أفلام - Aflam ٢٠٢٣ 🎥

ازيكم يا جدعان عاملين ايه طبعا انا عارف اني غيبت مدة كبيرة جدا جدا وده انا بعتذر عنه لانه مش بايدي لان عندي جيش وظروف تانيه كلها شغلتني بنسبة كبيرة وانا حاليا في فترة مش حلوة وتايهه فيها بنسبة كبيرة ومعنديش شغف للافلام والمسلسلات واللي فيكم قديم في القناة هيعرف ان الافلام والمسلسلات هي جزء كبير من حياتي وحرفيا كان هو ده شغفي وطريقتي في التعامل مع وقت فراغي حاجة انا كنت ومازلت بحبها انا بحب الافلام والمسلسلات عشان دي صناعة مش قصة نجم معين او مخرج معين وبس.....طبعا النجوم والمخرجين بيساعدوا العمل انه يعمل شرارة لمحبين الافلام....المهم يعني انا حاليا مش عارف اذا كنت هوقف ولا هكمل في القناة وزعلني سيكا ان في ناس كتير طلعت مش عشانهم انا زعلان عشان مبقتش قادر اخلي الناس دي مهتمه ومبسوطة وعندها ع الاقل كل اسبوع فيلم او مسلسل تتفرج عليه....وزي ما قولت بفكر اذا كنت هكمل ولا لا ولو هكمل انا اكيد مش هكمل هنا انا هعمل قناة ع واتساب بحيث تزيد من وقت للتاني في الاقتراحات والكل يقدر يدخلها ويستمتع واذا كنت مش هكمل فانا هفضل ساكت ووممكن تلاقوني بعت ملصق معين او غيرت اسم القناة اتمنى منكم انكم تدعولي وشكرا ليكم

واخيرا صاحب المشاعر المدمرة والقصة الحزينة والنظرة الكئيبة افضل ممثل هو كيليان ميرفي 💙🔥

للمرة الأولى في تاريخ المخرج العبقري كريستفور نولان اوسكار افضل مخرج 💙🔥

روبرت داوني جونيور باستحقاق كأفضل ممثل مساعد 💙🔥

كذلك كافضل فيلم سينمافوتجرافك 💙🔥

اوبنهايمر يحصل ع احسن فيلم في الأوسكار 💙🔥

يعني انا ودي احس ان فيه سبب لكن للأسف مفيش غير ان هو المخرج عايز كده بس هو في العموم فيلم جامد جدا يستحق المشاهدة وفكرته حلوة فيلم زي ده ممكن يتبني عليه افلام تانيه وممكن مسلسل والخ لان دي حرفيا قصة مرنة بعالم جديد ببطل محترم وتقيمي للفيلم ده 8 من 10

سيداتي وسادتي عدنا اليكم من جديد طب يا جدعان اتفرجت ع فيلم the beekeeper طب في البداية كده ايه العظمة دي؟ بجد يعني ايه الجمال والحلاوة والاكشن بيفكرني ب اكولايزر والله بس بصراحة الدافع هنا احسن المهم يعني انا متفائل للفيلم ده انه ممكن يتعمل فيها كذا فيلم وممكن فلاش باك ليه لا انا شايف ان الفيلم نجح في المواقع بس النقاد ميسكتوش لا راحوا مبوظين تقيم ام الفيلم ع مواقع التقييم....احنا ممكن نقول من سلبيات الفيلم ان مفيش عمق في القصة يعني هو مش مديك اسباب ومش مديك مشاهد فلاش باك مش مديك اي حاجة تبينلك هو البطل بيعمل كده ليه غير مشهد في اول الفيلم اما الحاجة التانية وهي المبالغة في قوة جيسون ستيثام....بص هو انا اكيد بهزر لما بقول مبالغة وكده لان صباح الفل جيسون كان بيصحي الصبح بيعمل اكشن بينام بليل بيعمل اكشن بيدخل لامؤاخذه الحمام بيعمل اكشن اللي هو الراجل ده فاضله فيلم كمان وحياته متبقاش زينا ممكن نحسبه كروبوت او الة دفاع او حاجة بس بردو لما نرجع لمشاهد ضرب النار عليه هو بطئ وضرب النار ماشاء الله فشيخ ومفيش ولا طلقة بتصيبه يعني حتي المخرج مكلفش نفسه ب ٣ جنيه يبرر ليه بيحصل كده سواء بره او جوه الفيلم

وبعدين كين وباربي هما في الاول في الاخر العاب واللي اطفالنا واطفال المستقبل هيتفرجوا عليهم ويلعبوا بيهم فانا بذكائي الخارق اروح مخلي الاطفال يفقدوا بصيص الحب اللي في الحياة عشان باربي امرأة قوية جدا ومش عايزة رجالة في حياتها وده بالنسبالي تخلف والغرب افكارهم المتخلفة دي هي اللي اديت ان يبقي في الوان اساسا ورغم ذلك هو فيلم يستحق المشاهدة والاشادة لان اتقدم فيه اداء واغاني وجو بهجة وكوميديا جميلة المركز التامن معانا هو فيلم extraction 2 والسلسلة دي انا بعتبرها ايقونية في تاريخ كريس هيمسورث بجد قدم اداء تمثيلي ومجهود بدني خرافي يحترم عليه والجزء التاني هو ابداع فني واكشن مش طبيعي ده كفاية معركة السجن اللي اتاخدت كلها وان شوت وكانت عبارة عن نص ساعة ويمكن اكتر وده مجهود رهيب ده غير وضوح معالم الشخصية وظهور شخصيات جديدة هتساعد الفيلم ده فيما بعد ويعتبر الفيلم ده من النخبة حاليا ع مستوي الاكشن والقتل في المركز السابع معانا هو فيلم elemental وهو فيلم رائع بكل ما تحمله الكلمة وفي قيم جميلة وده اللي كان مفاجئني اللي هو ده انا ممكن اخلي الاطفال يتفرجوا عليه وانا مرتاح لان مفيش فيه اجندات نهائي ولا فكر متخلف بالعكس هو فيلم بسيط جدا وافكارو حلوة ومشكلته حلوة ده غير ان الجرافيك مظبوط والشخصيات حلوة ف الفيلم ده ع المظبوط في المركز السادس معانا هو فيلم creed 3 وده فيلم ماستر بيس بكل ما تحمله الكلمة لانه يعتبر فلاش باك لاحداث قديمة البطل اتعافي منها في وقت ما وهو حاليا مش عايز يفتكرها لانه في وقت ازدهار ونجاح كان دايما بيدور عليه والفيلم ده من روائع جيسون ماجيرز اللي انهي كاريره الفني في اسرع وقت ممكن يمكن الحاجه الوحيده الوحشه هي عدم وجود سيلفستر ستالون في الفيلم وهو حرفيا كانت السلسلة دي قايمة عليه المركز الخامس يروح لفيلم equalizer 3 من روائع دانزل واشنطن الرجل الذي انشأ فكرة الة القتل والاكشن الاكثر اثارة لدرجة ان افلام جون ويك كلها كانت بتتقارن بسلسلة الافلام دي واللي منكم شافها هيعرف ان الجزء ده جامد جدا وخصوصا من الناحية العائلية لانه بيبنلك قد ايه الشخصية رمادي اوقات كتير وابيض اوقات قليلة واسود بسبب البشر هو فيلم لا يكفي الكلام عنه في بوست ده محتاجله بوستات وفيديوهات للصبح في المركز الرابع معانا فيلم gran turismo الفيلم ده ممكن محدش يفهم انا حطيته ليه هنا واديته تقيم عالي جدا هقولك لان ببساطة مخرج الفيلم والكاتب اظهرولك كل طرق الاحباط اللي ممكن تتخيلها في فيلم ده شوية صفات نفسية زي الخوف من المستقبل وعدم الثقة بالنفس والتعالي او التكبر وفيه محبة وفي ندم الفيلم ده في مكس مشاعر مش هتشوفه الا لو الفيلم والكاتب والمخرج عالمين في المركز التالت معانا فيلم جون ويك 4 طيب من غير كلام كتير الفيلم ده ايقوني بردو بالنسبالي ده غير ان شوفنا فيه تطوير رهيب لشخصية جون ويك زي ما اتكلمت عنه في التحليل اللي ع القناة واضافة الي الشخصيات الجديدة الجامدة جدا اللي دخلت الاحداث وكفاية انها بقيت سلسلة نجاحها كان كافي لعمل مسلسل لشخصية زي وينستون في المركز التاني معانا فيلم الفلاش باك لاحداث سلسلة هانجر جيمس الفيلم اللي انا بعتبره احسن فيلم فلاش باك في السنة ويمكن في التاريخ انا الفيلم ده عجبني جدا والفيلم ده مش للاطفال نهائي وخصوصا بعد ما الكاتب خد خطوة جرائة رهيبة وخلي البطل في النهايه يبقي الشخصية الشريرة اللي هو عمله قوة ومركز لم ولن يؤثر فيلم شعرة واحدة من جمال بنت او صاحب عمر او اي شخص المركز الأول بقي وكلنا عارفينو هو اوبنهايمر ورسالة للاوسكار لو نولان وكيليان ميرفي ماخدوش اوسكار عن العمل ده يبقي 🤬🤬🤬 نشتمهم بجد اللي هو الفيلم اروع ما يمكن عمله في فيلم وثائقي وممثلين فرز اول ماعدا بنت الجزمة اللي اسمها فلورنس بوج دي عشان بجد انا متضايق منها المهم ده فيلم رائع بكل ما تحمله الكلمة في افلام تانيه انا جبتها ع مستوي السنة في منها كتير اللي يستحق المشاهدة بس لو مشوفتوش مش هيجري حاجة بس دول افلام بتلخص السنة كلها ولازم تتفرج عليهم

سيداتي وساداتي اقدم لكم احسن افلام في سنة 2023 وتعالوا نرتبهم واقولكم ليه في المركز الاخير فيلم fast x وده الجزء الأول من نهاية سلسلة استمرت اكتر من 20 سنة وده بالنسبالي لازم يدخل في القايمة دي لانه ببساطة قدم السهل الممتنع اللي ممكن اي فيلم يقدمه عادي جدا ده غير وجود كمية نجوم في الجزء ده مش طبيعي وكفاية ان ذا روك رجع دي لوحدها كفاية في العاشر معانا فيلم الجاردينز : الفيلم ده ابتدي بداية هي شبه مثالية والتركيز عليه في رأيي كان اوفر وده تقريبا اثر بالسلب عليه ممكن ناس تكون حابة النهايه بس حرفيا انا مبطيقش النهايه بتاعت الفيلم ده رغم اني احبذها لبعض الشخصيات واللي انا كنت حاسسهم ملهمش لازمة زي جامورا اللي اتشهرت بس ع حس زانوس وكويل وزي مانتس ودراكس كذلك وانا بأمانه مش هتكلم بس هو يستحق المشاهدة مازال بردو المركز التاسع معانا فيلم باربي : واحد يقولي ليه ده كل الناس اجمعت عليه وانه فيلم جامد هقولك دي حقيقه بس اوفر نسوية يا معلم وبعدين لامؤاخذه النهايه زي الزفت يعنى انا ليه اقعد ساعتين عشان اتفرج ع باربي بتقول ل كين شوفلك حد غيري هكمل في بوست تاني

طب يا جدعان اتفرجت ع فيلم rebel moon دلوقتي انا عايز اقول حاجه الفيلم ده متخلف جدا وملوش معنى بالنسبه للمسلمين لانه في حاجات انت كمسلم استحالة تتقبلها ف الواحد مضطر انه يتعامل معاه بعقلية الاجانب المتخلفة.....ندخل في المهم ونقول ان زاك سنايدر عامل عظمة في الفيلم ده حرفيا الفيلم ده كل حاجة فيه حلوة وده مش مبالغة وبعدين انا شايف ان في قصة بتتحكي بشكل كويس فشخ اللي هو ماهذا الجمال يمكن الفيلم ده يعيبوا ان كان ممكن يبقي فيه سوبر ستارز اكتر وتعمق اكتر سواء في الحوارات او في الأحداث بس انا متفائل ان الجزء الأول عامل كده ما بالك بالباقي ايه اللي هيحصل.....قسما بالله يا جدعان بتوع dc وشركة وارنر بروس دي مبتفهمش عشان تمشي واحد زي زاك سنايدر هسيبلك اللينك في الكومنتات وتقيمي للفيلم ده 8 من 10

طب يا جدعان اتفرجت ع فيلم the family plan قبل اي حاجه انا عايز اقولكم ان الفيلم ده كرينج ومعظم احداثه متوقعة جدا اللي هيتفرج عليه لازم يبقي واحد جاي يشوف اجواء عائلية بسيطه جدا مع بعض الاثارة بس الاكتر هي المشاعر العائلية والدراما اللي جوه الفيلم بسيطه ومبنية ع اجواء عائلية وانا بأمانه الله الافلام دي مهما كانت وحشه ببقي عايز اتفرج عليها مرتين مرة وانا سنجل ومرة وانا متجوز ان شاء الله 😂💔 اصل الافلام دي بتبقي مسلية وفي نفس الوقت بتربطك عائليا جدا ودي حاجة حلوة طبعا الدور والباقي ع الغرب هما حرفيا اغبية ومش هيقبلوا بفيلم زي ده وكذلك الجيل الصغير هنا ودي حاجة مؤسفة طبعا المهم البطل مارك والبيرج هو ممثل كويس جدا بس انا رأيي انه كان افضل في الثنائيات احسن من البطولة المطلقة وانا مش فاهم ليه هو بطل يعمل ثنائيات مع ممثلين تانين وانا رأيي انه مش هيبقي في القمة الا لو عمل ثنائية تاني وتقيمي للفيلم 8 من 10 والفيلم موجود ع كل المواقع

الشخصية ظهرت في الجزء الأول حاجة فشيخة جدا بس ناقصها كاتب صح هما بقا جابوا كاتب فشخ الشخصية وبعدين انا عايز افهم حاربت زانوث قبل كده عشان اعلي عليها الشرير اروح مخلي الشرير اقوي عشان سوار منتن وعصاية اللي هو ماهذا العبث انا فاكر في مرة ثور اعتبر لوكي شهيد عشان اتقتل من زانوث انحدار عبثي في الشخصية ده غير انها حرفيا محسستنيش بالحرن لاي سبب مع ان كان اغلب الدراما متعلقة بيها انا لوهلة شكيت انها الوان ومحستش بأي حاجة تاني انا مش عايزك ترمي ايفهات ولا عايزك تبقي قائد انا عايزك مفترسة قاهرة من غير نسوية ودي مشكله حاليا لان اغلب الجمهور هو عنيف للغاية مش عايز يشوف الرقص والغناء اللي في نص الفيلم وبردو توقعاتهم اعلي بكتير من حياة البنات وده اصلا فشخ للمرأة اللي هو انتوا هنتوا المرأة في نص الفيلم بتعرفني ان كابتن مارفل اميرة في احدي الكواكب اللي شعبها بيغني مبيتكلمش عادي والغناء هيجي من وراه رقص والي اخره اما عن كابتن رامبو ف دي الوحيدة اللي حسيتها ماسكة الفيلم ده هي والشريرة في بعض الأحيان من احدي عبثيات الكاتب انه موصلش خط درامي مابين كارول دانفرز والشريرة وده عبث لان الشرير هيبقي عندو هدف واحد بس زي زانوث وبمجرد ما هيحققه هيهلك وده اللي حصل وحتي الشخصية القيادية في الفيلم نفاها لبعد تاني املها الوحيد ان البت اللي كانت مع دكتور سترينج في الجزء التاني تلاقيها وده يبقي حتة من عندي لان انا بستخدم الشخصيات في خيالي افضل استخدام كل ده كوم وعودة نيك فيوري كنيك فيوري دي قصة تاني لان الموضوع وحش اوي من ساعة اخر مسلسل سكريت انفيجن فاتمني ان العبث ده يتحل في الأفلام الجاية تقيمي للفيلم ده ك كوميدي 8 من 10 اما لو فيلم ابطال خارقين هيكون 5 من 10 هسيبلكم اللينك في الكومنتات

طب يا جدعان اتفرجت ع فيلم the marvels في البداية وقبل كل شيء انا عايزك تفهم ان ده فيلم كوميدي وممكن نصنفه كوميدي /اكشن بس نبقي ظلمنا الاكشن لان البطلات مبيعرفش يقاتلوا وحرفيا معظم قتالهم بيعتمد ع القوة زي هالك وشي هالك والخ المهم يا معلم ده فيلم تتفرج عليه لما تكون عايز تضحك ومن غير اي توقعات زي ما تكون عارف ان النتيجة هتقفلك او فريقك بيخسر من قبل الماتش ما يبدأ وانا عايز اوضح ان ده اسوء اداء تمثيلي ل ( بري لارسون) كابتن مارفل بجد كان تمثيلها زي الخرا في الفيلم ده اللي محلي الفيلم ده حرفيا هي (ايمان) او كاميلا خان واللي بتضحكني وفي نفس الوقت بتديني احساس مايكل انجلو في سلاحف النينجا اللي هو الكاتب عامل الشخصية ضعيفة جدا مقارنة باللي معاها وفي نفس الوقت بتحب تهزر كتير بس اللي ضايقني انه حطها في ترشيح لقيادة الافنجرز وده بالنسبالي قمة النسوية ده بعيدا عن الفيلم اصلا بس هو انا ممكن اسئل الكاتب ما القدرات التي تمتلكها كاميلا خان عشان تبقي شخصية قيادية الاجابة لا شئ احنا ممكن نعتبرها بطلة شارع ووقتها نقدر نقول وماله يمكن تعملها اما عن كارول دانفرز فهما حرفيا فشخو الشخصية هكمل في مسدج تانيه

اولا كان في زمان حرب شديدة مابين الكابيتل والمقاطعات وده لان كل مقاطعة كانت حاقدة ع خيرات الكابيتل وغير كده الناس في الكابيتل دايما بيحتقروا الناس في المقاطعات في ده سبب رئيسي تاني حاجة عرفنا ان ابو سنو مات في واحدة من المقاطعات وطبعا لان بلا شك هوَ كان عنصري ده غير ان كان في حرب بس تعرف من وضعهم المادي انه مكنش غني بالعكس هو كان متوسط الدخل لان الاغنياء في الكابيتل ممكن يعيشوا عقود من غير ما يفقروا ثالثا اسم كاتنيس ده بيشير لبطلة السلسلة وهي (كاتنيس افردين) وانا توقعي ان كاتنيس تعتبر حفيدة راتشيل زيجلر لان بيساطة زيجلر كانت مهتمة بالموكينبرد وفي نفس الوقت بتحب اسم كاتنيس وطبعا بعد النهاية دي عَرفنا ليه سنو مكنش بيحب كاتنيس في السلسلة رابعا الحياة خليت سنو قاصي ع نفسه اكتر ماهو قاصي ع حد بجد الكاتب روعة لان هو حاول بينلك الفرق بين سنو وصاحبه اللي انا مش فاكر اسمه واحد منهم كان متقبل عادي ان اي حد يموت في سبيل انه يوصل لهدفوا والتاني مكنش متقبل كده وبينلك قد ايه ان المنتصر هو اللي تقبل لان كل حاجة عنده متاحة ببساطة كده سنو عمل كل حاجة غلط....غش في الألعاب اتأمر ع صاحبه قتل كذا مرة واخرهم كان البروفيسور اللي كان عايز ينهي الألعاب سنو ادرك ان الطريقة الوحيدة عشان يكبر ويبقي رئيس هي المجد والدم تقيمي للفيلم ده 10 من 10

وفي شخصيات جديدة تماما ومحدش كان يعرف عنها حاجه في نص الفيلم هتحس ان الدنيا ايزي وان البطل محتاج يعمل كده عشان ينقذ البطلة بس انا من رأيي انه ده مش عدل ليه كل اللي ماتوا في الساحه يموتوا عشان مدربيهم مغشوش زي ما البطل غش عشان ينقذ البطلة متهيألي كان لازم تموت هي كمان.....اما عن البطل والبطلة كأداء هما رائعين جدا والفيلم كله حلو بس عندك مشكلة التقييم فيجي واحد يقولي هو ليه تقيمه 7 من 10 ع imdb واللي هو موقع شهير وكده....هقولك ان ده غالبا يقع ع منتجين او مخرج الفيلم لانه اختار البطلة اللي (راتشيل زيجلر) ودي حرفيا بطلة نسوية فشخ يا جدعان لدرجة انها لما كانت مترشحة لدور snow white واكيد كلنا عارفين فيلم الكارتون ده كانوا هيعملوا حقيقي ودي كانت احدي خطط خرا ديزني المهم ديزني اتعاقدت معاها ع الدور بس وقتها البت دي عبطت في الكلام قصة سنو وايت اساسا مبنية ع الحب وان الامير بيحاول يوصل ل سنو وايت وكده في مقابلة طلعت قالت ده الامير ده حكاك وكده وفي مقابلة تاني طلعت وقالت ان سنو وايت شخصية غبية انها بتقع في حب واحد هو بيتتبعها واللي هو قالت كذا تصريح فجرت فيها كمية نسوية رهيبة لدرجة ان وانا بتفرج كنت مستغرب واغبي حاجه انا شايف انها عملتها انها اخدت دور رئيسي في احدي افلام dc فلما اتسئلت ايه رأيها في الموضوع ومتحمسة وكده ردت قالت اني عملت الفيلم ده عشان الفلوس....وده يوضحلك مدي غباوتها في ممثلين حرفيا اتشهروا بسبب الادوار البسيطة اللي بيعملوها سواء لمارفل او dc ودي جايه تقول تصريح زي ده طبعا انا مش فاكر كل الكلام بس في يوتيوبر اسمه عبدالرحمن محمد ذاكر كل ده في فيديو تقدر تكتب راتشيل زيجلر عبدالرحمن محمد وهيطلعلك الفيديو بس الملخص انها غبية ونسوية والناس في امريكا وبعض النقاد مكنوش طايقنها عشان كده قاموا بحملة مقاطعة مقاطعة ع الفيلم ده في البداية وهي طلعت اعتذرت وقالت انا اسفة ع كل الحاجات الغبية اللي انا قولتها زمان وانا مكنتش فاهمه وبتاع بس انا حرفيا بعد ما شوفت نهاية الفيلم ده مش مصدقها ده انا اكاد اجزم انها وافقت ع الدور ده عشان النهايه مش سعيدة هقولكم ع كام حاجه كده في السلسلة تريكات هتلاقيها في الفيلم ده واشار إليها في السلسلة بس الفيلم ده بيوضحها

من منصبي هذا باعلن عودة العلاقات مع المواقع المصرية وخصوصا ( عرب سيد) بس بطلوع الروح طبعا لان زي ما كلكم عارفين المواقع دي كانت مش بتشتغل عندي المهم تعالو نخش في الموضوع اتفرجت ع فيلم فلاش باك ل هانجر جيمز واللي ميعرفش سلسلة هانجر جيمز احب اقولك فايتك كتير اوي يا صاحبي وابداع خاص من بطلة السلسلة وهي ( جينفر لورنس) المهم الفيلم ده انا اكاد اجزم انه احسن فيلم لاحداث ماضي في سلسلة افلام في التاريخ وخصوصا لما ميكونش البطل هو بطل من اصحاب الطيبة والخير...حرفيا الفيلم ده انا كنت متفاجئ بيه لان قبل تنفيذو كان عباره عن اشاعات + مفيش حاجة مهمة في حياة سنو اللي في السلسلة لانه يعتبر ميت.. اللي انا كنت عايزو بجد هو جزء جديد للسلسلة وخصوصا ان اخر جزء قفل القصة بمصير كويس وده مش حاجه سهلة مع المقاطعات اللي هو انا عايز اشوف نظام الحكم هيبقي ازاي هل هيكملوا الالعاب ولا لا هل كاتنيس ماتت بعد ما عاشت جمب حبيبها وخلفو ولا لا دي كلها تخيلات واسئلة ممكن تتعمل فيلم ومع كاتب ومخرج صح كل ده هيبقي جامد اما الجزء ده فانا جايبلك المؤثرين فيه هتلاقيهم في الصوره وده عشان اعرفك ان فيه منهم شخصيات امتداد او مأخوذين من السلسلة

الاجانب يا جدعان عندهم وجهة نظر ان تايلوننج واللي هو شرير الجزء الأول واللي حرفيا بني جزء كبير من السلسلة دي ظهر في الاعلان لمدة بسيطة قدام شرير الجزء الرابع عشان طبعا الكاتب اللي افكاره جامدة فحت يبينلك قد ايه شرير الجزء الرابع قوي وجامد ومفيش منه اتنين بيهزمه غالبا في نفس المشهد وبينهي الكاتب وقتها أسطورة تايلوننج....انا عن نفسي مكنش عندي مشكله رغم اني كنت افضل ان عودة تايلوننج تبقي في جزء لوحده بيتكلم عنه وبيتكلم عن تايجرس وان ازاي انواعهم مختلفة ويحكي عداوة خيالية انا عاملها في دماغي مابين قبيلة تايجرس وقبيلة تايلوننج ده بالإضافة الا ان انا وكل الجمهور غالبا زعلانين من قصة ان الجبابرة الخمسة مش موجودين في الجزء ده واللي حرفيا ماهذا العك الذي تفعلوه...بس المنتج تقريبا او حد من طاقم العمل يعنى طلع قال انهم هيظهروا وانا وكل الجماهير بردو مش مصدقين ولو ظهروا هيبقي مشهد صغير واحنا عايزين ليهم نفس المغامرة مع بو ان مكنش اكتر واللي يخلينا مش مصدقين ان البوستر حرفيا نازل من غير ولا واحد فيهم والاعلان كذلك اللي هو انتوا بتتضحكوا علينا احنا يولاد ال 🤐🤐 احنا هنستني في صمت