د ازموینو ملي اداره - NExA - ادارهٔ ملی امتحانات

د ملي دفاع وزارت د هوايي ځواک او هوايي مدافعې پوهنتون د ازموینې پایلې په لاندې لینک کې کتلی شﺉ! ........... نتایج امتحان پوهنتون قوه هوایی و مدافعهٔ هوایی وزارت دفاع ملی در لینک ذیل مشاهده می توانید! https://t.me/KankorResultbot

قابل توجه طلبای کرام که در امتحان تثبیت سویه به درجه خامسه و مافوق الثانویه کامیاب گردیده اند و خواهان اشتراک در امتحان کانکور سال ۱۴۰۳ می باشند!

د علمي سویې تثبیت ازموینو کې په خامسه او مافوق الثانویه درجو بریالیو طلبای کرامو د پام وړ!

د ملي دفاع وزارت هوایي ځواک او هوایي مدافعې پوهنتون کانکور ازموینې ویډیویې راپور

ازموینو ملي ادارې نن د ملي دفاع وزارت د هوایې ځواک او هوایي مدافع پوهنتون لپاره د محصلانو لومړۍ دورې د جذب ازموینه واخیسته. د ازموینې په پرانیستغونډه کې د ازموینو ملي ادارې مشرتابه، ملي دفاع وزارت او هوایي مدافعې پوهنتون مسؤولینو ګډون کړی وو. د ازموینو ملي ادارې مشر الحاج شیخ عبدالباقي حقاني په یاده پرانیستغونډه کې ځوانان وهڅول، څو په تعلیمي او اکاډمیکو ډګرونو کې زحمت وباسي او د افغانستان هر اړخیزې ودې لپاره د خدمت جوګه شي. شیخ عبدالباقي حقاني زیاته کړه: د خوښۍ ځای دی چې نن د افغان ځوانانو لپاره په آزاد افغانستان کې په بېلابېلو تعلیمي او نظامي برخو کې د زده کړو او مهارتونو د ترلاسه کولو زمینه برابره شوې ده. نوموړي وویل: په اسلامي او افغاني فکر د نوي نسل روزل د افغانستان د مجاهد ولس غوښتنه ده او له نیکه مرغه د اسلامي امارت په راتګ سره دغه زمینه برابره شوې ده. الحاج شیخ عبدالباقي حقاني د افغانستان تېرو څو لسیزو بدبختیو ته په اشارې زیاته کړه: د دې لپاره چې افغانان بیا د نړۍ او په ځانګړې توګه د خپلو خلکو له لوري ستونزو سره مخ نه شي؛ باید پر داسې علمي او فکري لارو چارو غور وشي، چې له مخې یې زموږ بچیان نور د اشغال فکر خپل نه کړي. د ازموینو ملي ادارې مشر نظامي برخو ته د ځوانانو راتګ، هېواد سره د افغان ولس او کورنیو د مینې نښه یاده کړه او په یادو بنسټونو کې یې د علمي او مسلکي روزنې لپاره د امکاناتو له رامنځته کولو خوښي وښوده. هغه وویل: افغانان ښه استعدادونه لري او که چېرې ورته مناسب چاپېریال او امکانات برابر شي، دوی به وکولی شي د خپلې ټولنې او هېواد لپاره د پرمختګونو غوره لارې چارې رامنځته کړي. ښاغلي حقاني وویل: په اوس وخت کې د افغان ځوانانو په عصري ټکنالوژۍ او دفاعي وسایلو تجهیزول واجب نه؛ بلکې فرض دي او اسلامي امارت ورته ځانګړې پاملرنه لري. شیخ عبدالباقي حقاني همدارنګه ګډونوالو ته د ازموینې پروسې د روڼتیا ډاډ ورکړ او ویې ویل: دغه اداره په پرمختللو الکترونیکي سیستمونو مجهز ده، چې ټولې چارې یې د انساني لاس وهنې پرته پرمخ ځي او حق په کې حقدار ته سپارل کیږي. د هوایې ځواک او هوایي مدافع پوهنتون قوماندان مولوي عبدالنافع حقاني د ازموینې د نظم او مدیریت له امله د ازموینو ملي ادارې له مشرتابه مننه وکړه او په پوهنتون کې شته امکاناتو په اړه یې معلومات ورکړل. نوموړي زیاته کړه: د هوایې مدافعې پوهنتون چې پخوا د بهرنیو استادانو په لاس کې و او د افغانستان لپاره ورڅخه مؤثره ګټه نه اخیستل کېده، خو اوس لله الحمد د دې پوهنتون ټول امکانات د افغانستان خپل دي او د افغاني استادانو له لوري په کې افغان ځوانانو ته د هوایي ځواک او هوایي دفاع اړوندو تخنیکي(رادار، مخابرې، پیلوټي) او علمي برخو کې زده کړې ورکول کیږي. د هوایې ځواک او هوایې مدافع پوهنتون لپاره د محصلانو لومړۍ ازموینې ته (۹۵۰) تنو نوم لیکنه کړې وه، چې له جملې څخه( ۳۶۰) تنه به یې، یاد پوهنتون ته د زده کړو لپاره وروپېژندل شي. دوشنبه، ۲۴ ثور/ غویی ۱۴۰۳ هـ.ل

د ازموینو ملي ادارې مشرتابه د یوې ناستې په ترڅ کې د ملي دفاع وزارت هوائي او هوائي مدافعې پوهنتون ازموینې ته پر چمتووالي بحث وکړ او د ازموینې اخیستلو لپاره یې لازم تدابیر ونیول. د ازموینو ملي ادارې مشر الحاج شیخ عبدالباقي حقاني د اړوندو برخو له مسؤولینو وغوښتل چې د هوایې مدافعې پوهنتون مسؤولینو سره په هماهنګي، د ازموینې لپاره ټول مدیریتي تدابیر ونیسي او ګډونوالو ته د ازموینې لپاره د ډاډ وړ فضا برابره کړي. نوموړي همدارنګه ټینګار وکړ چې په ازموینه کې د ازموینو ملي ادارې مسؤولیتونه باید په ښه ډول ترسره شي او د هر ډول بې نظمۍ مخه ونیول شي. د ازموینو ملي ادارې مشر لارښوونه وکړه چې د ازموینې په ورځ باید د دې ادارې کارکوونکي پر وخت ټاکل شویو ځایونو ته ځانونه حاضر کړي او د ازموینو ګډونوالو سره د هغوي د محلونو په پیدا کولو او نظم کې همکاري وکړي. د ملي دفاع وزارت اړوند هوایې او هوایي مدافعې پوهنتون ازموینه به د راتلونکې دوشنبې په ورځ په یاد پوهنتون کې واخستل شي. شنبه، ۲۲ ثور/ غويی ۱۴۰۳ هـ.ل