Galymdar.kz

Адам барлық мәзһабтарды жаттап алса да, адамдардың дәстүрлері мен әдеттерін білмесе, оның фатуа беруге құқығы жоқ. ибн Абидин(Алла рақымына алсын)

Халид ибн Мағдан отырғанда, оның айбындылығынан ешкім дүние жайында сөз қозғай алмайтын. 📚Сияр ағлам

Омар ибн әл-Хаттаб (Алла оған разы болсын) мінбарда тұрып "Мұнафық ғалымнан сақтаныңдар" деді, адамдар : "қалайша мұнафық ғалым болады?" деді, Омар ибн әл-Хаттаб (Алла оған разы болсын) : "хақты айтады, бірақ керісінше амал жасайды" деді.

Ибн Ато әл-Бағдади (рахимахуллаһу) күн сайын Құранды бастан аяқ оқып шығатын, ал рамазан айында тоқсан рет хатм жасайтын. 📚Сияр әл-ағлам ән-нубәлә

Қарның аш кезде тамақ жеу -  сенің іліммен айналысуыңа көмек беріп, ілім алу жолын жеңілдетеді ме?  Әлде сені бұл жолдан тосып қояды ма? Қатты ұйқың келген сәтте, ұйықтап алу -  іліммен  айналысуда қажетті ме, әлде кері әсерін береді ме? Жауап айқын. Әрине көмек береді. Дәл сол секілді үйлену мәселесінде шөлдеп жүрген болсаң, үйлену де ілім алуға пайдасын береді. Мен ілім талап етіп жүрген кезде, оқуымның ең ауыр кезеңінде үйлендім. Үйленбестен бұрын 3 немесе 4 сағат оқитынмын. Үйленгеннен соң 12-13 сағат оқитын болдым. Ілім алушылар екіге бөлінеді: аз оқитындар және көп оқитындар. Аз оқитын ілім алушы үйленген кезде, ілімді мүлдем тастап қояды. Ал көп оқитын ілім алушы үйленгенде, оның жаттау қабілеті де, түсінігі де арта түседі. Тіпті, үйленгеннен кейін, намазды да  бойдақ кезде оқыған намазына қарағанда хушуғпен(ыхласпен) оқитын болады. Шейх Әдһам (хафизахулла)

Жаратылыстың ішіндегі ең саны көбі -  періштелер.  Олардың көптігі сонша  адамдар мен жындардан да көп, көк пен жерге толы.  Оған дәлел Байтул Мағмурға(көктегі періштелердің қағбасы) күніне 70 мың періште құлшылық жасайды, әр 70 мың періште бір келген соң қайта оралмайды. Олардың орнына басқа періштелер келеді. Дәл солай күнде қайталанып, қияметке дейін жалғасады. Ибн Хажар (Алла рақымына алсын): Періштелерден басқа күн сайын 70 мыңы келіп қайта оралмайтын басқа жаратылысты білмейміз, ондай жоқ - деп түсіндіреді. Шейх Әдһам(хафизахулла)

Имам Бұхари (рахимахуллаһу) Сахих хадистерді 16 жыл бойы жинақтаған, ол кезде жасы небәрі 17 де болған. Сахих хадистерді жинақтап аяқтаған кезде жасы 33 те болған. Алла жақсырақ білуші. 📚 Умдату әл-Қари Бадруддин ал-Айни (Рахимахуллаһу)

Имам әз-Заһаби Алла оны рахымына алсын🤲🏻 Сиярда өзіне разы болмаған күйде: «Мухаммад ибн Ғусман әл-Ғафиқи – күнәһәр, жаттау қабілеті өте нашар, тақуа бола алмаған құл»,-деп өзін де жаза кеткен еді. ©Абылай Кенжалы (хафизахулла)

Имам ибн Хажар әл-Асқалани (Алла оны рақымына алсын) зәмзәм суын ішіп Аллаһтан жаттау мен зеректік жағынан имам Заһабидің дәрежесіне жетуді сұраған. 📚Сияр ағлам ән-нубала

Ғалымдардың кедейлігі - олардың таңдауы(ықтиярлы кедейлік) ,ал надандардың кедейлігі- мәжбүрлі кедейлік. 📚 Сафахат мин сабри әл-улама