KCC (kurdistan Cryptocurrency Center)

بانکی ناوەندی ئەمریکا رێژەی سووی لە %4 وە دابەزاند بۆ %3.75.

بلۆکچەینی StableChain تۆڕی سەرەکی خۆی خستووەتە بازاڕەوە، کە کرێی غازی گۆنجاو بۆ USDT پێشکەش دەکات لەگەڵ تۆکنێکی ڕەسەنی خۆی. پرۆتۆکۆڵی Stablechain کە لەلایەن Tether پشتگیری دەکرێت، بلۆکچەینەکەی کە بە USDT کاردەکات، شانبەشانی بناغەیەکی نوێی بەڕێوەبردن وە لەگەڵ تۆکنێکی ڕەسەن، خستە بازاڕەوە. بەپێی پرۆتۆکۆڵەکە، تۆڕی نوێی چین-1 بۆ مامەڵەکانی کۆینی جێگیر دیزاین کراوە و پشت بە Tether’s USDt دەبەستێت بۆ پارەدانی کرێی غاز، ئەمەش پێویستی بە سەروەت و سامانی ناجێگیر بۆ پرۆسێسکردنی پارەدانەکان لادەبات.

سۆلانا مۆبایل لە مانگی یەکدا تۆکنی ڕەسەنی خۆی دەخاتە بازاڕەوە. سۆلانا بڕیارە لە سەرەتای ساڵی ٢٠٢٦دا ئەو تۆکنە ڕەسەنە چاوەڕوانکراوەی کە بەستراوەتەوە بە نوێترین مۆدێلی مۆبایلەکەیەوە بەناوی Seeker بڵاوبکاتەوە، لەگەڵ دراوەکەیدا بڕیارە ببێتە نیشانەی حوکمڕانی ئیکۆسیستەمی مۆبایلی کۆمپانیاکە. سۆلانا مۆبایل لە پۆستێکی X ڕۆژی چوارشەممەدا ڕایگەیاند کە کۆی گشتی تۆکنی “SKR” 10 ملیار تۆکنی دەبێت، کە 30% بۆ ئایردرۆپ تەرخانکراوە و 25% بۆ گەشەکردن و هاوبەشی تەرخانکراوە.

دۆیچ بۆرسە هاوبەشی لەگەڵ Karakn دەکات بۆ یەکخستنی بازاڕە دیجیتاڵییەکان. گروپی دۆیچ بۆرس کە ڕێکخراوێکی جیهانی بۆ ئاڵوگۆڕکردنە، هاوبەشییەکی ستراتیژی لەگەڵ ئاڵوگۆڕی دراوی کریپتۆ کراکن کە بنکەکەی لە ئەمریکایە کردوە بۆ بەستنەوەی بازاڕە تەقلیدی و دیجیتاڵییەکان. بەپێی ڕاگەیاندنێکی هاوبەش کە ڕۆژی پێنجشەممە بڵاوکراوەتەوە، کراکن و دۆیچ بۆرسە هاوکاری دەکەن بۆ دابینکردنی دەستڕاگەیشتنێکی مامەڵەکاران بە هەردوو بازاڕەکانی سەروەت و سامانی تەقلیدی و دیجیتاڵی.

تێزەر زیاتر لە زۆرێک لە بانکە ناوەندییەکان زێڕ دەکڕێت. لە ڕاپۆرتێکدا بەپێی شرۆڤەکارانی کۆمپانیای جێفریز،لە ماوەی چارەکی سێیەمی ساڵی ٢٠٢٥دا، کۆمپانیای تێزەر ٢٦ تۆن زێڕی بۆ پشکەکانی زیادکردووە. ئەمە وایکردووە کە تێزەر ببێتە تاکە کڕیاری گەورەی زێڕ لەو چارەکەدا، کە گەورەترە لە کڕینی کۆی سەرجەم بانکە ناوەندییەکان . تا کۆتایی مانگی ئەیلولی ٢٠٢٥، کۆی گشتی زێڕی ڕاپۆرتکراوی کۆمپانیای تێزەر نزیکەی ١١٦ تۆن بووە. ئەگەر شانبەشانی وڵاتان لە لیستی فەرمی یەدەگی زێڕی سندوقی دراوی نێودەوڵەتی (IMF) دابنرێت، ئەمە دەبێتە هۆی ئەوەی کە تێزەر لە ڕیزبەندی ٣٠ گەورەترین خاوەنی زێڕی سەرەکی جیهاندا بێت و پێش وڵاتانی وەک یۆنان و قەتەر و ئوسترالیا دەکەوێت.

ئاتکینز دەڵێت SEC 'دەسەڵاتی بەشی ئەوەندەی هەیە' بۆ ئەوەی یاساکانی کریپتۆ لە ساڵی 2026دا بەرەو پێشەوە ببات. لە چاوپێکەوتنێکدا لەگەڵ کەناڵی CNBC کە ڕۆژی سێشەممە بڵاوکرایەوە، پاوڵ ئاتکینز ڕایگەیاند کە کۆمیسیۆنی ئاڵوگۆڕی دراو و پارەی ئەمریکا (SEC) "یارمەتی تەکنیکی" پێشکەش بە کۆنگرێس دەکات لە کاتێکدا بیر لە یاسایەک دەکاتەوە بۆ ڕێکخستنی سەروەت و سامانی دیجیتاڵی، پێدەچێت ئاماژە بە یاسای پێکهاتەی بازاڕ بکات کە ئێستا لەبەردەم ئەنجومەنی پیرانی ئەمریکادایە. ئاتکینز ئاماژەی بەوەشکردووە، سەرەڕای ئەوەی کارەکانی SEC کاریگەر بووە بە داخستنی حکومەتی ئەمریکا کە درێژترین ماوەی داخستن بوە لە مێژووی وڵاتەکەدا، بەڵام بەردەوام بووە لە پێشکەوتن لەسەر "یاساکان کە سەرنجیان لەسەر پشتگیریکردنی کەرتی دراوی دیجیتاڵییە".

پارەدانی کریپتۆ دێتە دنیای پلەیستەیشن ،لەکاتێکدا سۆنی پلانی هەیە لە ساڵی ٢٠٢٦دا stablecoin بخاتە بازاڕەوە. بەپێی زانیارییەکان، بانکی سۆنی کە لقێکی کۆمپانیای سۆنی فاینانشیاڵ گروپە و تایبەتە بە قەرزدانی ئۆنلاین، ئامادەکاری دەکات بۆ خستنەبازاڕی stablecoin کە دەبێتە هۆی ئەوەی پارەدان لە سەرانسەری ئیکۆسیستەمی سۆنیدا لە ئەمریکا بکرێت. ڕۆژنامەی نیکی ڕۆژی دووشەممە بڵاویکردەوە، سۆنی بەنیازە لە ساڵی ٢٠٢٦دا کۆینێکی جێگیر دەربکات کە بەستراوەتەوە بە دۆلاری ئەمریکی و پێشبینی دەکرێت بۆ کڕینی یارییەکانی پلەیستەیشن و بەشداریکردن و ناوەڕۆکی ئەنیمێ بەکاربهێنرێت.

کراکن بە بەکارهێنانی کارتی بانکی Krak ئیکۆسیستەمەکەی فراوانتر دەکات. کراکن ئیکۆسیستەمی خۆی فراوانتر دەکات بە خستنەبازاڕی کارتی بانکی و خەزانەکانی بەرهەمهێنان و تایبەتمەندیەکانی دانانی مووچە لە بەریتانیا و یەکێتی ئەوروپا، کە پشتگیرییەکی بەهێزی دامەزراوەیی و ڕەزامەندی ڕێکخراوەیی پشتگیری دەکات. ئەم فراوانبوونە تەحەدای ڕاستەوخۆیە بۆ بانکە تەقلیدییەکان، لەگەڵ یەکخستنی بەهێزی سەروەت و سامان و زیادبوونی وەرگرتنی دراوی کریپتۆ کە ئەگەری هەیە کاریگەری لەسەر نەختینەیی بازاڕ و سیستەمی دارایی هەبێت لە سەرانسەری هەموو ناوچە بەشداربووەکاندا.

بۆرسەی ئەڵمانیا لە چوارچێوەی پەسەندکردنی فراوانتری یەکێتی ئەوروپادا، سێیەم کۆینی جێگیر پاڵپشت بە یۆرۆ قبوڵ دەکات. دابینکەری ژێرخانی بازاڕ دۆیچە بۆرسە(Deutsche Börse) پلانی هەیە ستابڵکۆینی یۆرۆ کە لەلایەن کۆمپانیای AllUnity دەرچووە قبوڵ بکات و بیبەستێتەوە بە سیستەمەکەیەوە، ئەمەش بۆ ئەوەی ستراتیژیەتی سەرمایەی دیجیتاڵی گروپی ئاڵوگۆڕکردنەکە فراوانتر بکات، دوای پەیوەندییەکانی پێشووتر لەگەڵ دراوی یۆرۆی سێرکڵ (EURC) و یۆرۆ کۆینڤێرتیبل (EURCV)ی سۆسیێت جەنەراڵ-فۆرج. بەپێی ڕاگەیاندراوێکی ڕۆژی چوارشەممە کە لەگەڵ کۆمپانیای کۆینتێلێگراف هاوبەش کراوە، دۆیچە بۆرسە پلانی هەیە EURAU لەگەڵ ژێرخانی بازاڕی دارایی خۆیدا ببەستێتەوە، هەروەها ڕاگەیاندنەکە بەڵێنی بەلێن دراوە بە "یەکخستنی EURAU ستابڵکۆین لە سەرانسەری سەبەتەی خزمەتگوزارییەکان"ی لە داهاتوو دا.

کۆمپانیای MoonPay لە نیویۆرک متمانەی بەدەستهێنا و خزمەتگوزارییە ڕێکخراوەکانی فراوانتر کرد. کۆمپانیای پارەدانی دراوی کریپتۆ MoonPay ڕایگەیاند کە پێشکەشکردنی خزمەتگوزارییە ڕێکخراوەکانی فراوانتر دەکات دوای ئەوەی لەلایەن وەزارەتی خزمەتگوزارییە داراییەکانی نیویۆرک (NYDFS)ەوە میساقی متمانەی پێدراوە. لە ئاگادارییەکی ڕۆژی سێشەممەدا، کۆمپانیای مونپەی ڕایگەیاندووە کە ڕێکخەری دارایی نیویۆرک مۆڵەتی متمانەی بە کۆمپانیاکە داوە. ڕەزامەندی ڕێکخراوەیی ڕێگە بە کۆمپانیای پارەدان دەدات کە خزمەتگوزاری پاراستنی کریپتۆ و بازرگانی ڕاستەوخۆ لە نیویۆرک پێشکەش بکات.

کۆکوین پەی (KuCoin Pay) لەگەڵ تۆڕی پارەدانی Pix ی بەڕازیلی هاوبەشی دەکات. کۆکوین پەی KuCoin Pay لەگەڵ Pix هاوبەشی ڕاگەیاند کە تۆڕی پارەدانی خێرایە لەلایەن بانکی ناوەندی بەڕازیلەوە بەڕێوەدەبرێت، ڕێگە بە بەکارهێنەران دەدات دراوی کریپتۆ بگوازنەوە و خەرجیان بکەن لە هەر بازرگانییەک کە کۆدی Pix QR وەربگرێت. ئەم دەستپێکردنە دەبێتە یەکێک لە گەورەترین بنکەکانی بەکارهێنەرانی دراوی کریپتۆ لە جیهاندا ، کە نزیکەی 26 ملیۆن بەڕازیلی-نزیکەی 12%ی دانیشتووان- سەروەت و سامانی دیجیتاڵی بەکاردەهێنن، بەپێی ڕاگەیاندنێکی پلاتفۆرمەکە لە ڕۆژی هەینیدا.