አጫጭር ግጥሞችና መጣጥፎች 📚

✉️✉️✉️ በሰፈሩት ቁና መሰፈር ✉️✉️✉️ አንድ ቅቤ አምራች ገበሬና ዳቦ አምራች ነጋዴ እንደ አጋጣሚ ድግስ ላይ ተገናኝተው ያወራሉ፡፡ በጨዋታቸው በጣም ስለተግባቡ ከዚህ በኋላ አጋጣሚ ፈጥረው ለመገናኘት ይስማማሉ፡፡ ነጋዴው ጠዋት ጠዋት 300 ግራም ዳቦ ሲልክለት ገበሬው ደግሞ ማታ ማታ 300 ግራም ቅቤ ሊልክለት ተስማሙ፡፡ በዚህ መልኩ ብዙ ጊዜ ከቆዩ በኋላ ነጋዴ የቅቤ መጠን እየቀነሰ መሄዱን አየ፡፡ በመጨረሻም ሚዛን ላይ ሲያስቀምጠው 150 ግራም ሆኖ አገኘው፡፡ በዚህም በጣም አዘነ፤ ተበሳጨም፡፡ ገበሬውንም አስጠራው፡፡ ሌሎች ሰዎች እንዲያዳምጡት አድርጎ ‹ከተስማማነው ውጭ የቅቤውን መጠን ለምን ቀነስከው?› ሲል ጠየቀው፡፡ ገበሬውም ‹እኔ ፈጽሞ አልቀነስኩትም› ሲል በአግራሞት መለሰ፡፡ ነጋዴውም ቅቤውን በሚዛን ለክቶ አሳየው፡፡ 150 ግራም ነው፡፡ ገበሬውም አዘነ፡፡ ‹እኔ ቤት ውስጥ የ300 ግራም መለኪያ የለኝም፡፡ አንተ ጠዋት ዳቦውን ስትልክልኝ በእጅ ሚዛኑ አንደኛው ሰሐን ላይ አደርገዋለሁ፤ ከዚያም ቅቤውን በሌላኛው ሚዛን አስቀምጠዋለሁ፡፡ ልክ ከዳቦው ጋር እኩል ሲመዝኑ በዕቃ አዘጋጅቼ እልክልሃለሁ› አለው፡፡ ወዲያውም ጠዋት የላከለትን ዳቦ አውጥቶ ሚዛኑ ላይ አስቀመጠው፡፡ ዳቦው 150 ግራም ነበር የሚመዝነው፡፡ ነጋዴው አፈረ፡፡ ‹የምታገኘው ለሌላው ባደረግከው ልክ ነው፡፡ 150 ሰጥተህ 300 ልታገኝ አትችልም፤ እባብ ሰጥተህ ርግብ፣ ድንጋይ ሰጥተህ ዳቦ፣ እሬት ሰጥተህ ማር ልታገኝ አትችልም፤ አንተ ብቻ ብልጥ ልትሆን አትችልም፤ ሻማውን አጥፍተህ ብርሃን ልታገኝ አትችልም፤ ሌላው ገድለህ አንተ በሰላም ልትኖር አትችልም› አለው ገበሬው፡፡ ረምሃይም ኢትዮጵያዊ ቀለም  ፤  የሐበሻ ጦማር ከወደዱት ለወዳጅዎ ያጋሩት! @snetsehuf

#አስተማሪ የፍቅር ታሪክ💝 🚶‍♀አንድ ሴት መንገድ ላይ እየሄደች አንድ ልጅ ከኋላዋ ሲሮጥ ሰምታ ዞር አለች "ባንቺ ውስጥ ሴትነት ውበት አለ ወደድኩሽም" አላት 💔    😁ፈገግ ብላ "ከኔ በላይ ቆንጆ እና በሴትነቷም ከኔ የተሻለች ጓደኛዬ ከኋላክ አለች " ስትለው ዞሮ ፈለገ ግን ምንም ሴት አላየም" የታለች?" አላት እሷም #ፈገግ ብላ"ወደኸኝ ቢሆን ኖሮ ሌላ ባልፈለክ ነበር " ብላ መንገዷን ቀጠለች።       👌በአንድ ምክንያት የሚወድህ ሰው በሌላ ምክንያት ይለይሀል ለምን እንደሚወድህ የማያውቀው ግን ሁሌም ቢሆን ይወድሀል💔💓..... @snetsehuf

💎💎አልወለድም❗️ 💎💎 «እሺ ፡ መሬት ፡ አለሽ? » «የለምኝም» «ቤት እለሽ ?» «የለኝም ።» «ትምህርት እለሽ ?» «የለኝም ።» «ታዲያ ፡ ምን ፡ አለሽ ?» «ምንም ፡ የለኝ ።» «ታዲያ፡ድህነት፣ በሽታንና ድንቁርናን ልታወርሺኝ ፡ ነው ፡ ተወለድ የምትይኝ?» «ዕድልህን ፡ እንዴት ፡ ታውቀዋለሁ ፡ ልጄ?» አለች ፡ በትካዜ።» . . . .🧧'እውነት በሌለበት አለም ለመኖር አልወለድም'' * * *** እኔ👉ብዙ ሰው ይህንን ማድረግ ብችል የሚል ይመስለኛል! አልወለድም በሎ ማመፅ ቢችል! ነገር ግን የህይወት ኡደት ከእናትህ ሆድ ገፍቶ ያወጣሃል! ከዛስ ነው ጥያቄው? ከዛማ እናትህን የጠየቅካትን ነገሮች ሁሉ ራስህ ህይወት ላይ ደምረህ ልጅህ ያለአመፅ በደስታ ይወለዳል ወይ ለእናትህ የነገርካት ፍራቻ እውን ይሆንና ልጅህ አልወለድም ብሎ እየየ ይላል! እናማ አንዴ ተወልደሃልና ያለህ አማራጭ የሚገጥሙህን ነገሮች በሙሉ መጋፈጥና መታገል ብቻ ነው!! 🟦አቤ ጉበኛ አልወለድም መፅሐፍ 🟦 Share @snetsehuf

ፍቅር ያሸንፋል ባለጸጋ ብትሆን ሁሉም የተረፈው ባለ ስልጣን ብትሆን ሀገር ያከበረው ጉልበተኛ ብትሆን አለም ያደነቀው አንድ ነገር አለ ገፍተህ እማጥለው እወቀው ልንገርህ እሱ አይሸነፍም ዝቅ ያለ ሲያነሳ ከፍ ያለ ይጥላል ፍቅር አሸናፊ ሁሉን ድል ይነሳል https://t.me/snetsehuf

➧ የሚያነብ ሰው በሁለት ዘመን ይኖራል ።አንድም የራሱን ዘመን ሁለትም ያለፈውን ዘመን አንብቦ የሚፅፍ ግን በሦስት ዘመን ይኖራል ከላይ የተጠቀሱትን ሁለቱን ዘመናትንና የወደፊቱን ዘመን ይኖራል !!! ◦ ዶ/ር አለማየሁ ዋሴ https://t.me/snetsehuf

ጥያቄዎቹ ቀጠሉ፡፡ ‹‹ዶሮ ተመግባችሁ የምታውቁ ከሆነ ስለ ጣዕሙ ግለጡ›› ይላል፡፡ የዶሮ አርቢዋ ልጅ ወደእናቱ ተጠጋናነገራት፡፡‹‹ወይጣጣ፤ እኔኮ አንተን የላክሁህ እንድትማር እንጂ እንድትራቀቅ አይደለም፡፡ አሁን ይሄ ልጅን ማጓጓትና ማሳቀቅ ትምህርት ይባላል፡፡ ለመሆኑ ራሳቸው መምህራኑስ የዶሮ መግዣ ዐቅም አላቸው? እኔኮ ስንት እንደምሸጠው ዐውቃለሁ፡፡ በሁለት መቶ ብር ለሦስት ወር የሚበቃ ሽሮ መግዛት ስችል የአንድ ቀን ዶሮ በልቼ የት ልደርስ ነው? በል ልጄ ‹ዶሮ ትሸጣለች እንጂ አትበላም በላቸው፡፡›› አለችው፡፡ ወዲያው ልጁ ቀበል አደረገና ‹‹እንዴ እማዬ መምህራችንኮ ዶሮ ይበላል ብሎናል›› አላት፡፡ ‹‹እኛ ዶሮ አንበላም፡፡ ፈረስ የሚበሉ አሉ፡፡ እኛ ግን አንበላም፡፡ እንትኖች ውሻይበላሉ ሲባልእሰማለሁ፡፡ እኛ ግን አንበላም፡፡ አይጥ የሚበሉ አሉ፤ ዝንጀሮ የሚበሉ አሉ፤ዕባብም የሚበሉ አሉ፡፡ ታድያ እኛ እነዚህን እንበላል?›› አለችና ጠየቀችው፡፤ የጠራችው ዝርዝር እያቅለሸለው ‹‹ኧረ አንበላም›› አላት፡፡ ‹‹አየህ ልክ እንደዚሁ ነው፡፡ ዶሮም የሚበሉ ይኖራሉ፡፡ እኛ ግን አንበላም›› አለችው፡፡ ‹‹ለምንድን ነው ግን እኛ ውሻ፣ አይጥ፣ ዝንጀሮ ያልበላነው?›› ‹‹ሃይማኖታችን አይፈቅድማ›› ‹‹ዶሮስ የማንበላው?›› ‹‹እንደዚያው ነው ልጄ›› ‹‹ታድያ እነ አካሉኮ ይበላሉ›› ‹‹አየህ የሀብታሞችና የድኾች ሃይማኖት እዚህ ሀገር ይለያያል፡፡ ሀብታሞች መብልንእኛ ደግሞጦምን እናበዛለን፡፡ እነርሱ በደም ብዛት እኛ በደምማነስ እንታመማለን፣እነርሱ በስኳር ብዛት እኛ በስኳር እጥረት እንቸገራለን፣ እነርሱን ውፍረት እኛን ክሳትያስቸግረናል፡፡ የነርሱ ልጆች አልበላም ብለው የኛ ልጆች እንብላ ብለው ይገረፋሉ፡፡ እነርሱገብርኤልን እኛ ሚካኤልን እንዘክራለን፡፡ በዚህ ምክንያት ሃይማኖታችን ተለያይቷል፡፡›› @snetsehuf

ሴትዮዋ፡በእንግሊዘኛ የሚቀበጣጥር ልጅ አላቸው፡፡ በልባቸው፡ ልጃቸው እንግሊዘኛ ቅልጥፍ አድርጎ እንደሚናገር ገምተዋል፡፡ አንድ ቀን በግ ሊሸጡ ከልጃቸው ጋር ገቢያ ይወጣሉ፡፡ባጋጣሚ ፈረንጅ ይመጣና ዋጋ ይጠይቃቸዋል፡፡ <<በል ልጄ፡ ትምህርት ለዚህ ጊዜ ነውና በደንብ ተከራከርና በጌን ሽጥለት>>ይሉታል፡፡ፈረንጁ ዋጋ ይጠይቃል፡፡ How much is it? it..this...are hunderd only...birr ልጅ እንደምንም መለሰ፡፡ What do you mean?Does it deserve? ፈረንጅ ኮስተር ብሎ ጠየቀ፡፡ ልጁ ግራ ገባው፡፡<<ፈረንጅ፡ ከገዜሽን ገዜሽን፡፡ ካልገዜሽን ኖ ክርክሬሽን መሄዴሽን!>>አለ ይባላል፡፡ @snetsehuf

ውድ የዚህ ቻናል አባላት አንኳን ከዘመነ ማርቆስ ወደ ዘመነ ሉቃስ በሰላምና በጤና አሸጋገራችሁ ። አዲሱ ዓመት 2015 የሰላም ፣ የጤና ፣የፍቅር ፣የስኬት ይሁንላችሁ ። መልካም በዓል ፤ መልካም አዲስ ዓመት።

እኔና አንቺኮ እናሳዝናለን ! መዋደድ ታድለን.. መፋቀር ታድለን... መች አንድ ላይ አለን ? እኔና እንቺኮ እናሳዝናለን ! ፍቅርን ያህል ትንፋሽ ሲገፋኝ ሲገፋሽ ጨዋታውን ትረካውን ላንችልበት የዚህን ዓለም ሰው አንደበት እንዲያው ዝም ተባብለን አለን፡፡ እኔና አንቺኮ እናሳዝናለን ! የነበረነው... ያነበርነው ነገን ብለነው የፈሪ ቆዳችንን ፈተግነው ፥ እስካይቀረን ፍርፋሪ እስክናልቅ እስክንጠፈጠፍ የልጅነታችን አበባ ፥ በየፍራሹ ሲቀጠፍ መች ልብ አልነውና ? ለእናት ለአባታችን ፥ ያልታዘዘን ጉልበት እንደጨረስነው ተሳስመንበት። መች ልብ አልነውና ? የአፍ ቃላት ጨረሰን ፥ ተቃቅፈን ተኝተን ነገ ለሚወዱን ፥ 'አቤት' ማለት እስኪያቅተን። መች ልብ አልነውና? ከቀትር ፥ እንደሚያቃጥል ከረሀብ ፥ ከፍቶ እንዲጥል ናፍቆትን መች አወቅን ? ናፍቆት ስንት ይፈጃል ? ያረጃል ? ፥ ወይስ ያስረጃል ? ይገላል ? ፥ ወይስ ያስገልላል ? ናፍቆት ምን ያህላል ? መንበረሥላሴን ? ፥ ወይንስ ሥላሴን ? ነገረሕይወትን ? ፥ ወይስ የሰው ሞትን ? የቀጣፊን ምላስ ? ፥ ወይስ የሳራን ዳስ ? የጋሽ ጥላሁንን ፥ የረዘመ ትንፋሽ ማንን ነው ሚያክለው? በናፍቆት የከፋኝ ፥ በናፍቆት የከፋሽ እኔና አንቺ እኮ እናሳዝናለን ! መነፋፈቅ መርገም... ክብራችን መለገም... የት ያደርስን እንደሁ ፥ ባናውቀውም እንጃ ሰው ከራስ ሲጣላ ፥ የት ይኬዳል ምልጃ ? እንጃ! እንጃ... የመናፈቅ መቅሰፍት ፥ አልፎ ላያልፍልን ያልቅብን ይመስል ፥ ገላ ተካፈልን ሰቀልነው... ገረፍነው... ገደልነው... ቀበርነው... የኔና አንቺ ፍቅር ፥ እሁድ ለሊት የለው መቃብር አይከፍትም ኮፈኑን አይቀድም የኔና አንቺ ፍቅር ፥ ትንቢትን አይወድም ለወሬ ለዓለም ፥ አልተረፈምና ነገርና ስሙ አረገ አይባል ፥ መላዕክት አልሰሙ፡፡ የት ገባ ይባላል ? ቀረ በነበረ በነበረ ቀረ እንደተነፋፈቅን... እንደተጠባበቅን በሌላ ሰው ናፍቆት ፥ እንደተቃጠረ በሰነፍ ኮረዳ ፥ እንደተበጠረ የትም ተበተነ ፥ የትም ቦታ ቀረ የኔና አንቺ ፍቅር መቃጠል እጣው ነው ፥ በፍም የታጠረ፡፡ መናፈቅ መፈለግ ፥ ስንት ህመም ያድላል ? ከስንቱ ያውላል ? በስንቱ ያስማል ? በስንቱ ያስምላል ? ተጠባብቀን ያለቀን መዓት ቢፍለቀለቅ እኔና አንቺ ላንላቀቅ። በቀረን ፥ እንደሐውልት ደርቀን እስከጌታ ፥ ፍርድ ቀን ስንቱን አወጣሁኝ ? ፥ ስንቱን አወረድኩኝ ? ስንቱን ቀባጠርኩኝ ? ናፈቀሽኝ ስንት ሆንኩኝ ? ቀጥረሽኝ በቆሞኩኝ፡፡ ሰበብ በሆንሽልኝ ቀጥራው ቀረች ብሎ ፥ ሰው በኔ እስኪያማሽ መቃብር መግባቴን ፥ አግብተሽ በሰማሽ፡፡ መናፈቅ እንደልጅ ፥ እያንቀለቀለኝ እንደሽማግሌ ፥ በቀኔ ገደለኝ እንደጠዋት ፀሀይ ፥ አሰኘኝ ልሞቅሽ እንደአድባር ስለት ፥ ስለቴ ባረግሽ እንደእናት ምርቃት ፥ ባልኩሽ አሜን አሜን አቤት ስል በኖርኩኝ ፥ ሆነሽ ቅፅል ስሜን፡፡ ናፈቀሽኝ... ናፈቀሽኝ... እኔና እንቺኮ እናሳዝናለን ! እየተዋደደድን... እየተፋቀረን... መች አንድ ላይ አለን ? እኔና እንቺኮ እናሳዝናለን ! ​​ ┈┈┈┈•◦●◉❖◉●••┈┈ ┈ ✍🏽© ኤልያስ ሽታኹን ╰══•••┈ ┈ ┈•◦●◉❖◉●••┈┈ ┈ @snetsehuf

ወጣቱና ሥነጽሑፍ (ሲሳይ ንጉሱ) 📗📒📕 ወጣትነት ውበት ነው፤ ወጣትነት ፍቅር ነው፤ ወጣትነት ኃይል ነው ። ትኩስ ጉልበት፣ ንቁ አዕምሮና ፈጣን እንቅስቃሴ ያለው፣ የደሙ መቀትና የጡንቻው ንዝረት በገፅታው ላይ የሚነበበው፣ አፍላ ስሜት የሚፈታተነው፣ ለወደደው ነገር ሕይወቱን የሚሰጥ፣ በጠላው ነገር ሕይወቱን የሚያጣ ከሚዛናዊነት ይልቅ በስሜታዊነት የሚጠቃ...ልበ ሙሉነት በደሙ ውስጥ የሚዘዋወር...ውጫዊውን ዓለም ሳያመዛዝን ወይንም ደንታ ሳይኖረው ውስጣዊ ስሜቱን ተከትሎ የሚሮጥና ለእሱነቱ ብቻ የሚታዘዝ...አብዛኛውን ጊዜ ወደፊቱ የሚሮጥ ...የፊት የፊቱን የሚያይ...ወደኋላ ዞሮ መመልከት የሚጨንቀው፣ ባለበት ረግጦ መታየት የሚያስጠላው፣ ገደልም ይሁን ሜዳ ወደፊት መገስገሱ ብቻ የሚያስደስተው...አዲስ ነገር በማለም አዲስ ነገር በማየትና ለአዲስ ነገር በመነሳት በየደቂቃው የደሙ ንዝረት የሚጨምረው...ለማጎብደድ ወገቡ፣ ለመንበርከክ ጉልበቱ፣ ለማጎንበስም አንገቱ የማይፈቅድለት...ቀጥታውን ቀጥ ያለ ግትር (...ሙሉ ፍቅር ሰጥቶ ሙሉ ፍቅር መቀበል የሚችል...ስሜቱን የማይሸራርፍ፣ ልቡን የማይከፋፍል፣ አዕምሮውን የማያስመነታ ቀጥታ) ይህንን ነው ወጣት የምለው ። 📋📋📋 ወጣት አበባ ነው ። ውሃ ሲጠጣ ሲኮተኮት፣ እንክብካቤ ሲያገኝ ያብባል፤ ድርቅ ሲመታው፣ ሐሩር ሲያጠቃው፣ አስተዋሽ ሲያጣና ተመልካች ሲያጣ ቶሎ የረግፋል ። 🗒🗒🗒 ሥነጽሑፍ ውበት ነው፤ ሥነጽሑፍ ፍቅር ነው፤ ሥነጽሑፍ ኃይል ነው ። ውበት ወጣትና ሽማግሌውን ሳይለይ ሁሉንም ያማልላል፤ ፍቅሩ ያነሆልላል፤ ኃይል ያጠናክራል ። የተዋጣለት ድንቅ ሥነጽሑፍ ሁልጊዜም አዲስ፣ ሁልጊዜም ትኩስ፣ ሁል ግዜም ጣፋጭ ነው ። ጊዜ አይሽረውም፣ ጊዜ አያበላሸውም፣ ጊዜ አይለውጠውም ። የሼክስፒርን ሥነጽሑፍ ሥራዎች ከ500 ዓመታት በኋላ መድረክ ላይ ስናያቸው እንደ አዲስ ስራ ለአዲስ ስሜት እንዋጣለን ። የሀዲስ አለማየሁ ፍቅር እስከ መቃብር ዛሬ ከዓመታት በኋላ እንደገና ሲነበብ አዲስ መንፈስ ጭሮ አዲስ ደስታን ይሰጣል እንጂ አይሰለችም ። ውበቱ አይረግፍም፤ ፍቅሩ አይነጥፍም፤ ኃይሉ አይበርድም ። ይህንን ጊዜ አይሽሬነት ለመጎናጸፍ ሥነጽሑፍ ከባለቤቱ የሚጠይቀው መስዋዕትነት አለ ። ታማኝነትን ይጠይቃል፤ ትዕግስትን ይጠይቃል፤ ችሎታን ይጠይቃል፤ ቆራጥነትን ይጠይቃል ከምንም በላይ ተሰጥዖን ይጠይቃል ። 📜📜📜 በቅጡ ካልተያዘ ደግሞ የሥነጽሑፍ ፍቅር አደገኛ ነው ። አንዳንዴ ያጃጅላል፤ አንዳንዴም ያሳብዳል ። ከወጣትነት እስከ እርጅና ሙሉ ሕይወታቸውን ለሥነጽሑፍ ሰጥተው ሙሉ ምላሽ ያገኙ በጣም ጥቂት ዕድለኞች ናቸው ። ብዙዎቹ ተገቢውን ምላሽ ሳያገኙ መስዋዕት እየሆኑ ነው ያለፉት ። 📜📜📜 ሥነጽሑፍ ጥንታዊ ዘመን አስተሳሰብ ባህልና አጠቃላይ ሕይወት ምን እንደሚመስል የሚያሳየን የኋላ መስተዋት የአሁኑ ማንነታችንን የምናይበት የጊዜ መስተዋት...የወደፊት ህልማችንን አሻግረን የምናይበት የትንቢት መነጽር ነው ። 📜📜📜 ወጣትነትና ሥነጽሑፍ ሁለቱም ውበት፣ ፍቅርና ኃይል ናችው ። ሁለቱም ትኩሳት ናቸው ። ሁለቱም የሚነዝር ደም ናቸው ። ሁለቱም የሚንቦገቦጉ እሳቶች ናቸው ። ይፈላለጋሉ ። ይሳሳባሉ ። የመፈላለጋቸውንና የመመሳሰላቸውን ያህል የተጣሉና የተራራቁ እንደሆነ ደግሞ ሆድና ጀርባ ሆነው ይቀራሉ ። ይህ እንዳይሆን ጉዳዩ ትኩረትን ይጠይቃል ። ....... (( ምንጭ "ደቦ" ከሚለው በስልሳ ነባርና አዳዲስ ጸሐፍት ተጽፎ በቅርቡ ለህትመት ከበቃው መጽሐፍ ከገጽ 178-180 የተቀነጨበ ሙሉ መረጃውን ለማግኘት ያንብቡት ። )) @snetsehuf

ውድድር! "ከውሻ እና ከአቦሸማኔ የቱ ሊፈጥን ይችላል?" ተብሎ በዓለም ላይ ካሉ ፈጣን የውሻ ዝርያዎች ተመርጠው ከአንድ አቦሸማኔ ጋር የውድድር ፕሮግራም ይደረጋል። ውድድሩ ሲጀመር ውሾቹ ተፈትልከው ሲሮጡ አቦሸማኔው ስንዝር ያህል እንኳአ ለመሮጥ ፍላጎት አላሳየም። በዚህ የተገረሙት ታዳሚዎች የውድድሩን ሀላፊ "አቦሸማኔው ለምን ሊሮጥ አልሞከረም?" አሉት። አላፊውም "አንዳንዴ ምርጥነትህን የማይገባ (የማይመጥንህ) ቦታ ላይ ለማሳየት መሞከር የስድብ ያህል ነው" አላቸው። @snetsehuf

ጎልፃን ፨፨፨ ጎልፃን የግሪክ ቃል አይደለም፣ ላቲንም አይደለም ። እንዲሁም የግዕዝ የት-መጣ ያለው ቃልም አይደለም ። "ጎልፃን" የፒያሣ ናዝራውያን(ጠቢባን) የፈጠሩት ሁለት የአማርኛ ውህድ ቃል ነው ። ጎልማሳ እና ህፃን...በጉልምስናው እንደ ህፃን የሚያስብ በዕድሜው መግፋት ቁጥርን እንጂ የህይወት ልምድን ማካበት ያልቻለ ሰው "ጎልፃን" ይባላል ። ለፒያሳ ናዝራውያን ባልተፃፈ መዝገበ ቃላታቸው ውስጥ ። ፧ ጎልፃኖች ሁሉን ነገር ፓለቲካ ማድረግ መለያቸው ነው ። እናንተ አንድ ልታደርጉት ስለምታስቡት መልካም ሃሳብ ስታወሯቸው እነሱ ሃሳባችሁ መሆን የማይችልበትን መቶ መንገዶች ይጠቁሟችኋል ። የህይወታቸው ፍልሥፍናም ከዚህ ተቃራኒ ልማዳቸው የተቀዳ ነው ። ነገር በመጥለፍ እና የሚሆነው እንዳይሆን በማሠብ ። ፧ ብቻቸውን ሃገር ወዳድ ናቸው ። ብቻቸውን ለሃገር አሳቢ ናቸው ። ሁሉም ነገር የመንግስት ሥህተት ነው ። የነሱ የመሆን ፍላጎት ፍላጎት ብቻ ሆኖ የቀረው የመንግስት ሥህተት ነው ። በመንግስት አቅጣጫ የሚገኙ ጎልፃኖች ከሆኑ ደግሞ በተቃራኒው ናቸው ። እነዚህ መንግስት ሲሉ እነዚህ ደግሞ ህዝብ ይላሉ ። በቀኝም ሆነ በግራ በኩል የተሰለፉ ጎልፃኖች አንድ የሚያደርጋቸው ነገር ቢኖር በግለሠብ አመለካከት የማያምኑ መሆናቸው ነው ። ሁሉም ማለት ይቻላል መናጆዎች ናቸው ። ከመንጋጋት በስተቀር ነጠል ብለው መቆም አይችሉም ። በአንድነት እንጂ አንድ በመሆን አያምኑም ። ፧ ጎልፃኖች በግለሰብ አመለካከት የማያምኑበት ትልቁ ምክንያት ብቻቸውን ሆነው ስለማያውቁ ነው ። ለብቻ ቆም ብሎ ማሰብ ለጎልፃኖች ሞት ነው ። ዕድሜያቸውን የሚገፉት በብቸኞች ሃሳብ ላይ በማሳደም ስለሆነ ። ለብቻቸው ሲሆኑ የሚፈጠውን እውነት መሸከም ስለማይችሉ ግርርር ማለት እንጂ ነጠል ብሎ መገኘት እርማቸው ነው ።.... ፧ ጎልፃኖች የዘር ሃረጋቸው የሚመዘዘው ከተረት እና ከጭፍን ስሜተኝነት ነው ። ናዝራውያን ዘወትር የሚያነሱት ምክንያተኝነት በጎልፃኖች ዘንድ የሚታየው እንደ አባታቸው ገዳይ ነው ። ሁሉን እሺ ባይ ያልሆነ ሰው ከእነሱ ጋር መኖር አይችልም ። እነሱም ሁሉን ከሚጠይቅ ሰው ጋር ሰላምታ የላቸውም ። ጎልፃኖች ሰውን ጠልፈው የሚጥሉበት አንድ መፈክር አላቸው ። " ከእኛ ጋር ያልሆነ ከማንም አይሆንም " ከራሱም ጭምር እንደማለት ነው እንግዲህ ። ፧ "እንደኔ ካላሠብክ......ሃሳብህን ትተህ እኛን ምሰል..."ከሚል የጅምላ አስተሳሰብ ናዝራውያኑ የተለዩ ስለሆኑ ሁለት በደም የሚፈላለጉ ጎልፃኖች በአንድ ናዝራዊ ፊት "ከየት የመጣ ፍቅር ነው?" እስኪባሉ ድረስ ወዳጃሞች ይሆናሉ ። " የጠላቴ ጠላት ወዳጄ ነው " እንዲል የጎልፃኖች የተረት አባት... ፨፨፨ ምንጭ ፦ "የአዋጁ ግዜ ምልክት ፍለጋ እና ሌሎችም ሃሳቦች" ከሚለው የደራሲ ኤፍሬም ስዩም መጽሐፍ የተቀነጨበ ስንት ጎልፃኖች በየግዜው ያጋጥሙን ይሆን ግን...? ፧ ፍርዱን ለአንባብያን... ያነበቡትን ለወዳጅዎ ያጋሩ ለመቀላቀል ደግሞ 👇👇👇 @snetsehuf

#እግረ_መንገድ ከተሰኘው የጋሽ ስብሀት መጽሐፍ የተቆነጠረች ንባብ... ፧ <<…ልጅ ሆኜ ነብሴን እጅግ ደስ የሚላት ጢቢ፣ ጢቢ ስጫወት ነበር። ጎረምሳ ሆኜ ነብሴን እጅግ ደስ የሚላት ሴት ልጅን ሳቅፍ ነበር። ዛሬ አርጅቼ ነብሴን እጅግ ደስ የሚላት ልጄ ስትስቅ ሳይ ነው። አሁን እነዚህን ሶስት እኔዎች ሳስተያያቸው አንድ ሰው ናቸው? እርግጠኛ መሆን ያስችላል። እኔ ሽማግሌውስ አንድም፣ አራትም ብሆን ይኸው እዚህ አለሁ። ያ እኔ የምለው ልጅና ያ እኔ የምለው ጎረምሳ ግን የት ሄዱ? የኔ ትውስታ ውስጥ ከልጅየውም ከጎረምሳውም ከብዙ በጥቂቱ እንደ ፊልም ተቀርፆ ይገኛል እንጂ እነሱ ግን የሉም። እኮ እንዴት እኔ ውስጥ ተቀርፀው ሊገኙ ቻሉ? ያን ጊዜ ልጅየው ሆነ ጎረምሳው ሲኖሩ እኔ እዚያ አልነበርኩም'ኮ። ገና አልመጣሁም ነበራ። ያን ጊዜ ያልነበርኩ ሰውዬ ትውስታ ውስጥ አሁን የሌሉ ያን ጊዜ የነበሩ ሰዎች ተቀርጸው ይገኛሉ። ይሄ እንዴት ሊሆን ቻለ? የጊዜና የትውስታ ምስጢራዊ ምትሀት ነው። ለመሆኑ ጊዘና ትውስታ ምንና ምን ናቸው?...>> ፧ ምንጭ ፦ እግረ-መንገድ...ገጽ 206-207 ስብሃት ገብረ እግዚአብሄር ጋሽ ስብሃት እቺን መጠይቃዊ ሃሳብ ያሰፈራት ከጆ እና ሀሪ "አራቱ እኔዎች" ፍልስፍና ተነስቶ ነበር...እኛም በጋሽ ስብሀት ሀሳብ ውስጥ እራሳችንን ልንመለከትበት እንችላለን...እሄንን ስናነብ ያለንበትን የዕድሜ ደረጃ እና ያ ካለፈ በኋላ የሚኖረን ስሜት...አሁን በአፍላነታችን የምንመለከትበት አይንና በዕሜው በሰል ስንል የሚኖረን ትርጓሜ ልዩነት እንደሚኖረው የሚካድ አይደለም... እግረ-መንገድ የሀሳብ እና የፍልስፍና ባህር ነው...እስካሁን ያልሰጠማችሁ ስመጡበት ለማለት እወዳለሁ...! መልካም ንባብ ✔️📚ማንበብ ያሻግራል ❗️❗️❗️ በዚህ ቻናል እናንተን የሚመጥኑ የተለያዩ ግጥሞችን ፣ አጫጭር ና መሳጭ ታሪኮችን ታገኛላችሁ። እናንብብ ፤ በማንበባችን እናተርፋለን እንጂ ፤ ከቶ አንከስርም። @snetsehuf