"УСТАЗ ЖОЛЫ" ГАЗЕТАСЫ

Қайырлы тун. Биз өз турмысымыздың даўамында неге ериссек ,ҳәм нени кутсек соған ерисемиз. Турмыс гөззал екенине исенсеңиз , турмысыңыз гөззаласады . Умытпаң !Ертеңги куниң бугуннен де жақсы болады бәри де өз қолыңызда !!!. Тун кешелери айдың ортасы қараңғылықты жарытқан сыяқлы ,сиз ҳәм жақынларыңыздың кеўилин жарық қылың. Себеби жақынларыңыз сизге керекли инсанлар болып табылады . Оларға шийрин сөз мыйық тартыў бизден кутеди. Қайырлы тун тилеп жайлы жатып аманлықта көрисиў. https://t.me/USTAZ_JOLI

Өзара ҳүрмет ҳәм сыйласық. Бул дүньяда инсаннан басқаларға көрсеткен ҳүрмети, ислеген жақсылығы, айтқан жақсы сөзлери қалады. Устазларды ҳүрметли кәсип ийелери деп бийкарға айтпаған. Сол ҳүрметке ҳадал мийнети, маңлай тери, уйқысыз түнлери, жуўыр- жуўырлары менен ериседи. Қай кәсип болса да машақаты, оның изинен рәҳәти бар. Аўыл адамларын жақсы көремен, ҳүрмет етемен.Себеби, олар жүдә ҳақ кеўил, саўдырақ, ашық кеўил, миймандос  инсанлар. Олардың ислеген мийнетин көрсең жаны тас екен дейсең. Таң азаннан басланған қыбыр-қыбыр қас қарайғанша даўам етеди. Түслик шайын ишип азмаз көз илиндиреди де қайтадан жумысына кирисип кетеди.Соның арасында газета журнал да оқыйды, хабарларды биледи. Шайыр И.Юсуповтың қосығында жазғанындай қалталарынан  нақылы түртип турғанларда усы аўылдың адамлары болып есапланады.Аўыл адамларының бир-бирине болған ҳүрметин көрип өстик ҳәм сыйласық ҳаққында аўылым, балалығымдағы қоңсы-қоба ортасындағы сыйласықты айтқым ҳәм жазғым келеди.Жасы үлкени ҳүрметте, жас кишилер иззетте еди.Биреў аўырып қалса дәрриў кеўлин сорап барады.Жақсы сөзин айтады.Жасы қайтып қайтыс болған инсанлар ҳүрмети ушын жылына шекем той берилмес еди.Аўыл адамларын билесиз, жеңгелеримиз ата-ене, қайнаға, мырзаға, бийкеш, ортаншы, ай қыз қулласы "Бир кемпир бир кемпирди бийкеш дейди",- дегениндей  ат қойып алады. Атызға жумысқа баллар, қызлар көмекке барады.Сонда жигитлер қызларды қарындасым деп сыйлар еди, ал қызлар бир сөйлемес. Ағаларының бетине шаппас. Ҳәзил сөзлер болады, бирақ орны менен болар еди. "Ҳәрким сыйлағанның қулы", "Сыйласаң сый көрерсең",- дегениндей ким басқаны сыйлап билсе, әлпайым болса мәртебеси жоқары болады, өзи де сый көреди. Шайыр Т.Жумамуратов: Сый көрерсең, сыйлай билсең егер сен, Қопал болсаң өзиң азап шегерсең, Қатты сөзден ҳешбиреўге пайда жоқ, Ерегиспей татлы сөзден жеңерсең,- деп жазады. Үйшилик. Нан таўсылып қалады. Қара шай демлейин десең, ол да таўсылып қалған болады. Сонда анам бар трақторшы  қайнаға, я узын шешемниң үйинен сорап кел деп жибереди. Олар да берип жибереди.Бул да сыйласық шығар, бир- биреўден зат сорағанда жоқ деген сөз айтылған емес.Қаяқтан таўса да таўылады. Усы жерде И.Юсуповтың "Туўысқанлық" қосығы ядыма түседи: Бир тандырға нан жаптырған, Мүтәж затыңды таптырған, Биймезгил есик қақтырған, Туўысқанлық, туўысқанлық. Бурынлары түнде де есиклер илинбес еди.Қоңсының үйине өз баласындай кирип кете беремиз, бирге отырып шай ишемиз, достымыз бенен ойнап соң үйинде қонып та қала беремиз. Қоңсы баласына бир зат алса бизлерге де қосып алады.Түске таман саат 11 лерге қатық қатылған жарма тайын турады.Анам сырттағы ошаққа жуқалап ақсаўлақ писиреди. Кеште қаўын ақсаўлақ тайын. Оның ортасына сары май, қатық қуйып жейсең, мазасы таңлайыңда татыйды.Қоңсы досларымыз бенен ҳәз етип жеп аламыз. Сыйласық ҳаққында жазар екенмен, қәне ҳәзир де қоңсыларымыз бенен балалығымыздағыдай болып қатнасқанымызда деп қояман. Ол күнлер айта жүрерлик болып ядымда қәлиплесип қалған. Қай жерде болса да сыйласықлы болған жақсы ғой... Қалбике Қалжанова Нөкис, 34-санлы мектеп https://t.me/USTAZ_JOLI

Жақсылық  ҳәм қуўаныш саған дос болар , Жаманлықта жалғызлықта , Жаратыўшыдан басқа ким  жақын болар .                 Ж. Румий. КАНАЛҒА АҒЗА БОЛЫҢ. 👇👇👇👇👇👇👇👇👇👇 https://t.me/USTAZ_JOLI

#даналық Даналық дәрўазасы ҳеш қашан жабық болмайды.   ✍Бенджамин Франклин https://tme/USTAZ_JOLI

https://t.me/USTAZ_JOLI Каналға ағза болыўды умытпаң