9 917
Subscribers
+224 hours
+317 days
+12230 days
Posts Archive
9 917
هەڵوەێستی جوان و بەجێی وریا ماملێ (کوڕی مامۆستا محەممەد ماملێ ) لە ئاست بێڕێزی کچێکی گەنج بە مامۆستا ماملێ
چەند ڕۆژێکە لە سەفەرم و دەرفەتم نەبووە وەلامی نامە و پەیامەکانتان بدەمەوە؛ ئێستاش هەر بە ڕێگاوەم، بۆیە لێم ببوورن.
بەداخەوە لە دوێنێ شەوەوە کچە لاوێکی کورد، لە ڕووی نەزانی و تەمەنی لاوییەوە، هەندێک لێدوانی داوە کە بووەتە هۆی ئازاردانی دڵی هەوادارانی هونەری کوردی و ماملێی نەمر. ئەم بابەتە لە تۆڕە کۆمەڵایەتییەکان و میدیاکاندا کاردانەوەی زۆری لێکەوتووەتەوە و، وەک ئاگادار کراومەتەوە، هەڕەشەیەکی زۆر لەو کچە کراوە. تەنانەت کار گەیشتووەتە ئەوەی پۆلیسی ئێران دەستبەسەری بکات (تەنیا بۆ پیشاندانی ئەوەی کە دۆخەکەیان کۆنترۆڵ کردووە).
هەموومان لەو تەمەنەدا ژیاوین، لاو بووین و هەڵەشمان کردووە، یان خۆمان منداڵمان هەیە و دەزانین دەکرێت منداڵەکانیشمان تووشی هەڵە ببن. پێویستە هەموومان وەک هەڵەیەکی کاتیی گەنجێکی بێئەزموون سەیری ئەم بابەتە بکەین و لەوە زیاتر گەورەی نەکەینەوە. دەبێت دڵمان گەورە بێت؛ وەک چۆن لە سەردەمی خۆیدا کۆمەڵێک بوختان و درۆیان بۆ ماملێ دروست دەکرد و دەیانگوت زیرەکی کوشتووە یان ساواکی بووە و شتی دیکە... بەڵام کاردانەوەی ماملێ تەنیا بزەیەکی سەر لێوان و بەردەوامبوون بوو لەسەر ڕێبازە هونەرییەکەی. دڵنیام ئەگەر ئێستاش خۆی لە ژیاندا مابا، بە هەمان ڕوانگەی بەخشندەییەوە سەیری ئەم ڕووداوەی دەکرد.
وێڕای سوپاسی گەرم و بێپایانم بۆ دڵسۆزان و هەوادارە بەڕێز و بەڕێزەکانی ماملێ، تکایان لێ دەکەم لەوە زیاتر گوشار نەخەنە سەر ئەو کچە و بنەماڵە بێتاوانەکەی. وەک ماملێ بە دڵێکی فرەوانەوە بیبوورن، تا ڕووداوێکی نەخوازراو ڕوونەدات کە دواتر پەژیوانی و زیانی لێ بکەوێتەوە و قەرەبوو نەکرێتەوە. هەروەها ناهێڵین ناحەزانیش ئەم بابەتە بۆ مەرامی خۆیان بەکاربهێنن و نان و پیازی پێوە بخۆن. لەبیرمان نەچێت کە لێبوردەیی و بەخشندەیی بەشێکی جوان لە کەلتووری کۆمەڵگەکەمانە و دەبێت شانازیی پێوە بکەین.
سەری ڕێز و کڕنۆش بۆ گەورەیی، وەفا و کەرامەتتان دادەنەوێنم؛ هیوادارم تەمەندرێژ و سەربەرز بن بۆ ماملێ و کورد و کوردستان
وریا ماملێ
(بمبوورن گەر نەتوانم وا زوو وەڵامی کۆمێنتەکانتان بنووسمەوە.)
@avindaripartok
9 917
هەر کەسێک پرسیارێکی پزیشکی هەبێت، یان پێویستی بە لێکدانەوەی ئەنجامی تاقیکردنەوە (ئازمایش) هەبێت، یان هەر بابەتێکی تر پەیوەندیدار بە تەندروستی، بە خۆڕایی لە خزمەتتان دایین.
لە هەموو پسپۆڕییە پزیشکییەکان.
هەروەها، هەموو ڕۆژێک زانیاری و بابەتە پزیشکییە گرنگ و سوودبەخشەکان فێر ببن.
@clinic_mardom
کلینیکی خەڵک؛ نەخۆشخانەی ئۆنلاینەکەتان بۆ چارەسەری
🟦 t.me/clinic_mardom
🟩 rubika.ir/clinic_mardom
