THE REASON WHY I AM HERE ( اسبب وجودي )

🌸 በኸይር አመላካቹ የሰሪው ያህል ነው 🌸 አንድ ሰው በስራ መዝገቡ ላይ ያልደከመባቸው መልካም ስራዎች ምንዳ ተፅፈው ማግኘቱ ምንኛ ያስደስተዋል?! ሌሎች በሰሩት በጎ ስራ ሚዛኑ ተሞልቶ ማግኘቱ ምንኛ ያስደምመው?! ከሙታን ተርታ ተሰልፎ አፈር ከለበሰ በኃላ የጀነት ውስጥ ደረጃው መጨመሩ ምንኛ ልቡን ይሞላው?! ይህ ሁሉ የሚሆነው መንገድ የሳቱትን አመላካች ሆኖ በአላህ (ሱ.ወ ) የተቀጠረ ከሆነ ነው። ደመወዙ የሚከፈለው በአኼራ ይሆናል። የፊርደውስ ነዋሪነት ከነብይ ወይም ከሶሀብይ አሊያም ከሸሂድ ጉርብትና ጋር ። @thereasonwhyiamhere

👆👆👆 If u wanna know more go n subscribe now

✍ ኢብኑል ቀይም አል ጀውዚ እኝዲህ ይላሉ፦ ሸይኹል ኢስላም ኢብኑ ተይሚያን (አላህ ይዘንላቸውና) በአንድ ወቅት እንዲህ ስል ጠየኳቸው፦ ለአንድ ባራያ ይበልጥ የሚጠቅመው ተስቢህ አላህን (ማወደስና ማጥራት ) ነው ወይስ ኢስቲግፋር (አላህን ይቅርታ መጠየቅ)? እርሳቸው እንዲህ አሉ፦ ልብስ ንፁህ ከሆነ ሽቶ መቀባቱ ጠቃሚ ነው፣ ልብሱ ቆሻሻ ከሆነ ግን የሚጠቀመው ትኩስ ውሀና ሳሙና ነው። ከዚያ እንዲህ ሲሉ ጨመሩ፦ ልብስ መቼም ቢሆን ከቆሻሻ ይፀዳል እንዴ?! @thereasonwhyiamhere

ሀብት ማለት የገንዘብ ሀብት ብቻ አይደለም። ይልቁንስ አንተ ያለህና ሌሎች ያጡት ነገር ሁሉ ላይ ሀብታም ነህ። ጤንነት፤ እውቀት ጥበብና ሌሎችም ኒዕማዎች ሁሉ ሀብት ናቸው። ጤነኛ ሰው ከጤናው ሰደቃ ይስጥ እንደዚሁም አዋቂ ከዕውቀቱ ፣ ጥበበኛ ከጥበቡ ይመፅውት። ባለትሩፋት ሁሉ ከትሩፋቱ ሊሰጥ የተገባ ነው ። በዚህ መልኩ ስንመዘገብ ካለው ሀብት የማያካፍል ሁሉ ስስታም ይሰኛል። ካለው ኒዕማ ያካፈለ ሁሉ እጅግ ቸር ማለት እርሱ ነው። በደጋጎቹ ገበያ ላይ የሚዘዋወረው ገንዘብ መልካም ስራ ነው። የእነርሱ ዋና ካፒታልም ይኸው ነው። መከላከያ ጋሻቸው፣ መጠጊያና መሸሸጊያቸውም እሱው ነው። ነብዩ (ሰ.ዐ.ወ) እንዲህ ይላሉ፦ ወንድምህ ፊት ፈገግ ማለትህ ሰደቃ ነው፣ በጥሩ ነገር ማዘዝህና ከክፉ ነገር መከልከልህ ሰደቃ ነው፣ መንገድ የጠፉውን ሰው መምራትህ ሰደቃ ነው። ድንጋይ፣ እሾህና አጥንት ከመንገድ ማስወገድህ ሰደቃ ነው፣ ከአንተ ባልዲ ወደ ወንድምህ ባልዲ ውሀ መገልበጥ ሰደቃ ነው። (ቡኻሪና ቲርሚዚ) @thereasonwhyiamhere