ArabChain Learn

مهم تعرف لما تحقق ربح فى اي صفقة. هو انا حققت ربح ليه؟ هو انا دخلت علشان ايه؟ ايه هي الإشارات الى خليتنى اخوش هنا وخليتنى احقق ربح؟ لما تعرف هما ايه، اكتبهم فى ورقة وقلم، واكتب عليهم ( سيناريو دخول رقم واحد ). وهكذا، لحد ما يكون عندك 4 أو 5 سيناريوهات دخول من التجربة والخطا. وكل المطلوب منك بعد كدا، انك تدور عليهم فى السوق تانى، ونفذ العملية تانى، لان الى كسبك قبل كدا هيكسبك تانى. والموضوع معاكس مع الخسارة، اعرف انت خسرت ليه هنا بالظبط، واكتب سبب الخسارة، وحاول تتفادى كل الأسباب على قد ما تقدر الى خسرتك. تمرين مهم جدا لازم تتعود عليه. ملاحظة : فى صفقات لو خسرت فيها، مش لازم يكون سبب محدد، انت خسرت علشان الصفقة فشلت، وخلاص وده سبب كافى، مش لازم تتدور على كل سبب صغير وكبير، احنا شغلتنا احتمالات يا صديقى إلى نجح النهاردة احتمال يفشل بكرة. بالتوفيق للجميع.❤️ #نصيحة

اتفاق مبدئي علي رفع سقف الدين الامريكي

🌟 اشارات دخول صفقات. 1- منطقة دعم ثابت قوية. ✅ 2- منطقة دعم متحرك قوية. ✅ 3- دايفرجنس ايجابى على RSI. ✅ 4- نموذج شموع يابانية انعكاسى. ✅ 5- هبوط فى الفوليوم فى الاتجاه الهابط. ✅ 6- منطقة تصحيح فيبوناتشي ذهبية. ✅ 7- منطقة دعم موفينج أفرج 200 أو 100. ✅ 8- خروج شمعة من البولينجر باند. ✅ 9- تقاطع إيجابى MACD. ✅ 10 كسر منطقة مقاومة بفوليوم وسبريد قوى. ✅ 11- كسر ترند هابط بفوليوم وسبريد قوى. ✅ 12- منطقة تشبع بيعى ستوكاستك. ✅ 🌟 لازم تلاقى 3 إشارات متجمعين مع بعض قبل دخول أي صفقة، وبنسبة كبيرة هتنجح معاك. #نصيحة

السوق بتاعنا فى حاجة مهمة جدا ممكن تكون ميزة لو استغلتها صح، وممكن تكون عيب كبير جدا لو اهملتها. وهى اتجاه البيتكوين واستحواذه. لازم يكون عندك معادلة كدا بتمشى عليها دايما قبل دخول أي صفقة، لو بتشتغل عملات طبعا. العملات 90% منها مش بيحترم التحليل الا فى حالة احترام الكوين للتحليل الاول. نفترض أن العملة بتاعتك عند دعم ودايفرجنس ايجابى، والكوين عند مقاومة وعمل نموذج شموع سلبية. متتدخلش الصفقة بنسبة كبيرة جدا الدعم هيتكسر وهتخسر فى الصفقة، طيب ليه ده التحليل ماشى كويس، فعلا ولكن الكوين مش ماشى أو متفق معاك. الكوين بيصعد + استحواذه بيقل = انفجار العملات. الكوين ثابت + استحواذه بيقل = صعود العملات. الكوين بينزل + استحواذه بينزل = ثبات العملات. الاستحواذ يا صديقى مهم جدا جدا جدا. اعرف اتجاهه وبعدين ادخل، غير كدا هتتعرض لخسائر كتير، لانه هيبقى عيب بالنسبة ليك.

اقرا دى تانى وركز فيها كويس علشان تستفيد من الصعود إلى جاي إن شاء الله.

مهمة جدا ✅

اوعى تكون متداول من نوع شمعة حمراء واحدة تخليك تغيرك قراراتك أو حتى شمعة خضراء واحدة تخليك تغيير نظرتك للتصحيح مثلا. فى حاجة مهمة جدا لازم تكون عارفها، كلنا حافظين اشكال الشموع وتأثيرها على الأسعار، بس محدش قالك ان مكان تكون الشمعة اهم بكتير من الشمعة نفسها. مينفعش اخد قرار شراء، علشان شوفت شمعة خضراء أو نموذج شموع ايجابى فى منطقة مقاومة، ولا ينفع اخد قرار بيع وانا شوفت شمعة حمراء فى منطقة دعم. علشان كدا مهما حصل قدامك فى الشارت انت عينك مش على الشموع خالص، انت عينك على المناطق الى هتتكون فيها الشموع بس.

حاجة مهمة جدا جدا لازم تكون عارفها فى سوق العملات الرقمية. السيولة فى السوق دايما متغيرة من عملة لعملة تانية، يعنى انت لو حللت عملة معينة، وتحليلك قال صعود، ادخل فيها وتوكل على الله، واصبر لحد ما يجى دورها. لان السوق ماشى بالادوار، الغلطة انك تشوف عملة تانية صاعدة وعاملة ارقام كبيرة، تقوم تخرج من العملة إلى انت حللتها، وتخوش فى الى بتصعد، علشان خايف حاجة تفوتك. تلاقى العملة إلى انت دخلت فيها نزلت عملت تصريف بعد الصعود عادى، والسيولة انتقلت للعملة بتاعتك إلى انت كنت محللها فى الاول. القصد انك تدخل العملة وتصبر طول ما تحليلك صح، هيجى عليها الدور، فى ناس بتخوش العملة تصعد بعد ساعة أو اتنين أو يوم، فى ناس بتخوش العملة تصعد بعد اسبوع او 10 ايام. علشان كدا فى ناس بتستغرب اول ما اطلع من العملة تبدأ تعمل صعود، لان دورها جه وانت مكنتش فيها. الصبر ثم الصبر ثم الصبر على عملاتك، وربنا هيكرمك دايما. #نفسية_المتداول

نموذج رقم عشرة المستطيل 🟢🔴 منطقة تذبذب عرضي كما نري فى الصورة لحين الكسر بالأعلي أو بالأسفل يرسم النموذج بخطين أفقي بالأسفل والأعلي خط قمة مقاومة خط قاع دعم يمكنك المضاربة بينهم أن كنت ذو صاحب مهارة

نموذج رقم تسعة المثلث 🔴 يمثل هذا النموذج منطقة تذبذب داخل مثلث كما بالصورة ويرسم المثلث من الأعلي للأسفل على قمم التذبذب وخط أفقي فى القيعان حتي يتم التلاقي بينهم أختراق المثلث لأعلي وأعادة الأختبار نقطة ذهبية للدخول والأستوب لوز الخاص بك أقل أسفل قاع من القيعان التي رسم عليها الخط الأفقي