حب

Aллоҳим, барчамизни Рамазон рўзасини иймон билан, савоб умидида тутганлар қаторида қил! Aллоҳим, барчамизни қадр кечасини иймон билан, савоб умидида қоим қилганлар қаторида қил! Aллоҳим, ушбу Рамазонда дўзахдан озод бўлган бандаларнинг рўйхати тузилди. Барчамизни шу рўйхатга кирган бандаларинг қаторида қил! Рамазон Ҳайитингиз муборак бўлсин, азизлар! 🎉🎊🎉🎊 #Ҳайит #табрик @quranuz_kanali Telegram | Instagram | Youtube | Facebook

​​Ийдул Фитр – Рамазон ҳайити байрамингиз муборак бўлсин! Мўмин бандаларининг гуноҳ ва хатоларига қалқон қилиб рўзани Исломнинг фарз ибодатлари қаторига қўшган Аллоҳ таолога ҳамду санолар бўлсин! Умматларига чексиз муҳаббат ва шафқат кўрсатиб, рўза тутишни барча сир-асрорлари билан ўргатиб кетган ҳабиб Пайғамбаримиз Муҳаммад мустафо соллаллоҳу алайҳи васалламга абадул-абад салавоту саломлар бўлсин! Ассалому алайкум ва роҳматуллоҳи ва барокатуҳ! Азиз юртдошлар, муҳтарам мўмин-мусулмон биродарлар! Мўмин-мусулмонларнинг улуғ, гўзал байрами бўлмиш Ийдул Фитр – Рамазон ҳайити муносабати билан фазилатли шайх Муҳаммад Содиқ Муҳаммад Юсуф ҳазратлари номидаги жомеъ масжид жамоаси номидан, «Ҳилол-нашр» матбаа-нашриёти ҳамда Islom.uz портали ижодий жамоаси номидан чин дилдан, самимий муборакбод этамиз! Аллоҳ таолога беҳисоб шукрлар бўлсинки, бу йилги Рамазон ойини ҳам тоат-ибодатда, зикру тасбеҳда ўтказишни, зиммамизга фарз қилинган рўза ибодатини адо этишни насиб қилди. Юртимизнинг деярли барча жомеъ масжидларида ўқилган таровеҳ намозларида Аллоҳ таолонинг каломи – Қуръони Карим хатм қилинди. Хусусан, фазилатли шайх Муҳаммад Содиқ Муҳаммад Юсуф ҳазратларининг номи билан аталган мажмуада ҳам таровеҳ намозлари ўқилиб, барча ижтимоий тармоқлар орқали бутун дунёга намойиш қилинди. Масжид ходимлари ҳамда Islom.uz порталининг ижодий жамоаси Қуръонга мухлис халқимиз учун ажойиб Рамазон туҳфасини тақдим этдилар. Нафақат мустақил юртимиз тарихида, балки бутун минтақада илк бор хатми Қуръон жонли эфирга узатилаётган пайтда шу аснода ўқилаётган ояти карималар Мадинаи Мунаввара мусҳафи шарифининг ёзувида бериб борилди. Шунингдек, ҳар бир ояти карима билан бирга унинг ўзбек тилидаги маъно таржималари ҳам эфирга узатилди. Шу тариқа Ўзбекистонимизда ҳам Ислом оламидаги барча давлатлардаги каби, айниқса, Саудия Арабистонида Мадинаи Мунаввара ҳамда Маккаи Мукаррамадан узатиладиган эфирлардаги каби, тиловат қилинаётган оятларнинг ёзуви ва маъно таржимаси узатиб туриладиган бўлди. Ушбу янгилик юртимиз масжидларида ўқилаётган таровеҳ намозларини уйидан, хизмат жойидан ёки чет эллардан томоша қилиб, Қуръон хатмига сомеъ бўлаётган азизларимиз учун муносиб Рамазон туҳфаси бўлди. Умид қиламизки, Роббимиз иймон-эътиқод билан, хулуси ният билан, ажру савоблардан умидвор бўлиб тутган рўзаларимизни, бу ойда қилинган барча солиҳ амалларимизни даргоҳида ҳусни қабул айлаб, уларга ваъда қилинган улуғ мукофотларни насиб қилади, иншааллоҳ! Зеро, Парвардигоримиз: «Одам боласининг барча амаллари ўзи учун, фақат рўза Мен учун, унинг мукофотини Ўзим бераман», деб марҳамат қилган. Мана, бугун Рамазон билан хайрлашиб, Ийдул Фитр байрамини нишонлаб турибмиз. Бунинг учун Парвардигоримиз Аллоҳ субҳанаҳу ва таолога чексиз ҳамду саноларимиз бўлсин! Азизлар, Ийдул Фитр — Рамазон ҳайити байрами муносабати билан Аллоҳ таолога астойдил тавба қилиб, сидқидилдан дуо қилайлик: Роббимиз юртимизга, бутун дунёга тинчлик-хотиржамлик, офият берсин, тутган рўзаларимизни даргоҳида қабул, охиратда шафоатчи қилсин, барчамизга иймон ҳаловатини, тоат-ибодатнинг лаззатини насиб этсин, азиз ватанимизни жаннатмакон қилсин, халқимизни Ўзининг розилигини топадиган халқлардан қилсин! Ийдул Фитр – Рамазон ҳайити байрамингиз муборак бўлсин! @islomuz

Assalomu alaykum va rohmatullohi va barokatuh✨

Qur’on o’qing! Unda baraka bor)

🌙 Xatmi Qurʼonga marhabo! «Shayx Muhammad Sodiq Muhammad Yusuf» jome masjidida taroveh namozining yigirma yettinchi kuni Suralar: Balad surasi 1-oyatdan Naas surasi 6-oyatgacha Qorilar: Bahodir domla Rahmatulloh & Hasanxon Yahyo Abdulmajid ⏰ Qurʼon xatmonasi Toshkent vaqti bilan soat 21:00 da boshlanadi. Alloh taolo muborak Ramazon oyida qilingan barcha toat-ibodatlarni, xatmi Qurʼonlarni qabul aylab, duolarimiz ijobat bo‘lishini nasib etsin! 🌐 Jonli efir @islomuz & @hazratim_uz

‘’Я робби лакал хамду кама ямбагий ли жалали важхика ва азийми султоник’’ Маноси : ’’Эй Роббим,Сенга узингнинг буюклигинг ва салтанатинг улуглигига яраша ва муносиб Хамд булсин’’ .

🍃 Ramazon naqadar go‘zal-a? — Saharlab butun oilang dasturxon atrofida jam bo‘ladi. — Birga namozlar o‘qiladi. — Mehr-oqibat kuchayadi. — Yomon odatlar tark qilinadi. — Rahmatlar yog‘iladi. — Gunohlar kechiriladi. Butun umr ketma Ramazon!