Eng goʻzal qiroatlar

ТАЛОҚ ҚИЛИШГА ШОШИЛМАНГ! “... Агар уларни ёқтирмасангиз, шоядки, Аллоҳ сиз ёқтирмаган нарсада кўпгина яхшиликларни қилса.” (Нисо сураси, 19-оят) Ушбу оятга кўра эрларга ўз аёлларини ёқтирмай қолсалар-да, уларни талоқ қилмай, никоҳларида сақлаб туриш тарғиб қилинади. Чунки бу ишда Аллоҳ таолонинг амрига бўйсуниш борлигининг ўзи эрлар учун кифоядир. "Ҳикматлар чашмаси"дан ♻️ Дўстларингизга ҳам улашинг!!!   ✅ https://t.me/makkayu_madina2

ЗИЛЗИЛА 1. Инсонлар тақдирини ўз мижозингизга қараб тақсимламанг. Зилзила остида вафот этганларнинг барчаси ҳам осий-гуноҳкор эмас. Омон қолганларнинг барчаси ҳам фаришта эмас. Амвос вабосида бу умматнинг энг ишончли кишиси Абу Убайда розиёллоҳу анҳу ва жуда кўп саҳобалар розиёллоҳу анҳум вафот этишган эди. Ҳолбуки, уларнинг яқинида бўлган ва уларнинг поябзалининг боғичига арзимайдиган Румликлар омон қолган эди! 2. Махлуқотларига Аллоҳдан меҳрибонроқ ҳеч ким йўқ. Унга нисбатан одоб доирасида туринг. Қанчалик олим бўлмайлик, Унинг раҳмати ва ҳикматини иҳота қила олмаймиз. Гарчи бутун инсониятнинг ақли бир жойда жамланганида ҳам Каҳф сурасида зикр қилинган ва қатл қилинган болачанинг қатл қилинишидан ҳикмат нелигини била олмас эди. Аммо Аллоҳ таоло биздан ғайб пардаларини кўтарганида билдикки, биз ёмон деб ўйлаган нарса остида жуда кўп яхшиликларни беркитиб қўйган бўлар экан! 3. Бу нарсалар бизга нафақат Аллоҳнинг чексиз қудратини, балки ўзимизнинг ҳам нечоғли заифлигимизни ҳам англатди! 4. Бу дунёда ҳеч нарсага кафолат йўқ. Барча нарса истаган соатда остин-устин бўлиши мумкин. Саломатлик бир лаҳзада ожизликка, гўзаллик эса бадбашараликка, бойлик фақирликка айланиши мумкин. Солиҳлардан биридан бир киши сўраган эди: - Роббимиз отадиган тақдир ўқидан қандай қутилишим мумкин? Солиҳ инсон шундай жавоб берган эди: - Отувчи томонида бўл, қутиласан! 5. Ўзаро сулҳда яшайлик. Эҳтимол ухлайдиган уйқумиз охиргисидир. Бир-биримизни ёмон кўриб, силаи-раҳмни узиб ухламайлик. Кишининг қабри устида йиғлагандан кўра елкасига бош қўйиб йиғлаб узр сўраш яхшироқдир. Қабри устига қўйилган бир боғ гулдан қўлига берилган бир дона гул яхшироқдир. Тириклигида қўлини олишдан орланган кишимиз ўлганида таъзия учун бир-биримизни қучоқлашдан не наф? 6. Азиз сингилларим! Бир аёл вайроналар остидан ҳижобсиз чиқишдан бош тортди. Сиз эса "эртага ҳижобга кираман, индинга ҳижобга кираман" деб юрибсиз. Қанақа узрингиз бор яна?! Эртага ёки индингача яшашингизга сизга ким кафолат берган?! 7. Бир кишини вайроналар остидан топишди. Аммо уни чиқариш учун вақт керак эди. У эса ибодат қилиши учун таҳоратга сув сўради. Эй намозни ўқимасдан пайсалга солиб юрган миллатдошим! Сизда қанақа узр бор?! Бугундан, ҳозирдан бошланг! 8. Кишилар бугун мажруҳ. Сиз жароҳатловчи сўзларингиз, ўйловсиз жумлаларингиз билан жароҳатни иккита қилманг. Вайроналардан омон қолган бир киши айтаяпти: "Оиламдагилар барчаси вайроналар остида ҳалок бўлишди. Бир ўзим ёлғиз қолдим. Мендан бошқа ҳамманинг аҳволи яхши!". Мана шу каби кишиларга йўқотиш азоби билан жароҳатловчи сўзларнинг аламини бирга тоттирманг! 9. Бир ёш турк йигитини ижара ҳақини тўлай олмагани учун уй эгаси кўчага ҳайдаб чиқарган экан. Бир неча кундан кейин зилзила содир бўлган. Йигит айтаяпти: "Энди ўша уйнинг эгаси билан бирга бир чодирда олов атрофида ўтирибмиз! ". Мол жамлаш йўлида инсон эканлигимизни унутиб қўймайлик! 10. Чиройли сўзлар, қўллаб-қувватловчи жумлалар гўзал ҳис туйғулардан хабар беради. Аммо совуқдан титраётган болаларни исита олмайди, беморга бир қутича дори бера олмайди, яқинларидан ажраган кишиларнинг жароҳатини битира олмайди. Келинг, ҳар-биримиз қўлимиздан келганича биродарларимизга ёрдам берайлик. Шояд Набиййимиз саллоллоҳу алайҳи ва салламнинг: "Мўъминлар ўзаро муҳаббат қилишда, ўзаро раҳм қилишда, ўзаро меҳр кўрсатишда битта тана каби бўладилар!", деган қавллари остига кирсак! Abdulqodir_Polvonov https://t.me/makkayu_madina2

#​​​​​​​​MAKKAI MUKARRAMADAGI MASJIDUL HARAM HAQIDA AYRIM MAʼLUMOTLAR 1. Masjidning umumiy maydoni 1 million kv.metrni tashkil etadi. 2. Masjid hududi 2 million kishini sig‘diradi 3. Yiliga 20 million ziyoratchini qabul qiladi. 4. Tunukun 24 soat davomida ochiq bo‘ladi. 5. Hech qachon qulflanmaydi. 6. 1800 ta farrosh, tozalik xodimlari ishlaydi. 7. 40 ta elektr tokida ishlaydigan tozalash mashinalari ishlaydi. 8. 60 ta tashqi sahnni tozalash uskunasi bor. 9. 2000ta chiqindilar uchun konteynerlar bor. 10. Masjidi Haram ichida 40.000 ta joynamoz solingan bo‘lib, ularning uzunligi jamlansa, Makka va Jidda shaharlari o‘rtasidagi masofadan 89 kilometrga uzunroqdir. 11. 13.000 suv hovuzchasi bo‘lib, kuniga to‘rt marotaba tozalanadi. 14. 25.000ta suv saqlanadigan (yomkost) katta havzalar bo‘lib, ular dunyodagi eng kattalaridan hisoblanadi. 15. Suv tarkibini tekshirib turish uchun 1000ta kichik tahlil jo‘mraklari o‘rnatilgan. 16. Masjid hududida 1.700.000 dona 10 litrlik zamzam suvlari qo‘yilgan suv burchaklari o‘rnatilgan. 17. Haramayn kitob burchaklarida 24 soat davomida mutolaa qilish mumkin va ular bepul xizmatdir. 18. 2000 dan ortiq buyumlarni saqlash qutilari (kamera xraneniya) mavjud. 19. Haram ichida yuzlab maxsus muzlatgich uskunalari o‘rnatilgan. 20. Maʼlumotlar bo‘limidan masjidning qaysi yeridan bo‘lsada maʼlumot olish imkoni yaratilgan. 21. 6000 ta ovoz kuchaytirgich o‘rnatilgan. 22. 4 ta katta ovoz uskunalari bor. 23. 50 ta ovoz uskunalari mutaxassisi ishlaydi. 24. Haramda Musʼhafi sharifning dunyoning 25 tilidagi tarjimalari mavjud. 25. Juma xutbasi 5 turli tillarga to‘g‘ridan -to‘g‘ri tarjima qilib uzatiladi. 26. Yordamga muhtojlarga alohida xizmat bo‘limlari bor. 27. 10.000ta oddiy aravachalar bepul foydalanishga qo‘yilgan. 28. 400ta elektr aravachalar mavjud. 29. Ramazon oyida ro‘zadorlar uchun 4.000.000 iftorlik tayyorlanadi. 30. Masjidul Harom ichida 50.000 ta, tashqarisida 50.000 ta xurmo bepul tarqatiladi. 31. Iftordan so‘ng dasturxonlar bir necha daqiqalar ichida yig‘ishtirib olinadi. https://t.me/makkayu_madina2

#кун_эслатмаси Зикрнинг маъноси: «Аллоҳим! Албатта, мен Сени, аршингни кўтариб турувчиларни, фаришталарингни ва барча махлуқларингни гувоҳ қилиб айтаманки, албатта, Сен Аллоҳсан! Сендан ўзга илоҳи маъбуд йўқ. Сен ёлғизсан! Сенинг шеригинг йўқ. Албатта, Муҳаммад Сенинг банданг ва Росулингдир». Анас розияллоҳу анҳудан ривоят кнлинади: «Набий соллаллоҳу алайҳи васаллам: «Ким эрталаб бўлганда: «Аллоҳумма инний асбаҳту ушҳидука ва ушҳиду ҳамалата ъаршика ва малаа`икатака ва жамиъа холқика би аннака анталлоҳу лаа илаҳа иллаа анта, ваҳдака, лаа шарийка лака. Ва анна Муҳаммадан ъабдука ва росулука» деса, албатта Аллоҳ унинг ўша куни қилган гуноҳини мағфират қилади. Агар уларни кечқурун кирганда айтса, ўша кечаси қилгани мағфират қилинади», дедилар». («Сунан» эгалари ривоят қилишган) https://t.me/makkayu_madina2

#кун_эслатмаси Дуонинг арабча матни: رَضِينَا بِاللهِ رَبًّا وَبِالإِسْلاَمِ دِينًا وَبِمُحَمَّدٍ رَسُولاً Дуонинг маъноси: «Аллоҳни Робб деб, Исломни дин деб ва Муҳаммадни Расул деб, рози бўлдик». Савбон розияллоҳу анҳудан ривоят қилинади: «Набий соллаллоҳу алайҳи васаллам: «Ким эрталаб ва кечқурун бўлганда: «Розийнаа биллаҳи Роббан ва бил Ислаами дийнан ва би Муҳаммадин Росулан» деса, албатта, Аллоҳ учун уни рози қилиш ҳақ бўлур», дедилар». («Сунан» эгалари ривоят қилишган) https://t.me/makkayu_madina2

#Ҳадис Анас розияллоҳу анҳудан ривоят қилинади. Бу зот ёш болалар олдидан ўтиб, уларга салом бердиларда: «Расулуллоҳ соллаллоҳу алайҳи васалламнинг одати шарифлари - мана шу тарзда салом берардилар», дедилар. Имом Бухорий ва Муслим ривоятлари. ♻️ Дўстларингизга ҳам улашинг!!!   https://t.me/makkayu_madina2

Гар етиштирсанг, она бир мактаб, Унинг қўлида етишар яхши бир миллат. https://t.me/makkayu_madina2

#Bu oddiy temir bo‘lagi. Shu holida uning qiymati 100 AQSH dollari atrofida. Deylik, agar bundan taqa yasashga qaror qilsangiz, uning qiymati 250 dollargacha oshadi. Agar siz bu temirdan ninalar yasasangiz, uning qiymati 70 000 dollargacha ko‘tariladi. Modomiki siz bu temirdan soat prujinalarini ishlab chiqarsangiz, uning qiymati 6 million dollargacha yetadi. Unutmangki, sizning qadr-qimmatingiz holatingizga emas, o‘zingizdagi eng yaxshi jihatlarni qaysi yo‘llar bilan yuzaga chiqarishingizga bog‘liq. https://t.me/makkayu_madina2