Ormilitarism

Raketin ölçüləri belə göstərilir: uzunluğu 7,25 m, xarici diametri 1,15 m, korpus diametri isə 0,53 m-dir. Kompleksin tərkibi: >Buraxılış qurğusu kimi yerli istehsal yüngül mobil platformadan istifadə planlaşdırılır. >Uzaq məsafədə aşkarlama üçün üç radar variantı nəzərdə tutulur: İsveç istehsalı SAAB Giraffe 8A/4A, Fransa istehsalı Thales Ground Master 400 və Almaniya istehsalı Hensoldt TRML-4D. >Tuşlayıcı radarı kimi Weibel GFTR-2100/48 və ya Leonardo KRONOS Land istifadə olunacaq. >Komanda mərkəzi kimi Kongsberg Fire Distribution Center sistemi istifadə ediləcək. FP-7 ballistik raketi ilə FP-7.x tutucu raketi eyni konstruksiya bazasına malikdir, sadəcə yönləndirmə sistemləri fərqlidir. Bu yanaşma xərcləri azaltsa da, müəyyən kompromislər yaradır. Kompleksin Ukraynanın hava hücumundan müdafiə sisteminə inteqrasiyasında əsas element Link 16 taktiki məlumat mübadiləsi protokoludur.

Ukrayna istehsalı olan FP-7 ballistik raketinin sınaqları keçirilib. Xarici görnüşünə görə FP-7, S-300 zenit-raket kompleksinin 48N6 (5V55) ailəsinə aid raketlər əsasında hazırlanıb. Bu raketlər yer hədəflərinə qarşı da istifadə oluna bildiyindən, gələcəkdə yerli zenit raketinin yaradılması ehtimalı var. Bildirilib ki, FP-7 200 km-ə qədər məsafədə hədəfləri 14 metr dəqiqliklə vura bilir, maksimal sürəti 1500 m/s-dir və 150 kq döyüş başlığı daşıyır. Yeni olaraq isə Fire Point şirkətinin rəhbəri Denis Ştilerman “Freya” layihəsi çərçivəsində FP-7 əsasında hazırlanmış FP-7.x zenit raketi ilə hava hücumundan müdafiə sisteminin detalları barədə məlumat verib. Raket kompozit materiallardan hazırlanıb və verilən məlumatlara görə 1500–2000 m/s sürətə çata bilir. Raket IIR və ya yarı aktiv başlığa malikdir. Bəzi mənbələrə görə bu sistem Almaniyanın Diehl Defence şirkəti tərəfindən istehsal olunub.

Rusiya mobil atəş qruplarından birinə məxsus KamAZ-4385 zirehli yük maşınının şassisində yerləşdirilmiş dörd lüləli GŞG-7,62 pulemyotlardan ibarət qurğu.

Serblər üçün silah alverində dost-düşmən ənənəsi yoxdur. Pulu olana silah var.

Mənbəyə görə, Serbiyanın Zenitprom şirkətinin Ukrayna Silahlı Qüvvələrinə 50 min 122 mm-lik reaktiv mərmi göndərmək planı var. Qadağanı keçmək üçün qurulan sxemə Sloveniyanın IZOP-K şirkəti də daxildir. Bu şirkət Bosniyanın Binas şirkəti tərəfindən istehsal olunan 5000 partladıcı daxil komponentlər təqdim edir. Son yığımın Polşada aparılması planlaşdırılır və son istifadəçi sertifikatını Polşa Müdafiə Nazirliyi verəcək. Daha əvvəl Ukrayna Silahlı Qüvvələrinin arsenalında uzaqmənzilli 122 mm-lik ER Grad 2000 (G2000) raketləri, 120 mm və 82 mm-lik (M74) minaatan mərmiləri, RBG 40mm / 6 M11 revolver tipli qumbaraatanlar və 30 mm-lik M93P1 qumbaralar müşahidə olunub. 2024-cü ilin iyun ayına olan məlumata görə, tədarük edilən silahların ümumi dəyəri 800 milyon avronu ötür. 2025-ci ilin noyabrında Moskvada Ukraynaya silah tədarükündə iştirak edən Serbiyanın dövlət müdafiə şirkəti Yugoimport SDPR-in nümayəndəsi ölü tapılıb. Şirkətin Moskva ofisində sənədlərin və kompüter avadanlıqlarının itməsi də qeydə alınıb. Serbiya kəşfiyyatı bu hadisəni şübhəli hesab edir. Bosniya və Herseqovinadan tədarüklər daha az ictimai xarakter daşıyır və əsasən sursatlardan və artilleriya sistemlərindən ibarətdir. Bunlara M62P3 minaatan mərmiləri, M69A minaatanları və M-84 NORA-A haubitsaları daxildir.

Bir neçə gün əvvəl Ukrayna aviaşirkəti Ukraine Air Alliance tərəfindən istifadə olunan An-12BK təyyarəsinin maraqlı marşrutu qeydə alınıb. Monitorinq xidmətinə görə, təyyarə Reykyavikdən qalxaraq Sarayevoya enib, daha sonra isə Ankaraya uçub. Bundan sonra Kişinyov istiqamətində hərəkət etsə də, enişə az qalmış marşrutunu dəyişərək Ukraynaya yönəlib. Son bir neçə ildə Serbiya və Bosniyadan Ukraynaya silah tədarükləri Türkiyədə aralıq dayanacaqlarla həyata keçirilir. Ehtimal olunur ki, izlənən bu reys də hərbi yüklərin və ya ikili təyinatlı materialların daşınmasında istifadə olunub. Serbiya şirkətlərinin Ukraynaya dolayı yollarla sursat tədarükü uzun müddətdir ki, Rusiya tərəfindən açıq və dolayı təzyiq mövzusudur. Xüsusilə, 1 may tarixində RİA Novosti adı açıqlanmayan mənbəyə istinadən bildirib ki, Serbiya hökumətinin hərbi məhsulların ixracı və tranzitinə qoyduğu qadağaya baxmayaraq, Serbiya və Bosniya və Herseqovinadan tədarüklər davam edir.

“Geran-2” dronu Moldovanın Bəltsi şəhəri üzərindən uçub. Bu şəhər Ukrayna sərhədindən təxminən 50 km uzaqdadır. Moldova Müdafiə Nazirliyinin məlumatına görə, dron ölkəyə Vinnitsa vilayəti tərəfdən daxil olub və Rumıniya sərhədi boyunca cənuba doğru hərəkət edib. Moldova hərbçiləri drona qarşı hər hansı tədbir görüldüyünü açıqlamayıb.

İranda keçirilən əməliyyatın təcrübəsinə əsaslanaraq, ABŞ Hərbi Hava Qüvvələri PUA-lara qarşı mübarizədə əsas vasitə kimi APKWS II raketlərinə üstünlük verir. GA-ASI şirkəti MQ-9A Reaper PUA-sının üzərinə APKWS II raket bloklarının inteqrasiya edildiyi uçuş sınaqlarının keçirildiyini elan edib. Məqsəd kamikadze dronlara qarşı istifadəni yoxlamaqdır.

Pakistan Fatah-4 qanadlı raketini uğurla sınaqdan keçirib. 750 km uçuş məsafəsinə malik raket, relyefi izləyərək təxminən 50 metr hündürlükdə uçmaq və hava hücumundan müdafiə sistemlərindən yayınmaq üçün nəzərdə tutulub. Sınaq zamanı yenilənmiş naviqasiya və tuşlama sistemləri yoxlanılıb. Hardasa təxmin edilən dəqiqlik isə 5 metr CEP kimi göstərilir.

Kiyev şəhərinin özü və ölkənin digər vilayətləri Rusiyanın genişmiqyaslı ballistik raket, qanadlı raket və dron hücumuna məruz qalıb.

Kiyev şəhərinin özü və ölkənin digər vilayətləri Rusiyanın genişmiqyaslı ballistik raket, qanadlı raket və dron hücumuna məruz qalıb.

Gecə saatlarında Rusiya tərəfində həyata keçirilən dron və raket zərbəsi nəticəsində Kiyevdə 9 mərtəbəli yaşayış binasını dağıdıb. 18 mənzil məhv edilib. Ən azı 7 nəfər həlak olub, onların arasında bir uşaq da var. Təxminən 20 nəfər hələ də dağıntılar altında itkin sayılır. Kiyevdə 15 may üçün matəm günü elan olunub.

Hizbullah FPV dronları ilə Livan sərhədində İsrail hərbi bazasına zərbə endirib; bir pikap maşınına, Merkava Mk.4M tankına və komanda maşınlarına hücum edilib.

Hizbullah Cənubi Livanın Deyr Siryan ərazisi yaxınlığında İsrail əsgərlərini hədəf alan FPV dron hücumunun görüntülərini yayıb. Görüntülərdə bir İsrail əsgərinin FPV drondan qaçmaq üçün sürünərək uzaqlaşmağa çalışdığı görünür.

Bu səhər Odesa sahili üzərində pilot tərəfindən idarə olunan Rusiya “Gerbera” dronunun manevri.

Peyk görüntülərinə görə, Rusiyanın Kamçatka yarımadasındakı Sakit okean bazasında yerləşən iki “Borei” sinifli nüvə sualtı qayığı dron hücumlarına qarşı tam qoruyucu torlarla örtülüb. Həmin liman Ukraynadan təxminən 7400 km uzaqlıqdadır.

ABŞ Ordusu 1-ci Süvari Diviziyasının 2-ci Zirehli Briqada Döyüş Komandasının Polşaya yerləşdirilməsi planını qəfil ləğv edib. Bu bölmə 4000-dən çox hərbçidən ibarətdir. Rəsmilər ictimai şəkildə səbəb açıqlamayıb, lakin bəzi məlumatlara görə qərar orduda davam edən əməliyyatlar və yerləşdirilmələrlə bağlı ciddi büdcə çatışmazlığı ilə əlaqələndirilir.

ABŞ kəşfiyyatının məxfi hesabatına görə, Çin İran müharibəsindən strateji üstünlüklər əldə edir. Qiymətləndirmədə bildirilir ki, Pekin münaqişə fonunda həm diplomatik, həm iqtisadi, həm də hərbi baxımdan fayda qazanır. Paralel olaraq ABŞ resurslarını bu qarşıdurmaya sərf edir. Çin İranın hücumları zamanı Körfəz ölkələrinə silah satıb, Hörmüz boğazının bağlanmasından sonra yaranan enerji çatışmazlığının idarə olunmasında yardım göstərib və bununla iqtisadi təsirini artırıb. Hesabatda qeyd olunur ki, müharibə ABŞ-ın raket və hava hücumundan müdafiə ehtiyatlarını azalıb. Bu vəziyyət Tayvan ssenarisi baxımından hazırlıqla bağlı narahatlıq yaradıb. Bundan əlavə, Çin ABŞ-ın hərbi əməliyyatlarını təhlil edir və anti-müharibə narrativi yayaraq Vaşinqtonu qeyri-sabitlik yaradan tərəf kimi təqdim edir. Analitiklərin fikrincə, bu proses Çinin qlobal təsirini gücləndirir və ABŞ-ın müttəfiqləri arasındakı mövqeyini zəiflədir.

ABŞ və Çin Dövlət Departamentinin məlumatına görə, Hörmüz boğazında heç bir ölkənin gəmiçilik rüsumu tətbiq etməməsi barədə razılığa gəlib. Məsələ Tramp–Si görüşündən əvvəl ABŞ Dövlət katibi Marko Rubio ilə Çin Xarici İşlər naziri Van Yi arasında müzakirə olunub.

ABŞ kəşfiyyatının məlumatına görə, Çin şirkətləri silahların İrana çatdırılmasını gizlətmək üçün üçüncü ölkələr vasitəsilə gizli satış yollarını müzakirə ediblər. Rəsmilər bildirir ki, bu silahların həqiqətən çatdırılıb-çatdırılmadığı hələ dəqiq deyil. ABŞ kəşfiyyatı daha əvvəl Çinin İrana portativ hava hücumundan müdafiə raketləri (MANPADS) göndərməyi nəzərdən keçirə biləcəyini iddia etmişdi. Rəsmilərin sözlərinə görə, Çin artıq İrana kəşfiyyat məlumatları, peyk dəstəyi və raketlərdə istifadə olunan ikili təyinatlı texnologiyalarla yardım edib.