خاورې راشدجان K.N

عجیبه ښکلې کیسه! سلطان محمود غزنوي ته یو چا زرکه راوړه چې یوه پښه یې نه وه. خرڅوونکي په ډېر لوړ قیمت خرڅوله. سلطان وپوښتل: ولې دومره لوړ قیمت؟! سره د دې چې پوهېږې یوه پښه یې هم نشته. خرڅوونکي ځواب ورکړ: کله چې زه د ښکار لپاره دام جوړ کړم، نو دا یې ترڅنګ خوشې کړم، دا په ښکلي او لوړ اواز غږونه کوي چې نورې زرکې یې د آواز په اورېدو سره دې ته راځي او په دام کې لوېږې. کومه ورځ چې دا زرکه راسره وي نو هغه ورځ زه زیاتې مرغۍ ښکار کوم. سلطان محمود د زرکې قیمت ورکړ او له زرکې یې په هغه ګړۍ سر پرې کړ. نفر وپوښتل: باچا سلامت! دومره لوړ قيمت مو پرې ورکړ، خو بیا مو هم سر ځنې پرې کړ، دا څنګه؟ سلطان محمود ځواب ورکړ: هر څوک چې خپل قوم او ملت خرڅوي؛ سر یې باید له تنه جلا شي.