کتێبخانەی PDF

کەدایکم چووە شوێنی حەقی خۆی و ئێمە لەناشتنی گەڕاینەوە، تاچاومان بەتەنهایی باوکم نەکەوت، نەمانزانی کارەساتەکە هێندەگەورەیە، سفرەی ئەوئێوارەیە ڕاخرابوو، ئێمە لەبەرباوکم چوینەسەری بەڵام ئێمە هەرسەیری یەکمان دەکردوو ڕۆژومان لەو سفرەیە نەشکا. ئەو ئێوارەیە باوکێکمان بینی

جەستەی وەک شەق شەقە دەلەرزی… لەرزینی دەستی باوکم، نەخۆشی نەبوو؛ شکانی دارگۆچانی پشتی بوو. هێزی ئەوەی تێدا نەمابوو کەوچکێک هەڵبڕێت و وەک هەموو ئێوارەکانی تر بڵێت (خودایە لێمان نەشاریتەوە).ئێمە سێ خوشک و برا، بێدەنگ سەیری پەنجەکانیمان دەکرد، تەنها بێدەنگییەکی قورس باڵی بەسەر ژوورەکەدا کێشابوو کە دەنگی شکانی دڵمانی تێدا دەبیسترا. خوشکەکانم بە چاوی پڕ لە فرمێسک و دەستی لەرزیوەوە سەیریاندەکردم، بە ئاماژەی چاو داوایان لێکردم کۆتایی بەم درۆ بەئازارە بهێنم. بە هەنگاوی قورسەوە چوومە پێشەوە. بە دەنگێکی تەواو تيکشکاو کە بەحاڵ لەخۆم دوور دەکەوتەوە گوتم(باوکه... دایکم... ئیتر نازانیت ئازار چییە، ئیتر ناگەڕێتەوە) تەنها ئەوەندەم گوت، ژوورەکە بوو بە حەشری گریان. ئیتر هەریرکەمان لەبارامبەری ئەویتردا دەگریا،تێگەیشتین چۆن ژیانمان بۆتە چۆڵەوانیەکی خەمبار، بیابانێکی وشکی ئازار، هەرجارێک چاومان دەکەوتەوە سەر جەستەی لەرزگرتوی باوکم دیسان دەگریان و شینی چۆڵ بوونی ماڵەکەمان دەکرد. باوکم بەدەم گریانێکی کوشندە و ناخ هەژێنەوە گوتی (چەند خراپتان کرد! بردتان و لەمنتان دوورخستەوە... ئەو خەستەخانەی نەدەویست، من سەرم بەسەریەوە بنایە چاک دەبۆوە! دەیان ساڵ کە نەخۆش دەکەوت شیفای بەوە دەهات...) قسەکانی وەک خەنجەر بە ناخماندا دەچوونە خوارێ. لەو ئێوارەیەدا تێگەیشتین کە ڕەنگە دەرمانەکان لەڕابردودا هیچ شیفایەکیان پێنەبووبێ، بەڵام خۆشەویستی و گەرمیی ئامێزی باوکم تاقە مەرهەمی ساڵانی ڕابردووی ئازارەکانی دایکم بوو بێ. ئێمە جەستەی دایکمان بە خاک سپاردبوو، بەڵام ڕوحی لەنێو گریانی بێبڕانەوەی باوکمدا بۆ هەمیشە زیندو مایەوە. Paiwand omer

"با دەست بخەینە سەر برینەکە" بەئاگا وەرنەوە.

د.مستەفا زەڵمی لە یادەوەریەکەیدا باسی جولەکەیەک دەکات و دەڵێ : ساڵی ۱۹٤٨ کە لە دێی سەرسیان مەلا بووم ، جولەکەیەک له کۆیەوە هاتبوو ئیشی زەڕەنگەری دەکردو خشڵ و زیوی پێ بوو دەیفرۆشت، کاتێک هاتە دێی سەر سیان ، ڕوداوێک ڕویداو ڕێگای هاتوو چۆ بڕا ، جولەکەکە ڕێگای گەڕانەوەی لێ گیراو نەیتوانی بەو زوانە بگەڕێتەوە بۆ کۆیە.

کەسیشی نەدەناسی له دێیەکەی ئێمه لای بمێنێتەوە ، خەڵکی دێیەکە بڕیاریاندابوو لەسەر ئەو فێڵانەی لە ژنانی کردبوو خەڵەتاندبونی ئەگەر بیگرن خشڵ و ئاڵتونەکەی لێ بسەنن و لێی بدەن و ئەو کافرە بکوژن .. دکتۆر زەڵمی دەڵێ : منیش کە ئەمەم بیستەوە ، بڕیارم دا بیهێنمەوە ماڵی خۆم .. پاش نوێژی شێوان له بەردەم دەرگای مزگەوتەکەدا وەستام و بە هەموو نوێژخوێنانی مزگەوتەکەم وت : بڕیار دراوە ئەم جولەکەیە دەسدرێژی بکرێتە سەر و ئاڵتون و خشڵەکانی ببرێت ، من پەنای ئەم جولەکەیە دەدەم تا ڕێگا دەکرێتەوەو دەگەڕێتەوە ، ئەمە ئاینی ئیسلام ڕێگای داوە ، کەسیش بۆی نیە ئازاری بدات تالە پەنای مندا بێت ، ئەوانەی کە تەماعیان تێ کردبوو ، ئەم وتانەی منیان پێ ناخۆش بوو ، بەڵام بە قسەیان کردم ، ڕێزی منیان گرت و وازیان لێ هێنا .. ئەم جولەکەیە ماوەی پانزدە ڕۆژ لەماڵی ئێمە مایەوە ، زۆر خزمەت و هاوکاریم کردو شوێن و جێگای باشم بۆ دابین کرد ، چونکە خزمەتی میوان ئەرکێکی گەورەیە لەئاینی پیرۆزی ئیسلام .. لەپاش ئەوەی ڕێگا کرایەوەو ماڵئاوایم لێ کرد وتی : زۆر ممنونم کاک مەلا ئیشەڵا لە بیرم ناچێت . بەڵام پاداشتی چاکەکانم ئەوەبوو بەر لەوەی بگەڕێتەوە ( دوو تاک بازن)ی گەورەی ( مەعصوم ) ە ی خێزانم هەبوون پێم دابوو کە بچێت لە کۆیە زاخاویان بکات ( سپیان بکات ) و بۆم بگەڕێنێتەوە ، بەڵام ئەو ڕۆشتنە ڕۆشت نەمبینیەوەو بازنەکانی بردو نەگەڕایەوە . و. م.حەسەن مەحمود

ئەو ساتەی سەرت دەیدا بە شۆستەکەدا ................

ئەگەر زۆر بەختت هەبێت و بژیت،دەبیتە بار بەسەر دایکتەوە، ئەو دایکەی شەوان نەخەوت تا تۆ گەورە بیت، ئێستا دەبێت شەوان نەخەوێت بۆ ئەوەی ژێرت پاک بکاتەوە، چونکە تووشی شەلەلی مێشک دەبیت، دەستت ناڕوات، قاچت ناڕوات، زمانت ناڕوات، تەنها چاوەکانت دەجووڵێن و دەگرین. ئەگەر زۆر بەختت هەبێت، بڕبڕەی پشتت دەشکێت، دەبیتە گیانێکی مردوو لەسەر عەرەبانەیەک، تەمەن ١٨ ساڵە بەڵام تەمەنی ٨٠ ساڵانێک دەبێت بژیت ، هاوڕێکانت هەموو ڕۆژێک لەگەڕان و پیاسەن ، تۆ لە ماڵەوە چاوەڕێی کەسێکیت بتگەیەنێتە ئاودەستەکە ئەگەر بەختت نەبێت، ئەوە دەمریت، بەڵام تۆ بە تەنها نا، دایکت دەمرێت. باوکت دەمرێت. ئەو باوکەی لەژیانیدا بۆ کەس نەنوشتاوەتەوە دەبێت بکەوێتە سواڵ لەناو خزم و کەسوکار ، چونکە تۆ ئەڕۆیت و ئەوان هەر ڕۆژێک لەگەڵ وێنەکەتدا دەمرن. دایکت هەر جارێک دەنگی ماتۆڕێک ببیستێت، جەرگی دێتە خوێن. ئەو ٥ چرکە لێخوڕینە هیچت پێ نادات. هیچ کچێک لەبەر ئەوە خۆشی ناوێیت. هیچ هاوڕێیەک لەبەر ئەوە ڕێزت لێناگرێت. تەنها قسەت پێدەڵێن ماتۆڕ و ئوتومبیلەکان کە شەوان بە فول و تەقەڵ هەڵدەکوتنەسەر خەڵکی بۆ گواستنەوە دروست کراون نەک بۆ خۆکوشتن شەقام بۆ ژیانە، بۆ نمایشی مەرگ نییە بەپێ بە پاس بگەڕێوە بۆ ماڵەوە. دایکت چاوەڕێتە، باوکت هێشتا قەرزارە ، خوشکەکەت هێشتا پێدەکەنێت ، براکەت خۆشی دەوێیت. ............................ رۆژێک بە گەنجێکی جوانم وت ئەزانی ئەگەر لە منداڵێک بدەیت ، ئەبێت دایک و باوکت بچن دەستی خەڵک ماچ بکەن ؟ وتی مامۆستا ئێمە لەوانە نین دەستی خەڵک ماچ بکەین ، رۆژگار هات و ئێستا خۆی لە دۆخی کۆما و بێهۆشیدایە ، بۆخاتری هەرچی پیرۆزییە مەهێڵن گەنجەکانتان بگەنە ئەم دۆخە ، بەشەڕ و لێدان و قسەی ناشیرین و شکاندن نا ، بۆی ڕون بکەنەوە چی ڕوودەدات! بەیانییەک بڕۆ نەخۆشخانەکانی شکاوی دڵت کسپە ئەکات بۆ ئەو هەموو گەنجە جوانە دەست و سەر و قاچ و بڕبڕە شکاوە ، ئەڵێی لە شەڕی ئێران و ئیراق هاتونەتەوە نەک لە جادەی ژیان 😔 #Hemn_Abdulqader

ئازار دەردت لە گیانم! ............ زۆرجار کە دەچینە سەیران ، یەک کەس دەڵێت ئەم برنجە خۆم لێی دەنێم کەس دەستی لێنەدات ، کە جەنراڵێک لە جەنگدا دەکوژرێت ، پاشای مەملەکەت دەڵێت ئەم کەژاوەیە خۆم بەڕێی دەکەم ، وەختێک منداڵ نیوەی شەو دەسترازەکەی شەتەکەو دەگری ، دایک دەڵێت ئەم بێشکەو لانکە خۆم بەستوومە و هەر خۆشم ڕایدەژێنم، لێیگەڕێن بۆخۆم.

نامەوێت کەس باری ئەم حەسرەتە بکێشێت ، با کچیشم هەبێت قژی خۆی بڕنێت ، با کوڕیشم هەبێت بگری ، با دۆستەکانم خۆڵ بدەن بە سەریاندا ، هەرکەس بە شێوەی خۆی ڕێزی ئەم کۆستە بگرێت ، بەڵام خاوەنداری ئەم ئازارە دەمەوێت خۆم بیکەم، نامەوێت وەکالەتی ئەم ئازارە بدەم بەکەس. خێمە و تەسبیح ، گۆڕ و خاکەناز ، کورسی و چا ، لافیتە و ئاو ئێوەی ڕێکی بخەن ، بەڵام چەشتنی ئەم ئازارە لێگەڕێن بۆخۆم ، ڕوکاری ئەم کۆستە لە دەرەوە بۆ ئێوە و جەوهەری ناوەوەی بۆ من . ئیشی دەست بۆ ئێوە و ئیشی دڵ بۆ من ، ئەمە خۆشەویستییە ، شیوەن نییە ، ئەمە پێزانینە ، بێ شەرعی نییە . ............. هەندێک ئازار هەیە وەکو میرات وایە دەبێت خۆم بڵێم کێ چەند دەبات نابێت بە یەکسانی دابەشی بکەین ، دابەشکردنی ئازار بە یەکسانی ناعەدالەتییە ئەمەیان لێگەڕێن بۆخۆم ، تەنها خۆم دەزانم کێ؟ چی دەبات ؟ هەرکەسێک بەقەد ئەوەندەی خۆشەویستی کردووە ئازار دەبات. (لە میحنەت خانەکەی مندا بەبێ تۆ هەر براڕۆیە کە جـــــارێ ئیوە ناپرسن لە من بۆچی، برا ڕۆیی) ئەو دەنگەی ماڵی بە ئاگا ئەهێنا ، ئەو بۆڵە بۆڵەی وەک نمەک و خوێ تامی خواردنەکەی خۆشتر دەکرد ، ئەو دەستەی بە یانیان گەنمی بەسەر کۆترەکان دابەش دەکرد ، ئەو ئافاقەی لە شیعری نالی و مەحویدا دەخرایە گوڵدانی بەر پەنجەرەکە ، ڕۆییییی، (مەڕ دەڵێ خۆم ئەزانم بێچووم لە کوێدا گورگ خواردویەتی) دڵ خۆی ئەزانێت بۆ ئەم هەموو براڕۆییە دەکات، تازە هەر مەپرسن ، با ئەم شیوەنە هەر خۆم بیکەم. (تفەنگ دەردت بە جونم، تفنگ بی تو نمونم) تفەنگ حەیفە ئاسك بكوژی ، ئاسك قەشەنگە . تفەنگ حەیفە باڵندە بكوژی . كە ڕەنگاوڕەنگە . تفەنگ لەو دزە بدە کە ڕایکرد ، تفەنگ جێی گوللەت سینەی پڵنگە . تفەنگ دەردت لە گیانم . تفەنگ بێ تۆ نەماوم . ئازار حەیفە هەموو کەس بکوژی ، ئازار دەردت لە گیانم ، لێگەڕێن با هەر خۆم ئەم شیوەنە بکەم، ئای ئازار بێ تۆ نەماوم. نوقتە سەری دێڕ.... #hemn_Abdulqadir

ㅤ ‌اللّهُمَّ ‌صَلِّ ‌عَلَىٰ‌ مُحَمَّد ‌وَعَلَىٰ ‌آلِ‌ مُحَمَّد‌🤎 سەڵاوات بنێرن بۆ ئازیزی دڵـان️ ﷺ .

پەڕوباڵیان مەکەن ڕێگەبدەن بابەئازادی بفڕن پسپۆڕانی بواری پەروەردە دەڵێن:ٚ ئەگەر خاوەنی چەن منداڵێک بوویت و ماڵەکەشت هەردەم ڕێکوپێک و خاوێن و ڕازاوە بوو، هەموو شتێک لەشوێنی خویدا بوو، ئەوا بزانە تۆ باوکێکی خراپ، یان دایکێکی خراپیت ؛ چونکە ماڵی هەردەم ڕێک وپێک و بەتەرتیب لەگەڵ بوونی منداڵدا ، مانای ئەوەیە بێبەش کردن و چاوسورکردنەوە و بەکارهێنانی هێز لەدژی منداڵدا هەیە. ماڵی هەردەم خاوین و بەتەرتیب ، مانای ئەوەیە لەوماڵەدا منداڵێک هەیە و دەدزرێت ، ئەندێشەو خەیاڵێک هەیە و کۆت و بەند دەکرێت ، ڕوحێکی ناسک هەیە دەپلشێنرێتەوە !

من دژی ئەوەنیم لەماڵدا یاساو ڕێسا هەبێت، هەرکۆمەڵە خەڵکێک ،جازۆر بن یاخود کەم ، ئەگەر لەشوێنێکدا کۆببنەوە و بەپێی سیستەم و ڕێسا بەڕێوە نەچوو، ئەوا بێسەروبەری و لێکترازان ڕوو دەدات، بەڵام یاسا دەبێت بۆڕێکخستنی ژیان بێت. نەک بۆ خەفەکردنی ، ئەوەی من دژیمی ئەوەیە دایک و باوک بەتایبەتی دایک، چونکە ئەو زیاتر پەیوەندیدارە بەڕێکخستنی ناو ماڵ ، نابێت باوەڕیان وابێت کەلوپەل و کەرەستەکانی ناوماڵ ، وەک بتەکانی سەردەمی نەفامی وان و دەبێت بەپیرۆز تەماشا بکرێن و ملیان بۆ بچەمێنینەوە. هاوڕێ : ئێمە شتومەکەکانی ناوماڵمان بۆ ئەوە کڕیوە بەکاریان بهێنین و خزمەتی خۆمانیان پێ بکەین ، نەک بەپیرۆز ڕایان بگرین و لەئاستیاندا بچەمێنینەوە ، پێویستە بۆپاراستنی کەرەستە و شتومەکەکانی ناوماڵ ،لەئاستی مامناوەندابین ، نەزیادەڕۆی بکەین و نەکەمتەرخەمی . شاعیر چەندە هۆگری شیعرە ، عاشق چەندە شەیدای بینینی ڕوخساری یارە ، درەخت چەندە تینوی ئاوە ، منداڵیش ئەوەندە تامەزرۆی گەمەو یاری کردنە، یاری کردنی منداڵ ئەوەندەی بۆگوزارشت لەخۆکردن و ئاشنابوونە بە دەوروبەر ، ئەوەندە بۆکات بەسەر بردن نیە. کچەکەم کاتێک منداڵ بوو جارێک نەخۆش کەوت و توشی تایەکی توند هات .بینیم بوکەشوشەکەی لەکۆشیدا دانابوو دەیلاواندەوە و پێی دەوت : ئازیزەکەم کاتێک نەخۆش دەکەویت سکت دێتە ژان ، دەتەوێت بڕشێیتەوە ، کەچی ناتوانی ،هەست بەسەرما دەکەیت و حەزدەکەیت کەسێک لەئامێزت بگرێت! دوابەدوای ئەم قسانە بەتوندی باوەشی بەبووکە شوشەکەیدا کردو نوساندی بەسنگیەوە ! منداڵەکانمان لە کورسی ،مێز ، گوڵ ، گوڵدان ، تابلۆ و کەرەستەکانی ناوماڵ گرنگترن ، پاشان خۆدنیا وێران نابێ ئەگەر ناوماڵ پیس و چەپەڵ بێت ، قەڵەمە ڕەنگاو ڕەنگەکان پەرش و بڵاو ببن، کاخەزەکان لەسەریەک کەڵەکە ببن ، لەجیاتی ئەوەی بێین بێبەشیان بکەین لەپیادەکردنی حەزو خولیاکانیان ، بابێین لەگەڵیاندا ڕێکبکەوێن کەپاشماوەکانی خۆیان خاوێن بکەنەوە . پەڕەی دڕاو و کاخەزی پەرشوبڵاو لەناو ماڵدا ،واتای ئەوە دەگەیەنێت تۆدایکێکی گەورەیت و ڕێگە دەدەیت منداڵەکانت لە دنیای مناڵی خۆیاندا بژین بەئارامی گەورە ببن. منداڵەکانتان فێری سیستەم و یاسا ڕێسا بکەن ،پەروەردەیان بکەن لەسەر ڕێک و پێک کردن ،بەڵام پەڕوباڵیان مەکەن ، لێیان گەڕێن بابەئازادی بفڕن. کتێب / ئەودەمەی گوڵ دەپشکوێ نوسەر / ئەدهەم شەرقاوی وەرگێڕ /یاسین محمود لاپەڕە / 23

"کچەکەم بە پێی خۆی چووە نەخۆشخانە و تەرمەکەیان پێمداوە" سارا تەحسین،کچێکی ٢١ ساڵ لە نەخۆشخانەیەکی ئەهلی گیانی لە دەستداوە. ئەم ڕووداوانە قەزاو قەدەر نین، ئەمانە فەزاحەتن و پێویستە هەڵوێستەیان لەسەر بکرێت. مەعقول نیە لەم وڵاتە بەپارەی خۆت بەبەرچاووتەوە وەک قەساب بکەونە گیانی خۆت و ماڵ و منداڵت! چی ڕێساو یاسایەکی مرۆڤایەتی و دینی و ئەخلاقی ڕێگە بەوە دەدات بۆ پارە بکەویتە گیانی نەخۆش بەبێ شوێنی گونجاو و چاودێری چڕ و زانیاری پێویست لەسەر نەخۆشی و عەمەلیاتەکەی! هەرکەس گەندەڵیکرد لەکار و پیشەکەی پێویستە تەمێ بکرێت. بەداخەوە بۆ ئەم وڵاتە جوانە هیچ یاسایەکی لەجێی خۆی نیە، ئەمە پەنجایەمین کەیسە ڕوو بدات، جەنابی قەساب وەک بەرزەکی بانان بۆی دەردەچێت! پیشەی دکتۆری پیرۆزە، مەهێڵن کۆمەڵێک قەساب پیسی بکەن.

✔️  پرۆژەی دەوای دڵان ڕاگەیەندا🔊🔊🔊

💡  دەوای دڵان هەستاوە بە ڪردنەوەی پڕۆژەیەڪ بۆ لە بەرڪردنی  دە ئـایەتی سـەرەتای سوڕەتی الڪهف بەتەفسیرەوە 💡پڕۆژەڪە پێڪ دێت لە دە ئـایەتی  سـەرەتای سـوڕەتی الڪهف بـە تەفسیرەوە 💡ئـایەتەڪان بە ڪوردی و عـەرەبی داخلە 💡 حـەڕەڪاتی سەر وشەڪان  داخل نیە 💡 پڕۆژەڪە بەڕێگەی ئۆنلاین ئەنجام دەدرێت مـەبەست  لێی لەبەرڪردنی ئـایه تەڪانی قـورئان و پاداشتی دونیا و دواڕۆژە 💡 تاقیڪردنەوەڪە بە شێوەی گۆگڵ فۆڕم دەڪرێت و پرسیارەڪان بە شێوەی هەڵبژاردن دەبێت 💡 لە ڪۆتایدا بروانامە ئـەدەینە بەشداربوان ▫️هەر ئازیزێڪ ئەیەوێ  بەشداربێت لە گەلمان  ناوی سیانی بۆ ئەم  ئەڪاونتە بنێرێت تا ناوی تۆمار بڪەین⬇⬇ @daway_dllanbot ▫️ 15 \9\2026 ڕۆژی دەست پێڪردنی  تاقیڪردنەوەڪە ئەبێت ان شاءاللە ▫️ سوپاس بۆ بەشداریڪردنتان هیوادارین لای خۆتانەوە بڵاوی بڪەنەوە بۆ ئەوەی زۆرترین ڪەس بەشداربێت و سودی  لێببینێت🖊 ▫️هـەر ئازیزێڪ ئەیەوێ بەشداربێت لەگەلمان جۆینی ئەم گروپە بڪا pdf ەڪە و زانیاری تەواو دانراوە⏬⏬⏬⏬⏬⏬⏬⏬⏬⏬⏬ https://t.me/daway_dllan

🔹پێغه‌مبه‌رى خودا ( صلی الله‌ علیه‌ وسلم ) فه‌رموويه‌تى : (من حفظ عشر آيات من أول سورة الكهف عُصم من فتنة الدجال) واته‌ : هه‌ر كه‌سێك له‌سه‌ره‌تاى سوره‌تى كه‌هف (10) ده‌ ئايه‌تى له‌به‌ر بكات ، ئه‌وا خواى په‌روه‌ردگار ئه‌و كه‌سه‌ ده‌پارێزێت له‌شه‌ڕ و خراپه‌ى ده‌جاڵ. 📘صحيح الجامع الصغير وزيادته

یەکێکیان وتی: هۆکاری تەوبەکردنم ئەوە بوو کە لە مەککە گێچەڵم بە ئافرەتێک کرد، جا ئەویش ئاوڕی لێدامەوە و پێی وتم: ئێمە لە ئەوپەڕی زەوییەوە هاتووین بۆ ئەوەی لێرە گوناهەکانمان بشۆینەوە، ئەی تۆ لە کوێ گوناهەکانت دەشۆیتەوە! ئەم ڕووداوە موچڕکە بە گیانی مرۆڤدا دەهێنێت

و: محمد کەریم

چەند هۆکارێکی بەختەوەری نێوان هاوسەران

ڕێز و بەهای دوولایەنە ڕێزگرتن لە کەسایەتی، بیرۆکە و هەوڵەکانی یەکتری بڕبڕەی پشتی بەختەوەرییە. پەیوەندیی کراوە و ڕاستگۆیانە قسەکردنی کراوە لەسەر هەست و کێشەکان بەبێ ترس لە بڕیاردان، ڕێگری لە کەڵەکەبوونی توڕەیی دەکات. پشتگیری و هاوکاری لە کارەکاندا دابەشکردنی بەرپرسیاریەتییەکان و پشتگیریکردنی خەونەکانی یەکتری، هەستی ئارامی و جێگیربوون دروست دەکات. سەرفکردنی کاتی تایبەت بەپێی توانا دۆزینەوەی کاتێک بۆ گفتوگۆ، پیاسەکردن یان بەسەربردنی کاتی خۆش پێکەوە، پەیوەندی ڕۆحی و سۆزداری بەهێزتر دەکات. لێبوردەیی و تێپەڕاندنی هەڵە بچووکەکان هیچ کەسێک بێهەڵە نییە؛ توانای چاوپۆشیکردن لە هەڵەی بچووک و داوای لێبوردنکردن، تەمەنی پەیوەندییەکە درێژتر دەکات.



شێرەکەی ئوممەت، خاوەنی ئەو دەنگەی کە دڵخۆشکەری موسڵمانان و تۆقێنەری دوژمن بوو، بەڕەچەڵەک کوردە نەوەی سەڵاحەدینی ئەیوبیــە...

گــــــــــــەشت گەشت 😍😍 بۆ #دووەمین_ساڵ—لەسەریـــەک جوانترین پڕۆژە و گـــەورەترین پڕۆژە ڕادەگەیەنین..... لە پێناو زیاتر ناسینی پێغەمبەری نازدار ﷺ وە ئارامبوونی دڵەکانمان وە گشتێک بۆ لای ﷴﷺ لە پرۆژەی #نوری_مصطفیﷺ بەدروشمی ناوی جوانی تـــۆ شیرینی سەر زمانمە خۆشەویستی تۆ ئارامی دڵمـــــــــــــە پرۆژەیەک بۆ ناردنی #50_هەزار سڵاوات بۆ پێغەمبەری خۆشەویستمان ﷺ ڕادەگەیەنین چۆنیەتی پڕۆژەکە..... ▫️ڕۆژی پێنج شممە دەست پێ دەکات بۆ ماوەی یەک مانگ دەخایەنێت. ▫️ وە لە کۆتایدا تیروپشک دەکرێت بۆ بەژداربوان خەڵاتی شایستە بۆ سەرکەوتووان دابیندەکرێت. 🔻ناو نوسین لەم پۆستەدا دەبێت 🔻ئایا دەتوانن بە 15 ڕۆژ تەواوی بکەم ؟ بەڵێ 🔻 درەنگ پڕۆژەکەم بینی دەتوانم بەشداری بکەم ؟ بەڵێ ئاساییە ئەگەر ڕۆژێکیشی مابێت خـــەڵاتەکان 🎁خەڵاتی یەکەم 50 هەزار 🎁 خەڵاتی دووەم 25 هەزار 🎁خەڵاتی سێیەم 10 هەزار وە چەندین خەڵاتی دیکە. بۆ بەشداریکردن جۆینی ئەم چەناڵە بکەن: https://t.me/noorymustafa تـــــــــــــــکایە بڵاوی بکەنەوە

😢💔

ㅤ ‌اللّهُمَّ ‌صَلِّ ‌عَلَىٰ‌ مُحَمَّد ‌وَعَلَىٰ ‌آلِ‌ مُحَمَّد‌🤎 سەڵاوات بنێرن بۆ ئازیزی دڵـان️ ﷺ .

سەروەرمان ﷺ هات بۆ ڕزگارکردنی خەڵک لە ستەم و کۆیلایەتی.

ژیان، ئاوایە حەبیبە.. سەرەتا بە یاریکردن دەست پێ دەکا، کە تێیدا جیهان وەکوو یاریگەیەک دەبینی. لەو تەمەنەدا هیچ شتێک نییە لەدەستی بدەی؛ گریانەکانت خێرا دەوەستن، برینەکانت بە ماچێک ساڕێژ دەبێ، هەر شەڕێکت لەگەڵ هاوڕێیەکتدا، تەنیا چەند خولەکێکە و ڕۆژی دواتر هیچ ئاسەوارێکی نەماوە. وە هەموو شتێک بە سادەیی و جوانییەوە دەبینی. پاشان هێواش هێواش، هاوکێشەکە دەگۆڕێت؛ کتێب دەکەوێتە شوێنی یاری، قوتابخانە دەبێ بە کۆڵان، قەڵەم بە دیکتاتۆر. لەوێدا باوکت قسەیەک دەکات، تێی ناگەیت. بەڵام چەند ساڵێک دواتر دەزانی کە ئەو قسەیە چی بوو؟ دایکت لە شەوێکی بێدەنگدا دەگری و تۆ تەنیا ئەوەت لەدەست دێ، لێی نزیک بیتەوە و بڵێی: «بۆچی دایکە گیان، بۆچی؟» ئەویش بە پێکەنینێکی ساختەوە وەڵام دەداتەوە: «هیچ!» تۆیش قایل دەبی و جێی دەهێڵی، چونکە هێشتان نازانیت کە هەندێک ”هیج“ لە ژیاندا، هەموو شتێکە و قورسترین جۆری ئازارە. گەورەتر دەبی و دڵت دەگۆڕێت، کە وەکوو سەگێکی دەستەمۆ، دوای خۆیت دەدا. پەیامێکی سادە لە کچێکەوە، دەبێتە هۆی خەندەیەکی درێژ. قسەیەکی تاڵیش لە هەمان کەسەوە، شەوێکی بێ کۆتا. دەڕۆی ناوی خۆت لە دەفتەرێکدا دەنووسیت و ناوی ئەویش لە تەنیشتت. چونکە پێت وایە ئەوە ئەو شتەیە کە خەڵکی پێی دەڵێن:«عیشق» لە هەرزەکاریدا دڵت زۆر گەورەیە؛ وا دەزانیت کە هەموو پەیوەندیەک تا هەتایە بەردەوام دەبێ و، هەموو خۆشەویستیەکیش هەمیشەییە. دوای ساڵانێکی کەم، خۆت وەک گەنجێک دەبینیتەوە، کە حەز دەکەیت خۆت بیت. خاوەنی پەساپۆرت، مۆڵەتی شوفێری، هاوڕێی زۆر، ژمارەی تەلەفون، ناوبانگ.. کەهەریەک لەوانە خۆشحاڵیەکی زۆرت بۆ دێنن، چونکە گەنجیت. تا ڕۆژێک دێ، کە ژیان نامەیەکی نوێت بۆ دەنووسێت؛ نامەیەک کە تێیدا وشەی«من»ـی تێدا دەزێ و دەگۆڕێت بە«ئێمە» ماندوو بوون دوای ماندوو بوون، خەم دوای خەم، حەسرەت دوای حەسرەت. کە چی بەو حاڵەیشەوە، کە خۆت پێویستت بە دەستێکە بۆ ڕاگرتن، ناچاریت ببی بە پشتی کەسێکی تر.. ڕۆژەکان تێدەپەڕن و مناڵی یەکەم لە دایک دەبێت، ئیتر لێرە بەدواوە تۆو سەرینەکەت کەمتر لەگەڵ یەکدا دەمێننەوە. دڵێک کە پێشتر بۆیەک کەس بوو، دەبێ دابەشی بکەیت. بەڵێ حەبیبه، ئەوەی پشتر بە ناوی«ژیان»ـەوە ناسیمان، تەنیا پێشەکیەکی درێژ بوو لە نێو کتێبکدا، کە فێڵی لە هەموومان کرد. سەرەتا هات یاری لەگەڵ کردین دواتر دڵی پێداین ئینجا خەون و، لە کۆتاییشدا.. زۆر بێڕەحمانە ڕایهێناین لەسەر ئەوەی، کە چۆن بمرین؟! پەشێو حەمەد ئەمین

قەت بیرت کردووەتەوە، تۆی ساڵانێکی تر چۆن دەبیت و کێ دەبیت؟ "دوای 15 ساڵی دیکە، تۆیەکی تەواو نوێ درووست بوویت، خۆشبەختانە ئەمجارەیان ئەکرێت ئەم نوسخەیە مەکتەب و حکومەت و مەیترێکس درووستیان نەکردبێت وەک ئەوەی مناڵی(گەر وریا بیت.)، بەڵکو هەموو پارچەیەکی خۆت بەدەستی خۆت، بەکوالێتیترین شێوە درووست کرابێت. ئەو نوسخەی داهاتووی تۆ دوای ساڵانێک بەرهەمی سوتفە نابێت، وە بەرهەمی یەک بڕیار نابێت، بەڵکو بەرهەمی ئەو کارانە دەبێت کە ئێستا ڕۆژانە خەریکیانیت و بەردەوام دووبارەیان دەکەیتەوە. تۆی داهاتوو خۆڵاسەی ئەو پەیجانە دەبیت کە فۆڵۆو یان ئەنفۆڵۆوت کردوون، ئەوەی دەیخۆیت و بڕیار دەدەیت نەیخۆیت، ئەوەی دەیخوێنیتەوە، ئەوەی گوێی لێ دەگریت، ئەو بیرۆکانەی دەیانگریتە خۆت. هەموو دیتەیڵێکی بچووکی ئێستات وردە وردە بەهێواشی تۆی داهاتوو درووست دەکات، بەرز بێت بەرزیت، نزم بێت نزم. دووای ساڵانێک هەمووان سەریان دەسوڕمێ فڵانی خزم و برادەر و دراوسێ بەچی گەشتە ئەو مەرتەبە باذخه.! یان بەچی ئاوا فەشەلی ئەهێنا، بێ ئاگا لەوەی ئەم مەزنییە یان ئەم نزمییە بەرهەمی ئیمڕۆ نەبووە بەڵکو (10_15) ساڵە ئاگری بۆ خۆش ئەکرێ، ئاگات لەخۆت بێت کەسەکەم، وەڵاهی خۆت بۆ خۆت نەشێیت کەس بۆت ناشێت، فەشەڵ و گەورەیی بەرهەمی یەک بڕیاری لەپڕ نین، بەرهەمی ئەوەن کە ئێستا دەیکەیت." ئەدەبی دین و دونیا