المنصة الإعلامية لطلاب جامعة العلوم والتقانة

⭕️ الناس تنزل الهاشتاقات دي في مواقع التواصل : #الشهادات_حق_من_حقوق_الخريجين #مستقبل_خريجي_التقانه_مجهول

السلام عليكم ورحمة الله : بعد التحية والإحترام نسال الله أن يصلح حال البلاد والعباد وان يوفقنا لما يحب ويرضاه ونحن نعلم جيدا ما تمر به البلاد ولكن هناك استثنائات وجود الحرب لا يعني توقف الحياة 📌الي كل كليات جامعة العلوم و التقانة: 🛑موضوع الشهادات للخريجين : نحن خريجين هندسة مدنية ، اتواصلنا مع رئيس الجامعة دكتور معتز البرير ومع عميد كلية الهندسة ومع نائب رئيس الجامعة برووف العتيبي وحاولنا معاهم كتير وما لقينا تجاوب منهم . باقي الجامعات كلها تقريبا طلعت للخريجين شهاداتهم ، ف عايزين ممثلين للدفع من باقي الكليات ( المجمع الطبي ، المجمع الهندسي ، كلية الحاسوب و IT ، مجمع إدارة ) عشان نشوف ح نصعد الموضوع كيف اتواصلو معانا ف الأرقام دي : +249 11 300 2894 +249 92 811 1129

ايقاف الدراسه بجميع الجامعات الحكومية والخاصة والأهلية نظراً لما تمر به البلاد ، سائلين المولي عز وجل ان ينهي الحرب ويعم الامن والاستقرار ارجاء البلاد

=الجامعه ما نزلت قرار ناس الدفعه : ادارة الجامعه دي ما نافعه وما مسؤوله وما عندهم قدره عشان يتخذو قرار نحن مستقبلنا بضيييع =الجامعه : حنعمل فرع خارج السودان ناس الدفعه : كيف الكلام ده الاداره دي بتفكر كيف ده شنو الحل الاناني ده نحن م عندنا قدره نطلع بيها من البلد عاوزنا نطلع من السودان كيف جوازات زاتو ما عندنا نحن حنضيييع =الجامعه : حنشتغل في الولايات ناس الدفعه : نشتغل كيف في الولايات ده شنو الحل ده الناس بيوتنا اتسرقت واتشردت يجيبو ليكم قروش من وين لي مصاريف سفر وسكن ومعيشه ورسوم جامعه كمان ..قولو كلام منطقي الولايه الماشين ليها دي زاتو بعيده وما كويسه =الجامعه : حنشتغل اونلاين ناس الدفعه : جامعه في الدنيا ما بتفكر في مصلحة طلابها غير الجامعه دي ماف وضع مؤسف والله نحن ياخ رسالة ل قروب الدفعه برسلها الصباح الشبكه بتوصلا بعد المغرب عاوزيننا ننزل محاضره كيف معليش ياخ انا شهر شهر علامة الشبكه دي ما بشوفا زاتو تقول لي اونلاين = الجامعه : نؤجل اي قرار يخص الدراسه الى حين تحسن الاوضاع ناس الدفعه : كييف يعني تحسن الاوضاع كييف يعني الوضع ده ممكن يستمر سنتين عشره سنين نحن ننقعد لحد ما ينتهي كييف بس الجامعه دي منتهيه وما عندها اداره ولا عندها حاجه نافعه خلي يطلعو لينا تفاصيلنا دي نتخارج =الجامعه طلعت التفاصيل ناس الدفعه : المشكله يتخارجو وين زاتو ماف يا اما جامعات تعبانه يا مصاريفا خياليه ياخ الجامعه دي ما عاوزه تشوف لينا حل ؟ الجامعه : انا تعبت وكلو ذي دا 🤝💁

الو الو.. تست.. تست.. بسم الله الرحمن الرحيم كيك أوف.. أول mentor عندنا ح يكون في مجال الصيدلة و ح يستهدف الطلاب و الخريجين الجدد من المجال ده. معنانا ومعاكم الدكتور أحمد علي قرنو. عندو ماجستير في الصيدلة و حالياً شغال senior medical representative في شركة Evapharma اللي بتعتبر واحدة من أفضل شركات الأدوية حول العالم، شغالة في اكتر من 42 دولة و بتنتج اكتر من 350 منتج طبي. قرنو ح يكون شخص مفيد لأي طالب صيدلة، خريج جديد، او مهني صغير عايز يسأل عن المجال ده عموماً و عن الفرص المتاحة فيهو. عشان تقدم للمشاركة في برنامج الإرشاد ده لازم تتأكد من الآتي: 1. عندك انترنت مستقر و قوي ممكن يخش مكالمة فيديو 2. عندك واتساب عشان التواصل ح يكون عبر واتساب 3. بتقدر تستخدم زوم 4. تقدر تلتزم طول مدة البرنامج اللي هي ح تكون شهر، جلسة واحدة كل أسبوع. رابط التقديم: https://airtable.com/appQfNzOkjchV6qJL/shrJUbaoSXvJ4dygM ح يكون فاتح لحدي يوم 27 يوليو. و ممكن تملا الفورم بالعربي عادي.

حننزل استبيان نعرف من خلاله اماكن تواجد الطلاب حاليا

السلام عليكم ورحمه الله ❤️ كيف اخباركم ان شاء الله كل الناس طيبه❤️ ربنا يصلح حال بلدنا وترجع احسن من الاول ❤️

علماً بأن جامعة العلوم والتقانه، التي تبوأت بجهد اداراتها التقنية وهيئة التدريس المتميزة المركز الاول بين الجامعات الاهلية والخاصة في السودان بحسب تصنيف "ويبومتريكس" لتصنيف الجامعات، لمرتين على التوالي قد انشأت بنية تحتية إلكترونية متميزة، ستكون عوناً كبيراً للكليات لادارة العملية التعليمية في هذه الظروف الاستثنائية. فالجامعة تمتلك اكبر شبكة انترنت من الالياف الضوئية في السودان، كما انها قد تمكنت من تطوير ورقمنة انظمتها الاكاديمية والادارية. ومن ضمن ذلك، فإن الجامعة قد خصصت بريد إلكتروني لكل الطلاب ولجميع العاملين، كما انها طورت المنصة الالكترونية التي ستكون عونا كبيرا في المرحلة الحالية بذلك، فإن الجامعة تخطط لاستئناف الدارسة بتبني النظام الأكاديمي الهجين، بحيث تسهم المنصة في تنفيذ المناهج النظرية بدرجة كبيرة، لتتمكن الكليات والاقسام من استغلال الوقت الحضوري في اكمال المتطلبات العملية والسريرية. هذا النظام الهجين سيسهم في تقليص فترة تواجد الطلاب بعيداً عن اسرهم، مما يقلل من تكاليف العملية التعليمية على اولياء الامور في هذه الظروف الماثلة الصعبة ابنائي الطلاب هذا ما عملنا عليه طوال الشهور الثلاثة الماضية. نقدمه لكم كحل آني وكلنا امل في ان يعم السلام، من اجل مستقبل بلادنا وطلاب السودان في جميع مراحل دراستهم. فحتما ستعود الخرطوم بألقها وتكاتف اهلها وستعود جامعة العلوم والتقانة بمدينة ام درمان، تلك المدينة الرؤوم التي آوت بين ربوعها السودانيين من جميع بقاع الوطن بدون تمييز بالعرق او المعتقد او الجنس، ستعود جامعة التقانة لتفتح ابوابها للجميع وتحتضنهم بلا استثناء فتلم شمل ابنائها في جامعتهم آمنين مطمئنين ختاماً، ندعو الله الكريم ان يوفق ابناء السودان ويوحد كلمتهم ويسدد خطاهم ليحققوا آمال الطلاب واهلهم وجميع السودانيين بالاستقرار والامان، وان يعم السلام ربوع الوطن الحبيب. وندعوه تعالي ان يوفق الطلاب في جميع ربوع الوطن استشرافا لمستقبل زاهر، به يتقدم الوطن وينعم اهله جميعا بالتقدم والخير والرفاهية وحسن المعاش، وان يوفقنا في جامعة العلوم والتقانة لما فيه الخير والمستقبل المشرق لجميع طلابنا ولكل العاملين بالجامعة د.المعتز محمد احمد البرير رئيس الجامعة 19.07.2023

بسم الله الرحمن الرحيم السادة نواب رئيس الجامعة السادة عمداء الكليات، مدراء الادارات والمراكز، رؤساء الاقسام والاساتذة وجميع العاملين بناتي وابنائي الطلاب السلام عليكم ورحمة الله وبركاته اخاطبكم اليوم ، وبلادنا تمر بظروف صعبة، ندعوا الله أن يلطّفها وان يعود الامن والامان والسلام والاستقرار لبلادنا. وارجو ان تكونوا وأسركم الكريمة بخير وعافية وأمان، وان يلمّ الله شمل من تفرقت اسرهم في أقرب وقت . وفي هذا المنحى، نؤكد لكم ان إدارة الجامعة تحمل هم العاملين بها وبظروف عيشهم، وتعمل على ايجاد سبل وطرق تساعد بها جميع العاملين بالجامعة لتيسر بها امورهم المعيشية كذلك، فإن ادارة الجامعة ظلت تحمل هم إستقرار ومصلحة طلابها وطالباتها في هذه الظروف التي تمر بها بلادنا، والتي لا يُعرف متى تنتهي لتعود الحياة الي طبيعتها. لذلك ظلت الادارة تبحث في الخيارات المتاحة التي تمكن الجامعة من استئناف الدراسة في كل الكليات. ولتكون الحلول علمية وعملية وشاملة، فقد قامت الجامعة بعمل عدة استبانات للتعرف على المواقع الحالية لتواجد الطلاب والاساتذة والعاملين بالجامعة، وكذلك للتعرف على الخيارات المفضلة للطلاب لمواقع استئناف الدراسة من بين الخيارات التي اتاحتها لهم الجامعة فقد حددت الجامعة أماكن استئناف الدراسة داخل السودان في جامعات خارج العاصمة، وايضا عدد من الجامعات خارج السودان. في السودان، افلحت مساعي ادارة الجامعة في عقد إتفاقيات للتعاون الاكاديمي ولاستضافة كليات جامعة العلوم والتقانة مع عدد من الجامعات في كل من كسلا، مدني، فداسي، سنار، كوستي، كسلا، شندي، بربر، عطبرة ومروي اما فيما يتعلق بالدراسة خارج السودان، فإن مساعي الجامعة لازالت مستمرة في الاتصال بعدد من المؤسسات العامة والخاصة، وسيتم اعلانكم بنتائج تلك الاتصالات حال إكتمالها في فترة اقصاها اسبوعين ان جامعة العلوم والتقانة في سعيها واتصالها بتلك الجامعات الوطنية، شهدت تجربة سودانية فريدة ،تسابقت فيها تلك المؤسسات الوطنية مرحبة ومبدية رغبة صادقة للتعاون الاكاديمي مع جامعة العلوم والتقانة ،فجاءت تلك الاتفاقيات شاملة وجامعة لكل المجالات الاكاديمية والبحثية ومشاريع الشراكة المجتمعية، بما يفيد مجتمعاتنا المحلية ومجتمعنا الوطني الكبير جامعة العلوم والتقانة اذ تقدر وتثمن تلك الروح الطيبة التي سادت توقيع تلك الاتفاقيات الاكاديمية الامر الذي اثلج صدورنا فاننا في جامعة العلوم والتقانة نخص بالشكر والتقدير كل من; جامعة كسلا ممثلة في البروفيسور أماني عبد المعروف بشير، جامعة الشرق ممثلة في الدكتور محمد خير التجاني عوض الكريم جامعة الشيخ عبد الله البدري ممثلة في الدكتورة فانيا عبد الله البدري، جامعة شندي ممثلة في البروفيسور حسين عوض الكريم حمد، جامعة وادي النيل ممثلة في البروفيسور حسن الحاج الصائم، جامعة اقرا ممثلة في البروفيسور عثمان محمد الامين مقبول، جامعة سنار ممثلة في البروفيسور عبد الرحمن حسن، وجامعة الامام المهدي ممثلة في البروفيسور محمد مهدي احمد بخاري . كما نخص بالشكر والعرفان ادارة شركة سكر كنانة ممثلة في السيد عبد الرؤوف ميرغني عبد الرحمن لاتاحتهم الفرصة لجامعة العلوم والتقانة للاستضافة في مبانيهم المعدة للتدريب وهي مباني مزودة بكل الامكانيات التقنية للتدريب العملي. اتقدم ايضا بكل الشكر والتقدير لفريق جامعة التقانة الذين جعلوا هذا الجهد ممكناً؛ السادة نواب رئيس الجامعة، والعمداء ومنسقي التقانة في الجامعات المختلفة ابنائي الطلاب حتى تتمكن الجامعة من اكمال اجراءات استئناف الدارسة في الجامعات الولائية، سيكون على الطلاب الدخول على رابط التسجيل الالكتروني في موقع الجامعة الالكتروني، الذي يتيح للطلاب التعرف علي الخيارات المتاحة لكل كلية /قسم ، ومن ثم اختيار جامعتين كخيار اول وخيار ثاني ، وستعمل الجامعة، ما امكن، علي الاستجابة لخيار الطالب الاول، وستصل الطالب رسالة عبر الهاتف الجوال وعلي البريد الالكتروني، وذلك للتاكيد علي الجامعة المختارة ، ليكمل الطالب التسجيل. سوف ينشر رابط التسجيل للطلاب يوم 28 يوليو الجاري ستكون بداية الدراسة في جميع المواقع ان شاء الله يوم 27 اغسطس 2023. علما بان البداية في ذلك التاريخ تخضع للعوامل المحلية التي تمكن الجامعة المعينة من فتح ابوابها لاستئناف الدراسة. وفي هذا الاطار فقد اقامت جامعة العلوم والتقانة ادارة تنسيقية في كل من الجامعات المستضيفة. وستقوم الادارة في كل جامعة بالاتصال بالطلاب المسجلين عندها لتوفير المعلومات والتفاصيل العملية اللازمة في حينها باذن الله

جانا العيد وبينا شهيد 🙏🏼