«عَلى الهَامِش!💛»

#رسائل_ليتها_لم_تُكتب الأخيرة. "لم أكن أبكي كُنت أكتب لم أبكِ في يومٍ قَط )) لم أبكيك يومًا قط.. مُنذ رحيلك وأنا أكتب.. كُلما تذكرتك كتبت.. كُلما إشتقت إليك بسطت الأوراق حولي وكتبت.. كُلما سألني عنك أحد عُدت لغرفتي لأكتب لك.. كُلما إرتديت ساعتي ونظرت للوقت داهمتني رغبة عارمة في الكتابة لك قبل أن تسقط دمعتي..وكأنني في سباق مع الوقت. كتبتُ لك الكثير من الرسائل بلغ عددها سبعون رسالة..! مزقت إثنتا عشر منها.. رميت بي ثلاث في سلة المُهملات بعد أن إنسكبت عليها الدموع.. قُمت بإشعال النار على أربعة وخمسون منها..! وتبقت هذه.. رسالتي الأخيرة لك..! عزائي نيابة عن كُل تلك الأُخريات.. "‏كان إدراك الخطأ في الوجهة، أشد فتكًا من تعب المسافة)) ظللته بالأصفر كعادتي حينما أقرأ كتاب فأجد ما يشدني فيه..! هذه المرة لم يعجبني الإقتباس.. بل صفعني على وجهي.. لأدرك خطأ إختياري.. وقلة حيلتي.. لإدراكي بأن هذا الحُب لم يكن سوى خطأ إرتكبته. بعد أن قرأته.. تذكرت تلك الفتاة التي كُنت أغار عليك منها..! أصبحت صديقتي الآن..! دعتني ذات مرة لتناول كُوب قهوة.. جلست أمامها ونظرت في عينيها لأرى ذاك الشيء الذي كان يجعلني أغضب.. لم أجده..! لم أبغضها مثلما كُنت أفعل..! لم أشعر نحوها بأي سوء..! هي نفسها الفتاة التي كانت تجعل من "يومنا أسود" مثلما تقول كُلما سألتك عنها أو حذرتك منها..! نفسها الفتاة التي أُمانع بشدة أن ترد عليها وأقول لك تحدث مع العالم أجمع إلاّ هذه. بعد رحيلك أصبحتُ أحُادثها مراتِ عِدة خلال اليوم فقط لأبحث عن ذاك الشعور ولم أجده..! ذات مرة قُلت لها أنتِ لم تتغيري صحيح؟ أظنها دُهشت من سؤالي الذي طرحته في غير موضعه. الآن: أصبحتَ كُل يوم تقول رأيها في كتاباتي فأراه رأي عادي مثله مثل غيره..! نفس هذا الرأي قبل عِدة أشهر كان يزعجني ويجعلني أكاد أختنق من شدة الغضب. الآن.. ما عادت العداوة بيننا قائمة..! ما عُدت أراها مُعجبة بك أو حتى وإن ظلت كذلك ما عاد يُهمني الأمر. ذات مرة سمعت صوتك فلم يُحرك لي ساكن..! نفسه الصوت الذي كاد عدة مرات أن يوقف قلبي..! ما عاد يُلفتني. رأيت صورتك عادية..مِثلها مثل غريب مر بجانبي دون أن أنتبه لتعرج حاجبه أو عدد الحسنات في وجهه أو حتى ثغره المُبتسم. الآن..! حتى وإن إلتقينا صُدفة لا شيء سيشعرني بوجودك.. فما عُدت بقلبي.. وما عادت الأجراس تُقرع لك. #على_الهامش: "‏محالٌ أن أُصافح كفك ثانيةً وأضِف الدموع لِهذه المسافة التي بينَنا." #نُودين_بِت_مِن_حُب.

أرغب أن أعيش الباقي من حياتي وأنا مُطمئنة البال ساكنة القلب.. أن أستيقظ كل صباح يحاوطني الحب والهدوء.. وأن أنام كل ليلة بلا قلق أو اضطرابات. أن أصحو لأحتسي فنجان قهوتي في رضا وسط وجوه مألوفة تحبني وأحبها.. وأن أنام كل ليلة قريرة العين لأنني لا أحمل ضغينةً لأحد ولا أحدًا يحملُ ضغينةً لي.. أتمنى أن أجدني ذات يوم شخص غير الذي أنا عليه الآن. شخصٌ بسيط هادىء لا يلهثُ وراء نجاحات شاهقة، ولا إنجازات كبرىٰ.. شخص يحتفي لكعكةٍ صغيرة أعدها بنفسه.. أو يضحك ملء قلبه في حديث بسيط مع شخصٍ يحبه.. شخصٌ لا يشغله شيئًا سوى ماذا سنأكل غدًا أو أي كتاب سأقرأه الليلة.. أو هل هذه البقعة مناسبة للزهور الحمراء أكثر أم الصفراء؟ أتمنى أن أجدني يومًا ما أهتفُ كل صباح "الحمد لله لقد تحققت أخيرًا الحياة الهادئة التي سعيت مطولًا لتحقيقها". #سارة_العقاري

#حدث_في_الصالون《06》 ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ "في الأيام الجارحة.. كل المواقف لفتات كريمة حتّى السؤال عن الحال" زي أي إتنين بينهم علاقة بغض النظر عن مُسماها بتعتِر لينا مُشكلة .. الأيام بينا بقدر ما كانت هادئة بدت تظهر نقاشات عقيمة أنا ومؤمن ما قدرنا مرات كتيرة نصل لحلها .. في يوم بنتناقش عن موضوع مهم بالنسبة لي هو كان عندو فيهو وجهة نظر مُخالفة قلت ليو .. أفصلني.  حقيقي كانت كلمة طلعت مني في لحظة زعل فهو ما صدق وقال لي: -قلتي كدا؟ أوكيه.  وفصل الخط طوالي لا رجع لي لا أنا رجعت ليو. مشيت الرحلة بتاعتي مع إنو اللمة دي أنا مخططة ليها من زمن بس شدة ما مسخت علي إتمنيت لو وصلنا لحل بدل ما أمشي وأنا زعلانة كدا. عديت اليوم وأنا بعاين في تلفوني في نص اللمة والونسة بفتح الداتا يمكن ألقى رسالة منو .. لما قنعت وحسيت بإني بهدر في إحساس حلو مفروض أعيشو قفلت تلفوني وحاولت أستمتع بس ما قدرت اول ما فتحتو جاتني مكالمة منو.  -السلام عليكم.  =رديت بي لهفة وعليكم السلام. -كويسة إنتِ؟ =الحمدلله.  -أها رجعتوا السكن ولا لسة؟ =في الطريق. -إتبسطي؟ =عايز الصراحة؟ -أي. =أنا ما كان أقفل الموضوع لأني متضايقة بسببو وعديت نص اليوم مقلقة ما فهمت من الرحلة شي.  -عارف وعشان كدا إتصلت أقول ليك إستمتعي بوقتك وخلي بالك من نفسك كلها يومين ما تعديها زعل إتبسطي. =ما زعلان يعني؟ -ودا علاقتو شنو؟ =ما قادرة أفهمك نحن مش أمس فصلناها من بعض؟ -فصلناها من الموضوع وداك يوم براو والليلة يوم براو ونحن لسة مع بعض. =أسفة يا مؤمن. -إعتذار ما مقبول حنتفاهم في المشكلة .. بعد تجي راجعة أما أسي إتصلت أطمن عليك. =لقيت نفسي بضحك حقيقي حركات ماما بالكربون تزعلني وتناديني للأكل .. طيب أنا عايزة أقول ليك حاجة. -قولي ..! =أنا أسفة يا مؤمن والله ما قصدي بس إنت لما تجوط معاي أنا بتوتر ودايمًا رفضك بكون قاطع ما بتديني فُرصة أشرح ليك. -نور حنتفاهم لما تجي أسي عايز المشكلة دي تتقفل عندك كلام حلو عايزة تقولي إتفضلي غير كدا ما مسموح. =طيب حرسل ليك الصور بعدين. -خلي بالك من نفسك .. أشحني تلفونك وأرجعي أكلي وختي حاجاتك المهمة جنبك .. ووريني تحركاتك اول باول .. لو حصلت ليك أي حاجة إتصلي علي أوكيه ..؟ =حاضر . -يلا في أمان الله.  دا موقف واحد من بين عشرة مواقف حصلت بينا .. في كل مرة مؤمن بخت المشكلة بالجنبة لدرجة حتى وأنا متشاكلة معاه ما بتردد إذا إحتجت حاجة أمشي ليو.  موقف تاني: كُنا أنا ونونا في السوق وإتأخر الوقت إتصل علي وتلفوني كان صامت ما إنتبهت للمكالمات رجعت البيت مرهقة ختيتو في الشحن ونمت صحيت متأخرة شديد .. لقيت الساعة 1ص ومكالمات كتيرة منو قلت الزمن إتأخر حتصل ليو الصباح .. وبرضو إتشاكلنا بسبب الموقف دا يومين ما كان بتكلم معاي بس برد على مسجاتي ببرود لما لاقيتو وقعدنا عشان نحل المشكلة اول كلمة قالا لي: -بتستهتري بمشاعري ودي الحاجة المزعلاني. الموقف دا حسسني إني أنانية شديد ولو كان حصل معاي كدا مستحيل أرضى بسهولة بس هو كالعادة خت المشاكل بالجنبة وسامحني وهو بقول لي: -يا نور مشكلتي معاك قلبي بريدك وما بعرف أطول في الزعل منك.  من وقتها وأنا بعمل لزعلو حساب .. حاجات كتيرة إتغيرت من بعد سفرتي البدون رضاهو .. إحساس إنو حتى ونحن متشاكلين فضل يطمن علي ويهتم لأمري .. ولما جيت لاقاني وصلني للبيت بدون ما يحسسني إنو المشكلة لسة قائمة ..💛

#على_الهامش: "لم يكُن مَعي مبرّراتٌ لهذا الحُبّ، الأمرُ يُشبِهُ الرّحمَة الّتي تعتريكَ وأنتَ تتأمَّلُ نائِمًا، ثمّ تنهض فجأةً لتُقبّله 💛)) نُودين_بِت_مِن_حُب

كيف أحاول التقرب من الله أكثر في نوايا العام الجديد .. + ٣٠ فكرة تغير و إضافة لحياتك ♡ .. أهم نوايا و خطط العام الجديد أن تقترب من الله ف دي كم خطوة ركزي عليها ♥.. _النية🌹. جددي النية كل لحظة على القرب من الله و كل فعل أو فكرة تحاولي تستخلصي منهم نية لله سبحانه مهم هنا تتذكري أن أصدق الله يصدقك،، بقدر صدقك بإذن الله تتيسر لك المساعي 🥀. _الدعاء 🌹.. دايما أدعي ربنا بالأدعية المأثورة اللي تصف حالك و تبين حوجتك لله و توسلي لله بأسمائه و مضامين توحيد الألوهية كالإستغاثة به والإستعانة والتوكل عليه و انه ييسر عليك درب الجنة 🥀. _ سلي الله العافية واليسر و ركزي على النعم و الحمد و الإمتمان ما استطعت 🥀.. _القرآن 🌹.. يصعب أن تعرف الله وأنت بعيد عن كلامه و تدبر آياته عشان كدا حافظي على علاقتك بالقرآن سواء التلاوة والحفظ والتفسير 🥀. _نفحات الطاعة🌹.. اغتنمي أوقات النفحات رمضان، ساعات القيام، يوم الجمعة، قرآن الفجر وغيرها من لحظات مضاعفة الأجر 🥀. _الخشية 🌹.. الخوف من الله يستلزم معرفته سبحانه وتعالى، حقيقة يخشى الله من عباده العلماء الذين يعرفونه فعلاً و يعلمون صفاته و قدرته و يعلمون حكمته و حجم ذواتهم في كونه،، فاجتهدي انك تتعلمي و تعرفي و تقربي من ربنا وانت مدركة من هو الله أولا. هنا ح أوصيك بكلام العلماء و محاضراتهم وكتب ابن القيم مرة أخرى و تذكري دائما : (السعي مناط الوصول) .. يوصي هنا بعض المتابعين ب: دورة الطريق الي الله.. للمهندس علاء حامد.. +معهد أُذُنُ خير.. للدكتور حازم شومان 🥀 .. _جهاد النفس و معرفتها 🌹. حتلقي كتير من الكتب والمقالات عن جهاد النفس لكن لو ركزت معاها حتعرفيها اول و قبل ما تفكري تجاهدي رغباتها حتعرفي الأسهل عليها و الأصعب و تصنعي ليها ماينفعها 🥀 _قيام الليل🌹 . و حتلقي عنوان باسمه في عدة بوستات في الصفحة للتحفيز و شرح الأدلة 🥀 _فتشي عن صحبة صالحة 🥀. _توجد محاضرات بعنوان "كيف أكون قريبا من الله" + " القرب من الله" لدكتور :نبيل العوضي و محمد العوضي و أ: مصطفى حسني و غيرهم من الثقات تستطيعي الإطلاع عليها في YouTube أوصي بها جدا 🥀.. _خليكي دايما ع وضوء و أديمي الذكر سواء بالسبحة أو بيدك من ذكر الله ذكره 🥀. اللهم تولنا فيمن توليت و عافنا فيمن عافيت و قنا واكف عنا شر ماقضيت إنك تقضي ولا يقضى عليك .. #Jasmeen_Ali آخر نص من #بنختم 2022 🌹

#حدث_في_الصالون《05》 "إعترافات لطيفة"* "يحدث أن يكون يومك سيء، فتظهر على شاشة جهازك رسائلٌ من الأصدقاء، منهم من يشاركك أغنية، منهم من يطمئن عليك، ومنهم من يُرسل لك أشياء لطيفة تُشبهك. وبطريقة غير مباشرة يُربتون على قلبك، وينفضون عن كتفيك ثقل الحياة، الأصدقاء جنود، دروع، وملائكة رحمة .. وأنت كل هؤلاء الأصدقاء💛)) مرة كُنا مع ناس مؤمن ماما أصرت عليّ نمشي بنفسنا عشان نعزمهم التخريج بتاعي .. ما كان موجود مع ذلك فضلت أتلفت يمكن ألمحو بعد زهجت وقلت ما حيجي سمعت صوتو .. جا سلم علينا وطلع .. تلفوني رن بالمسج دي: "يا مُعاين من الشُباك يا أحلى زول شُفناك .. نورتي البيت يا ست البيت ❤️)) فضلت مبتسمة طول القعدة وكل شوية أعاين بالشباك زي الرايحة مني حاجة. لما طلعنا لقيناه مُستني برة عشان يقدمنا .. طول الطريق كان بتونس مع ماما بس كل ما أنتبه ألاقي عيونو جات في عيوني .. قعدت شوية اتصلت ليو: =اها وصلت؟ -بتطمني عليّ؟ =من باب الذوق وكده! _كنتِ حلوة وإنتِ في بيتنا .. يعني أسي بعدين بيتنا حينور كدا؟ =بيتكم وناسو هما الحلوين ومنورين. -وكمان بقينا نرد على الكلام الحلو بكلام أحلى منو؟ =أسفهك تزعل .. أرد ليك تشغلا لي وريني يا إنسان يتعاملوا معاك كيف؟ -منو اليتعاملو معاي يا زولة ما داير زول يتعامل معاي غيرك خليهم يلفوا كدا ولا كدا. =ضحكت.  حيبقى سر بيني وبين نفسي بس كان نفسي أقول ليو أنا مبسوطة منو ومشاعري تجاهو إتغييرت .. إتصلت عشان أطمن عليو فعلًا وعشان نفسي أسمع صوتو.  ____ في يوم صحيت وأنا زهجان ما طايق نفسي جا في بالي صحبي البقول لي لما أزهج بكلما طوالي بروق .. قلت أجرب مالو .. مع إني متوقع 100%إننا حنتناقش أو الموضوع ممكن ينتهي بي شكلة بس إتوكلت وإتصلت ليها .. اول ما فتحت الخط كعادتا البتغيظني ما بتسلم بتخش في الموضوع طوالي.  =يا هلا. -ردي السلام اول. =انت متين سلمت علي. -ما تسلمي انتِ طيب. =وعليكم السلام كدا مرتاح؟ -زهجان والله. ="نبرة صوتا إتغييرت" .. مالك في شنو؟ -ما عارف قفلت معاي فجأة. =أطلع غيير جو شوية وأهدأ. -إنتِ فاضية؟ =أيوة ما وراي شي. -تقدري تطلعي؟ =أسي دا؟ =أي.  -طيب تعالي لي جمب المكتب. =مسافة السكة بس. يوما بالرغم من إني ما بحب الطلعات المفاجئة بس طلعت وكان في كيك شلت معاي قعدنا في البحر شربنا شاي واتونسنا مسافة ..أغلب الوقت كان ساكت على غير عادتو .. لحد ما شوية شوية إندمجنا في الونسة والزهج راح ..ورجع رايق. -كإعتراف لطيف يمكن ما حبيت أحكي ليها سبب الزهج وكنت عايز أشوفا حتعمل شنو عشاني بس طلعت ألطف من كل توقعاتي. ___  يوم تخريجي كنت ما فاضية من الصباح ولأول مرة أحس إني محتاجة أخت كبيرة جنبي .. بنات عمتي ما قصروا وكانوا مع أمي .. بس هناك كنت جايطة براي .. إتصل لي مرتين سألني لو محتاجة حاجة .. لما ضاقت بي وحصلت مواقف سيئة إتصلت ليو وأنا خلاص حأبكي وما عارفة ذاتو اتصلت ليو ليه .. إتكلم معاي وشال عربية صحبو جاني وقعد معاي لحد ما اتحلت المشكلة ووصلني لحدي الصالة قبل ما أنزل قال لي: "بلاش تتوتري وتخافي وأنا هنا لسة ما مشيت من الدنيا دي روقي عشان مفروض دي مناسبة حلوة" وقتها إبتسمت ليو بس من جواي أنا بحمد الله الف مرة عليو ووقتها إتمنيت لو كان الوقت مناسب وأقول ليو: "من يوم ما دخلت حياتي وأنا عرفت يعني شنو حياة" #على_الهامش: "‏أُريدكِ أن تعرفي أنه حين هممتي أن تكوني موجًا عاتيًا، لم أتردد أبدًا أن أكون الغريق.💛" نُودين_بِت_مِن_حُب

الناس تمشي تحضر وتنبسط وتغيير جو وتستفيد ❤️

كل الريأكت بتاعتي مع أي بوست أحزنني .. بقيت نادر جدًا أتصور وأخت صوري ستوري .. حتى نانا إلا هي تجيني أنا ما بطلع أمشي ليها .. في البداية الموضوع كان صعب شديد بس إتعودت ودا بقى روتين حياتي .. لحد ما فجأة إنتبهت إنو في شخص جديد ..! اول ما أصحى بفتح تلفوني وبتمنى ألقى مسج منو .. طول النهار بحاول أختلق مواضيع عشان نكلم بعض .. بنوم وبسيب مسج علشان الصباح أرد عليها .. موقف وإتنين وتلاتة حياتي بقت معتمدة عليه: =مؤمن أنا ما عندي مزاج أتكلم وحأمسح الميديا دي. -نطلع نغيير ليك مزاجك بس سيبي الميديا في حالا. =مؤمن أسكت مني وأقفل الموضوع دا.  -الموضوع حيتقفل بس ما حسكت منك. =مؤمن نتيجتنا حتطلع بكرة وأنا ما إشتغلت كويس.  -وين المشكلة أنا كمان شلت ملاحق كم مرة ويا ستي في الحالتين إنتِ ناجحة في نظري. شوية حكاوي وضحك وإبتسامات بخاف زول يشوفا وأنا بكلمو ..! على شوية مكالمات قصيرة نوع: -أدخلي الواتسب عايز أرسل ليك حاجة تشوفيها ..! -ليه ما فتحتي الداتا من الصباح ..؟ -إتصلت أخد رايك في حاجة.  -كلمة السلام عليكم وسؤال إنتِ كويسة .. عايز أطمن عليك بس. شوية لقاءات بحجة إنو: -في تفاصيل محتاجة وجودي ..! -حأقدمك تفتحي حساب في البنك ..! -حأوصلك الجامعة .. ! -ناس منار طالعين تطلعي معاهم وأرجعك ..! -عندنا جدي إتوفى ومنار في البيت براها أمشي ليها واسيها ..! -عندي شغل جمب جامعتكم عندك مانع ألاقيك؟ في الحقيقة مؤمن هو الأقحمني في تفاصيلو غصبًا عني .. زيما يكون أخد بيدي وجراني معاه .. كان ما بقفل موضوع لو ما إتوصل لحل .. ما بزهج ولا بمل من صدي ليو .. بيسألني ويشاركني أي تفصيل صغير في حياتو.  -نور عندك فكرة عن أسعار الحاجة الفلانية؟ -نور عايز أعرف ألقى الحاجة الفلانية دي وين وأسعارا في حدود كم؟ -نور ممكن تساعديني في الموضوع الفلاني؟ -بتعرفي الحاجة الفلانية بستخدموها كيف؟ -نور أشرحي لي أكتر عن الدواء دا وأثارو الجانبية لأنو أمي بتستخدمو؟ -نور في فكرك أنا مفروض أتصرف كيف ختي نفسك مكاني؟ -نور نفسي في الأكلة الفلانية إن شاءالله تكوني بتعرفيها؟ "فورًا لقيت نفسي إتعلمتها" تفاصيل كتيرة لولاه ما كان إتشال الحاجز بينا .. بعد تلاتة شهور لقيت نفسي إنسانة جديدة .. متزنة وعارفة هيا عايزة شنو .. رجعت ثقتي بنفسي .. إنتبهت إني حلوة شديد وأهم شي أستاهل زول يطمني .. وزول زي مؤمن بالضبط وإكتشفت إنو في حاجة حلوة حتحصل .. #على_الهامش: أرجو منك ألا تتردد في طمأنينة أحدهم، فالخوف أسوأ شعور يشعر به المرء💛)) #نُودين_بِت_مِن_حُب

#حدث_في_الصالون《04》 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ " ‏كُنت مذعورة حتى من يد أرادت أن تربِّت علّي بحنو أو تحملني إلى بر الأمان.)) رسل لي ريكورد وهو بضحك .. هو النوع اللو سمعتو بضحك إنت تلقائيًا بتضحك .. خلصت الشات بينا لما قال لي: -عمومًا يا نور أنا مبسوط إنك في حياتي .. الموضوع دا بقدر ما هو مُعقد بالنسبة ليك بس بسيط بالنسبة لي. =ما عرفت أرد ليو .. أنا فصيحة وما أول مرة أخش في علاقة بس اول ما خطوبتي فركشت إتغييرت لإنسانة تانية خالص .. إنسانة جامدة مافي شي بحرك مشاعرا .. بتخاف تفتح باب مُمكن يتقفل في وشها .. بتقفل المواضيع في وش أي زول .. إنطوائية .. حزينة .. كئيبة لأبعد حد .. لحد ما في يوم صحيت وأنا مخطوبة لشخص ما بعرف إذا حقدر أكمل معاه أو لا .. مافي بينا مواضيع مُشتركة .. هل حيستحملني أو لا .. كأنو في حاجة حصلت وجاطت لي حياتي فجأة ..! كل حاجة حصلت بسرعة .. الإنفصال .. الإرتباط الجديد .. للآن بعاين للخاتم في يدي ورقم تلفونو والشات البينا وما قادرة أستوعب ..! -صباح الخير .. منار حتجيك تاخدك السوق جهزي نفسك وأنا إستئذنت من أبوك كلمي أمك.  =صحيت من النوم وفتحت تلفوني لقيت المسج دي .. عديت مسافة حرفيًا غالبني أرد لقيتني بسجل ريكورد لو سمحت يا مؤمن ما تتعامل معاي كدا .. إنت خطبتني ما إشتريتني أوكيه .. أفرض أنا ما حابة أطلع من البيت غصب يعني؟ طلعت من غرفتي قافلة معاي هو ليه بتصرف معاي كدا؟ مشيت المطبخ صبحت على ماما وأدتني شاي شربت وأنا ساكتة بقلب في تلفوني مُستنياه يرد علي بس طنش الرسالة مع إنو أونلاين .. خلصت شراب وختيت التلفون خلصت شغلتي جيت لتلفوني لقيت SMS: "يا ستي أنا الغلطان وأنا الأسف .. الطلعة إتكنصلت متى ما تحسي نفسك جاهزة تطلعي كلميني حأكلم منار تقدمك" دا شنو دا أسي هو لطيف كدا مالو ..؟ دخلت الواتسب لقيتو مُرسل لي ريكورد بيضحك وقال لي : ما مُحتاجة حرق الأعصاب دا كلو إنتِ روقي وبس .. مش الطلعة دي أنا إتصلت لأبوك إعتذرت منو ولغيتا مبسوطة كدا؟ =أي مبسوطة شديد ومرة تانية أبقى أسألني قبل ما تتخذ قرار بخص حياتي.  -حياتنا* =إبتسمت وعملت سين ما رديت .. ختيت ستوري وطلعت. أنا بقيت أتصرف زي ما كان بتصرف معاي مؤيد .. ما حابة الحاجة دي بس غصبًا عني لقيت نفسي أخدت طباعو .. وعشان دي كانت أكتر حركة بتنرفزني منو أسي بقيت أعملا لمؤمن .. رغم إنو ولا مرة زعل او حسسني إنو متضايق من الموضوع .. كل مرة بفتح معاي موضوع أنا بقفلو لحد ما شوية شوية لقيت في بينا شات طويلة .. لما أراجع نفسي بلقى إني قلت كلام ما حسبت حسابو .. حصلت بينا مواقف كتيرة في الفترة دي وبرضو ما كُنت مركزة معاها بس هو قدر يخلي أثر جواي ..! من بعد مؤيد ما بقى عندي شخص أمشي أكلمو .. فصلت أصحابي فجأة ولقيت إني كُنت ما مُتزنة خالص وقافلة حياتي عليو .. أول ما مشى صِعب عليّ أرجع لأصحابي أو أجي أحكي ليهم .. بقيت فاقدة مكالماتنا الطويلة .. طلعاتنا ورحلاتنا سوا .. فاقدة تفاصيل يومي مع مويد وبقيت أحس اليوم طويل شديد .. خاصة إني مؤجزة وقاعدة في البيت .. كل دا كان ليه؟ وعشان منو؟ يمكن مؤمن جا في وقت أنا محتاجة زول جنبي .. محتاجة أفضفض لأي زول ما مهم هو منو .. المهم أقول الجواي ..! في البداية كُنت بتنرفز فيهو بس لقيت إني بعمل كدا عشان أظهر ليو إني ما مهتمة وفي الحقيقة أنا فقدت شغفي وبقيت ما بحب الونسة .. فقدت ثقتي في الحب وفي نفسي .. بقيت شايفة إنو القصص الحلوة كلها قصص ناقصة .. لدرجة اليوم كلو معدياهو في السوشال ميديا يا إما بحضر ڤيديوهات يا إما بشيير بوستات حزينة ..