Business Talk By Omnia

#وعي_مالي ببدأ أغلب الاستشارات مع العملاء العايزين يزبطو وضعهم المالي بإنو نقرا موقعهم وين في مصفوفة التدفقات النقدية .. ونقوم نفكر سوا كيف بأبسط طريقة ننتقل مع بعض في المربعات حقتها .. مرات بيكون مناسب جدا إنو الزول ينتقل من E (موظف) الى I ( مستثمر ) مباشرة .. دون الحاجة للمرور بالمرحلتين الفي النص .. وأحيانا بنشتغل على إنو نطور الشخص بحيث يمر بكل المراحل .. كل حالة هي فردية تماما لانو ما كل الناس عندها نفس الخلفية ولا المهارات .. في ناس عادي قد يكون مناسب معاهم تماما انو نرجعهم من خانة المشاريع لي خانة الوظائف ونزبط معاهم طريقة الحصول على وظيفة مناسبة .. وين موقعك حاليا في المصفوفة ؟ وعايز تمشي لي ياتو موقع في المرحلة الجاية ؟

كل سنة وانتو طيبين وتامين ولامين ومبسوطين يارب .. عايزين ياتو كورسات بعد العيد 😍

ما كنت خاتة إني اشتغل دفعة جديدة قريب خصوصا انو لسة القديمة شغالين ما خلصنا .. لكن كمية من الطلب على الكورس دا تحديدا نظرا للوضع النحنا مختوتين فيهو حاليا .. والبتطلب مننا وعي مالي عالي وقدرة ومهارة على ادارة منصرفاتنا بصورة استثنائية .. خلاني مش بس افتح تسجيل جديد .. وكمان أعدل في المحتوى بما يتناسب مع الوضع الحالي 🙏🍀 كتير مننا عالق في مصيدة المال .. الاستهلاك والمنصرفات والجمع والتحصيل والديون والتوفير .. سواء كنا موظفين او اصحاب أعمال .. ولانو للاسف ما بعلمونا في المدارس عن المال وعن كيف نتصرف معاه بنكبر بنفس المعتقدات اللقيناها في الاسرة أو المحيط .. لو دائرة فقر أو دائرة غنى .. وجات الحروب والخسارات والمشاكل المالية وختتنا قدام ظروف كشفت اكثر معتقداتنا قدامنا واجبرتنا نكون في خيارات ما حابينها .. عايزين نشتغل مع بعض على تغيير المفاهيم دي ونرفع الوعي المالي ونتكلم عن جودة حياتنا بصورة عامة وكيف ممكن فهمنا للمال ومصطلحاتو يأثر على الدخل والانفاق والثراء .. وعايزين نمشي ابعد من الخطاب السطحي والاحكام. خلال ٦ محاضرات وكمية من التطبيقات والتمارين أتمنى انكم تطلعو بأعلى فائدة وافكار ومنظور جديد واضافة مختلفة .. ❤️🙏 نماذج لبعض المحاور حقتنا : 💰 تاريخ المال وفكرتو عبر البشرية . 💰 المعتقدات الخفية حول المال . 💰 تقنيات الادخار ولم القروش 😁. 💰 المصاريف الدخل النفقات الديون الالتزامات الرفاهيات وتعريف كل منها . 💰 المفاهيم الاقتصادية زي الاصول الاستثمار الشراكات التمويل البنوك الاسهم السندات وغيرها . 💰التخطيط المالي الشخصي ادواته وتطبيقاته . 💰التخطيط المالي للموظفين ورواد الاعمال . 💰تحقيق الاهداف المتعلقة بالمال . 💰استخدام المال لتحسين جودة الحياة . ح نعرج كمان على اهم التطبيقات والكتب والمصادر البتعلم الوعي المالي .. وح نشتغل كمية تمارين مع بعض تورينا نحنا وين وماشين وين .. اون لاين على تيليغرام ⭐️🌙 بنفس الرسوم الرمزية للدفعة الاولى بدون اي زيادة ( 5 الف جنيه لكامل الكورس ) ح تلقو رابط قروب واتساب في اول تعليق اذا مهتمين ادخلوا القروب ح توصلكم هناك باقي تفاصيل التسجيل ان شاءالله 🙏💙

#businesstalkbyomnia #101businessideas #سلسلة101فكرةمشروع ✅️الفكرة #الثانية [مشروع صناعة كرات الشاي الجاهزة Tea bombs ] : فكرة المشروع بسيطة وساهلة وحلوة.. بتعمل كرات من السكر في قوالب وبتملاها بالشاي بنكهات مختلفة شاي بالجنزبيل .. بالليمون .. بالبرتقال .. بماء الورد .. نكهات ونكهات ممكن تنضاف مع اعشاب زي النعناع وغيرو .. ممكن كمان ينضاف العسل .. ويكون في كرات مخصصة لوجع الحلق مثلا .. طبعا ما بس الشاي ممكن كمان نبتكر في الكركدي .. ممكن تتعمل نفس الكرات بالشيكولاتة وتتحشي سكر ونسكافيه ومارشميلو .. او مالتيزرس وغيرها .. ✅️كيف أبدأ ؟ - ابدا بجمع المعلومات عن تاريخ وانواع كرات الشاي ووصفاتها الشهيرة والزابطة حول العالم . - استعن بخبير تغذية في تصميم المنتجات والنكهات وحاول استوحيها من منتجاتنا المحلية .. يعني فكر كيف ممكن نقدم مشروباتنا المحلية بالصورة دي . - خلي تجربة المستهلك ممتعة في التحضير .. والتغليف وفك التغليف . - وزع عينات مجانية لي منتجك في شكل كرات صغيرة للتجربة وخلي العملاء يستمتعو بالطعم . - مافي منافسة كبيرة المنتج جديد في السوق وكمان قابل للتغليف والبيع في المحلات .. مدخلات الانتاج كوووولها متوفرة ورخيصة .. الباقي علي ابداعك . ---------------------------------- لو عجبتكم فكرة المشروع شير للبوست عسى ولعل يصادف شخص مهتم ❤ Follow me for more Business Opportunities ✌️

#businesstalkbyomnia #101businessideas #سلسلة101فكرةمشروع صباح الخير ❤ خلونا نتفق قبل ما أبدأ اعرض افكار المشاريع .. ما عايزين تعليقات من نوع .. دا يعملوه كيف هسي .. ولا الناس ما لاقية تاكل دا البشتريه منو .. الناس عموما موزعة في بلدان وبيئات وأمكنة مختلفة والما بتقدر انت تنفذه ممكن غيرك يقدر بسهولة ينفذه او يشتركو مجموعة في تنفيذه .. الغرض من السلسلة دي هو توسيع أفاق الناس بالامكانيات المتاحة الان ومستقبلا 🙏 ✅️الفكرة #الأولى [مشروع صناعة وبيع الاثاثات البسيطة] : في توجه عالمي نحو الأثاثات البسيطة ومتعددة الاستخدام وسهلة الفك والتركيب .. وخصوصا قطع زي الرفوف والطرابيز والصناديق للترتيب والحفظ وغيرها . القطع دي غير انها انيقة فهي سهلة الفك والتركيب وكمان ممكن تنضاف ليها ميزة التنفيذ حسب طلب العميل من ناحية المقاسات والاسعار والالوان وكدا . ✅️كيف أبدأ ؟ - ابدا بجمع المعلومات من الانترنت وصور للتصاميم المختلفة .. ممكن في البداية تبدأ بمحاكاة تصاميم على الانترنت لحدي ما تبتكر تصاميمك الخاصة . - اتواصل مع نجار في حيك او المنطقة المحيطة بيك واطلب منو يشتغل ليك عينات من المنتج الانت عايزو . - صور العينات تصوير احترافي او أعرضها للبيع بالتعاون مع محلات اثاثات اصلا فاتحة بحيث ياخدو نسبة . ---------------------------------- لو عجبتكم فكرة المشروع شير للبوست عسى ولعل يصادف شخص مهتم ❤ Follow me for more Business Opportunities ✌️

صباح الفل 💙 بما إني زهجت من عدم الموضوع واتحولت من زول يومو كلو كان فل لي زول مباري الفارغة ساي فالفترة الجاية ان شاء الله ح ارجع افتح الاستشارات والكورسات الاون لاين أول ما الانترنت وبنكك يستقر 🙏 بس عايزة اعرف ياتو واحد من المواضيع ديل انتو مهتمين بيهو أكتر عشان أبدا بيهو طوالي 💙 نشتغل دفعة جديدة لكورس الوعي المالي عشان يساعدنا نتعامل مع المشاكل المالية الفترة دي . 💜 نشتغل على البزنس في البيئات الجديدة وكيف تبدا مشروعك في مكان جديد بنجاح . 🧡 نشتغل على التسويق والمبيعات كمهارة وفهم وكيف تلقا فيها شغل الان او مستقبلا . ❤️ نشتغل على التصميم والمونتاج للسوشيال ميديا ماركتنيق والمشاريع الصغيرة بوسائل بسيطة وكيف ممكن تبقى مهارة نعمل منها قروش . ناس الاستشارات خصوصا البرا السودان شوية ان شاء الله وارجع ليكم وح نضيف منها انواع جديدة كمان 🙏 وروني ياتو خيار تحبو نبدا بيهو من الخيارات الفوق ؟؟

☘️ رسوم الكورس كامل 5,000 جنيه سوداني فقط ودي رسوم رمزية عشان عايزة التزام وفي نفس الوقت من اهم المعتقدات في المال انو نتعلم ندفع للبنفعنا وبفيدنا . ☘️ رقم الحساب 1569133 بإسم امنية السيد يوسف . ☘️ بعد ما تدفع اكتب اسمك في الاشعار ورسل الاشعار للرقم +249112108364 ☘️ ح يصلك بعداك رابط قناة التيلغرام الح يكون فيها الكورس في مواعيد مسائية خلال رمضان . ☘️كل المحاضرات ح تتعمل ليكم لايف لكن ح تكون مسجلة ومتاحة في اي وقت جوا القناة وكذلك التمارين فمافي شي ح يفوتك ابدا . ☘️ اول ما العدد يكتمل ح اقفل التسجيل 🙏❤️

مساء الخير عليكم ❤️ كتير مننا عالق في مصيدة المال .. الاستهلاك والمنصرفات والجمع والتحصيل والديون والتوفير .. سواء كنا موظفين او اصحاب أعمال .. ولانو للاسف ما بعلمونا في المدارس عن المال وعن كيف نتصرف معاه بنكبر بنفس المعتقدات اللقيناها في الاسرة أو المحيط .. لو دائرة فقر أو دائرة غنى . عايزين نشتغل مع بعض في رمضان دا على تغيير المفاهيم دي ونرفع الوعي المالي ونتكلم عن جودة حياتنا بصورة عامة وكيف ممكن فهمنا للمال ومصطلحاتو يأثر على الدخل والانفاق والثراء .. وعايزين نمشي ابعد من الخطاب السطحي والاحكام. خلال ٦ محاضرات وكمية من التطبيقات والتمارين أتمنى انكم تطلعو من الشهر الفضيل بأعلى فائدة وافكار ومنظور جديد واضافة مختلفة .. ❤️🙏 نماذج لبعض المحاور حقتنا : 💰 تاريخ المال وفكرتو عبر البشرية . 💰 المعتقدات الخفية حول المال . 💰 تقنيات الادخار ولم القروش 😁. 💰 المصاريف الدخل النفقات الديون الالتزامات الرفاهيات وتعريف كل منها . 💰 المفاهيم الاقتصادية زي الاصول الاستثمار الشراكات التمويل البنوك الاسهم السندات وغيرها . 💰التخطيط المالي الشخصي ادواته وتطبيقاته . 💰التخطيط المالي للموظفين ورواد الاعمال . 💰تحقيق الاهداف المتعلقة بالمال . 💰استخدام المال لتحسين جودة الحياة . وحاجات تانية كتيرة اتمنى اقدر اقدمها ليكم بصورة تغير نظرتكم عن المال وتعاملكم معاه . طريقة التسجيل في أول تعليق علما بإنو اصلا اكتملت ٨٠% من المقاعد لناس كانو حاجزين من بدري 🙏❤️❤️❤️ اون لاين على تيليغرام ⭐️🌙 معلومة مهمة تاني ( ما ح اعملو تاني قريب 🚫 ) نظرا لضغط الشغل 🙏

#businesstalkbyomnia صباح الخير معلومة مالية ح تهمك 👌 الكون قائم على مفهوم الاستثمار .. والكلمة دي جاية من الثمر لانو نتيجة الزراعة .. في الزراعة انت بتضع بذرة حجمها صغير بتكبر لشجرة بتديك ثمار .. الموضوع يبدو بديهي لكن للاسف لمن نجي للمال والاعمال بنبقا أغبياء ونقرر انو ما نستخدم قانون الاستثمار. بنشوف كيف ممكن نوفر قروش علي حساب جودة المنتج او الخدمة ( بنشتري بذور رخيصة ) ! ما بنستثمر في نفسنا كأصحاب مشروع من ناحية تطوير وتعليم وزمن مع توفر كل وسائل التعليم ( المزارع غير مؤهل ) ! بنستعجل عملية الحصاد .. عملنا المشروع والشركة الليلة عايزينها بكرا تجيب لينا قروش ( عدم المام المزارع بمواسم الحصاد ) ! ما بندخل قروش لتطوير المشروع او التسويق او موظفينا او حتى بيئة العمل وبنعتقد انو القروش للمواد الخام والتصنيع او بس للمشتروات ( عدم رعاية البذرة بالسقاية وتهذيب الارض ) ! ببساطة الحصيلة النهائية لكونك عايز توفر إنك تخسر أكتر .. والخسارة ما بس قروش .. في خسارة زمن ومجهود وموارد بشرية وأفكار وصفقات ! أي حاجة عايز انها تجيب ليك عائد كويس أدفع فيها مال ومجهود وزمن واهتمام.. وادفع علي نفسك لانك المحرك والمدير .. 👌😌

أسلوبك البتصرف بيهو القروش في حياتك الشخصية غالبا ح ينعكس على الطريقة البتتم بيها إدارة الأموال في مشروعك 👌 ما بين البخل الشديد او البذخ الشديد او التوازن .. اول خطوة تعدل بيها سلوكك المالي الشخصي هو انك تعرف من وين بتجي قروشك ( المصادر ) وبتتصرف وين ( المخارج ) في اللحظة البتنوع فيها المصادر وتقلل فيها المخارج بتكون النتيجة ايجابية .. معادلة بسيطة مش كدا ؟ .. للاسف ما بسيطة لانو المصادر قدر ماهي واضحة زي مرتبك او قروش مشروعك او حتى القروش البرسلوها ليك ك طالب .. المخارج محتاجة دراسة وتحليل لانو في بعضها غشاش جدا .. ونفس الكلام ينطبق على المشاريع واغلب اخطاء التسعير بتكون بسبب اهمال منصرفات خفية 👌 #وعي_مالي #تخطيط_مالي

#businesstalkbyomnia من الفروقات الممكن تحسها بين ناس التسويق والمبيعات : انو ناس التسويق ناس بتاعين pull يعني ببدو من ورا وبجروا الناس هم يطلبو المنتج حقك ويسكوه ويفتشوه ويشتروه ويقتنعوا بيه ويؤمنو بالبراند حقتك ويثقوا فيها عن طريق تكتيكات معينة بعضها نفسي . ناس المبيعات ناس push يعني بمشو يحنكوا ويقنعوا ويحركوا الاستوك ويعملو اوفرز وتخفيضات ويتفاوضوا .. بدفروا المنتج للعميل .. الحاجتين ديل زي الرجلين ما ممكن المشروع يمشي بدونهم وديل تخصصين منفصلات عن بعض علميا وممكن الزول يكون متخصص فيهم الاتنين او في واحد منهم 👌

صباح الخير ❤️ المعلومة دي مهمة علي صعيد البزنس وعلي صعيد التخطيط المالي الشخصي 👌 هل ممكن زول يكون دخلو الشهري 10 الف دولار ويكون فقير ؟ ايوة ممكن طبعا اذا كان منصرفو 10,100 دولار 👌 بالتالي معادلة نجاح أي مشروع بتكون يا أما في زيادة الدخل أو تقليل المنصرفات .. لكن اغلب اصحاب الاعمال بفكر أول شي كيف يقلل المنصرفات .. بشوف طولي كيف ممكن يقلل الايجار ، الرواتب ، الكهرباء ، ميزانية التسويق ، جودة المواد الشغال بيها . علي المستوى الشخصي ببدا يركب مواصلات ارخص مثلا ، يبطل حاجة كان بعملها، يقلل ترفيه مثلا .. أنا ضد المدرسة دي تماما 😔 انا مع حساب المنصرفات وازاحة الغير ضروري .. لكن ابدا ما مع انك تمسك مقص وتبدا تقصقص حاجات ضرورية .. أنا مع زيادة الدخل 👌😍 وعشان تحصل زيادة في الدخل لابد يحصل أول شي time management علي المستوى الشخصي و تحليل للمشروع على المستوى بتاع المشاريع . قدرتك علي ادارة المال وفكرتك عنو كصاحب مشروع ما بتنفصل عن قدرتك علي ادارة المال وفكرتك عنو كشخص .. انت بتخش مشروعك بنفس القناعات المالية الاتعلمتها منذ الصغر .. بالتالي تغييرها وترتيبها ح يساهم ليك على المدى البعيد شخصيا وفي مشروعك 👌❤️

#businesstalkbyomnia Customer neglection أو عملية اهمال العميل او الزبون بقصد.. من العمليات المهمة في علاقتك مع عملائك انك تعمل ليهم تصنيف.. وكمان تعمل ليهم ( اهمال متعمد) في حاجات معينة.. من الاخطاء البقعو فيها رواد الاعمال هي فكرتهم انهم لازم يقدمو منتجهم لكل الناس.. ودا بخليهم يختاروا في احيان كتيرة انهم ينشرو اعلان في منصة غلط او تجيهم ردود فعل غير متوقعة وغير مقبولة.. ندي نماذج لي الاسباب الممكن تخلينا نقوم بإهمال عميل معين : - العميل خارج منظومة التسعير والقيم حقتنا خصوصا لو كنا بنسعر بناء علي القيمة Value pricing مثال : هند بتعمل لوحات بمادة الريزن طرحت المنتج في قروب دلالة الدلالات.. سعر اللوحة 20 الف جنيه سوداني.. طريقة تسعير اللوحة دي تمت بناء علي قيمتها الفنية ما بناء علي تكلفتها ( ح نتكلم في بوست تاني عن طرق التسعير).. بدت تعليقات من نوع.. ليه غالي كدا.. واصلو شنو.. ما كلها لوحة... ديل عملاء برا منظومة التسعير ( غالبا ما بقدرو يدفعوا للحاجة فببخسوا ثمنها) او كمان برا منظومة القيم ( ما قادرين يقيمو العمل الفني بعاينو فقط للتكلفة الاساسية لي اللوحة الممكن ما تفوت الفين جنيه.. لكن تقييم الاعمال الفنية او القطع النادرة بتم بطرق مختلفة عن تسعير الاساسيات زي كيس العيش وعلبة الزبادي) - الوصول للعميل مكلف أكثر من الفائدة المرجوه منه مثال : عشان اصل لي عميل معين مفترض ادفع لي كم زول يكون لي واسطة وكمان لمن اصلو عشان اقنعو لازم اقدم ليه عروض يعني ح اتعب جدا وابذل مجهود في اني اقنع العميل دا.. طيب ما نحنا اصلا بنبذل مجهود وين المشكلة.. المشكلة انو العميل دا ما ح نستفيد منو الفائدة المرجوة.. يعني ما ح يكون عميل موثوق ولا ح يكرر عملية الشراء او عندو ولاء كبير للمنافسين.. القاعدة العامة ( ما معنى انو العميل بقدر يدفع اذن معناه انت مفترض تقدم ليه الخدمة او المنتج)

#businesstalkbyomnia في مثل هذا اليوم قبل #عام بديت خدمة الاستشارات للمشاريع الصغيرة والمتوسطة . 🌸خلال عام كامل قدمت أكتر من 100 خدمة استشارية لمشاريع وشركات من مختلف الاحجام . 🌸دربت 250 شخص تحديدا في التسويق لمشاريع الجمال والموضة وانشاء نماذج الاعمال ما بين حضوري واون لاين . 🌸كتبت العديد من المقالات وقناتي على التيليغرام يتابعها 4.7 الف شخص . 🌸اشتغلت في ٤ شركات مختلفة كأستشاري تسويق في بعضها واستشاري تطوير أعمال في البعض الاخر . وقفت خدمة الاستشارات لفترة طويلة بسبب ضغط الشغل ولمعالجة بعض المشاكل المتعلقة بكيفية طلب الخدمة وحاليا فتحت الخدمة مجددا للمشاريع بنظام جديد : 🌵كل اسبوع ح اخد عدد بسيط ما بين ٢ لي ٣ استشارات فقط سواء اون لاين او مقابلات شخصية . 🌵الحجز فقط عن طريق ملء استمارة الحجز بالمعلومات المطلوبة والح تساعدني اقدم ليك افضل خدمة ممكنة . 🌵بعد الحجز واكمال المعلومات ح يتم التواصل معاك هاتفيا لتنسيق الزمن والدفع . 🌵بالتالي الاستشارات ح تكون حسب ترتيب الحجز . 🌵الرقم بتاع الاستشارات ح يكون فقط للتنسيق سواء اتصال او واتس بالتالي الحجز فقط عبر الاستمارة . أستمارة الحجز : https://docs.google.com/forms/d/12295ANz3BOrJoK-Y6ffTcOZp7BEGqVhTkjzYUvLH__c/edit