اقرب من الطب وغنيله🔰

سؤال تساءل او سموه الذي تشتوه اصحاب الردود ملصقات وفيسات طيب لو من كلمكم بالواقع، ايش بتفعلوا؟ ايش بتردوا؟ تعلمممموا والله تعلموا كيف تردوا. #طالب_ضابح 🐸💔

أيام صعبه يا صاحبي تعبت شراعنا وتلك الرياح المعاكسه لم تتعب حتى الآن التفكير المفرط ووجع المعده لا دين لهم . ما ضاقت الا وتفرج بإذن الله #its_dollar

هذه الايام الواحد ماعاد يتمنيش انه يبني ويشتري اراضي وسيارات يتمني انه يرقد وهو مايفكرش بشي ولا يدخل بدوامة الافكار ومايفكرش ايش يتغدي ومتى يخزن ومتى يذاكر وكيف وهكذا. #طالب_ضابح 🐸💔

أنا حزين ومتكئب أكثر منك ياسيد مياو💔💔 طبعا هذا تقول له مياو يرد خربانه خليها على ربك #عقلان 🐈‍⬛️

دخلوا القروب وفعلوا مشكلة عشان يضيعوا هذا الموضوع الاصل والاهم لا لتمييع القضايا لااا لتضييع المواضيع المهمة. #طالب_ضابح 🐸💔

من اول ندي ع القات ذلحين من يخزن لنا اليوم مدري بكرة؟ هكذا من الاخير يعني. #طالب_ضابح 🐸💔

بقولكم حاجة بس كمنطق وبعيدا عن المكارحة وقلة العقل القات عمره ما كان شي مفيد واضراره كثيرة جدًا، لكن لنا احنا كيمنيين لها أيضا ايجابيات ومن هذه الايجابيات يعني واحدة منهن هي انه الان القات معيش عدد كبير من الاسر اسر كبيرة وعوائل عايشين على القات يدرسوا ويأكلوا ويشربوا من القات والمقواته يقولوا الان إن 45% من الناس والاسر معتمدة اعتماد كلي على القات في حياتهم لو انت منعت القات أضفت النسبة هذه لنسبة الفقر والمجاوعة الموجودة اصلا يعني بيكون معظم الشعب مايحصلش ايش يأكل حوالي ثلثين الشعب. ثاني حاجة وهي تداول العملة وتحريكها يعني انت تروح تتعالج وتدفع زلط هذي الزلط يشلها الدكتور ويروح يديها للمقوت يخزن بها والمقوت يديها للتاجر والتاجر يديها للصيدلي والصيدلي للمقوت وترجع لعندك وهكذا كأنه دائرة، والركيزة الأساسية هو المقوت وفعلا به ناس فعلوا دراسات وقالوا صحيح هذا الكلام ولو منعت القات بيحصل ركود للعملة والمليون بتكون سع الف ريال يعني بسبب ركود العملة بتكون تخرج بمليون تصطبح بس وعاده احتمال ما تكفيش طيب بيقول واحد ليش مايفعلوش بديل مزارع وغيره وغيره؟ طيب هل هذا الشيء سهل؟ هل ممكن إن شخص زرع حول قات بملايين يجي يقلع القات ويرجم للأرض ويشتري بملايين البديل هذا؟ اكيد لااا مستحيل مالم توفر البديل وتساعد وتحفز؟ طيب وين الدولة؟ وين التوفير؟ مابش خلاص إذا خلونا هكذا وهذا اصلا من لطف الله بنا وانتم تعرفوا ركود العملة بسوريا ولبنان ايش فعل! المليون عندهم ورقة واحدة يخرج اللبناني والا السوري يتغدي ويحاسب 750 الف والا مليون ورجع تعاملهم كله دولار ومعظم العوائل اللي كانوا معاهم دخلوا خط الفقر وتدمر اقتصاد الفرد والاسرة ومانقولش القاااات تمام ونشجع عليه بالمقابل مانقولش بطلوووووه امنعوووه لأن لما اقول هكذا اكون عارف ايش اقول وكيف الوضع وايش الاشياء والكوارث اللي بتحصل لو منعت شي سوقك وعملتك النقدية وحركتها معتمدة عليه اعتماد كلي خصوصا بعد تضيق الخناق على المغتربين لان بلادنا بالاخير معتمدة على القات والمغتربين الان المغتربين محاصرين وكل ساعة وفجعوهم فالقات هو الاساس وبالمقام الأول. #طالب_ضابح 🐸💔

اصحابنا اللي بيخزنوا لو سمحتوا كذا أنواع القات من حيث التأثير ع الشخص مثلاً قات قيفي يخليك تشتغل وتقرش ساع الحمار وينفع للمذاكرة اشتي اكبر تجميع حسب الأنواع لو سمحتوا كذا رسلوا لهذا البوت @Itsdollar24bot #مؤقت #its_dollar

من أتم قراءة الصفحة،فليتفاعل بأحببته ❤️ #الورد_اليومي 🤍