит ва иккита гувоҳ билан никоҳ ўқилади. Қизнинг валийси ўтган замон феълида «Қизимни никоҳлаб бердим», дейди, йигит: «Қабул қилдим» дейди. Мана шу билан никоҳ бўлади. 📍Агар келиннинг отаси никоҳда қатнашишдан уяладиган бўлса, бошқа бировни «Сенга ваколатимни бердим» деб вакил қилсин. Ҳатто бегона одамни вакил қилиши ҳам мумкин. Вакил «Фалончининг номидан Фалончининг қизини Фалончига никоҳлаб бердим», деб айтади. Йигит эса: «Қабул қилдим», дейди. Никоҳингизга этибор беринг!

Ушбу суратни француз мусаввири суратга олган ва шундай деган эди: "Бу суратдаги мен ҳурмат қиладиган жиҳат савдогарнинг мижоз аёлдан тескари қараб турганидир". Ислом нақадар гўзал эди! Қадриятларимиз нақадар гўзал эди бир пайтлар! Ҳаргиз "энди у пайтлар бошқа замон эди" , дея кўрманг. Баъзи ҳукмларни замон ўзгартира олмайди.

#САЛОВОТ_АЙТАЙЛИК! Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Ким менга бир марта саловот айтса, Аллоҳ унга ўн марта саловот айтади», дедилар». (Муслим, Абу Довуд ва Термизий ривоятлари). 📌Изоҳ: Аллоҳнинг бандасига саловот айтиши бу – ӯша инсонга Ҳақ таолонинг раҳмати, мағфирати ва баракаси ёғилишидир. Валлоҳу аълам

❗️Суратга яхшилаб разм солинг. Агар тушунган бўлсангиз пастдаги шарҳни ўқинг!!! Қиёматга оз қолди деса нега ажабланасан? - Аҳир эркаклардан ғайирлик кетди. - Аёллардан ҳаё ва иффат кетди. - Ҳижобни ҳўжакўрсинга киядиган бўлишди. - Иш ўз эгасидан бошқага топшириладиган бўлди. - Аҳли илмлар илмларга ҳиёнат қилишадиган бўлишди. - Даъватчилардан ихлос кетди, риё устун бўлди. - Ҳақ-ботил, ботил-ҳақ бўладиган бўлди. - Ҳалол ва ҳаром устида муҳокамалар бошланди. - Инсонларнинг ҳаёти масият, ғами дунё, хоҳиши севги, амали ботил, шунча ботқоққа қоришиб ҳам, умиди эса Жаннат. Яна сенга қандай далиллар керак қиёматга оз қолганлиги ҳақида?

Ҳанийфийлик нима дегани?

Аёлларга тегишли ҳадислар. – Тўртинчи ҳадис: Боб: Аёл, эрига сўзи ёки бошқа бирон нарса билан хоҳ ёнида ёки ёнида йўқ бўлишидан қатъий назар озор бериши жоиз эмас. Муоз ибн Жабал розияллоҳу анҳу ривоят қилади: Расулуллоҳ соллаллоҳу алайҳи ва саллам айтдилар: «Бу дунёда аёл киши эрига озор берган вақтда унинг (жаннатдаги) ҳурлардан бўлган аёли: «Унга озор берма, Аллоҳ яксон қилгур. У сенинг олдингда бир меҳмон ва сендан ажралиб, бизга келишига оз қолди», дейди». 📚[Термизий «Саҳиҳ», 1174]

Аёлларга тегишли ҳадислар. – Учинчи ҳадис: Боб: Аёл киши эрининг изнисиз нафл рўза тутиши ва унинг рухсатисиз уйига ҳеч кимни ҳатто маҳрамларини ҳам киритиши жоиз эмас. Абу Ҳурайра розияллоҳу анҳу ривоят қилади: Расулуллоҳ соллаллоҳу алайҳи вассаллам айтдилар: «Аёл эри турганда унинг изнисиз рўза тутиши ҳалол эмас. Ва уйида (ҳеч кимга) изн бермайди магар унинг изни билан». 📚 [Бухорий «Саҳиҳ», 5195]