םــــداليز التلـــٓٚــي ☻

الحلم الوحيد اللي تحقق بحياتي 🤣🤣 @AlAkAEl50BOT

ايش معنى كلمة غلس..؟ الي يعرف يقول والي ما يعرف لا يغش.. 🤣 يقول ما اعرف @ssharianbot

معلومات عامـة: الدحــاس: هو الشخـص الذي ينزل منشـورات يشكي فيهـن ليش الأعضاء مابيعلقوا الا في منشـورات البنات اللغجــه: هو الشخص الذي يشوف المنشور نزل 1000مرة ويزيد ينــزله ثقيـل الدم: هو الذي ينزل المنشور حقه في ثلاثين قناه..وهم نفس الأعضـاء فيهن بس بيختلف اسم القنوات الفضولي: هو الذي يجلس يتابع ليش فلانه بتشارك لفلان...وليش فلان مابيعلق الا في منشورات فلانه...ويدخل يلاحق فلان وفلانه في المنشورات والردود وفي الحدود...ولو هو قادر يدخل لهم للخاص والبوت والله مايقصــر السـامج: وهو الشخص الذي ينزل منشورات طووووويله ساع حقـي المنشور هذا بالضبـط...ومحد يقــراه ناقص الحنان: هو الشخص الذي بيحب من طـرف واحـد..وكل منشوراته رومانسيـة وغزل وعشـق ومقاطع أغاني حـب وقصايد غزل وعشــق...وإذا البنت فعلت تعليق لمنشورة بدون قصــد يركب السماعه في إذنه على طول ويفتح اغنيــة محمد عبدة حق (وإختلفنـا مين يحب الثـاني أكثــر) التــافه: هو الشخص الذي ينزل مقطع فيديو فيه لقطة مرعــبه بدون صوت في البدايــة..وفجأة وانت متابع المقطـع يخــرج وجــه مرعب مع صــوت قوووي يطايـر الخــدارة ويقــرح الكبــد مــع جــزء من البنكــرياس @ssharianbot

كلّ امرأة مهما كانت تستحق أن .. تُعشق ويكتب فيها قصيدة مهما كانت قليلة الجمال ! أو مملة أو همجية أو متعجرفة - مساء الفاتنات مـْن النساء ♥️ @AlAkAEl50BOT

( المطوع ) 1 يوم من الايام كنت جالس في الحارة وبعدين شفت واحد مطوع خرج من احد البيوت المجاورة وفي يده شنطة، جلست اشوف لاعنده وهو كان يشوف لاعندي بس بنظرات غريبة ، قمت جزعت من جمبة وقلت له السلام عليكم! وهو شاف لاعندي سكته ! يعني مارد عليا السلام! وانا استغربت وقلت له ايووه ما اللحية قد ربيتها وبتقلد انك مطوع وحركات وانك من اهل السنة وانك من العشرة المبشرين بالجنة وانت مابتردش السلام!! وهو شاف لاعندي سكته ولا ادى كلمة!! جلست بعده بعده لاما خرج من الحارة وهو مدعمم سكته ولارد عليا اطلاقا.. المهم جاء اليوم الثاني وخرج المطوع من نفس البيت وفي يده علاقي دعاية وكان جازع ولوما وصل قدامي قلت له السلام عليكم، وهو سكته ولارد السلام! وانا قرح قلبي وقلت له العن افكارك ليش ماترد السلام ؟ وهو ابسر لاعندي سكته ولارد .. قلت له ليش ما تتكلم او انت اعجم؟! وهو ولانخس وواصل طريقة الى نهاية الشارع وركب تاكسي! المهم جلست افكر في موضوع هذا الشخص الغريب وكنت اقل ايش معه في هذه الحارة! ومن الذي أجر له بيته ، ودقني الفضول وقمت جزعت لاقدام البيت الذي خرج منه وكنت اتشاقر من الخزقي الذي عرض البوابة، قلت ابسر ايش به داخل، وان قد أشوف سيارة مبنشرة واقفه وسط الحوش وجمبها اثنين مترات وماطور كهرباء! وكان موجود في الحوش شجرة رمان كانت محملة بغزارة، وقد الحبة ساع راسي وماحد بيقطفهن! فقمت اتعقشش ودخلت للحوش ووصلت لاعند شجرة الرمان وقطفت لي حبه وجلست اكلها وكنت اقل في نفسي والله ان المطوع هذا شكله شبعان ومش حق فواكة ، وكملت اكل الرمانة الاوله وقطفت لي واحدة ثانية وجلست اكلها والوي في الحوش .. اهم شي جزعت لاعند باب البيت واشوفه مقفل بقفل كبير، فقمت اتعقشش عرض الطاقة اشوف ايش به داخل وأشفت الغرفة الاوله ملان اكياس تشبه اكياس السمنت بس ماهوش سمنت! انتقلت للطاقة الثانية واشوف ان داخل الغرفة معدات واسلاك وقلافد وما افتهم لي في ايش بيستخدمهن الخبير! قلت اكيد انه كهربائي او مكانيكي.. اهم شي عادنا اشتي انتقل للطاقة حق الغرفة الثالثة ومادريت الاحين سمعت الباب الخارجي حق الحوش بيفتتح !! وانا نزلين بطوني ومادريت ايش افعل، فقمت هربت ودخلت وسط برميل كبير فاضي من حق الرنج كان مطروح وسط الحوش، بس كان مكشوف من فوق ومابش غطاء، وكان عرضه خزقي فكنت اتشاقر من داخله لاعند الباب الخارجي واشوف المطوع دخل وغلق الباب وانا جلست خذي سكته داخل البرميل،، والمطوع وصل وكان يلوي في الحوش ويكلم التلفون وانا كنت اسمع المكالمة لأنه كان واقف جمب البرميل بحوالي ثلاثة متر بس، المهم سمعته بيقل في التلفون بصوت خافت : حياك الله يا أبا عبيده.. لقد تمت العملية بنجاح بفضل من الله وتوفيقة وتم الهجوم على الهدف.. وسكت شوية وقال : نعم لازالوا محتجزين لدينا في المنزل ولا احد يعلم بمكانهم!! وسوف انتهي من المكالمة واقوم بقطع رؤسهم واحدا تلو الاخر ..وانا حين سمعته قال هكذا نزلين بطوني وشخيت لاوسط البرميل من كثر الفجيعة😊 ومن قوة الفجيعة اتحركت شوية وطلع صوت من البرميل، والمطوع سمع الصوت واحترف وانا بين اشوفه من الخزقي وقد انا ارتعش واعرق من كل شعره...مادريت الا حين خرج المسدس من عرضة وركب كاتم الصوت وقرب صلا البرميل وانا اتعطفت داخل البرميل وكنت ادعي واقل الله يعمي بصرة ومايشوفني.. الله يغشي على بصرة .. الله يهلكه.. الله يشوش عيونة ..ومادريت الا حين دغشني من الرقبة وطلعني من البرميل وانا احترفت لاعنده وقلت له انا عندالله وعندك يا أبا شفلحة!! لاتقتلني ارجووك انا شاقي على عشرة بيوت! وهو شاف لاعندي بغضب وقال : قل لي من دخلك لاهانا؟!! قلت هااااه انا اصلا جارك الصالح وكنت احرس لك البيت! وهو نفخ فوقي وطرح المسدس في راسي وقال اقسم بالله لوما تقل لي ايش معك هانا لاقرح لك راسك !! وانا بكيت وقلت له انا انا أنا اصلا جيت دعاية تبع برميل الرنج ! وهو قال قل لي بغير لغاجة احسن لك ،،وانا قلت صلي على النبي ونزل المسدس وانا اقل لك وهو نزل المسدس وقلت له : الصدق انا دخلت اقطف لي رمانة والله ماغير.. بس الان مستعد احاسبك !! وهو هز راسه وقال اهاه اذا" دخلت لكي تسرق ايها اللص اللعين! قلت والله ماهو سرق انا اصلا قد لي من الرمان سنه وبعدين انا اتشاقرتهن من الخزقي الذي في الباب واشفتهم مفقشات ومفتحات وداخلهن احمر فطلعت لي الخورة ودخلت اقطف لي حبه! وهو مسكني في رقبتي وضغط وقال خورة هاااه وضحك هكذا هاع هاع هاع هاع هاع؟!! قلت ايوة اصلا انا واحم يا أبا شفلحه واحب الرمان لأن الرمان مفيد للجنين ! وهو قام خرج من جيبه كلابيش ومسكني وقيدني وسد على لقفي بيده وانا كنت اصيح وازابط بس مابش فايدة!! قام بزني فوقه لاداخل البيت ونذقني في غرفة وغلق.. البقيه جزء ثاني @ssharianbot

#صباحكم مرق @ssharianbot

صباح الخير ، هكذا عارية من المشاعر ، معروضة باسواق الروتين ، رخيصة وفي متناول الجميع ، فقدة عذرية المعنى ذات ثقة واصبحت مبتذلة َوحدها صباح الخير من شخصك المفضل تلامس قلبك وتشعر معها بمعنى الخير الحقيقي ولاني اعلم ان اغلبكم يفتقد صباح الخير معطرة بحروف شخصه المفضل لذا اقول لك صباح الخير (اعلم اني لست شخصك المفضل لكني اقولها نيابة عنه) وربما اقولها لنفسي في وحدتها نيابة عن كل شخص حسبته مفضل لكنه لم يكن💔 @AlAkAEl50BOT

° أنا صح أحياناً أنزل أشياء مالها داعي بس ترا أنت مالك دخل من جد يعني . ".

صوتوا لها ياشباب أفدي الجشائب ومردوده لاي واحد يبشر بعزه باي وقت ❤️ https://t.me/alhiba13/198722