973
Subscribers
No data24 hours
No data7 days
No data30 days
Posts Archive
973
تسامحيني..
تسامحيني عشان أرجع أعيش بيكي..
أروي الشوق في أراضيكي..
وأقول حنيت ومش هرجع أسيب تاني..
تسامحيني وأكونلك شاب ألماني..
وأزينلك في الحاجات السمراا بالألوان..
وأقولك الكلام ممزوج ببعض حنان..
أجيبلك قهوتك ساده ف كل نهار..
أشوفك ف الجنينه ف وسط كوم أزهار...
وأقدملك كل يوم ورده بتتلون بلون خدك..
أحاول أكسب حنان ودك..
تسامحيني وأشوف الدنيا بعيونك..
ألون الحياه بلونك..
وأشوفك في النهار شمسه..
وفي الليل أشوفك قمره ونجومه..
لمحتك شيء حرام لمسه..
وشيء يخفالي مفهومه..
بفكر أوصفك ازاي ألاقي العجز في لساني وفي عيني..
أنا جايلك ومش عايز غير إنك يوم تسامحيني..
ف سامحيني..🖤
#شاعر_سمالوط
973
عينيكي دولة وأنا الأسير فيها..
معامل معاملة جاسوس تايه في أراضيها..
محبوس في سجن التجاهل لحد إما يحين دوري..
وبرغم إني مصيري الموت لكن مستني ل حضوري..
ومستني أشوفك وانتي دابحاني بحكم عميل..
أشوف طيفك بيحضر كل آخر ليل..
وأقول جاءت معذبتي منيره في الظلام تمشي..
ف بتلاقي بسمتي ظاهره وتسأل لي م تفهمشي..
لا شوفت منهم كرم للضيف ولا حتي مثال للعطف ع المساكين..
كل اللي لمحته هناك عينين تايهين..
خدوني جاسوس ل تسبيلي ل سر كبير في دولتهم..
غمضت عينيا خليتهم يحسوا إني اتعميت م الخوف..
معرفوش إن عيونها دي ميلزمهاش عيون للشوف..
وشوفت عينيها بس لقيت قيود الأسر حريه..
نظرتها ساعتها كانت تعويض ل كل اللي اتعمل فياا..
#مقصوده
#شاعر_سمالوط
973
أنا قلبي ف حبك كان موهوم..
وأهو حب الوهم من كتر م عاشه..
أصبحنا اتنين م بيتلاشوا..
ي نكون مع بعض..
ي هنبعد وأبقي معاكي..
ف اختاري..
دوسي علي قلبك واحتاري..
تترددي في قرارك وأعتبره موافقه..
تحتفظي بقلبي معاكي شفقه..
وهكون ممتن ل عطفك علي طول..
أنا من يوم م بعدنا وانا لسه بقول..
كل الطرق كانت تؤدي إلي روما قبل إما أنا ألاقيكي..
نفس الطرق بعد اللقاا أصبحت تؤدي ل معاليكي..
#مقصوده
#شاعر_سمالوط
973
السعاده ف حد جنبك يسندك وقت السقوط..
قطر عمره ما يفوت..
او يبطل يوم يحمل..
شخص طول عمره مكمل.. في الطريق لأجلك معاك..
انسي واعمل ألف ذكري ع اللي جيه يومه ونساك..
#شاعر_سمالوط
973
مش سهل البعد زي م فاكرين..
آي نعم إن انا إنسان من طين..
لكن معجون بحاجات تانيه بتتألم م الجرح..
أنا أصلا دايما ضد الفرح..
وضد الإستمرار ف اللي أنا محتاجه..
فجأه اتحولت من سلطان لابس تاجه..
لشخص بيدور علي وطن يترامي في أحضانه..
لشخص شرب الوجع من كتر حرمانه..
عايش بدور في القلوب علي قلب يحييني..
علي قلب يحميني..
من ظلام بعدك..
بقعد وأدور في كل ركن قديم فجأه بلاقيني بدور علي قلبك..
#شاعر سمالوط
#مقصوده
973
طول عمري بخاف م الحب وعمايله..
ماشي بقلبي علي إيديا وشايله..
منعا لإصابته بأي جروح..
منعا للبعد وطلوع الروح..
وسكون الكره في فراغ الحب الميت..
بني آدم حر ومتقيد..
استكفي من الموت بالليل علي فرش سريره..
فنجان البن بقي بيفشل بردو ف تخديره..
ودمعتين من عينه نزلوا بيواسوه..
يفتكر في حاجات بتأذي بس بردو بيوحشوه..
يفتكر يوم م اتأذي ويوم م اتكسر..
كان مفكر نفسه كاسب جنبها بس بان إنه خسر..
ورده ليها وشوكولاتايه..
جاي تبدأ في الحكايه..
جاي تنهي جراح بجرح..
مسأله ومحتاجه شرح..
والحنين ليها اللي غالب..
عمري م أطلع منها كاسب..
ولو طلعت هبقي طالع يوم بدونها..
فجأه ألاقي نفسي بخسر لما أشوف دمعة عيونها..
#شاعر _سمالوط
973
ليه بتضيعوا وقتكوا في النسيان وبتعتبروه نعمه..
لو كان نسيانكم ل حياتكم نعمه ف ليه عيشتوا حياتكم م الأصل..
قد جئنا نعيش لنتعايش مع كل بسيط في حياتنا من غير أي ضمان أو وصل..
نتأقلم مع كل ظروف..
نتحمل كسره بتيجي ف وسط كلام وحروف..
نواجه مشاكلنا بقلب محارب ميت م الخوف لكنه مداري..
مشارك في حرب حياته إجباري..
ومستني نهايته بفارغ الصبر..
شايف في حياته عذاب القبر..
وف موته الراحه الأبديه..
وشهيد الحب ملوش ديه..
ولا ذكري بتتوزع علي روحه..
مش باقي منه إلا جروحه..
نشرها ف كل مكان كان فيه..
قد كان مقتنع لحد استشهاده إن القلب اللي بيجرح قلب قادر يشفيه..
#شاعر _سمالوط
973
الورد بيقولي :
قدمتني ليهم رفضوني..
إهمالك ليا غير لوني..
أصبحت كئيب شبهك بالظبط..
العالم لايحمي البشر العبط..
اسأل خاتم كان نفس مقاسها وإنت معاها ولما مشيت الخاتم إديق..
اسأل بابها اللي اشتكي من كتر الدق..
ولا جات مره وفتحته ليك..
اسأل صبرك عن وجعك في إيديك..
واسأل شوقك عن وجع القلب..
مسكين تايه واتعرض للسلب..
وملوش غير نفسه تواسيه..
بيطبطب علي قلبه بإيديه..
ويواسي دموعه ب دموعه..
بيأمل نفسه برجوعه لنفسه..
ويعيش مستني رجوعه ليه..
الخوف م الجرح من الناس حابسه..
وأصبح وجعه وجرحه بيتكون فيه..
#شاعر _سمالوط
973
الحب في الله ؛ أن توقظني للصلاة ، أن لا تضاحكني ولا تشاركني ولا تجاملني في منكر بل تعاتبني عتابًا لطيفًا رقيقًا حتى يجعلني أتيقظ وأتوقّف ! الحب ؛ أن تقاسمني الأتراح والأفراح .. الحب ؛ أن يكون اسمي حاضرًا في كل مرة ترفع فيها أكفّك إلى السمـاء ♥️
