Zarnigorbegim ⚜️

Таърифлашга тушунтиришга тил ожизлик қиладиган ҳақиқатлар: — 40 минг ойлик олсангиз, 10 ойда 400 минг йиғилмайди, — бепул тиббиёт аслида бепул эмас; — онанг “билганингни қил” дегани ҳақиқатдан хоҳлаганингни қил дегани эмас; — кимдир самолётим бор, деб алдаса ёлғон гапиргани учун жавобгарликка тортиб бўлмайди; — юз сўм даромад топсанг, кўпи билан фақат 94 сўми сенга тегишли бўлади; — шундоқ салонга кириб, пулини тўлаб, машина олиб бўлмайди; — ўзига қараб, саломатлигини эҳтиёт қиладиганларнинг боши касалликдан чиқмайди, соғлигига умуман қарамайдиганлар ҳеч ҳам касал бўлмайди; — ҳеч кимда йўқ нарса олдим деб ўйлаб, кўчага чиққан кунинг ҳудди сеникидек нарса кўчада кўпайиб кетади; — “чойга киринг”, “уйга ўтинг” дейишса, ростан меҳмонга келинг, дегани эмас. Яна нималарни қўшган бўлардингиз? @zarnigor1

Бугун, 24 июнь куни Россиянинг Севастополь ва Доғистон субъектларида мотам Доғистонда 25,26 июнь кунлари ҳам мотам давом этади Мотам вақтида кўнгилочар байрам, тантана ва тадбирлар ўтказилмайди, жамоат жойларида баланд мусиқа қуйилмайди, байроқлар пастга туширилади @zarnigor1

Жангариларнинг отаси дея айтилаётган Доғистоннинг Сергакала тумани раҳбари Магомед Омаровнинг 8 нафар ўғли бор экан. Бу ҳақида туманнинг расмий сайтида маълумот берилган. Саккиз нафарнинг ўғилнинг икки нафари бугун йўқ қилинган. Яна жияни ҳам. @zarnigor1

Доғистондаги жангариларнинг уч нафари Сергокала тумани раҳбарининг ўғиллари ва жияни экани расман тасдиқланди Демак мазкур ҳужум сиёсий акт сифатида кўрилиши керак. Ислом ва мусулмонларга, айниқса муҳожирларга боғлиқлик кўрилмайди @zarnigor1

Яна Абхазия ва Россия ўртасидаги чегарада ҳам отишма бўлгани айтилмоқда. 1 киши вафот этган,

Энди Украина томонидан ҳужум ҳақида гапирсак, Севастополь ва Белгород ракеталар билан ўққа тутилган. Севастопольда 124 дан ортиқ одам яраланган. Яраланганларнинг 27 нафардан ортиғи болалар. 5 киши вафот этган, уч нафари болалар. Вафот этган болаларнинг бири — 9 ёшли Магадан шаҳри замҳокимининг қизалоғи бўлган. Эртага, 24 июнь Севастополь ва Қрим ярим оролида мотам куни. Белгородда эса 4 киши яраланган, 1 киши вафот этган. @zarnigor1

Доғистондаги муҳожирлар КТО режими тугагунча жамоат жойларига ҳам чиқмай туриши керак. Билмаганларга, бугун Россиянинг бир нечта регионлари Украина ва номаълум кимсаларнинг ҳужумига учради. Доғистоннинг Махачкала ва Дербент шаҳарларида номаълум кимсалар синагога ва черковларни ёқиб юборган. Баъзи телеграм каналлар черковдаги руҳоний пичоқланиб ўлдирилганини ёзмоқда. Лекин ҳеч қайси расмий манба буни тасдиқламади. Расмий маълумотларга кўра синагога бутунлай ёқиб юборилган. Черковлардаги ёнғин ўчирилган. Черковда яширинган 40 дан зиёд одамлар чиқарилган. Айни вақтда Махачкалада жанглар бўлаётгани хабар берилмоқда. КТО режими киритилган. Шу вақтгача 25 нафардан ортиқ одам яраланган. 9 киши вафот этган. Вафот этганларнинг 7 нафари полициячилар, 2 нафари аҳоли. Бир нечта машиналар ёқиб юборилган. Руҳоний ва черков қўриқчиси ўлдирилган. Жангариларнинг 4 нафари ўлдирилгани, 2 нафари қўлга олингани ёзилмоқда. Йўқ қилинган жангариларнинг икки нафари Доғистоннинг Сергокала тумани раҳбари ўғиллари экани тахмин қилинмоқда. Лекин расмий маълумот берилгани йўқ. Шунинг учун бўлса керак Сергакала тумани раҳбари штурм билан қўлга олинган ва айни вақтда ФСБ томонидан сўроқ қилинмоқда экан. Уйида эса тинтув бўлаётгани, лавозимидан озод этилгани хабар берилаяпти Муҳожирларга вазият тинчигунча ҳеч қаерга чиқмай, хавфсизлик нуқтаи назаридан уйда ўтириш тавсия этилади @zarnigor1

Баъзида инсон дам олиш мақсадида шунақа режалар қиладики, унақа дам олишдан кейин яна дам олиш керак бўлади 😅 Шунинг учун сифатли дам олиш учун уч қоида билан бўлишмоқчиман (ўқиган эдим шу ҳақида): 1. Янгилик бўлмаслиги 2. Рақобат бўлмаслиги 3. Масъулият бўлмаслиги Яъни дам олишни қандайдир янги нарса билан ўтказаман деб ҳали қилмаган ишларингиз, бормаган жойларингиз, емаган овқатларингиз ва бошқа сиз учун янгилик бўладиган нарсаларни режалаштирмаслигингиз керак экан. Агар янгилик киритадиган бўлсангиз сифатли дам олиш эмас, тажриба бўлади ва организм яна ҳордиқ талаб қилаверади. Рақобат ва масъулиятни дам олишда унутиб туриш кераклиги ҳаммага тушунарли бўлса керак. Бунга тўхталишнинг ҳам кераги йўқ. Ҳаммага сифатли дам олишни тилаб, камина ✌🏼 @zarnigor1

Шахс сифатида ўсиш учун 6та принцип: 1️⃣Одамлар билан рақобатлашманг. Қанчалик зўр бўлманг, сиздан зўри топилади. Бировлардан ўзиш мақсади қалбингизни бузади, реалликдан узоқлаштиради. Солиштирсангиз кеча сиз ва бугунги ўзингиз билан таққослаш керак. Агар бугун кечагидан кўра яхшироқ натижа бераётган бўлсангиз, демак тўғри кетаяпсиз. 2️⃣Бошқалар нима деб ўйлашини ҳисобга олманг. Ҳеч ким сизнинг ҳаётингизни яшагани йўқ, демак сизни таҳлил қилишга ҳуқуқлари йўқ. Қолаверса, сизнинг ва бошқаларнинг қадриятларингиз, мақсадларингиз, ҳаётдаги стартингиз, танлов, талант ва шароитингиз ҳар хил. Бу эса релевант бўлмаган одамларнинг фикрини эшитиш — ортиқча юк дегани. Ортиқча юк билан эса баланд учиб бўлмайди. Бизга одамларни эмас, одамларни яратган Зотни буйруқларини эшитиш мажбурий қилинган. 3️⃣Сўзингизда туринг. Бирор нарса ваъда қилган бўлсангиз, бажаринг. Имконият ва қўлингиздан келадиган нарсаларни тўғри баҳоланг. Бировнинг умидини сўндирманг, куттирманг, ялинтириб ноқулай ҳолатга қўйманг. Агар шубҳалансангиз, яхшиси ваъда берманг. Ваъда бермай ёрдам бериш, ваъда бериб қўйиб ёрдам беролмасликдан кўра яхшироқ. 4️⃣Туйғуларингизни қўлга олинг. Агар кимдир туйғуларингиз устидан келишга қодир бўлса, масалан, ўзингиздан чиқишингизни, хафа бўлишингизни, кайфиятли ёки кайфиятсиз бўлишингиз учун сизга таъсир қилолса, демак у сизнинг устингиздан ҳукмрон. Оқил одам ким унинг туйғулари ва кайфиятига таъсир қилиши мумкинлигини ўзи танлайди. Аҳмоқлар унга таъсир қилишига йўл қўймайди. 5️⃣Саломатлигингизга эътиборли бўлинг. Агар жисм саломат бўлса ақлни ҳам жойига қўйиш осонроқ бўлади. Тан олиб айтадиган бўлсак ҳаётда ҳар қандай қийинчиликни соғлом жисм билан енгилроқ бошдан ўтказилади. Хаста одамларга кичик қийинчиликлар ҳам қаттиқ зарба беради. 6️⃣Эртангги кунинг режасини қолдирмаслик. Оқим билан яшамай, эртага нима қиламан, индинга нима қиламан, ҳар дақиқа яқинлашиб келаётган "охир"га тайёрланаяпманми, деб фикрлаш керак. Бошқалар кимларнидир муҳокама қилиб, вақтини сарфлаётганда ақлли ва улғайган шахслар шахс сифатида қолдирадиган ишлари ва ўзи билан олиб кетадиган ишлари устида ўйлайди. Ҳар бир сонияси, диққати мақсадга қаратилади. Муҳим нарсаларга диққатини қаратади, ташқи аҳамиятсиз нарсаларга чалғимайди. @zarnigor1

Санкт-Петербургдан Наманган ёки Фарғонага шу кунларда учаётган аёл киши излаяпмиз. 3 ёшлар атрофидаги қизалоқни олиб кетиш керак. Қизалоқни аэропортдан онаси кузатиб қўяди, Ўзбекистонда қариндошлари кутиб олади. Аёлнинг номига олиб кетиши учун "согласие" қилиб берилади. Яъни ҳаммаси қонуний бўлади. Аёл киши самолётда ва аэропортда қизалоққа ҳамрохлик қилиб, эҳтиёт қилиб олиб кетса бўлди. Ишончли кетаётган аёл бўлса комментларга ёки @help_ZO га ёзишингизни сўрайман @zarnigor1