Punjabi ਰੇਡੀਓ Radio 📻

ਸ਼ਬਦਸ਼ਾਲਾ ਵੱਲੋਂ "ਪੰਜਾਬ ਦੇ ਪਿੰਡਾਂ-ਸ਼ਹਿਰਾਂ ਦੇ ਨਾਵਾਂ ਦਾ ਕੋਸ਼" ਤਿਆਰ ਕਰਨ ਦਾ ਨਵਾਂ ਪ੍ਰੋਜੈਕਟ ਸ਼ੁਰੂ ਕੀਤਾ ਗਿਆ ਹੈ, ਹਰ ਜ਼ਿਲ੍ਹੇ ਦੀ ਫਾਈਲ ਗੁੱਗਲ ਡ੍ਰਾਈਵ ਉੱਤੇ ਪਾ ਦਿੱਤੀ ਹੈ, ਜਿਨ੍ਹਾਂ ਦੀ ਐਡੀਟਿੰਗ ਬਾਕੀ ਹੈ। ਜੇ ਤੁਸੀਂ ਜਾਂ ਤੁਹਾਡੇ ਆਸ-ਪਾਸ ਕੋਈ ਆਪਣੀ ਤਹਿਸੀਲ ਜਾਂ ਜ਼ਿਲ੍ਹਾ ਐਡਿਟ ਕਰਨਾ ਚਾਹਵੇ ਤਾਂ @PanjabiRobot 'ਤੇ ਸੰਪਰਕ ਕਰੋ। ਸਾਰੇ ਐਡੀਟਰਾਂ ਦੇ ਨਾਮ PDF ਵਿੱਚ ਲਿਖੇ ਜਾਣਗੇ। ਇਸ ਸੁਨੇਹੇ ਨੂੰ ਆਪਣੇ ਜਾਣ-ਪਛਾਣ ਵਾਲਿਆਂ ਨਾਲ ਸਾਂਝਾ ਵੀ ਕਰ ਦੇਣਾ।

ਪ੍ਰਮੁੱਖ ਸ਼ਖ਼ਸੀਅਤਾਂ ਵਾਲੇ ਚੇਪੀ ਪੈਕ: 🎹 ਨੁਸਰਤ ਫ਼ਤਹਿ ਅਲੀ ਖ਼ਾਂ https://t.me/addstickers/Nusratism 🇮🇳 ਸ਼ਹੀਦ ਭਗਤ ਸਿੰਘ https://t.me/addstickers/Bhagat_Singh 🏹 ਸੰਤ ਜਰਨੈਲ ਸਿੰਘ ਜੀ ਖਾਲਸਾ https://t.me/addstickers/Bhindranwala 🔫 ਸ਼ਹੀਦ ਊਧਮ ਸਿੰਘ https://t.me/addstickers/Jallianwala_Bagh ⚖️ ਡਾ. ਭੀਮ ਰਾਓ ਅੰਬੇਦਕਰ https://t.me/addstickers/BabaSaheb 〰️〰️〰️〰️〰️〰️〰️〰️〰️〰️ 🏇 ਪੰਜਾਬੀ ਸਟਿੱਕਰ ਚੈਨਲ 📡 〰️〰️〰️〰️〰️〰️〰️〰️〰️〰️

ਆਓ ਪ੍ਰਣ ਕਰੀਏ ਚੰਗੀਆਂ-ਵੱਡੀਆਂ ਗੱਲਾਂ ਕਰਾਂਗੇ ਪਰ ਕਾਰ-ਵਿਹਾਰ 'ਚ ਕਿਸੇ ਦਾ ਭਲਾ ਨਹੀਂ ਕਰਾਂਗੇ, ਉਲਟਾ ਹਰ ਕਿਸੇ ਨੂੰ ਠਿੱਬੀ ਲਾਉਣ ਦੀਆਂ ਸਕੀਮਾਂ ਘੜਾਂਗੇ ਲਿਖਣ ਸਮੇਂ ਮਾਂ-ਬੋਲੀ ਪੰਜਾਬੀ ਦਾ ਸੱਤਿਆਨਾਸ਼ ਕਰਾਂਗੇ, ਬੇਗਾਨੀ ਭਾਸ਼ਾ 'ਚ ਗੱਲਬਾਤ ਅਤੇ ਦਸਤਖਤ ਕਰਕੇ ਮਾਣ ਮਹਿਸੂਸ ਕਰਾਂਗੇ ਪੌਣ-ਪਾਣੀ ਜ਼ੋਰਾਂ-ਸ਼ੋਰਾਂ ਨਾਲ ਦੂਸ਼ਿਤ ਕਰਾਂਗੇ, ਧਰਤੀ ਹੇਠਲੇ ਅਣਮੋਲ ਰਤਨ ਪਾਣੀ ਦੀ ਆਖਰੀ ਬੂੰਦ ਖਤਮ ਹੋਣ ਤੱਕ ਵਿਅਰਥ ਗਵਾਂਦੇ ਰਹਾਂਗੇ ਕੂੜੇ-ਕਰਕਟ ਨੂੰ ਢੰਗ ਨਾਲ ਟਿਕਾਣੇ ਲਾਉਣ ਦੀ ਥਾਂ ਅੱਖ ਬਚਾ ਕੇ ਸੜਕਾਂ-ਰਾਹਵਾਂ ਦੇ ਕੰਢਿਆਂ ਜਾਂ ਜਲ-ਸੋਮਿਆਂ 'ਚ ਸੁੱਟ ਦੇਵਾਂਗੇ ਘਰੇਲੂ ਰਵਾਇਤੀ ਖਾਣ-ਪੀਣ ਛੱਡਕੇ ਬਜ਼ਾਰ 'ਚੋਂ ਘਟੀਆ ਉਰਲ-ਪਰਲ ਖਾ ਕੇ ਸਰੀਰ ਦਾ ਸੱਤਿਆਨਾਸ਼ ਕਰਾਂਗੇ, ਨਵੀਆਂ ਬਿਮਾਰੀਆਂ ਸਹੇੜਾਂਗੇ ਘਰਾਂ 'ਚ ਜੇ ਕੋਈ ਪਾਲਤੂ ਜਾਨਵਰ, ਦਰੱਖਤ ਜਾਂ ਪੌਦਾ ਬਚਿਆ, ਐਤਕੀਂ ਓਹ ਵੀ ਦਫ਼ਾ ਕਰਕੇ ਕੰਧਾਂ-ਵਿਹੜੇ-ਛੱਤਾਂ ਤੱਕ ਪੱਥਰ-ਟਾਈਲਾਂ ਚੜ੍ਹਾ ਦੇਵਾਂਗੇ ਘਰੇ ਡੱਕਾ ਨਾ ਤੋੜ ਕੇ ਮੰਜੇ ਤੋੜਾਂਗੇ, ਗੋਗੜਾਂ ਵਧਾਵਾਂਗੇ, ਜਿੰਮ ਜਾਕੇ ਪਾਊਡਰ ਖਾ ਕੇ ਡੌਲੇ ਬਣਾਕੇ ਮੋਬਾਇਲ 'ਤੇ ਸਟੇਟਸ ਬਦਲ-ਬਦਲ ਲਾਵਾਂਗੇ ਬੱਚਿਆਂ ਨੂੰ ਅੰਗਰੇਜ਼ੀ ਸਕੂਲਾਂ 'ਚ ਪੜ੍ਹਾਕੇ ਆਪਣੀ ਬੋਲੀ, ਧਰਮ, ਵਿਰਸੇ ਤੇ ਸੱਭਿਆਚਾਰ ਤੋਂ ਦੂਰ ਕਰਾਂਗੇ, ਬੱਚੇ ਕੀ ਕਰਦੇ ਕੀ ਪੜ੍ਹਦੇ ਸਾਡੇ ਕੋਲ ਸਮਾਂ ਹੈਨੀ ਘਰ, ਆਂਢ-ਗਵਾਂਢ ਜਾਂ ਰਿਸ਼ਤੇਦਾਰਾਂ ਕੋਲ ਮੇਲ-ਜੋਲ ਹੋਰ ਘਟਾਵਾਂਗੇ ਤਾਂ ਕਿ ਆਪਸੀ ਪ੍ਰੇਮ ਤੇ ਭਾਈਚਾਰੇ ਦੀਆਂ ਤੰਦਾਂ ਚੰਗੀ ਤਰ੍ਹਾਂ ਟੁੱਟ ਜਾਣ ਮਾਪਿਆਂ, ਬਜ਼ੁਰਗਾਂ ਤੇ ਤਜ਼ਰਬੇਕਾਰਾਂ ਕੋਲ ਮਿਲਣ-ਬੈਠਣ ਦਾ ਸਮਾਂ ਤਾਂ ਉੱਕਾ ਈ ਨਹੀਂ ਕੱਢਾਂਗੇ, ਤਾਂਕਿ ਕੰਨ 'ਚ ਕੋਈ ਕੰਮ ਦੀ ਗੱਲ ਨਾ ਪਾ ਦੇਵੇ, ਸਾਨੂੰ ਪਹਿਲਾਂ ਈ ਸਾਰਾ ਕੁਸ਼ ਪਤਾ ਅਲਮਾਰੀਆਂ 'ਚ ਤੂੜੇ ਲੀੜੇ-ਲੱਤੇ, ਭਾਂਡੇ ਤੇ ਹੋਰ ਸਮਾਨ ਸੜ ਭਾਵੇਂ ਜਾਵੇ, ਪਾਰਟੀਆਂ ਹੋਟਲਾਂ ਪੈਲਸਾਂ 'ਚ ਵਧਿਆ ਖਾਣਾ ਕੂੜੇ 'ਚ ਭਾਵੇਂ ਸਿੱਟਣਾ ਪਵੇ ਪਰ ਕਿਸੇ ਲੋੜਵੰਦ ਤੱਕ ਨਹੀਂ ਪੁਚਾਵਾਂਗੇ ਪੰਛੀਆਂ ਜਾਨਵਰਾਂ ਦੇ ਰੈਣ-ਬਸੇਰੇ ਤੇ ਚਰਾਗਾਹਾਂ ਖਤਮ ਕਰਾਂਗੇ, ਇਨ੍ਹਾਂ ਬੇਜ਼ੁਬਾਨਾਂ ਨੂੰ ਭੁੱਖੇ ਮਾਰਾਂਗੇ, ਦੁਰਕਾਰਾਂਗੇ, ਗੱਡੀਆਂ ਹੇਠ ਦਰੜਾਂਗੇ ਕਿਤਾਬਾਂ, ਅਖ਼ਬਾਰਾਂ, ਰਸਾਲਿਆਂ ਤੋਂ ਹੋਰ ਦੂਰੀ ਬਣਾਵਾਂਗੇ। ਮੋਬਾਈਲ, ਗੱਡੀਆਂ, ਸ਼ੋਸ਼ਲ-ਮੀਡੀਆ ਤੇ ਨਵੀਆਂ ਆਟੋਮੈਟਿਕ ਮਸ਼ੀਨਾਂ ਨੂੰ ਗਲ ਲਾਵਾਂਗੇ ਮਹੰਤਾਂ ਤੇ ਠੇਕੇਦਾਰਾਂ ਦੇ ਕਬਜ਼ੇ ਹੇਠਲੇ ਧਾਰਮਿਕ ਸਥਾਨਾਂ 'ਚ ਰੱਖੀਆਂ ਗੋਲਕਾਂ ਭਰਦੇ ਰਹਾਂਗੇ, ਪਰ ਆਸ-ਪਾਸ ਕਿਸੇ ਦਾ ਭਲਾ ਨਹੀਂ ਕਰਾਂਗੇ ਅਨਪੜ੍ਹ ਲੋਟੂ ਗੁੰਡੇ ਲੀਡਰਾਂ, ਬਾਬਿਆਂ, ਅਫ਼ਸਰਾਂ ਖਿਲਾਫ਼ ਅਵਾਜ਼ ਉਠਾਉਣ ਦੀ ਬਜਾਏ ਇਨ੍ਹਾਂ ਦੀ ਪੂਜਾ ਤੇ ਜੈ-ਜੈ ਕਾਰ ਕਰਾਂਗੇ, ਫੋਟਮਾਂ ਖਿਚਾਵਾਂਗੇ ਬੇਤੁਕੀਆਂ ਵੀਡੀਓ ਬਣਾਕੇ, ਠੁਮਕੇ ਲਗਾਕੇ, ਲੱਕ ਮਟਕਾਕੇ, ਅੰਗ ਦਿਖਾਕੇ, ਰੀਲਾਂ ਬਣਾਕੇ ਲਾਈਕ ਤੇ ਵਿਊ ਵਧਾਉਣ ਲਈ ਨੈੱਟ 'ਤੇ ਪਾਵਾਂਗੇ ਨਿੱਕੇ-ਮੋਟੇ ਕੰਮ-ਧੰਦੇ ਕਰਨ ਵਾਲਿਆਂ ਨਾਲ ਉਧਾਰ ਕਰਾਂਗੇ, ਭਲੇਮਾਣਸਾਂ ਤੋਂ ਆਨੇ-ਬਹਾਨੇ ਪੈਸੇ ਲੈ ਕੇ ਮਾਰਾਂਗੇ, ਜਦੋਂ ਕੋਈ ਮੰਗੇਗਾ ਤਾਂ ਉਸੇ ਨੂੰ ਗਲਤ ਬਣਾਵਾਂਗੇ ਪੰਜਾਬ 'ਚ ਕੰਮ ਕੋਈ ਹੈਨੀ ਪਰ ਬਾਹਰਲੇ ਦੇਸੀਂ ਜਾ ਕੇ ਟੱਟੀਆਂ ਸਾਫ਼ ਕਰਾਂਗੇ, ਬੇਰੀਆਂ ਤੋੜਾਂਗੇ, ਰੇੜ੍ਹੀਆਂ ਲਾਵਾਂਗੇ ਜਾਂ ਹੋਰ ਦਿਹਾੜੀ-ਦੱਪਾ ਕਰ ਲਵਾਂਗੇ ਜੇ ਕੋਈ ਚੱਜ ਦੀ ਸਲਾਹ ਦਿੰਦਾ ਤਾਂ ਪੂਰੀ ਆਕੜ 'ਚ 'ਤੈਨੂੰ ਕੀ' 'ਤੇਰਾ ਢਿੱਡ ਦੁਖਦਾ' ਕਹਾਂਗੇ, ਜੇ ਫੇਰ ਵੀ ਨੀ ਹਟਦਾ ਤਾਂ ਗਲ ਪਵਾਂਗੇ, ਸਿਰ ਪਾੜਾਂਗੇ ਨਾ ਆਸ-ਪਾਸ, ਨਾ ਸਮਾਜ, ਨਾ ਕੌਮ, ਨਾ ਦੇਸ਼-ਦੁਨੀਆਂ ਲਈ ਕੋਈ ਯਾਦਗਾਰੀ ਕੰਮ ਕਰਾਂਗੇ, ਸਿਰਫ਼ ਤੇ ਸਿਰਫ਼ ਨਿੱਜ ਲਈ ਜ਼ਿੰਦਗੀ ਜੀਵਾਂਗੇ @Agiyat ✍