سامعنك💜✨

هذا الصباح : صباح الخير لعيونك 💜 قوم كمل ، أنت اتخلقت عشان تعافر وتجتهد ، الدنيا دي دار تعب وإجتهاد . من آثر الراحة أتته الراحة .💜 أتعب عشان تلقى الهنا. 😉 زاجل_سامعنك

🌟 الوسواس القهري 🌟 يا جماعة، السلام عليكم! 👋🏽 حابين نتكلم اليوم عن موضوع مهم، وهو "الوسواس القهري". كثير مننا سمع عنه، لكن ممكن ما نكون فاهمين كيف بيأثر على الناس. 🧠 شنو هو الوسواس القهري؟ الوسواس القهري هو حالة نفسية بتخلي الشخص يعيش في دوامة من الأفكار المزعجة (الوساوس) وبيخليه يعمل تصرفات متكررة (الطقوس) عشان يخفف القلق. مثلاً، ممكن يكون عندك وسواس من الجراثيم وتغسل يديك مرات ومرات. 😟 شنو الأعراض؟ - أفكار مزعجة ما بتقدر تتحكم فيها. - رغبة قوية في تكرار أفعال معينة. - قلق شديد لو ما عملت الطقوس دي. 💡 كيف يمكن علاج الوسواس القهري؟ 1. العلاج النفسي: - العلاج السلوكي المعرفي (CBT) يعتبر من أفضل الطرق. بيساعدك تتعامل مع الأفكار المزعجة وتغير طريقة تفكيرك. 2. الأدوية: - في أدوية معينة ممكن تساعد في تخفيف الأعراض. لازم تتكلم مع طبيب نفسي عشان يحدد لك العلاج المناسب. 3. الدعم الاجتماعي: - حاول تحكي مع أهلك وأصدقائك عن مشاعرك. الدعم منهم ممكن يكون له أثر كبير. 4. تقنيات الاسترخاء: - زي التأمل واليوغا، بتساعدك تهدئ أعصابك وتخفف التوتر. 💔 ليه مهم نتكلم عنو؟ لأنو الوسواس القهري ممكن يأثر على حياتنا اليومية، علاقاتنا وشغلنا. وما في عيب لو طلبت مساعدة! العلاج ممكن يكون عن طريق العلاج النفسي أو الأدوية. 🤝🏽تذكروا، ما في عيب تطلبوا المساعدة! الحديث عن مشاكلكم النفسية خطوة مهمة نحو الشفاء. وأنتوا مو وحدكم، في ناس كتير بيمروا بنفس التجربة. لو عندك زول قريب يعاني من الوسواس القهري، حاول تكون داعم ليهو. أحياناً مجرد الكلام معاه أو مساعدته في البحث عن متخصص ممكن يكون الفرق. خليكم دايماً مع بعض ودعموا بعض، وخلونا نرفع الوعي عن المواضيع النفسية💜. شاركونا تجاربكم أو أسئلتكم، وخليكم دايماً مع بعض💜 #سامعنك-للصحة-النفسية ✨ شاركوا المنشور عشان نوصل الرسالة! ✨

🌟 الوسواس القهري 🌟

فضفضة: شنو ألطف الحاجات الممكن نلاقيها في حياتنا؟ هل ناس مُريحة معاك في التعامل وفي وجودهم؟ ولا أماكن بتحس بالأريحية وانت فيها؟ ولا روتين حياة مُريح برضو؟ مجرد التفكير في الحاجات التلاتة دي خلّتك تحس بشوية راحة مش؟ 😂💜 الشعور بالأريحية شعور لطيف وبحسّسك بالإحتواء والإنتماء، فتّش عليه ح تلقاه في حاجاتك البتحبها أو حتى التفاصيل الصغيرة في روتينك وخلّيها ملجأ ليك كل ما تضيق بيك💜 #سامعنك #صحتك_النفسية_هي_مبتغانا

هذا المساء💜 كلنا بنحب سورة يوسف، لأنها بتوصل لينا رسالة قوية إنه الأمور ما ضاقت إلا تُفرَج، والعُقد ما تشابكت إلا لتنحلّ، وإنه أول ساعات الفجر تأتي بعد أظلم ساعات الغسق. عشان كدا وجب علينا نتدبّر القرآن ونستفيد من الرسائل والحكم الفيه ونصبر ونشكر، ولأنه القرآن كلام ربنا، دايماً بيلمس قلوبنا ويهدينا سواء السبيل💜 #زاجل_سامعنك

"ألا بذكر الله تطمئن القلوب" 💜 نحن كأفراد مسلمين يومنا كله مفروض يكون في ذكر الله، ودا لأنه الشريعة ما خلت لينا مناسبة ولا حاجة في اليوم إلا وسنَّت ليها ذكر، يعني أذكار الاستيقاظ والنوم، أذكار الصباح والمساء، ذكر الخروج من المنزل، وذكر عند أكل الطعام وعند الشراب، وذكر عند لبس الملابس، وذكر عند دخول السوق، وركوب المواصلات، وأي حاجة عندها ذكر معين💜 والأذكار بصورة عامة بتأثر على الحالة النفسية شديد وبتخلي الواحد مرتاح وصدره مُنشرح. العبد الذاكر قريب من ربه، وقلبه راضي ومتوكّل، لأنه عارف إنه في حفظ الله وكنفه، ولأنه كمان متحصّن من كل الشرور الممكن تلاقيه في يومه، وملتجئ لربّه الصمد💜 الإطمئنان وراحة البال بتلازم القلب الذاكر، ودايماً بيلقى في يومه وجسمه بركة وقوة ونشاط وهمّة. الورد القرآني اليومي، وورد الحوقلة والصلاة على الرسول صلى الله عليه وسلم والاستغفار بتخفّف الذنوب والهموم، و بتريّح القلب لأنها بتربطه برب العالمين الودود الرحيم💜 ببساطة شديدة ولأنه كل المشاكل النفسية سببها خوف أو عدم رضا تجاه الناس أو النفس، بنلقى الأذكار وربط القلب بربه أكبر درع وحصن للمسلم، ومعراج لانشراح الصدر والاطمئنان وراحة البال، فكونوا من الذاكرين الله كثيراً والذاكرات💜 #سامعنك_للصحة_النفسية #صحتك_النفسية_هي_مبتغانا

"ألا بذكر الله تطمئن القلوب"...

و عشان المتلازمة دي ما عائق من الوصول للنجاح إليك أمثلة لشخصيات مصابة بمتلازمة توريت وأصبحوا مؤثرين في المجتمع: 1. تيم هوارد: حارس مرمى كرة القدم الأمريكي الشهير، الذي لعب في الدوري الإنجليزي الممتاز مع ناديي مانشستر يونايتد وإيفرتون. رغم إصابته بمتلازمة توريت، تمكن من تحقيق نجاح كبير في مسيرته الرياضية وأصبح مصدر إلهام للعديد من الأشخاص حول العالم. 2. بيلي إيليش: المغنية وكاتبة الأغاني الأمريكية الشهيرة، التي حققت شهرة واسعة في سن مبكرة. بيلي كشفت علنًا عن إصابتها بمتلازمة توريت، مما ساعد في زيادة الوعي حول المتلازمة وشجع الآخرين على قبول أنفسهم. 3. سامويل جونسون: كاتب وناقد أدبي بريطاني من القرن الثامن عشر، يُعتبر واحدًا من أعظم الشخصيات الأدبية في التاريخ الإنجليزي. رغم إصابته بمتلازمة توريت، إلا أنه أثر بشكل كبير على الأدب والثقافة الإنجليزية. 4. بيت ديفيدسون: ممثل وكوميدي أمريكي، اشتهر بظهوره في برنامج "ساترداي نايت لايف". بيت ديفيدسون تحدث علنًا عن معاناته مع متلازمة توريت وكيف أنه يستخدم الفكاهة كوسيلة للتعامل مع التشنجات اللاإرادية. 5. دان أيكرويد: ممثل وكاتب سيناريو كندي شهير، وهو أحد نجوم فيلم "Ghostbusters". أيكرويد لديه متلازمة توريت، وقد استخدم خبراته الشخصية ليخلق شخصيات كوميدية مؤثرة. #سامعنك_للصحة_النفسية 💜

و عشان المتلازمة دي ما عائق....

رجعنا ليكم تاني عشان نكمل رحلتنا مع متلازمة توريت لكن قبل ما نبدا نستوقفكم مع الجملة الجايه دي: "بمجرد أن تفهم أن شخصًا ما مصاب بمتلازمة توريت وأنه لا يستطيع مساعدة تشنجاته اللاإرادية، فإن ذلك سيزيل الإلهاء. ويمكنك إشراك تعاطفك. تشعر بهم. أنت تحتضنهم." ازالة الالهاء ده و رغبتنا للوصول للروح اللطيفه المستخبية وراهو هو احساس عايزين نعيشو كلنا لكن للأسف اغلب الاحيان ما بنصل ليهو. هل عشان هو هدف صعب المنال؟ اكيييد لا، لكن بسبب عدم تسلحنا بمحورين اساسيين في رحلة الوصول للهدف ده. طيب و هم شنو؟ التثقيف و التوعية المناسبين. و نسبة لأهميتهم نحن هنا عشان نمشي معاكم خطوة خطوة في تعريف الطريقة الصحيحه للتوعية و التثقيف و المساعدة بشكل فعّال. و اليوم حيكون ضيفنا حسّان، ولد عمره ١١ سنة مصاب بالتوريت. اولا تعاملنا مع المتلازمة: حسّان شرفنا مع امه و ابوه و اخوانه في العيادة و كانو بيشكو من اعراض التوريت، فبعد الشكوى قلنا ليهم انو حسّان مصاب بمتلازمة التوريت. في اللحظة دي من واجبنا نوعّي حسّان و اهله عن المتلازمة و طبيعتها، لكن بعد شوية كان ظاهر عليهم استياء و قلق فأكدنا ليهم انو ابدا ما بسبب ضعف في شخصية حسّان او سوء في تربيتهم. بعد الشرح جينا لمناقشة طرق العلاج، و عرضنا: أ/ العلاج السلوكي المعرفي و بيساعد على التعامل مع التشنجات اللاإرادية و تعلم تفنيات الاسترخاء. ب/ العلاج الدوائي و لكن ده ما لكل الحالات، بيقلل حدة التشنجات و خاصة لو كانت تؤثر على حياة المريض بشكل كبير. ج/ و اخيرا عرضنا الدعم الاجتماعي البوفر بيئة فهم و دعم مشترك بإنضمامك لمجموعات تدعم اصحاب المتلازمه. في نهاية الاستشارة حسّان و اهله بدأو يتقبلو و يتفهّمو الموضوع اكتر و اتفقنا نتابع معاهم لقدام. ثانيا التكيّف الإجتماعي و المدرسي: قبل ما يطلعو اهل حسّان من العيادة، كتبنا ليهم في ورقه تلاته نقاط مهمة لاااازم يمشو بيها:- ١- انشرو الوعي بالمتلازمة بين الناس المحيطين بحسّان زي المعلمين و زملاءه في المدرسه عشان يسهّل التعامل بتعاطف. ٢- ضرووري السماح لحسّان انو يعبر عن نفسه و احاسيسه بأريحية بدون خوف من انتقاد. ٣- كتبنا استراتيجيات للتعامل مع التشنجات في بيئات مختلفة. و الأهل فعلا مشو بوصية الدكتور. ثالثا متابعة التطور: مرّت الايام و الشهور و حسّان الحمد لله متابع معانا و منتظم في الزيارات عشان هي مهمة لتقييم الاعراض و نكون على جاهزيه لتغيير العلاج بأريحية لو احتجنا. كنا مع كل نهاية زيارة بنناقش و بنحتفي بإنجازات حسّان و تطوره في شخصيته و حياته الاجتماعية و بنشجعو دايما و بنساعده لو احتاج نصيحة أو دعم. و الخطوة دي أدت دور كبير في تحسن حسّان. رابعا التثقيف العام: في النهاية، الحمد لله حسّان تم رحلته العلاجية معانا، لكن دي ما نهاية رحلتنا. واجبنا ما بينحصر بس على المرضى البيجونا، و انما على المجتمع و افراده المرضى و الأصحّاء. لأنه زيادة الوعي بين افراد المجتمع حيقلل من التمييز و سوء الفهم و بيخلق بيئة متفهمة و داعمة اكتر للمصابين. حيخلي افراد امثال حسّان يحسو انو الناس قادرة تشوف روحهم اللطيفة رغم الإلهاء الخارج عن ارادتهم.

رجعنا ليكم تاني...

#فضفضة زي ما بقولوا اخواتنا الانجليز Took for granted المقولة دي بتتقال لمن تتعوّد على وجود شي/زول في حياتك وخلاص بتقول حيقعد كدا للأبد.. مضمون🙂‍↕ لكن الصاعقة⚡! إنو دوام الحال محال.. وبين ليلة وضحاها الفي دا كله ممكن يتغيّر، وزولك البقيت تعامله كعب يسيبك، والشي الكنت قايل إنو ما بنتهي، بروح! لازم تتعوّد على الامتنان دائمًا وأبدًا على كل شي💜.. بالإضافة لأنو Never take things for granted! #سامعنك_للصحة_النفسية

بسم الله الرحمن الرحيم، والصلاة والسلام على نبينا محمد صلى الله عليه وسلم. أول شي، تحية خاصة للناس القامة الفخامة الحبّت تقرأ معانا بوست الليلة. قبل كل شي، عايزين منك تلبس سماعة الدكتور كدا حوالين رقبتك، وتجدع اللابكوت فوق هِدمك عشان الناس تركز مع - ود فاطنة الدكتور؛ لأننا الليلة حنمسك متلازمة ممكن تتجدّع بيها وتستفيد منها في نفس الوقت. حنتكلم عن متلازمة معينة أصحابها سهلين التعامل والأغلبية بيكونوا لطيفين ولينين في الفهم... الليلة حنتكلم عن متلازمة اسمها توريت. طيب، أول حاجة المفترض نعرف المتلازمة دي هي شنو بالضبط؟، متلازمة توريت هي اضطراب عصبي بيظهر في سن الطفولة وبيكون ظاهر بحركات وأصوات غير إرادية اسمها تشنجات لا إرادية. التشنجات دي ممكن تكون بسيطة، زي الرمش السريع أو تحريك الرأس، وممكن تكون معقدة زي أنها تكون حركات متتابعة أو إصدار كلمات ما مفهومة. الأعراض دي عادةً بتظهر من إنو الطفل يكون عمرو سنتين ل١٥ سنة، والأعراض دي أكثر شيوعاً في البنين مقارنة بالبنات. تمام، سبب المتلازمة شنو؟، ما معروف بشكل كامل، لكن بتعتبر نتيجة لتفاعل معقد بين الجينات والبيئة. في معظم الحالات، التشنجات بتبقى أقل حدّة مع مرور الزمن، وغالباً كدا الناس البعانو من المتلازمة بيقدرو يتعايشو معاها عادي وكمان بيقدرو يتحكمو بيها طبعاً بمساعدة العلاج السلوكي أو الأدوية. عشان انا - كدكتور كبير ومهم في المجتمع - أعرف كيف اتصرف وافهم الأعراض دي، محتاج حاجتين، أتعرف عليها، وأشخصها. كيف نتعرف على الأعراض؟، زي ما قلنا أنها بتبدأ عادة في الطفولة وبتتغير في الشدّة مع مرور الوقت، يلا في منها نوعين: -تشنجات لا إرادية حركية: ودي بتشمل رمش العين وهزّ الرأس وغيرها من الحركات. -تشنجات صوتية: زي إصدار أصوات ما متوقعة، همهمات، أو كلمات متكررة. كيف أشخّص؟، أول شي بالزيارة الطبيّة، لازم الزول يزور طبيب أعصاب متخصص في اضطرابات الحركة، تاني شي بالتقييم النفسي، بس للتأكد أنو ماف اضطرابات أخرى زي اضطراب نقص الإنتباه مع فرط النشاط أو اضطراب الوسواس القهري - وديل ممكن يصاحبو متلازمة توريت. بس، ممكن حسي تطلع اللابكوت لأنو غِرق بالسيول روحو طلعت. #سامعنك_للصحة_النفسية💜

بسم الله الرحمن الرحيم...

#هذا_المساء 💜. إنت عارف إنو من رحمة ربنا ما حيختّ زول في ضغط هو ما قدره ولا بكلفه أكتر من استطاعته.. وضغوط حياتك بتزيد، بس إنت قدرها! أبداً ما تخلي الشيطان يوسوس ليك إنو دي النهاية.. استغفر، استعن بالله، توكّل وقم!💜 #سامعنك_للصحة_النفسية

متذكرين صاحبنا الاتهمناهو بالزهايمر؟ لو ما لاقتكم القصة ولا انتو زاتكم عايزين نتهمكم بالزهايمر دا رابط البوست: رمينا كلامه عرض الحائط وقلنا نفتّش مكتبة الجامعة قسم علم نفس، نشوف ليهو علاج المسكين😔.. لقينا إنو عشان السبب الحقيقي للمرض ما مكتشف فما اكتشفو علاج نهائي ليهو.. لكن في أدوية بتخفف من البروتين المتراكم القاله داك.. وقالوا عايزين دعم نفسي واجتماعي وكلام كدا ما بلقاهو في شلتنا دي.. المهم.. حبة حبة بدينا نحن زاتنا نخاف على نفسنا من المرض لأنو انتو عارفين تهويل الكتب والمراجع، والحمد لله في طرق وقاية من عمر الشباب.. قالوا الرياضة والتغذية الكويسة والأوميقا-3 بتحمي الخلايا العصبية حقت المخ💪🏽 وقالوا الزول يكتّر من الألغاز والشطرنج والقراءة كنوع من التمرين للمخ -لو حضرتو غامبول يعني-😼 النوم طبعًا مهم لتنظيف المخ من البروتينات الكعبة، وأهمّ شي نفارق الشلة دي لأنو العلاقات الاجتماعية الصحية بتحسن من صحة الدماغ.. طبعًا بنقول ليكم الكلام دا ليه؟ لأنو في الكتاب مكتوب متوقّع في سنة ٢٠٥٠ يكون في ١٥٢ مليون! مليووون! بني آدم مصاب بالزهايمر! فلازم كلنا نبدأ وقاية من هسي! #سامعنك_للصحة_النفسية💜

عندنا صاحبنا نسّاااااي، قاعدين نقول ليهو عندك زهايمر بس من سوء حظنا النسّاي دا زاتو قرّاي، وقال الليلة حيشرح لينا الزهايمر الشايلين حاله بيهو دا شنو قال انو هو نوع من الخرف بيسبب فقدان ذاكرة وفقدان للقدرات العقلية، بيبدأ تدريجيًّا وغالباً بجي مع الشيخوخة.. هو ممكن يجي في الصغار بس.. قال نحن شايلين حاله ساي🧐. قال أول ما يظهر الزهايمر بيظهر في شكل نسيان للأحداث القريبة، تاني بيلقى صعوبة يلقى الكلمات المناسبة للحديث.. شوية تاني صعوبة في اتخاذ القرارات وحل المشكلات العادية.. قلنا ليهو ياهو إنت😜 قام عمل فيها ما سمعنا وكمّل:.. وكلّ ما يتعمّق المرض الزول بفقد قدرته على إنو ينجز أمور حياته اليوميّة، وناس بيتهم بنساهم! ولو بعرف يسوق حينسى السواقة وينسى مفتاح عربيته والشارع! قلنا ليهو طيّب الكلام دا ساي ولا عنده سبب؟ قال لينا ماف حاجة ساي، لكن لسه ما اكتشفنا سببها الحقيقي، والظن أغلب الظن في تراكم بروتينات اسمها البيتا أميلويج في للمخ بتتلف الخلايا العصبية والوصلات بيناتها.. ختم كلامه وقال، الناس تبطّل تنمّر، الزهايمر مرض حقيقي ما نكتة🧐. #سامعنك_للصحة_النفسية💜

هل حصل مرة تساءلت عن أسباب المشاكل النفسية وليه بتحصل وهل المشاكل دي عندها تأثير على صحة الإنسان النفسية والجسدية 🤔 تعتبر أسباب المشاكل النفسية كثيرة شديد وبقت واحدة من أبرز المشاكل الما قادرين نغض نظر عنها وهنا *سامعنك* ح توضح ليك الأسباب البتخلينا معرضين للمشاكل النفسية🤗 ١.الضغط العصبي: وده بيكون بسبب التنمر أو التعرض للإساءة أو الضغوطات المادية وغيرها من الضغط الممكن يقع على الإنسان في حياتو ٢.التعرض لصدمة: زي وفاة شخص عزيز أو التعرض لحادث أو اي خبر ما كنا متوقعين يحصل (فياريت ننتبه ونراعي للقدامنا أثناء المحادثات بغض النظر عن نوعها😇) ٣.متلازمة المرضى النفسيين: هل تساءلت إذا الأمراض النفسية معدية؟! حقيقةة الأمراض النفسية معدية بس ما بالطريقة اللي في بالك ... معدية لأنو تأثيرها بيطلع بصورة سلبية على الناس الحولينو أو بالبيئة المحيطة عموما تعاملو بلطف مع الاخرين 🤗

سامعنك في موضوع جديد 💜🤭 يلا معنا شنو يعني مشاكل نفسية !؟ وكمان عايزين نعرف تأثيرها علي الصحة الجسدية! _المشاكل النفسية وأسبابها كتيرة شديد ، خاصة وضع البلاد الآن وكمية المشاكل الاقتصاديةوغيرها بتزيد من المشاكل النفسية ،هو بتودينا للإضرابات النفسية زي الإكتئاب، والانفصام الوسواس القهري وغيرها ... ✨️ الأسباب البتخلينا معرضين للمشاكل النفسية: _الضغط العصبي : مثلا التعرضك للإساءة ، تنمر ، من ألفاظ وكلمات او رموز ، وكمان الضغوطات المادية . _التعرض لصدمة : زي وفاة شخص عزيز عليك ، اوالحوادث حتي عن طريقة متابعة الأخبار، او مشاهدت الأفلام ، وحتي الحديث لشخص بدافع المعرفة قد تسبب لي زول صدمة، إنت َ ما كنتَ متوقعها فياريت نراعي للقدامنا دايماً قبل ما نوريه الكلام الجوانا حتى ولو انتَ كنتَ معتبر الموضوع عادي ؛في ناس معرضيين لي أمراض مزمنة فبالتالي حيكون معرَّض للمشاكل النفسية. _ملازمة المرضى النفسيين: ️أول سؤال حيخطر على بالك حيكون [هل الأمراض النفسية مُعدية؟!]. والإجابة:إنو ايوا مُعدية بس ما بالصورة الانتَ خاتيها في بالك ؛لا!. إنما تأثيرها بيطلع بصورة سلبية على الناس الحولينو أو بالبيئة المحيطة عموماً . سامعنك بتقول ليكم _طيب زيما عرفت تأثيرها على الغير لازم تكون عارف تأثيرها عليك انتَ شخصيا شنو !؟؟ المشاكل النفسية زي ما قلنا إنها بتجي نتيجة للضغوطات النفسية ،فالحاجة دي تلقائياً حتأثر سلباً على قدرات الجهاز المناعي للجسم ؛ وفي كلام عديل وصلنا من دراسات إتعملت إنو الضغوطات النفسية بتزيد من الشحنات داخل الجسم وبتكوِّن حاجة إسمها "شقوق حُرة" البتكون سبب في تلف الخلايا المناعية. _حتقول لي عاوز شرح دارجي بحت صح؟! أشرح ليك يا طيِّب المحيَّا💜. لو مثلاً عندك عندك جرح معين من الممكن إنو ياخد وقت أطول لو انت تحت ضغط نفسي والعكس لو انت في حالة راحة نفسية. _فحاول أبعد نفسك بقدر الإمكان عن الحاجة البتخلي نفسيتك مهددة وفي حالة سيئة وإعتزل ما يؤذيك. ✨️حنو على بعض و احترموا ونضع ظروف لبعض في كل التفاصيل فالناس للناس 💜 #سامعنك_للصحة_النفسية #صحتك_أهم

هلااا بالحبايب، 💜😊....