أوهام 🖤

{ وَاسأَلهُم عَنِ القَريَةِ الَّتي كانَت حاضِرَةَ البَحرِ إِذ يَعدونَ فِي السَّبتِ إِذ تَأتيهِم حيتانُهُم يَومَ سَبتِهِم شُرَّعًا وَيَومَ لا يَسبِتونَ لا تَأتيهِم كَذلِكَ نَبلوهُم بِما كانوا يَفسُقونَ }[ الأعراف: ١٦٣ ] عامل اي يا صديقي؟... قصة اصحاب السبت وهم قوم من بني إسرائيل، كانوا عايشين على السمك لأنهم ساكنين قرب البحر و كان هو إن مصدر رزقهم الوحيد ،و بني إسرائيل كان عندهم يوم السبت ده يوم مقدس جدا للعبادة مينفعش يعملوا اي حاجة فيه غير العبادة بس، ولكن ربنا حطهم في اختبار صعب جدا، إن السمك ميجيش أي يوم غير يوم السبت بس و باقي ايام الأسبوع مفيش سمك! و جاتلهم فكرة وكانوا فاكرين إنهم هيضحكوا على ربنا و قرروا إنهم كل يوم جمعة هيرموا الشباك في البحر و يوم الأحد هيلموا السمك بقى اللي وقع في الشبكة و بالفعل عملوا كده ولكن ربنا عاقبهم على فعلتهم دي بإنهم تحولوا لقرود!!... الشاهد من القصة دي إن ديما البلاء هيجيلك في الحاجة اللي بتحبها، في حاجة صعب عليك إنك تسيبها أو تبعد عنها، فلما الأيات تجيلك عشان تبعد عنها بلاش تتكبر و تختار إنك تكمل.. تاني حاجة إن قدر ربنا عظيم جدا و ممكن يبتليك إنه يوفرلك كل سُبل المعصية عشان يختبرك و يشوفك هتقدر تقاوم ول لا، أنت مسلم بجد ولا اي؟ تالت حاجة إنك مش هتعرف تضحك على ربنا لما تغير مسمى المعصية عشان تعملها برحتك، المعصية هتفضل معصية حتى لو الكل بقى بيعملها و أسمها بقى حلو. فخلي بالك و متأمنش لمكر ربنا و هو خير الماكرين. { أَفَأَمِنوا مَكرَ اللَّهِ فَلا يَأمَنُ مَكرَ اللَّهِ إِلَّا القَومُ الخاسِرونَ }[ الأعراف: ٩٩ ] #موضوع_كل_جمعة

‏"لقد كنتُ صامتًا، لكنني لم أكُن أعمى." - محمود درويش

"‏عندما يُعَدّ الغباء وطنية ، فمن الخطر أن تكون ذكيّاََ." - إسحاق آسيموف

"‏يحتاج الإنسان أحياناً إلى الصمت حتى وهو بمفرده." - جاي آشر

"‏أقصى درجات الحرية، هي ألا تكون لافتاً للنظر." - سارتر

{ فَفِرّوا إِلَى اللَّهِ إِنّي لَكُم مِنهُ نَذيرٌ مُبينٌ }[ الذاريات: ٥٠ ] ففروا إلى الله! اصلك هتروح فين؟ كل حل لمشكلة عنده، الرزق منه، الشفاء منه، الرحمة منه، اللطف منه، التوبة منه...كل حاجة مستعصيه عليك روحله و خلي عندك يقين إنه قادر، وإن لا حول ولا قوة إلا به، أسعى و خد بكل الأسباب، و ارمي كل حملك على ربنا و مش هيخذلك، هتفكر في غلاء اسعار، في ديون، عاوز تتجوز، عاوز تنجح، عاوز تحقق هدفك، خد بالأسباب و روح لربنا و اللي هيخترهولك هو الخير... اصلك برضو هتروح فين؟

{ فَاستَمسِك بِالَّذي أوحِيَ إِلَيكَ إِنَّكَ عَلى صِراطٍ مُستَقيمٍ } { وَإِنَّهُ لَذِكرٌ لَكَ وَلِقَومِكَ وَسَوفَ تُسأَلونَ }[ الزخرف ٤٣ : ٤٤ ] وسوف تسئلون دي صعبه جدا لما تتدبرها... يوم القيامة هتتسأل عن كل حاجة أنت عملتها، كل كبيرة و صغيرة مكتوبة، تتسأل أنت ليه مصلتش، ليه عملت الذنب ده و كنت مقيم عليه، ليه عصيت، ليه بعدت عن الطريق، ليه اخدت رشوه، ليه مظبطتيش الحجاب، و أسأله كتيره أوي هتتسأل فيها والصعب ساعتها مش هيكون عند إجابة و مش هنيفعك عذر ولا هينفعك حد لأن خلاص أنت كان جايلك كتاب على الصراط المستقيم لكن أنت أخترت الطريق التاني ف يلا نحاول نتوب قبل فوات الأون .

{ لَقَد تابَ اللَّهُ عَلَى النَّبِيِّ وَالمُهاجِرينَ وَالأَنصارِ الَّذينَ اتَّبَعوهُ في ساعَةِ العُسرَةِ مِن بَعدِ ما كادَ يَزيغُ قُلوبُ فَريقٍ مِنهُم ثُمَّ تابَ عَلَيهِم إِنَّهُ بِهِم رَءوفٌ رَحيمٌ }[ التوبه: ١١٧ ] عامل أي يا صديقي؟ في سورة التوبة و تحديدا ذكرى غزوة تبوك و في ظل الحر الشديد و المسافة الطويلة و قلة النفقة في الوقت ده بسبب إن موسم الحصاد للعرب كان لسه مجاش، وده كله أدى إلى إن الغزوة دي تسمى غزوة العُسرى بسبب صعوبتها، و ساعتها المنافقين اتعرفوا لأن محدش كان يقدر يخرج الغزوة دي غير اللي مؤمن بجد، و هنا بيجي مشاهد عظيمة جدا لصحابة النبي عثمان و عمر و ابو بكر رضي الله عنهم جميعا و المشهد الأول هو مشهد سيدنا عثمان: يقوم النبيﷺ و يطلع على المنبر و يقول : من يجهز جيش العُسرة و له الجنة؟ فيقوم سيدنا عثمان رضي الله عنه و يقول : عليّ مائة ناقة بأقتابها و أحلاسها. فيقوم النبيﷺ تاني و يعيد السؤال و يقوم سيدنا عثمان للمرة التانية و يقول: عليّ مائة ناقة بأقتابها و أحلاسها. فيقوم ﷺ تاني و يعيد السؤال للمرة التالتة و ساعتها سيدنا عثمان يقول عليّ بثلاثمائة ناقة بأقتابها و بأحلاسها. فيبتسم النبيﷺ و يقول : والله ما ضر عثمان ما فعل بعد اليوم و ظل يكررها. و ساعتها كان ممكن يوصل الملبغ بتاع الأبل دي لي ملايين الدنانير و لو قارنهم دلوقتي فسيدنا عثمان تقريبا جهز جيش لوحده. و في المشهد التاني لسيدنا عمر و أبو بكر رضي الله عنهما: يجي سيدنا عمر و يروح يجيب نص ما يملك من المال عشان يتبرع بيه و يقول للنبي ده نصف مالي لله، فيسأله النبي و ماذا أبقيت لأهلك، فيقول أبقيت لهم مثله. و كان فاكر ساعتها كده أنه أكتر حد ممكن يتصدق و أكتر واحد في الصحابة و إنه خلاص وللمرة الأولى هيسبق سيدنا أبو بكر في حاجة؛ بس يجي دور أبو بكر و يجيب كل ما يملك من الفلوس و النبي يسأله ماذا أبقيت يا أبا بكر، فيقول ما أبقيت شيئًا إنما أبقيت لهم الله و رسوله؛ فيلتفت سيدنا عمر و يقول والله لا أسبقك في شيء أبدًا. دايما الصحابة كانوا بيتنافسوا على الجنة و كانت دي أكتر حاجة بتخليهم في مكانة عالية، و يكون عندهم زهد في الدنيا، مش مهم الفلوس، مش مهم نفسنا، المهم الله و رسوله " الدين ". اخوتنا دلوقتي محتاجين لينا فأوعى تبخل بأي فلوس عليهم لأنك لا تملك دلوقتي غير الدعاء و التبرع بالفلوس. { إِنَّ اللَّهَ اشتَرى مِنَ المُؤمِنينَ أَنفُسَهُم وَأَموالَهُم بِأَنَّ لَهُمُ الجَنَّةَ يُقاتِلونَ في سَبيلِ اللَّهِ فَيَقتُلونَ وَيُقتَلونَ وَعدًا عَلَيهِ حَقًّا فِي التَّوراةِ وَالإِنجيلِ وَالقُرآنِ وَمَن أَوفى بِعَهدِهِ مِنَ اللَّهِ فَاستَبشِروا بِبَيعِكُمُ الَّذي بايَعتُم بِهِ وَذلِكَ هُوَ الفَوزُ العَظيمُ }[ التوبه: ١١١ ] #موضوع_كل_جمعة

{ وَإِذ زَيَّنَ لَهُمُ الشَّيطانُ أَعمالَهُم وَقالَ لا غالِبَ لَكُمُ اليَومَ مِنَ النّاسِ وَإِنّي جارٌ لَكُم فَلَمّا تَراءَتِ الفِئَتانِ نَكَصَ عَلى عَقِبَيهِ وَقالَ إِنّي بَريءٌ مِنكُم إِنّي أَرى ما لا تَرَونَ إِنّي أَخافُ اللَّهَ وَاللَّهُ شَديدُ العِقابِ }[ الأنفال: ٤٨ ] الشيطان دايما هيزينلك أي معصية على إنها جميلة و دايمه، هيفكرك بلذتها، هيقولك دي بسيطة مش من الكبائر، هيقولك هنغلط المرة دي و مش هنغلط تاني، هيفضل وراك لحد ما يوقعك فيها ولما تقع؛ هيخلع و هيقولك إني أخاف الله والله شديد العقاب. فبلاش يضحك عليك، قاوم معاه، حاول، استعين بالله، اذكر الله؛ طب لو عملت ده كله و وقعت و ضحك عليك؟ أعزم على التوبة و قوم و اقف تاني و كمل الحرب، عشان هي مش هتخلص غير عند موتك و افتكر إن ربنا باب توبته مفتوح مهما كان فبلاش يضحك عليك في دي كمان و يقولك انت خلاص ضعت لا فكر نفسك ب { قُل يا عِبادِيَ الَّذينَ أَسرَفوا عَلى أَنفُسِهِم لا تَقنَطوا مِن رَحمَةِ اللَّهِ إِنَّ اللَّهَ يَغفِرُ الذُّنوبَ جَميعًا إِنَّهُ هُوَ الغَفورُ الرَّحيمُ }[ الزمر: ٥٣ ]

{ وَأَوحَينا إِلى أُمِّ موسى أَن أَرضِعيهِ فَإِذا خِفتِ عَلَيهِ فَأَلقيهِ فِي اليَمِّ وَلا تَخافي وَلا تَحزَني إِنّا رادّوهُ إِلَيكِ وَجاعِلوهُ مِنَ المُرسَلينَ }[ القصص: ٧ ] كتير مننا عارف قصة سيدنا موسى عليه السلام بس مش كتير ركز مع أم موسى و اللي عملته. أم موسى اتحطت في موقف كلنا تقريبا بنتحط فيه بس هو كان أصعب بكتير أوي، إنه يجيلها أمر إلهي بإنها ترمي ابنها في البحر، و مفيش أصعب من كده تقريبا أختبار لأم لسه والده و يجيلها أمر أنها ترمي ابنها في بحر و يتقالها ده هيجيلك تاني و كمان هيكون من المرسلين، طب أزاي؟! ولكن أم موسى ربنا ربط على قلبها، وصدقت وقررت إنها تتوكل على الله و تعمل اللي ربنا أمرها بيه و يكون عندها ثقة بالله إنه بدال ربنا قال كده يبقى ربنا عمره ما هيخذلني في إني أعمل حاجة عشانه و بالفعل لما عملت كده اتردلها ابنها و بقى سيدنا موسى.... ودي النقطة اللي كلنا بنتحط فيها و أغلبنا بيفشل فيها، و هي فكرة إننا نسمع أمر من ربنا فنخالفه و نخاف من الهلاك بسببه، على سبيل المثال: -الصدقة، إنك تخاف إنك تطلع و تخاف الفقر رغم إن ربنا قالك ما نقص مالا من صدقة بل كمان بتزيد. -العفو، و إن ربنا قالك إن العافين عن الناس من المحسنين، فتخاف تحسن فتُضر. و أمثلة من دي كتير و قيس على كده النهي: إن ربنا ينهاك عن الربا، عن الشغل الحرام بس تخاف من الفقر؛ فتكمل في شغلك و الربا. إنه ينهاك عن صحبة السوء بس تخاف الوحدة فتكمل في صحبتك رغم إنك لو دورت و صبرت هتلاقي أحسن. إنه ينهاك عن التكلف بس تخاف من كلام الناس. و قيس على نفسك بقى وشوف أنت بتعمل أي غلط وعارف إنه غلط و خايف تسيبه عشان خايف يحصلك حاجة وحشة، بس حاشى لله إنه يأمرنا بحاجة ويكون فيها ضرر لينا . فخليك زي أم موسى توكل على الله، ثقة بالله؛ هتكون من المؤمنين. { وَأَصبَحَ فُؤادُ أُمِّ موسى فارِغًا إِن كادَت لَتُبدي بِهِ لَولا أَن رَبَطنا عَلى قَلبِها لِتَكونَ مِنَ المُؤمِنينَ }[ القصص: ١٠ ] #موضوع_كل_جمعة

{ يا أَيُّهَا الَّذينَ آمَنُوا استَجيبوا لِلَّهِ وَلِلرَّسولِ إِذا دَعاكُم لِما يُحييكُم وَاعلَموا أَنَّ اللَّهَ يَحولُ بَينَ المَرءِ وَقَلبِهِ وَأَنَّهُ إِلَيهِ تُحشَرونَ }[ الأنفال: ٢٤ ] تخيل ربك و رسولك بيدعونا و بيقوللنا استجيبوا للدين ده، استجيبوا للطاعات، استجيبوا وابعدوا عن المحرمات، وهو ده اللي هيُحيكوا؛ فتعرف إنك من غير دول أنت ميت و رمضان هو أكتر شهر هيحيك من تاني، أستغله صح، هات أخرك، ولو لسه مبدأتش ابدأ من دلوقتي متضيعش اللي جي، ده لسه اللي جي فضله أعظم ولسه ليلة القدر، متحبطش نفسك، لعلك في يوم واحد تجيب في أخرك تُكتب من العتقاء من النار، كمل رمضانك وعبادتك لسه في أمل.

- سيِّدُ الاستغفارِ أن يقولَ العبدُ اللَّهُمَّ أنتَ ربِّي لا إلَهَ إلَّا أنتَ خلَقتَني وأَنا عبدُكَ وأَنا على عَهْدِكَ ووعدِكَ ما استطَعتُ أعوذُ بِكَ من شرِّ ما صنعتُ أبوءُ لَكَ بنعمتِكَ عليَّ وأبوءُ بذَنبي فاغفِر لي فإنَّهُ لا يغفرُ الذُّنوبَ إلَّا أنتَ . من قالَها حينَ يصبحُ موقنًا بِها فماتَ من يومه دخلَ الجنَّةَ ومن قالَها حينَ يمسي موقنًا بِها فَماتَ من ليلتِهِ دخلَ الجنَّةَ الراوي : شداد بن أوس | المحدث : ابن تيمية | المصدر : الرد على البكري | الصفحة أو الرقم : 323 | خلاصة حكم المحدث : صحيح | التخريج : أخرجه البخاري (6306) باختلاف يسير

من لم يدَعْ قولَ الزُّورِ والعملَ بِهِ ، فليسَ للَّهِ حاجةٌ بأن يدَعَ طعامَهُ وشرابَهُ الراوي : أبو هريرة | المحدث : الألباني | المصدر : صحيح الترمذي

{ أَلَم يَأنِ لِلَّذينَ آمَنوا أَن تَخشَعَ قُلوبُهُم لِذِكرِ اللَّهِ وَما نَزَلَ مِنَ الحَقِّ وَلا يَكونوا كَالَّذينَ أوتُوا الكِتابَ مِن قَبلُ فَطالَ عَلَيهِمُ الأَمَدُ فَقَسَت قُلوبُهُم وَكَثيرٌ مِنهُم فاسِقونَ }[ الحديد: ١٦ ] عامل اي يا صديقي؟ خلاص رمضان باقي عليه يومين، جهزت نفسك ولا لأ للشهر العظيم ده؟ عشان لو لا يبقى لازم تراجع نفسك ومش لازم تكون عملت خطة تختم فيها ٢٠ مرة في الشهر ولا تقوم فيها الليل كله، ولا تدبر القرآن كله. خطتك أهم حاجة فيها تكون فيها صلاح ليك على سبيل المثال تبطل ذنب كنت مقيم عليه، تظبط الصلاة اللي انت مدمر مواعيدها، تصلح علاقتك بالقرآن تاني عشان يكون صحبك طول السنة، تبدأ رحلة جديدة مع قيام الليل و في نيتك أنك تحافظ عليه السنة كلها مش شهر واحد بس. فرمضان شهر التقوى، العبادة فيه سهله، الذنوب فيه بتتغفر، الحسنات فيه مضاعفة، أبواب الجنة مفتوحة، ابواب النار مغلقة، مفيش شياطين أنت و ومجاهدة نفسك و بس اللعبة بقت أسهل نسبيا، فلو مش هتتقي الله الشهر ده و مش هترجع له، يبقى أمتى بقى؟ { يا أَيُّهَا الَّذينَ آمَنوا كُتِبَ عَلَيكُمُ الصِّيامُ كَما كُتِبَ عَلَى الَّذينَ مِن قَبلِكُم لَعَلَّكُم تَتَّقونَ }[ البقرة: ١٨٣ ] #موضوع_كل_جمعة