Sakit Redaktor

✅ Bu gün görkəmli aktyor Məlik Dadaşovun anadan olmasından 100 il ötür. ✅ Aktyorun ən tanınmış rollarından biri “Axırıncı aşırım” filmindəki Qəmlo obrazıdır. Ümumittifaq kinofestivalında Həsən Məmmədov Abbasqulu bəy, Adil İsgəndərov isə Kərbəlayı İsmayıl rollarına görə mükafat əldə etmişdi. ✅ Həmin vaxt Adil İsgəndərov bildirmişdi ki, bu mükafata məndən çox Məlik Dadaşov layiqdir.

🇦🇿 1992-ci ilin bu günü Azərbaycanda prezident seçkiləri keçirilib. Əbülfəz Elçibəy prezident seçilib. 🇦🇿 İkinci yerdə olan namizəd Nizami Süleymanov 1 milyondan çox səs yığmamışdı. O, indiyədək seçkilərdə ikincilər arasında ən çox toplayan namizəd olaraq qalır.

🟥 1920-22-ci illərdə Azərbaycan SSR formal müstəqil idi. Onun hətta Türkiyədə səfirliyi var idi. Bu barədə oxuyanda maraqlı qeydi gördüm. 🟥 Yazılıb ki, Azərbaycanın səfiri İbrahim Əbilovun köməkçisi Bülbüləli Qara Dünyamalıyev idi. 1921-ci ildə o, Ankarada daşnakların və ağqvardiyaçıların yandırdığı Rusiya səfirliyinin binasından Rusiya bayrağını yanmaqdan xilas edib. 🟥 Buna görə onu Atatürk tərifləmiş, Nərimanov isə 100 min rubl məbləğində mükafat verib.

✅️ Puşkinin doğulmasından 225 il ötür. ✅️ O, 1799-1837-ci illərdə yaşayıb. Kimsə onun haqqında demişdi ki, Puşkin XX əsrdə yaşasaydı, yenə 37-ci ildə ölərdi.

✅ Bu gün dünya tarixinin ən böyük desant əməliyyatı sayılan Normandiya əməliyyatından 80 il ötür. ✅ Onun haqqında çəkilmiş ən yaxşı filmlərdən biri “Sıravi Rayanı xilas etmək” sayılır. Film o qədər təsirli alınmışdı ki, premyerada iştirak edən veteranlar özlərini pis hiss etmişdilər. Rejissor ən xırda detalları da əlavə etmişdi. Məs, artileriyanın təsiri ilə dənizdəki balıqların quruya düşüb çırpılması, dənizin qana bürünməsi.... Bütün bunlar filmi olduqca realistik edib.

✅ Bu gün akademik, əməkdar elm xadimi Çingiz Qacarın anadan olmasından 95 il ötür. ✅ Maraqlıdır ki, Çingiz müəllim həm fizik, həm də tarixçi kimi fəaliyyət göstərib. ✅ O, Fizika-Riyaziyyat İnstitutunun Radiofizika laboratoriyasında çalışıb. Həmçinin, Çingiz müəllimin yazdığı “Köhnə Bakı” və “Köhnə Şuşa” kitabları həmin şəhərlər barədə ən maraqlı faktların toplandığı mənbələrdən hesab edilir.

✅ Bir gün balaca Mikayıl həyətdə o qədər oynayır ki, yemək də yadından çıxır. Evə gələndə görür ki, yemək qurtarıb. Suda kartof bişirmək istəyir. Evdəki pişik isə cırmaq atır ki, mənə də ver. Bu vaxtı dayısı arvadı deyir ki, evə qonaq gələn Asya xala üçün çay süz. Balaca Mikayıl cavab verir ki, Pişiyin iştahına bax, Külləmədən pay istəyir. Qarnım acından gedir Asya xala çay istəyir. ✅ Şairin həyat yoldaşı Dilbər xanım xatirələrində qeyd edir ki, görüşlərimiz vaxtı Müşfiq ilhama gəlib bədaədət şeirlər qoşar, sonra heç onları kağıza yazmazdı. Şair bu qədər yaddaşına güvənirdi.

✅ Bu gün xalq şairi, dramaturq Vaqif Səmədoğlunun anadan olmasından 85 il ötür. ✅ 2019-cu ildə onun adına medal təsis edilib. Maraqlıdır ki, medalla mükafatlandırılan şəxslərdən biri Afaq Bəşirqızıdır. Afaq xanım Vaqif Səmədoğlunun “Bəxt üzüyü” pyesi əsasında çəkilmiş filmdə baş rollardan biri oynayıb.

✅ Görkəmli şair Mikayıl Müşfiqin anadan olmasından 116 il ötür. ✅ Müşfiqin atası da şair olub. Mirzə Əbdülqədirin “Vüsaqi” təxəllüsü ilə yazdığı şeirlər o dövrün qəzet və jurnallarında çap olunub. Müslüm Maqomayevin məşhur “Şah İsmayıl” operasının liberettosunu məhz Müşfiqin atası yazıb.

🇦🇿 Azərbaycan tarixinin ən müəmmalı hadisələrinin birinin üstündən - Gəncə qiyamından 31 il ötür.