ҰСТАЗ ЕРКІНБЕК ШОҚАЙ (РЕСМИ)

Уа Аллаһым, ағайынға ынтымақ, туысқа татулық, бауырға ынсап пен мейірім бере көр 🤲

Уа Раббым, ата-анамыз бізді бала күнімізден мейіріммен аялап өсіргеніндей, оларды да әрдайым Өзіңнің рақымыңа бөлеп, қамқор бол 🤲

Уа Аллаһым, бізді амалы қабыл, жүрегі тақуа, сауабы мол және жәннәтыңа лайықты сүйікті құлдарыңнан ете көр 🤲

📗ҚАСИЕТТІ ҚҰРАН КӘРІМНІҢ АРТЫҚШЫЛЫҒЫНА ҚАТЫСТЫ 40 ХАДИС. ✍️(ҒҰЛАМА МУЛЛА АЛИ ИБН СҰЛТАН МҰХАММЕД ӘЛ-ҚАРИ) 6️⃣-ХАДИС: Әнәс ибн Мәликтен (р.а): "Алла елшісі (Алланың оған салауаты мен сәлемі болсын): "Құран оқитын мүміннің мысалы хош иісті, дәмі тәтті цитрус сияқты. Құран оқымайтын мүміннің мысалы дәмі тәтті, бірақ иісі жоқ құрма сияқты. Құран оқитын пасықтың мысалы хош иісті, дәмі ащы райхан тәрізді. Құран оқымайтын пасықтың мысалы дәмі ащы, иісі жоқ колоквинт тәрізді. Мәжілістес ізгі пенденің мысалы үстінен хош иіс аңқып тұрған адам сияқты. Одан саған бір нәрсе жұқпаса да, оның хош иісі саған келіп тұрады. Ал мәжілістес жаман пенденің мысалы көріктің басында тұрған ұста сияқты, саған оның күйесі жұқпаса да, оның түтіні тиеді", - деген. (Әбу Дәуд) Хадистің мағынасы: "Бұл хадисте келген мысал жоғарыда айтылған хадистің мысалымен бірдей. Алайда аталмыш хадисте ізгі адаммен бірге отырудың маңыздылығы баяндалған. Мәжілістес болған ізгі адам миск иесіне теңелген. Ол жүрген жерінде игілік әкеледі. Жоқ дегенде айналасына хош иіс сыйлайды. Осыған байланысты Құранда: "Ей, иман келтіргендер! Алладан қорқыңдар әрі шыншылдармен бірге болыңдар", - деп айтылған. Ал мәжілістес болған жаман адам көрікпен үрленіп қыздырылған темірге теңелген. Одан еш жақсылық көрмейсің, тек жамандық әкеледі. Ол қызған темір сиқты лебімен жүзіңді, киіміңді күйдіреді немесе будақтаған жағымсыз иісімен саған зиян келтіреді. Уа, Алла, бізді мүмінмен дос болатын, асымызды тақуа адам жейтін құлдарыңнан қылғайсың. https://t.me/ustaz_erkinbek_shokai

Уа Аллаһым, бізді ақылдан адастыратын ашудан, күнәһар қылатын қатігездіктен және пейілді бұзатын арам ойдан сақта🤲