Komila Qiz

YAXSHI KUNLAR BIR KUN KELADI Bazan gʻamlar koʻnglimiz ezar... Goh tashvishdan qalbimiz bezar, Lekin ishon, yuragim sezar, Yaxshi kunlar bir kun keladi. Yashaymiz eng baxtiyor boʻlib, Havas qilar oʻzgalar koʻrib, Eslaganda qoʻyamiz kulib, Yaxshi kunlar bir kun keladi. Mukofotsiz qolmas sabrimiz, Oldindadir hali davrimiz, Osmon qadar etib qaddimiz, Yaxshi kunlar bir kun keladi. Peshonada borin koʻrgancha, Goh quvnadik, goh koʻngil parcha. Kuzatmoqda bizlarni barcha, Yaxshi kunlar bir kun keladi. Yengilmaymiz jafolar bilan, Biz birgamiz vafolar bilan, Inshaalloh safolar bilan, Yaxshi kunlar bir kun keladi. Toʻkis boʻlar, toʻlib barcha kam, Unitilib ketar tashvish, gʻam. Ishonaman bunga juda ham. Yaxshi kunlar bir kun keladi. Umid bilan olgancha nafas, Baxtlilarga qilgancha havas. Harakatdan toʻxtamasak bas, Yaxshi kunlar bir kun keladi. Sinovlarni boshdan ketkazib, Kelishini rosa kutkazib, Bizlarni ham baxtga yetkazib, Yaxshi kunlar bir kun keladi.... ✍ Odilbek Qodirov ❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

🔥Tushdim sevgi qopqoniga Dard alamlar ketmas arib, Yurak to'ydiku joniga. O'zi to'g'ri yo'l axtarib, Tushdim: sevgi qopqoniga Ishq azobi sinar doshim, Jafo ko'rib ko'zda yoshim, Endi qayga uray boshim, Tushdim: sevgi qopqoniga Yorim boylik tomon bo'ldi. Rangi ro'yim somon bo'ldi. Ex o'zimga yomon bo'ldi. Tushdim: sevgi qopqoniga Firoq yuki netay? jilmas. Baxt degan xis nazar qilmas. Birov bilib, birov bilmas. Tushdim: sevgi qopqoniga Endi yengib, yiqolmayman. Bag'rim ezib, siqolmayman. Bu zindondan chiqolmayman. Tushdim: sevgi qopqoniga Ko'rindi tor yer-u fazo, Har ishimga oldim jazo, Yordam bergin! Sarvar Mirzo Tushdim: sevgi qopqoniga Muallif✍Sarvar Mirzo 26.06.2024 ❌Muallif ruxsatisiz foydalanilmasin Sarvar Mirzo

МУСОФИР ОТА-ОНАЛАР ДАРДИ! Рўзғорнинг камини тўлдирайин деб, Дилдаги армонинг ўлдирайин деб, Битмаган ишларни бўлдирайин деб, Мусофир юртларда юрибман болам. Писанд ҳам қилмайман совуқ, қорига, Юрагим чидамас, кўнгил зорига, Опангни берай деб, суйган ёрига, Мусофир юртларда юрибман болам. Бу дардлар қийнайди тани жонимни, Харорат куйдириб ҳону-монимни, Беморман, ютолмай бурда нонимни, Мусофир юртларда юрибман болам. Қўнғироқ қилганда, ғамингни ейман, Хавотир олма қўй, яхшиман дейман, Гаплашиб олгунча, зўрға чидайман, Мусофир юртларда юрибман болам. Дард чекиб, тишимни босаман тишга, Чорам йўқ жон болам, бораман ишга, Ўралиб минг ҳаёл, мингта ташвишга, Мусофир юртларда юрибман болам. Берган оқ сутларин ҳаққин тўлолмай, Муштипар Онамни кўнглин ололмай, Отамни қабрига бир бор боролмай, Мусофир юртларда юрибман болам. Аслида тўлмагай дунёнинг ками, Соғинчга ўҳшайди, кўз ёшнинг таъми, Елкамда оғир юк, рўзғорнинг ғами, Мусофир юртларда юрибман болам. Кўзларим олисни кўрмайди хира, Мехнатдан қадоқдир, қўлимга қара, Оёқлар оғрийди, товоним яра, Мусофир юртларда юрибман болам. Вужудимни ўраб олгандек олов, Қалбимда оғриқли, хадикли сўров, Қанча умрим қолди, билмайди биров, Мусофир юртларда юрибман болам. Баланд иморатлар қурармиканман? Тўй қилиб, бахтингни кўрармиканман? Жон болам даврингда юрармиканман? Мусофир юртларда юрибман болам. Кўз ёшлар тугаган, дийдалар қотиб, Навқирон дамлару, кучим йўқотиб, Бир қоғоз пул учун умримни сотиб, Мусофир юртларда юрибман болам. Бўлмаган ишларни бўлдираман деб, Рўзғорнинг камини тўлдираман деб, Ўзим йиғлаб, сени кулдираман деб, Мусофир юртларда юрибман болам. (Аллоҳимдан сўраб яхши кунларни, Мусофир юртларда юрибман болам...) 📙-Камронбек Исмоилов. 2024.26.06. t.me/Sani_sevamanko

Zor yuragim sensiz qolganda, Shum yolg‘izlik boshim egadur, Yoding bir zum hayol olganda, Quchgim keldi seni negadur. Yetmaguncha dilim bo‘lar hun, Ko‘nglimdagi yechilmas tugun, Aynan xozir aynan shu bugun, Quchgim keldi seni negadur. Komila Qiz.✍ Jamshidbek Vahobov.🎙🎸

Zor yuragim sensiz qolganda, Shum yolg‘izlik boshim egadur, Yoding bir zum hayol olganda, Quchgim keldi seni negadur. Yetmaguncha dilim bo‘lar hun, Ko‘nglimdagi yechilmas tugun, Aynan xozir aynan shu bugun, Quchgim keldi seni negadur. O‘zgasiga parvo qilmayman, Tunlar ko‘zga uyqu ilmayman, Sog‘indimmi juda bilmayman, Quchgim keldi seni negadur. Visol bilan qalbim bezay deb, Baxt bog‘ini birga kezay deb, Taningdagi tafting sezay deb, Quchgim keldi seni negadur. Azal derlar dunyoni bir kam, Bilsang sensan mendagi shu kam, Ne desang ham qo‘yvormay mahkam, Quchgim keldi seni negadur. Sen-la go‘zal men uchun borliq, Sevamanda jonimdan ortiq, Humorimdan chiqquncha qattiq, Quchgim keldi seni negadur. Ahd-u vafo qo‘lidan tutib, Hijron degan girdobdan o‘tib, Ishon hatto o‘zni unutib, Quchgim keldi seni negadur. Muallif: Komila Qiz. 16.09.2022.23:58.✍

{ LOLAQIZG'ALDOQ } Tog'larda ochilgan... Lolaqizg'aldoq ! Men so'lib, u qizni yayrashiga boq. Sen o'zing dardkashim, o'zing yupanchim, Dardimning malhami... Lolaqizg'aldoq ! U qizni boshqalar, ildirib ketdi. Men qolib, boshqalar murodga yetdi. Men sodda ; g'o'r sevgim boshimga yetdi, Sen nega bag'ri qon... Lolaqizg'aldoq ! Bag'ring qon, qip - qizil, qizil rangingdek... Insonlar tushunmas, hech meni sendek. Sevgida kuymagan, hech kimsa mendek, Sevgimga guvoxsan... Lolaqizg'aldoq ! Ko'p kutdim, kutganim bilmagan dildor, Axtiga vafolar qilmagan dildor. Hajrida yonardim - yonardim ag'yor, Dildorga arzim bor... Lolaqizg'aldoq ! Bag'ri qon, qizg'aldoq buncha dard senga, Sevgida kuygan men, g'am nega senga. Boshqa gullar sevgim, olmas bir tiyinga, G'amimga sheriksan... Lolaqizg'aldoq ! Tilimda sado yo'q seni aytishga, Na nota, navo yo'q seni kuylashga. Hofiz bo'lolmadim shudir armonim, Armonim o'zingsan... Lolaqizg'aldoq ! Qizg'aldoq, she'r qildim bugun nomingni, Shamollar egmasin asra joningni. Asrashga yo'q mador menga hech seni, Madorim o'zingsan... Lolaqizg'aldoq ! Yuribman be mador, men bir bechora, U qizga yetmadi ohim nachora. Yaxshiyam oldimda, sen o'zing bora, Tog'larda ochilgan... Lolaqizg'aldoq ! Lola lolajonim - Lolaqizg'aldoq ! Muallif : Mehriddin Baqoyev. 04. 10. 2022. @Mehriddin_Baqoyev1

Чиндан сев🫡 Ёлғон куймоқ дарт эмас, Тан олмаган март эмас, Илтифотинг шарт эмас, Севсанг мени чиндан сев.. Хоҳла юрак кўнмасин, Сазанг кимда ўлмасин, Кўнгил учун бўлмасин, Севсанг мени чиндан сев.. Сочларинга майли ос, Айбим қидир бир қоғоз, Ҳазиллашма илтимос, Севсанг мени чиндан сев.. Гапир биров билмасдан, Куйган дилни тилмасдан, Ишқни ўйин қилмасдан, Севсанг мени чиндан сев.. Ёмон кўрган кишим йўқ, Қорсиз ўтган қишим йўқ, Қолганига ишим йўқ, Севсанг мени чиндан сев.. Боқиб ёлғон сўйлама, Ўзга бўйни бўйлама, Синайман деб ўйлама, Севсанг мени чиндан сев.. Сарварингнинг гапи тахт, Алдамоққа қилма ахт, Керак бўлса асл бахт, Севсанг мени чиндан сев... Муаллиф✍Сарвар Мирзо ❌️Муаллиф рухсатисиз фойдаланилмасин https://t.me/Sarvar_Mirzo

Ўзбекистоним. Мен сенда туғилдим, -- Мен сенда ўсдим... Бағрингда улғайдим, Ўзбекистоним. Сен менинг ғурурим, -- Шавкатим - шоним... Жаннатмакон ўлкам, Ўзбекистоним. Бухорийлар йурти, зўр донғи кетган, "Жалолиддин" ёвни торy - мор етган, Жангларда кўксини лочиндек керган, Алпомиш йурти бу -- Ўзбекистоним. Қанча фахрлансам шунча оз менга, Тупроғинг ўпайин, суртиблар кўзга... Ҳеч нима тенг келмас Ватаним сенга, Боғ-у, бўстонимсан Ўзбекистоним. Ғанимлар кўз тикди қиличин қайраб, Ола ҳаккалар ҳам булбулдек сайраб, АЛЛОҲИМ мададкор паноҳда асраб, Сенга кўз тегмасин Ўзбекистоним. Тўрт фасли тенгма - тенг, бўлинган йуртим, Тафтинг илиқ сенинг ей азиз йуртим, Мен сендан муҳаббат, мурувват кўрдим... Онамадек меҳрибон Ўзбекистоним. Меҳмондўстдир халқинг, Бағри кенг халқинг, Меҳнатдан қочмаган бобо деҳқонинг, Гул-у, чаман ила яшнар ҳар ёнинг, Гулларга бурканган Ўзбекистоним. Мусофирга қадринг яққол билингай, Сени соғинчингдан қалби тилингай, Меҳринг соғинчига чунон илингай, Меҳрингга тўймайман Ўзбекистоним. Сен менинг ғурурим, -- Шавкатим - шоним... Жаннатмакон ўлкам, Ўзбекистоним. ✍ Меҳриддин Бақойев. 22. 11. 2023. @Mehriddin_Baqoyev1