Future makers 💭💗Be productive 🍃

نصيحة: خذوا قسط من الراحة وفنجان قهوة وبعدو انساو نهار اليوم سواء كان سهل أو صعب ماتبقاوش تحكو عليه ... وراجعو الرياضيات راها مادة اساسية وإن شاء الله غدوة تكون امتحانات في المتناول 👐🏻👐🏻👐🏻

‏لن يجعلك الله تنتظر كثيراً إلاّ ليعطيك أكثر مما تمنيت.

إلى أبطال بكالوريا 2023 أود أن أذكركم ببعض من النصائح التي تفيدكم : أولا : غدا السبت إن شاء الله استيقظ باكرا و خليه يوم عادي شوية دراسة شوية فايسبوك شوية لعب دون إفراط و لي موالف يدير القيلولة ينحيها باش يقدر يرقد ليلة الأحد ثانيا : ليلة الأحد يعني السبت في الليل جهز أدواتك خصوصا الأقلام بالدوبل و الإستدعاء و بطاقة التعريف و الملابس لي راح تلبسهم يكونو واجدين و مستفين ثالثا : الأحد صباحا تنوض بكري ماتنساش صلاتك و فوض أمرك لله و حاول تلتحق ساعة كاملة قبل البداية الرسمية للإختبار باش تتعرف على المركز و القاعة تاعك و تكون ديجا كليت وفطرت مليح رابعا : في بداية الإختبار و كما نصحناكم مرارا و تكرارا في الأقسام كن ذكيا في اختيار الموضوع و إذا فات نصف الوقت كسر المارشاريار ماتبدلش الموضوع و استغل وقتك كاملا و ماتلعبهاش بطل تقول أنا خير من البقية خرجت قبل ما يكمل الوقت خامسا : بعد الإختبار انس هاذيك المادة و ماتناقش حتى واحد و روح حضر لباقي المواد أخيرا : وفقكم الله و سدد خطاكم و أنار دربكم و نحن أكيد معكم بدعائنا و نصائحنا و كونوا على ثقة أنها ستكون أسهل بكالوريا بإذن الله واللي عندو نصائح إضافية يكتبها

هذا التعب والسهر مراح يضيع عند رب العالمين وراح يجي اليوم الي يجازينه"🤍 ربي يوفقكم ✨❤️‍🩹

"وَيُدهشك بما تَمنَّيتهُ، وحسِبتهُ مُستحيلا.

‏﴿قَدْ أُوتِيتَ سُؤْلَكَ﴾

ألم تقل يا الله إن لكلِّ ساعٍ ما سعى ؟ إنني أسعَ يا الله كثيرًا ، أتعبُ أحيانًا وأقفُ كثيرًا لكنني أستمرُ في السعي لا أستستلمُ بسهولة ، فاجعلْ ما أسعى إليه يمشي تجاهي يا الله

🌸احفظوها عندكم

❤نزيدكم حاجة قبل ما ننسى اقراو الادعية كثرروا عند الخروج من البيت وعند دخول مؤسسة الامتحان وعند دخول قاعة الامتحان وقبل قراءة الموضوع وعند الحل وقبل ما تحطو الورقة اقعدوا شوي ادعوا ربي اللهم اني استودعتك ورقتي ويارب تطيح فيد طيبة وورقتكم ميصرالها والو ادعوا النقطة للي رح تتكتب عليها ترضيكم وديرو فبالكم ورقتكم راهي بين ايدي الله مهما صرالها رح يكون خير ليكم وثقوا فربي سبحانه هكا حتى ترتاحو ابري حطوها متحطوهاش مباشرة بعد الانتهاء

صراحة رأيي كرأي الاغلبية: 💫الطالب للي مقراش انصحه بإستغلالها في الدراسة عسى ان ينجوا وينقذ نفسه اقراو لاخر دقيقة ارقدو مليح فليل 7 ساعات ولباقي قراية فقط ركزو مليح واثبتو ولا داعي للقلق الزائد وش مقدرلك ربي رح يجيك 💫الطالب للي قرا وبذل مجهود يرتاح يوجد حوايجو بهدوء يرتب افكارو ممكن يتخلطولكم المعلومات من القلق لذلك اهدأو وديرو في بالكم ان الله لا يضيع اجر من احسن عملا الخوف امر طبيعي لكن ذا زاد عن حده يصبح خطر بلا متزيدو عليها راكم جربتو الامتحان التجريبي عادي والباك رح يكون اسهل بأذن الله بالتوفيق 🌸روزا تحبكم🫶💕