تلاوات ✨

تلاوة هادئة من سورة البقرة | القارئ أبوذر بدر الدين ❤️. #تلاوة #قبس

حب القرآن الكريم وتوريث حفظه والإمامة به بين طلاب المجمع الطبي جامعة الخرطوم 🧡! ◇ من د.يوسف محمد 89 إلى د.ضياء الدين 93✨. ◇ رابط الحلقة الكاملة. #قبس✨ #حكاوي_المجمع

ماتشينق ، زواج ، غنى مادي واستقرار ! كيف ممكن فقدان ليلة القدر يأخر الحاجة دي ؟! هل عشان كدة كان النبي بيجتهد في العشر الأواخر! د. وائل الصافي 93 #رمضان 🌙 #قبس💫

▫️قراء الدفعة 99 طب الخرطوم تلاوة أحمد رفعت والخطيب عبد العظيم لآية الصلاة على النبي🤍. #تلاوة🎙

خلف كواليس صينية الإفطار ... معارك صامتة وجنود مجهولين حنان وحب من نوع آخر الأيادي البناكل ونشرب من صنيعها ❤️ __ ◇ رغم الصيام والعطش بكونوا صايمين وبقوموا في عز الضهر، يخشوا المطابخ "سخانة فوق السخانة" . ◇ بدايةً من معضلة "حنفطر شنو الليلة" لحدي "المويات بشنو". ◇ تقلية - قراصة - عواسة - خلط - عصائر وصنينة قبل الآذان بتمرق في وقت قياسي. ◇ وللأسف، التعب مابنتهي مع الآذان ! حتى بعد الإفطار بكون راجيهم غسيل وعدة وقهاوي وشاي ☕️ومعارك تانية. ◇ بسووا الحاجات دي كلها بطيب خاطر و بجودة عالية وأكل وعصاير زي العجب 😙. ▫️ وقفة شكر وتقدير وامتنان لكل الأمهات والأخوات والخالات والعمات "عقبال نقول و الزوجات 😄" المرابطين في الصفوف الأمامية في رمضان. ▫️ أقل حاجة ممكن يتقابل بيها الإحسان ده : - تقدير مجهوداتهم والمديح والشكر لي صنيع يدهم "تسلم الأيادي دي ما بتكلفك حاجة"🩴 - وتقديم المساعدة في المطبخ بمختلف المراحل "مثلاً تستلم ملف غسيل العدة منهم" 🙂. ▫️ بارك الله فيهن وتقبل منهن وكتب لهن أجر إفطار الصائمين . #رمضان 🌙 #قبس💫

عملت ذنب في رمضان!😥 تاني أطير وين بعد ده ؟؟! في نص شهر الخير والناس بتعمل حسنات ومنجزة أنا عملت ذنب؟❌ أعمل شنو😔❔ الإنسان مع ضعف النفس بتاعو قد يكون وقع في ذنب في نص الشهر الفضيل، والحاجة دي قد تكون دخلته في تأنيب ضمير عملاق! ◇ لدرجة الموضوع مؤثر على تكملته لي باقي رمضان، فبيجي سؤال كيف أتعامل مع الوقوع في الذنب في رمضان؟! المعالجة في 3⃣ نقاط : 1⃣.في فرق بين النفس اللّوامة وجلد الذات ◇ أنت مقصر 11 شهر، وفي مستوى بتاع "كعوبية" أو ذنب معين ماسك فيك شديد، فطبيعي جداً ومستحيل إنك تجي فجأة توقفهم كلهم بضربة واحدة في شهر واحد!!!❌ ◇ التحسين المستمر خير من الكمال المؤجل🔄📊 ؛ يلا الكمال الفوري ده مستحيل أصلاً ، عشان ما تتوقع من نفسك مستوى إنجاز وخلو من المعاصي كتير عليك وتخش في جلد الذات! ◇ الهدف من رمضان ما إنك تتحول لملاك فجأة لأ، الفكرة إنو بداية رحلة التنقية تكون في رمضان وتستمر لما بعده. ◇ وبما إنو النضافة دي بالتدريج، معناها حتقع وتتوسخ تاني في السكة، وهنا إبليس حيقول ليك أنت منافق، عشان كده بتجي الوزنة التانية. 2⃣. "نعم العبد إنه أواب" أنت ما منافق أنت أوّاب ! ◇ الأواب زول بيغلط وبيقع كتير، لكن ميزتو إنو بيرجع ويتوب برضو كتير، وده الزول البحبه ربنا سبحانه وتعالى: "إن الله يحب التوابين " ◇ الفكرة ما إنك أذنبت إذاً أنت كعب لأ، الفكرة إنو أذنبت ورجعت طوالي لي ربنا وده الفارق الحقيقي لأنو أصلاً "كل ابن آدم خطّاء" فأنت لمن تتوب يادوبك كده بقيت مع الصفوة 🌿 ! ◇ الفكرة كل الفكرة قايمة على موضوع المجاهدة، أذنبت يبقى تتوب وترجع لي ربنا سبحانه وتعالى وتستغفر، أنت حتكون كده في رحلة المجاهدة دي إلى أن تموت . ◇ في لغة البشر، الحاجة لما تخرب بنرميها وبنتبرأ منها، لكن ربنا بيقول ليك: مهما "أسرفت" وبوظت في نفسك، إنت لسه مِلكي أنا، وأنا ما بتخلى عن ممتلكاتي عشان اتعطلت، أنا بصلّحها ! الآية دي ما مجرد وعظ، دي "ضمان صيانة" مفتوح من المالك الحقيقي: 💡 ﴿قُل يا عِبادِيَ الَّذينَ أَسرَفوا عَلى أَنفُسِهِم لا تَقنَطوا مِن رَحمَةِ اللَّهِ إِنَّ اللَّهَ يَغفِرُ الذُّنوبَ جَميعًا إِنَّهُ هُوَ الغَفورُ الرَّحيمُ﴾ وحتى لو ذنوبك وصلت لمرحلة "ماف طريقة" فعلياً من ناحية الكمية، شوف العرض المدهش : 💡 "يا ابنَ آدمَ ! لَوْ أَتَيْتَنِي بِقُرَابِ الأرضِ خطَايا ثُمَّ لَقِيْتَني لاتُشْرِكْ بِيْ شَيْئًَا لأتيْتُكَ بِقِرَابِها مَغْفِرَةً". 3⃣. تكتيك الهجوم المضاد🗡 ◇ زي ما الهجوم حق الكعوبية نجح ووقعت في ذنب يكون عندك هجوم مضاد ضدها: أ. واتبع السيئة الحسنة تمحوها، عملت ذنب تقوم تقرأ قرآن - تقوم تصلي ركعتين - تقوم تتصدق. هجمة مرتدة ضد الكعوبية. ب. محاصرة بيئة الذنب - لقيت نفسي في شلة معينة لمن أقعد معاهم القطيعة والنميمة بتجي أقوم انسحب انسحاب ناعم وأحاول أقلل من مجالستهم. - التصفح بقى بعرضك لموسيقى ومشاهد حرام أنزل Haram Blur وأحاول أفلتر أو أقلل زمن التصحف وأخليهو محدود بي مهام معينة. ج. تحويل طاقة الذنب لطاعة. -مثال كنت بتحب تسمع موسيقى، جرب تسمع بودكاستس أو أناشيد . 🍃 في النهاية المعركة مع المعاصي كر وفر ومجاهدة وعايزة تكتيك واستراتيجية، رمضان بداية معركتنا . #قبس✨ #ونسة💬 #رمضان🌙

مشكلة في المخ أم عدم توفيق ؟🤔القرآن مصدر للألم وكيف ممكن تحصل الحاجة دي 🤯😵‍💫!! في 3 نقاط لا تخفى على ذكي 1. فخ الانطلاقة الصاروخية 🚀!! 🛑 تخيل زول ليهو سنتين ما جرى ولا متر واحد، وفجأة نزل الميدان وجا جاري بأقصى سرعته من أول دقيقة. 🛑 النتيجة؟ قطع شك حيجيهو شد عضلي يخليه يطلع برة اللعبة مصاب ! 🛑 نفس الفكرة (كوبي بيست) بتحصل معاك ؛ أنت ليك سنة كاملة ما نزلت تمرين "قراءة قرآن" ، وفجأة داير تخش توووشك و تشيل أوزان تقيلة (5 و 7 أجزاء) من أول يوم! 🛑النتيجة الحتمية= أكيد حيجيك شد عضلي روحي، وحتحس إنو القراءة بقت تقيلة ومؤلمة، لدرجة إنك ممكن توقف وتقطع لحدي نهاية رمضان !. 2. الكمين السنوي : "شوف الناس وين وأنا وين" 😔! 🔵 تحت تأثير ضغط السوشيال ميديا والواقع: - تسمع نصوص "المسارعة في الخيرات" وتحس إنها سياط بتجلدك لأنك متأخر. - تفتح الفيسبوك تلقى تنين الجامع داك حصل الختمة 10 (وأنت لسه في البقرة!). - تمشي التراويح تلقى ود خالتك أو زميلك الحافظ بيصلي بالناس وصوتو جميل. 🔵 هنا الشيطان بيستغل المقارنة الحاصلة دي عشان يدمرك تماماً؛ فبيبدا معاك الخطة المحكمة بتاعتو : - الشيطان بيشوف "لهفتك" دي، وبدلاً من إنو يخليك تراعي ظروفك وسياقك الإيماني المختلفات عنهم تماماً بيجي يعميك وتعال شوف كيف 😐! - بيستغل رغبتك الصادقة عشان يرميك في فخ الجدول الانتحاري والمستحيل! - فتقوم تدخل بيهو أول يوم شايلو فوق ضهرك، وعندك إصرار على تنفيذو ، رغم إنو (انتحار) بالنسبة لقدراتك الحالية وواقعك ! 🛑 السيناريو المتكرر: - اليوم الأول: دفّرنا بالعافية وقرينا نص الكمية بي حراق الروح . - اليوم التاني: قرينا جزو بسيط والجدول اتراكم وبدينا نزهج من الموضوع. - اليوم التالت: الانهيار التام، وخلاص قنعت من الفكرة وقررت تنسحب! ليه؟! 🛑 في سبب علمي كبييير للحاجة (عشان ما تلوم نفسك بالكلّيّة): - مخك ده خلقة ربنا كدة فيهو سيستم مبرمج بالفطرة يهرب من أي مصدر للألم أو الإحباط. - والبيحصل إنك بتضغط عليهو بجدول صعب بمعدل يومي (5 و 7 أجزاء) بصورة متواصلة، وفي كل مرة بتفشل تنجزه! - زيييبط طوالي مخك طوالي بيعمل (رابط عصبي): فعل معين = ألم وإحساس بالفشل🤯. والفعل دة هنا هو التلاوة والورد اليومي مثلاً . - النتيجة؟ العقل حيبدا يهرب من المصحف هروباً من الربطة حقت الألم والفشل! - فجأة تلقى نفسك خامس أو سابع يوم احترقت وقطعت🪫😐. - والمخ من كتر الألم، بيبدا يوسوس ليك إنك عايز الشهر ينتهي بأي طريقة، وتكمل الباقي "بالبركة ساي" عشان تخلص من تأنيب الضمير والألم الحاصل ده! 3. والسبب ورا ده كلو إننا فاهمين السرعة غلط! 🔵 مشكلتنا الكبيرة إننا بنقرا نصوص "المسارعة في الخيرات" بنظارة (سباق 100 متر)، وبننسى نركب (فلتر الأمان) المهم جداً >>> "أدومها وإن قل". 🚪والمخرج والحل في نقطتين : ▫️أ. قانون (1.1) بدلاً من (10x): عشان تكسر دائرة الفشل، لازم الجدول يكون مفصّل على مقاسك أنت. -➕ المعادلة بسيطة: شوف كنت بتقرا كم قبل رمضان؟ (صفحة؟ ربع حزب؟) زيد عليها حاجة بسيطة جداً وثبتها . كده مخك حيعتبرها "إنجاز مضمون" ويديك دوبامين، بدل ما يعتبرها "تهديد" ويهرب! - العبرة◀️ بالاستمراية هنا، زول بدا بـ (صفحة واحدة) بس، لكن مرتاح ومستمر عليها لحدي بعد رمضان؛ ده كده بنى علاقة صداقة حقيقية مع القرآن حتكمل معاهو العمر كلو. 🔵 قارن مع زول تاني أيوة ختم 3 ختمات في رمضان لكن وقّف طوالي في أول يوم في العيد وتاني ما رجع، ياتو أحسن؟! ▫️ب. رمضان شهر للنقاهة والإصلاح وليس حلبة سباق : ربنا جعل الشهر ده عشان (قلوبنا تتعالج) وتلين، ما عشان ندخل في سباق "تحطيم الأرقام القياسية" ونطلع منه بقلوب منهكة! العبرة بسلامة القلب، وليس بضخامة الرقم.🤍 ● بقية الصبات العملية في استغلال شهر رمضان في حلقة ونسة. #ونسة #رمضان🌙 #قبس✨

قصة صادمة لإمام مسجد المجمع الطبي جامعة الخرطوم: من علاقة موسمية مع القرآن إلى حفظ القرآن والإمامة والروايات شنو كواليس موضوع الإمامة في مسجد المجمع الطبي جامعة الخرطوم ؟ كيف قدر يجمع بين البيزنس والقرآن والقراية ؟ كيف الزول يتعامل مع موضوع الانقطاع المتكرر؟ وشنو السر في حتة الانضباط العندو؟ أسطورة ال ٣ أنفار اللي كملوا برنامج ال 1000 يوم لحفظ القرآن بدون ولا وقفة ؟! ده كلو في حقلتنا الخامسة من حكاوي المجمع مع مولانا ضياء الدين خليفه الحلقة حتتنشر بكرة الساعة ٨ صباحاً على قناة تلاوات وعمارة #قبس #حكاوي_المجمع

نتيجة دفعة العطاء ... انطلاق الهيازم نحو ميدان التقديم للمجتمع السوداني ❤️ اليوم فرحنا بي نتيجة الدفعة 95 هيازم كلية الطب جامعة الخرطوم معلنةً تخرجهم الرسمي من أسوار الحياة الجامعية. نبارك للمجتمع السوداني قبل كل حاجة إنو جاي عليهو دفعة من أميز الدفع في كلية الطب جامعة الخرطوم  . ما حنقول إنو المجمع حيفقدكم "مع إنو حاصل من حسة 😔" لكن متأكدين إنو حتظلوا معانا بي إرشادكم وتوجيهكم ، وقلوبكم حتكون في المجمع حتى لو بعدتوا مع عجلة الحياة ❤️. نتمنى لكم حياة علمية مليئة بالتوفيق والبركة والسداد.

بنسبة 46.3% احتمال تفقد صحبك القريب ليك بسبب الحاجة دي ! لفتة قرآنية لطيفة بتعالج الموضوع!؟ #لطائف 🌟

🌸كم افتقدنا هذا المشهد وتلك الأصداء ... أعادنا الله إلى مجمعنا سالمين 💚

على نسق التلاوة السودانية محمد حسن 97 يتلو سورة الضحى #تلاوة 🎧

غيبوبة ما بعد الامتحانات : كيف ننهي سلسلة السمستر الجاي بدري 🫤 بالثباتة عديل أنت حرفياً الآن في مرحلة البدري دي على فكرة 😆 نعمل شنو ! 1.📝 التخطيط أول نقطة ، متذكر الخمسمية حاجة الكنت داير تعملهم لمن كنت مزنوق مع قراية المايكرو و الأورثو و الراديولوجي!؟ داير تقول لي أعملهم حسة يعني؟! لأ ، أقعد خطط شوف ياتو حاجة فيهم هي الأولوية ، الزمن ماشي بسرعة البرق في حاجات كتيرة لو أنجزتها حسة بتعبر شديد ، عشان احتمال ما تلقى ليها زمن تاني 👀. أقعد شوف داير تعمل شنو - تتعلم شنو ؟ - ناقصك شنو و اتحرك جيب منهم 63% أحسن من السّبات الشتوي الحاصل حسة : أكل - شراب - نوم ...... 😆. 2. 👨‍🎓الأكاديميات ، كل زول اتزنق حيكون في نفسو كمية من الحنق واللوم لي نفسو إنو ليييييه ما بدينا بدري. لا هو أنا فيني طاقة عشان أقرأ يعني؟! أبدا حسة ورتب روحك للسنة الجاية ولو ما قراية 👀. : - فتش أورينتيشنز. - جهز الماتريال و فتش زول تحولها منو . - سوي قروب مع كم نفر عشان تتحفز . - هبش هبيش ساي على المواد. ♡ السنة تبدأ وتلقاك متحرك بي أي نوع من أنواع الحركة أفضل مية مرة من تجي تلقاك تحت البطانية 😆. ♡ لو معاك الماتريال وعملت أورينتيشن كويس كده أنت حتكون بديت بداية قوية عديل وبتديك حافز تبدأ كويس✨. 3.🌱 الناس ترجع للتزكويات . أي الزنقة عصرتنا و طلعت عيننا و زاتا خلتنا نَحِن للدروس والإيمانات ، فشنو أي زول كان عندو برنامج تزكوي يرجع يشوف الحاصل شنو. ■ والما عندو؟ الما عندو ده بس داير أقول ليهو رمضان على بعد ٦١يوم !. يفتش عشان لمن يجي رمضان يكون مستعد و يطلع منو بأكبر مكسب ❤️ #نحن_الآن_في_بدري #مفاهيم⚫

نهاية موسم الإمتحانات إليكم بعض كوميديا مجريات الدفع في المعارك المختلفة 🤕 عقبال النتائج الحلوة والعبور للجميع😀 #موسم_الامتحانات

سؤال جا من المحاضرة لكن انت ما عارف ما متذكرو لي انت في المحاضرة😪 :

نهاية موسم الإمتحانات إليكم بعض كوميديا مجريات الدفع في المعارك المختلفة 🤕 عقبال النتائج الحلوة والعبور للجميع🤩 #موسم_الامتحانات