᷂قصيده🪶

مري اطلال المشاعر يامعاطيش الحروف وارتوي من ذكريات مايموت احساسها اذرفي دمع المفارق شوق واشجان وحسوف وانزفي دم المحابر واحضني قرطاسها انثري ورد القوافي في دروب البعد خوف واكتبي في دفتر الذكرى وفي كراسها حظ تمنعه الظروف وحظ تخدمه الظروف انجبرت اشرب من ظروف الليالي كاسها ياحسافه يامواجيع مدانيها قطوف لا وفت معه السنين ولا طرد نسناسها انطوى حلم الطفوله طي وعيوني تشوف الركايب نوخت والناس عافت ناسها التقيت بها صغيره وافترقت بها هنوف بعد مادقت محطات السنين اجراسها .

‏مالعب في حسبة الصامتين الا الحدا ‏ساعةٍ فيها المخاليق تهجع وتغفي ‏قو عزم اللي يكابر على قل الجدا ‏وان نشدته قال ابشرك طيّب ومعفي ‏اه من حزنٍ تمادى الى مالا مدى ‏ لابغيت اخفي معالمه عيا يختفي ‏صدري اللي فيه ، خيلٍ تحادا واتحدى ‏ماوراه الاّ المواجع وسلاله خفي .

فمان الله يا حبٍ وقف ما كمل المشوار عرفنا مفرق الدربين ما يحتاج تكميله بقت بس المعزه بيننا مااا كن شي صار و صرنا اغراب عقب الود يا دنيا من انتي له فمان الله يا قصة غرامٍ واصبحت تذكار صنعها الحب فـي لحظه ولا كمل تفاصيله .

أنا ما معـي وجهين ولا ألعب على الحبلين واذا جيت أعاتب شخص أعاتبه بفراقي أغيب بهداوه لين حتى الامور تزين مع كامل الحب ومع خالص أشواقي اذا الله كتب نرجع سوا زين على زين واذا عادك بتبقى كذا ؟ كمل الباقي ..

"أجاري ظروفٍ ما تهيّت على ودي"

" فقدت الرجا و الخاطر المستريح ".

‏تجرحنيّ الذكرى على مرّ الايام .

أنشهد اني عليَه أحن واشتاق .

تقهويت لوعَات الزمن والزمن قاسيّ .

عن مواجع ضيقتي محدٍ درى بيّ .