አጫጭር ግጥሞችና መጣጥፎች 📚

ያልተነገሩ የሀዲስ ዓለማየሁ ታሪኮች በእሱባለው አማረ ___ ሀዲስ ዓለማየሁ ዘመናዊ ትምህርት የመማር ፍላጎት አልነበራቸውም፡፡ ከብዙ ማባበልና ልመና በኋላ ስዊዲን ሚስዮን ትምህርት ቤት ገቡ፡፡ የአስኳላ ትምህርት ላለመማር ያቀረቡት ምክንያት፤ ‘የፈረንጅ ትምህርት ሃይማኖት ያስለውጣል’ የሚል ነበር፡፡ * ሀዲስ ዓለማየሁ “እንኳን ቀምሰነው ሥሙን እንኳን ሰምተነው የማናውቀው ነገር” ሲሉ የገለፁትን ሻይ ለመጀመሪያ ጊዜ የቀመሱት የ16 ዓመት ታዳጊ ሳሉ ነበር፡፡ * ሀዲስ የሲዊድን ሚሲዮን ትምህርት ቤት ተማሪ በነበሩበት ጊዜ፣ በጥቂት የእንግሊዝኛ ቴአትሮች ላይ ተዋናይ በመሆን ሠርተዋል፡፡ * ደብረማርቆስ በአስተማሪነት ተቀጥረው በሚሠሩበት ወቅት ጣሊያን ኢትዮጵያን ወረረች፡፡ ጠመኔያቸው ጥለው ጠበንጃ አነሱ፡፡ የዘመቻ ጠበንጃ ከመንግሥት አልተቀበሉም፡፡ ራሳቸው ጠበንጃ ገዝተው ዘመቱ እንጂ! በራሳቸው አንደበት፤ “ጎጃም የመንግሥት ትምህርት ቤት አስተምሬያለሁ፡፡ መጀመሪያ ዳንግላ ከዚያ ደብረ ማርቆስ፡፡ ደብረ ማርቆስ አስተማሪ ሳለሁ ጣሊያን ኢትዮጵያን ወረረች፡፡ እኔም ማስተማሬን ትቼ፣ ጠበንጃ ገዝቼ ዘመትኩ፡፡” * ‹‹ፍቅር እስከ መቃብር›› ሃያ ዓመታት የፈጀ መጻሕፍ ነው፡፡ መጀመሪያ በእንግሊዝኛ ነበር የተጻፈው፡፡ እንግሊዝ ሀገር ለሚገኝ ማተሚያ ቤት ሰጥተውትም ነበር፡፡ ሕትመቱ ሲዘገይባቸው በአማርኛ ጽፈው አሳተሙት፡፡ * ሀዲስ ዓለማየሁ ከሚያደንቋቸውና ከሚወዷቸው መጻሕፍት መካከል የከበደ ሚካኤል ‹‹ከይቅርታ በላይ›› የተሰኘው የትርጉም መጻሕፍ የመጀመሪያው ነበር፡፡ * ሀዲስ ለመጀመሪያ ጊዜ በሥራ ምክንያት ከኢትዮጵያ ውጭ የኖሩት ኢየሩሳሌም ነበር፡፡ በኢየሩሳሌም የኢትዮጵያ ቆንስል ሆነው ለሁለት ዓመታት አገልግለዋል፡፡ ከባለቤታቸው ወይዘሮ ክበበፀሐይ በላይ ጋር ተዋውቀው ለጋብቻ የበቁት በዚህ ወቅት ነበር፡፡ በጊዜው ወይዘሮ ክበበፀሐይ ከአያታቸው ጋር ኢየሩሳሌም ይኖሩ ነበር፡፡ ከ15 ዓመት የትዳር ሕይወት በኋላ አሜሪካ፣ ኒውዮርክ በህክምና ላይ እንዳሉ አረፉ፡፡ ሀዲስ ዓለማየሁ ከዚህ በኋላ እስከ ሕይወት ፍጻሜያቸው ድረስ ሌላ ሚስት አላገቡም፡፡ ከባለቤታቸው ሞት በኋላ ሌላ ሚስት ለምን እንዳላገቡ በአንድ ወቅት ተጠይቀው ነበር፡፡ የሰጡት መልስ፡- “ይሄንን ንስሀ አባት ስትሆን ጠይቀኝ” የሚል ነበር፡፡ * ከባለቤታቸው ሞት በኋላ መኖሪያ ቤታቸውን የሕጻናት ማሰደጊያ እንዲሆን አድርገዋል፡፡ ቀጨኔ መድኃኔዓለም አካባቢ “ክበበፀሐይ የሕጻናት ማሳደጊያ” በሚል መጠሪያ ተሠይሞ፣ አያሌ ወላጆቻቸውን በሞት የተነጠቁ ሕጻናት አድገውበታል፡፡ * ሀዲስ ዓለማየሁ ከቀዳማዊ ኃይለሥላሴ ጋር ሁለት ጊዜ ተጋጭተዋል፡፡ የትምህርት ሚኒስቴር በነበሩበት ጊዜ የአፍሪካ የትምህርት ሚኒስቴሮች ስብሰባ ይደረጋል፡፡ ጉባኤው መሃይምነትን በሃያ ዓመት ውስጥ ከአፍሪካ ምድር ለማስወጣት ያቅዳል፡፡ ሀዲስ በጉባኤው ዕቅድ ተስማሙ፡፡ በትምህርት ሚኒስቴር የነበረው ባጀት እጅግ አነስተኛ ስለነበር፣ የተጨማሪ ባጀት ጥያቄ አቀረቡ፡፡ የተሰጣቸው መልስ አስገራሚ ነበር፤ “የገንዘብ እጥረት በመኖሩ ከትምህርት ሚኒስተር ባጀት እሩቡ ይቆረጥ፡፡” ሀዲስ በተሰጣቸው ምላሽ ተቆጡ፡፡ ሥልጣናቸውን በገዛ ፈቃዳቸው ለቀቁ፡፡ የእነ መንግሥቱ ንዋይ የመፈንቅለ መንግሥት ሙከራ በተደረገበት ወቅት፣ የሀዲስ ዓለማየሁ ጓደኞች ያለጥፋታቸው በሙከራው ተጠርጥረው ታሰሩ፡፡ ሀዲስ ስለ ጉዳዩ 13 ገፅ ልዩ ማስታወሻ ጽፈው ለጃንሆይ ሰጧቸው፡፡ ጃንሆይ ልዩ ማስታወሻውን አነበቡት፡፡ ጃንሆይ የግስላን ያህል ተቆጡ! በልዩ ማስታወሻው የተካተተች ‹‹ከንቱ ውዳሴ›› የምትል ሀረግ ጃንሆይን ጭራ አስበቀለቻቸው! ሀዲስ ቤተ-መንግሥት ተጠሩ፡፡ ጃንሆይ በአንዲት ቃል ተቀበሏቸው፤ “ሰደብከን!”፡፡ ጽሑፉን አርመው እንዲያመጡ ጃንሆይ አዘዙ፡፡ ሀዲስ ይህንን ተናግረው ከቤተ-መንግሥቱ ወጡ፤ “ምንም የማርመው የለኝም”፡፡ * ሀዲስ ዓለማየሁ ጥቅምት 10 ቀን 1992 ዓ.ም እንዲህ ብለው ነበር፡- “ደርግ ሥልጣን ሲይዝ ጠቅላይ ሚኒስትር ሁን ተባልኩ፡፡ ለውጥ ለውጥ ይባላል ለውጡ ምን ልታመጡ ነው? ስላቸው ዝርዝሩን በኋላ እናመጣለን አሉኝ፡፡ እኔ ላምጣና ቁጭ ብለን እንስማማበት ስላቸው አይሆንም አሉ፡፡ እንግዲያውስ እኔም አይሆንም አልኩ፡፡” @snetsehuf

👐#አስተማሪ የፍቅር ታሪክ💝 🚶‍♀አንድ ሴት መንገድ ላይ እየሄደች አንድ ልጅ ከኋላዋ ሲሮጥ ሰምታ ዞር አለች "ባንቺ ውስጥ ሴትነት ውበት አለ ወደድኩሽም" አላት 💔    😁ፈገግ ብላ "ከኔ በላይ ቆንጆ እና በሴትነቷም ከኔ የተሻለች ጓደኛዬ ከኋላክ አለች " ስትለው ዞሮ ፈለገ ግን ምንም ሴት አላየም" የታለች?" አላት እሷም #ፈገግ ብላ"ወደኸኝ ቢሆን ኖሮ ሌላ ባልፈለክ ነበር " ብላ መንገዷን ቀጠለች።       👌በአንድ ምክንያት የሚወድህ ሰው በሌላ ምክንያት ይለይሀል ለምን እንደሚወድህ የማያውቀው ግን ሁሌም ቢሆን ይወድሀል💔💓..... መልካም ምሽት🙏

ስብሃት ገ/እግዚዓብሄር ሁሌ በተቻለኝ መጠን የምሰብካት ስብከት አለችኝ። የምሬን፤ በተቻለኝ መጠን። ጠዋት ስትነቃ ተመስገን በል ! በረከቶችህን ቁጠር።! ርዕሷ ነች ይህቺ ፡፡ ተመስገን በል ! ሞተህ ልታድር ትችል ነበራ ! ወይ ደግሞ ከዛ ከአልጋህ ወርደህ ስትቆም ተመስገን በል! በሆነ ምክኒያት የአልጋ ቁራኛ ሆነህ ልትቀር ትችል ነበር ፡፡ እ….ደግሞ ስትንጠራራ ደግሞ ደስ አይልም ? እ እ …ን.ዲ.ህ ስትል ደስስ አይልም ? መንጠራራትን የሰጠኸን እያልክ ተመስገን በል! እያልክ ደግሞ ከዛ በፊት ሽንትህ ወጥሮህ ስትሸና የጠጣኸው ውሃ ሸንት ሆኖ መውጣቱ ፤ይሄ የማናውቀው ተዓምር ውስጣችን መሰራቱ ፤ ተመስገን በል !። ከዛ ደግሞ ወጥተህ ስትሄድ መ..ን..ገ..ዱ. . ሁሉ ጤና ነው ፡፡ ታክሲው ፤ ሰዉ ፤ ምኑ ለማኙ መነኩሴው ፤ እሱን ስታይ ተመስገን በል ! ምክኒያቱስ ? ጄኔራል ፀጥ አርጋቸው የሚባሉ ጄኔራል ጨለማን ተገን አድርገው ፤ በታንክ ገብተው አገሩ ፀጥ ብሎ ቢቆይህስ? ምን ታደርግ ነበር |? ጠላት አለኝ ይሆን እንዴ ? ተመልሼ ልግባ ? ደግሞ ተመልሶ ገባ ይሉኛል ፤ ምናምን ትል ነበር። አገር ሰላም በመሆኑ ተመስገን በል ! እያልክ …. እያልክ ትሄዳለህ ፤ ቆማጣ ስታይ ውይ ረ…ስ..ቼ…ው መዓት ነው ፤ ሁልጊዜ ተመስገን በል፤ ተመስገን በል ! አሁንም ፡፡ ማዕደ ጥበብ @snetsehuf

አበቦች ሲፈኩ እንደሚደርቁ ያውቃሉ፣ ግን እደርቃለሁ ብለው ሳይፈኩ አይቀሩም፡፡ ሰውም ሟች ነው ግን ሟች ነኝ ብሎ መተው የለበትም፡፡ ሁሉም ሰው በየመስኩ ያብብ፡፡ ወዳጄ ይህቺ አለም ትልቅ ዳመራ ናት አንተ በዳመራው ስር ያለህ አንድ ችቦ ነህ አንተ ስትጠፋ የዳመራው ብርሀን ይቀንሳል፡፡ የቻልከውን ያህል ብራ አንተ ከነገሮች በላይ ነህ፡፡ በነገሮች አትረበሽ፡፡ አየህ አንፖል ተቃጠለ ተብሎ ቤት አይቀየርም፡፡ አንፖል ተቃጥሏል ብሎ ቤት የሚቀይር ሞኝ ነው፡፡ አንተም አንዱ የህይወቴ ጉዳይ አልተሳካም ብለህ ራስህን አታጥፋ፡፡ ይልቅስ አምፖልህን ቀይር ችግርህን ተጋፈጠው፡፡ ጭንቀትህን አስጨንቀው፡፡ "ካህሊል ጅብራል እንዲህ ይላል ህይወት ልክ እንደ ክራር ጨዋታ ነው፡፡ አጨዋወቱን ያወቀ ጥሩ ሙዚቃ ይሰማል ያላወቀ ደግሞ ዝብርቅርቅ ጩኸቷን ለመስማት ይገደዳል፡፡ " አሁንም እልሀለው ህይወት በደመነፍስ አትሄድም ስልቷን እወቀው፡፡ በህይወትህ ትላንት ያለፈውን መጥፎ ታሪክህን መቀየር ማስተካከል መሰረዝ አትችልም፡፡ የምትችለው አምኖ መቀበልና ለተሻለ ነገ መስራት ብቻ ነው፡፡ "መቀየር የማንችለውን ነገር መቀበል ማለት ተስፋ መቁረጥ ማለት ሳይሆን አቅማችንን የምንችለው ነገር ላይ ማዋል ማለት ነው::" በፍፁም ተስፋ አትቁረጥ ግን አቅምህን የምትችለው ነገር ላይ አውለው የምን ተስፋ መቁረጥ ✍ጋሽ ስብሀት ገ/እግዝያብሄር ውብና ደስ የሚል ቀን ይሁንልን🙏 @snetsehuf

ለግዜር የተፃፈ ደብዳቤ እንደምነህ እግዜር ሰማይ ቤት እንዴት ነው እመጣለሁ ብለህ ቆየህሳ ምነው? እኛማ..... ለእልፍ አእላፍ አለቃ… ማመልከቻ ፅፈን ለወፈ ሰማይ ህዝብ …መድረክ ላይ ለፍፈን ፀሎት ቤታችንን ….እኛው ላይ ቆልፈን የምድር አተካራ …..ህግጋቱን አልፈን ደብዳቤ ላክንልህ፤ አይንህን ካየነው ሁለት ሽ ዘመን እንደቀልድ አለፈ የመምጣትህ ተስፋ እየኮሰመነ መቅረትህ ገዘፈ እንደውም እንደውም... ‹‹በመጣለሁ ተስፋ ሁለት ሽ ዘመን ቀጥሮን ከጠፋ በቀጠሮው ሰአት መምጣት ከተሳነው ‹‹እግዜር አበሻ ነው›› እያሉ ያሙሃል!! እኔ ምን አውቃለሁ... አመስግነው ሲሉ እልልታ የማቀልጥ ቃሉን ስማ ሲሉኝ ...ሰባኪው እግር ስር በደስታ እምቀመጥ እግዚኦ በሉ ሲባል ...እንባየን የማፈስ ሃሌ ሉያ ሲሉኝ ...በሳቅ ልቤ እሚፈርስ ምናምኒት እውቀት ውስጤ ያልፀደቀ እንበረከክበት ጉልበቴ ያለቀ እኔ ምን አውቃለሁ... ግን አንተ ደህና ነህ? ከምር እንደሚያሙት ምፅአት ቀረ እንዴ ? የሰናፍጭ ቅንጣት ታክል ጥርጣሬ አትከፋም አንዳንዴ! ከሆነስ ሆነና ሰማይ ቤት እንዴት ነው? አብረሃም ሰላም ነው... እዛስ ቤት ገነባ ዛሬም በድንኳን ነው ? እኛማ ይሄውልህ... በቤት ኪራይ ችንካር እየተሰቀልን ‹‹ኤሎሄ›› እንላለን ጎጆ እንድጥልልን.... ወደላይ ገነባን ወደጎን አሰፋን ወደላይም ከላይ ወደጎንም ከጎን እ ን ደ ጉ ድ ተገፋን ቤት ለእንግዳ ማለት ጭራሹኑ ጠፋን !! አባታችን ሙሴ እነዴት ነው ለክብሩ ውቂያኖስ መክፈያው ደህናናት ብትሩ? እኛማ ይሄውልህ.... እንጀራ ፍለጋ ባህር ስናቋርጥ የተስፋዋን ምድር አሸዋ ሳንረግጥ የትም ውሃ በላን የትም አሳ ላሰን ን ገ ር ል ን ና ብትሩን ያውሰን ?! እናልህ እግዜር ሆይ.... ከተስፋዋ ምድር ወደሌላ ተስፋ አለን እየኳተን መሄጃው ሲገርመን መመለሻ መንገድ መቆሚያ ቦታ አጥተን...! ላባታችን ሙሴ እንደምትልልን... ‹‹የመሄድ ዘመን ነው ባህር የመሻገር ‹‹ዱላህን ላክልን›› ብሎሃል በልልኝ!! ሰማይ ቤት እንዴት ነው? ....ዳዊትስ ደህና ነው? ዛሬም ይዘምራል ...ዛሬም ይፎክራል ? ሰላም ነው ጠጠሩ .... ሰላም ናት ወንጭፉ? እዛስ አቅል ገዛ ጎሊያድ ተራራው ጎሊያድ ግዙፉ? እልፍ አላፍ ጎሊያድ ከቦን ሲደነፋ ወንጭፉን ጠቅልሎ ምነው ዳዊት ጠፋ ? ብሎሃል በልልኝ!! ለረከሰ ጠጠር ለሞላ ወርዋሪ ‹‹ወንጭፍህን ስጠው ለዚህ ታሪክ አውሪ›› ብለህ እዘዝልን!! እንዴት ነህ ጌታ ሆይ... ሰማይ ቤት እንዴት ነው? የሙሴ አልጋ ወራሽ እያሱ ሰላም ነው....? ያቆማትን ፀሃይ ግቢ ቢላት ምነው?! ያው እንደምታውቀው አስራ ሶስት ወራት ነው ፀሃይ የምንሞቀው... ኧረ ፀሃይ በዛ ኧረ ፀሃይ በዛ ኧረ ፀሃይ በዛ የመጣው ወር ሀሉ ፀሃይ እያዘለ የተሸመው ሁሉ ‹ፀሃይ ነኝ› እያለ ያስራ ሶስት ወር የግዜር ፀሃይ ያስራ ሶስት ወር የሰው ጀምበር ባቃጠላት ምድጃ አገር ምን ታምር ሊኖር ይችላል ፀሃይ ሁኖ እንደመፈጠር!! ኧረ እግዜር በናትህ.... ኧረ እግዜር በናትህ...በጭንቅ አማላጇ ባዘለህ ጀርባዋ ባቀፉህ እጆቿ ወይ ዝናብ ላክልን ወይ ዝናብ ሁነህ ና ሙቀት ገደለና!! እናልህ እግዜር ሆይ ማጣፊያው አጥሮናል ስም ያለው ሞኝ ነው ሁሉም ይጠራናል... ጳውሎስ ሲሉን ...አቤት ጴጥሮስ ሲሉን ...ወይየ ይሁዳ ሲሉንም አቤት እንላለን ስማችንን ሸጠን ...ሰላሳ ጭብጨባ እንቀበላለን! ስንቱ ባለካባ ክብርህ የተሰጠው ለሰላሳ ፍራንክ ለተራ ጭብጨባ አደራህን ሸጠው ! ተወው የኛን ነገር ...ሰማይ ቤት እንዴት ነው .... ሂዋንስ ደህና ናት? ያው የልጅ ልጆቿ በግሯ ተተክተው የፍሬው ሲገርምህ ግንዱንም አንክተው ለፍጥረተ አዳም ባይኑ ያገምጡታል ሰይጣንም ደህና ነውኑሮ ተስማምቶታል.... ሰውን ለማሳሳት ላይ ታች ማለት ትቷል ሳይጠራው የሚጎርፍ ህዝብ በዝቶለታል...! ኧረ እግዜር በናትህ በጭንቅ አማላጇ ባዘለህ ጀርባዋ ባቀፉህ እጆቿ ወይ ዝናብ ላክልን ወይ ዝናብ ሁነህ ና ሙቀት ገደለና!! ©✍አሌክስ አብርሃም

ጋዜጠኛና ጸሐፊ ተውኔት ቴዎድሮስ ተ/አረጋይ ፍልስምና ፩ ፣ ፪ እና ፫ን ደምሮ ባወጣው መፅሐፉ ጋሽ ስብሃትን እየጠየቀው ነው። #ቴዎድሮስ :- እንደው ጋሽ ስብሃት በስጨት ብለህ "በዚህ ዓለም ባልተፈጠርኩ" ያልክበት ጊዜ ኖሮ ያውቃል? #ስብሃት :- የለም። በፍፁም ኖሮ አያውቅም። የመረረ ችግር ገጥሞኝም አያውቅም። እኔ ችግር የምለው በጣም ርቦህ የምትበላው ካጣህ ፣ በጣም በርዶህ የምትለብሰው ከሌለህ ነው። ይህ እኔን ገጥሞኝ አያውቅም። የገጠመኝ ከእናቴ ተለይቼ ወደ እዚህ ስመጣ ናፍቆት ነው። ምናልባት ለዓመት ያህል ማታ ማታ አለቅስ ነበር። ይህ ችግር ነው። #ቴዎድሮስ :- ደስተኛ ነህ? #ስብሃት :- በጣም! #ቴዎድሮስ :- ምንድንነው ደስታ ማለት? #ስብሃት :- እግዜር ካልበደለህ ወንድ ከሆንክ ሴት አቅፈህ ለብቻህ ስትሆን ነው - ደስታ። ከእሱ ቀጥሎ ርቦህ ስትበላ ነው - ደስታ። ከእሱ ቀጥሎ ሽንትህ ወጥሮህ ስትሸና ነው - ደስታ። ደስታ መዓት ነው መቁጠር ከፈለክ። ግን ለምን ትቆጥራለህ? ዝም ብለህ መኖር ነው። #ቴዎድሮስ :- ችግር ወደን የማንገባበት ት/ቤታችን ነው። ለመሆኑ ባንተ ሕይወት ውስጥ ትልቅ ትምህርት ሰጥቶህ ያለፈና እንደ ባለውለታዬ እቆጥረዋለሁ የምትለው የችግር ጊዜ ነበር? #ስብሃት :- አዎን። ሕይወቴን መለወጥ ሳይሆን ቀርፆታል የምለው የችግር ጊዜ ነበር። ልጅ ሆኜ እስከ አስር ዓመቴ (ከወላጆቼ ጋር ሆኜ) ማለት ነው እስኪተርፈን የምንበላው በዓመት ሶስትና አራት ጊዜ ይሆናል። ጠገብኩ እንላለን እንጂ አንጠግብም። ይርበናል። ከዚያ በኋላ አዲስአበባ መጥቼ ርቦኝ አያውቅም። ግን የራበውን ሰው ገና ሳየው መራቡን አውቃለሁ። የሚርባቸው ደግሞ ብዙ ጊዜ የማይናገሩ ናቸው። ይታየኛል። በቃ ኪሴ ገንዘብ ይኖራል አውጥቼ እሰጠዋለሁ። እሱም ደስ ይለዋል ፤ እኔም ደስ ይለኛል። ይህን ሁሉ ለማሰብ " እንኳንም እየራበኝ አደግሁ" እላለሁ። @snetsehuf share