🚩 ਚੜ੍ਹਦੀ ਕਲਾ 🚩

ਕਿਸੇ ਦੂਰ ਦੁਰਾਡੇ ਦੇ ਇਲਾਕੇ ਤੋਂ ਕੋਈ ਗਰੀਬ ਬੰਦਾ ਗੁਰੂ ਸਾਹਿਬ ਜੀ ਦੀ ਸ਼ੋਭਾ ਤੇ ਵਡਿਆਈ ਸੁਣ, ਉਨ੍ਹਾਂ ਦੇ ਦਰਸ਼ਨਾਂ ਨੂੰ ਪੈਦਲ ਈ ਤੁਰ ਪਿਆ... ਕਈ ਮਹੀਨਿਆਂ ਦਾ ਪੰਧ ਮੁਕਾ ਜਦ ਉਹ ਪੁੱਛਦਾ-ਪੁਛਾਉਂਦਾ ਗੁਰੂ ਸਾਹਿਬ ਦੇ ਜੱਦੀ ਪਿੰਡ ਪਹੁੰਚਾ ਤਾਂ ਪਤਾ ਲੱਗਾ ਕਿ ਗੁਰੂ ਸਾਹਿਬ ਤਾਂ ਜੋਤੀ ਜੋਤ ਸਮਾ ਗਏ ਹਨ... ਓਸ ਬੰਦੇ ਦੀਆਂ ਅੱਖਾਂ ਨਮ ਹੋ ਗਈਆਂ... ਵਿਆਕਲ ਹੋਏ ਨੇ ਪਿੰਡ ਵਾਸੀਆਂ ਨੂੰ ਕਿਹਾ, ਮੈਨੂੰ ਗੁਰੂ ਸਾਹਿਬ ਜੀ ਦੇ ਬਾਰੇ ਕੁੱਝ ਦੱਸੋ, ਉਹਨਾਂ ਦਾ ਚਿਹਰਾ-ਮੁਹਰਾ ਕਿਹੋ ਜਿਹਾ ਸੀ..? ਇੱਕ ਬੀਬੀ ਨੇ ਫੁਰਮਾਇਆ, "ਗੁਰੂ ਸਾਹਿਬ ਜੀ ਦਾ ਚਿਹਰਾ-ਮੁਹਰਾ ਪਾਵਨ ਬਾਣੀ ਦੇ ਸ਼ਬਦਾਂ ਵਰਗਾ ਸੀ..." ਗੁਰੁ ਮੂਰਤਿ ਗੁਰ ਸਬਦੁ ਸੁਣਿ ਸਾਧਸੰਗਤਿ ਆਸਣੁ ਨਿਰੰਕਾਰੀ

ਅੱਜ ਨਨਕਾਣੇ ਚਾਨਣ ਹੋ ਗਿਆ ਆਇਆ ਧਰਤੀ 'ਤੇ ਖੁਦ ਭਗਵਾਨ, ਦਿਨ ਚੜ੍ਹਿਆ ਭਾਗਾਂ ਵਾਲੜਾ ਹਨੇਰਾ ਮਿਟਿਆ ਚਾਨਣ ਆਣ, ਮਾਤਾ ਤ੍ਰਿਪਤਾ ਵੀ ਤ੍ਰਿਪਤ ਹੋ ਗਈ ਮਹਿਤਾ ਕਾਲੂ ਜੀ ਦਾ ਵਧਿਆ ਮਾਣ, ਵੇਖ ਕੇ ਨਾਨਕ ਦੇ ਨੂਰੀ ਪ੍ਰਕਾਸ਼ ਨੂੰ ਹੋ ਗਏ ਸਾਰੇ ਬਹੁਤ ਹੈਰਾਨ। ਮੁੱਖ ਨਾਨਕ ਦਾ ਨੂਰੀ ਵੇਖ ਕੇ ਹੋਈਆਂ ਤੁਲਸਾਂ ਤੇ ਦੋਲਤਾਂ ਹੈਰਾਨ, ਆਖੇ ਦੋਲਤਾਂ ਨਿਹਾਲ ਮੈਂ ਤਾਂ ਹੋ ਗਈ ਵੇਖ ਕੇ ਨਾਨਕ ਦੀ ਮੁਸਕਾਨ, ਮੈਨੂੰ ਪੈਸਿਆਂ ਦੀ ਭੋਰਾ ਲੋੜ ਨਾ ਨਾ ਕੋਈ ਚਾਹੀਦਾ ਅੱਜ ਦਾਨ, ਬਾਲਕ ਹੋਰ ਨਾ ਕੋਈ ਮੈਂ ਤਾਂ ਵੇਖਿਆ ਨਾਨਕ ਵਰਗਾ ਕਿਤੇ ਬਲਵਾਨ। ਭੈਣ ਨਾਨਕੀ ਤੱਕ ਕੇ ਵੀਰ ਨੂੰ ਗੀਤ ਖੁਸ਼ੀਆਂ ਦੇ ਲੱਗ ਪਈ ਗਾਣ, ਮੱਥਾ ਨਾਨਕ ਦਾ ਚੁੰਮ ਕੇ ਆਖਦੀ ਮੇਰਾ ਵੀਰ ਹੈ ਮੇਰੀ ਜਾਨ, ਅੱਜ ਲੱਗੀਆਂ ਨਨਕਾਣੇ ਰੌਣਕਾਂ ਵਧਾਈਆਂ ਸਾਰੇ ਹੀ ਦੇਈ ਜਾਣ, ਸਾਰੇ ਆਖਦੇ ਖੁਦਾ ਖੁਦ ਆ ਗਿਆ ਜੋ ਹੈ ਸਭ ਤੋਂ ਵੱਧ ਬਲਵਾਨ। ਅੱਜ ਚਾਨਣ ਲੋਹੜੇ ਦਾ ਹੋ ਗਿਆ ਖੁਸ਼ੀ ਝੂਮੀ ਵਿੱਚ ਅਸਮਾਨ, ਹਵਾਵਾਂ ਗੀਤ ਖੁਸ਼ੀ ਦੇ ਗਾਉਂਦੀਆਂ ਕਰਕੇ ਨਾਨਕ ਵੱਲ ਧਿਆਨ, ਸਾਰੀ ਸ੍ਰਿਸ਼ਟੀ ਖੁਸ਼ੀ ਵਿੱਚ ਝੂਮਦੀ ਬਾਲਕ ਨਾਨਕ ਦੀ ਵੇਖ ਕੇ ਸ਼ਾਨ, ਚੰਦ ਸੂਰਜ ਵੀ ਮੱਥਾ ਆ ਕੇ ਟੇਕਦੇ ਤਾਰੇ ਅੰਬਰਾਂ 'ਚੋਂ ਫੁੱਲ ਬਰਸਾਣ, ਧਾਲੀਵਾਲ ਨੇ ਲੈ ਕੇ ਤੇਰਾ ਆਸਰਾ ਤੇਰੀ ਮਹਿਮਾ ਕਰੀ ਬਿਆਨ।

ਮੋਢੇ ਉੱਤੇ ਸੰਤਾਲੀਆਂ ਚੱਕ ਲੜਿਆ ਵੱਡੇ ਦੋਸ਼ੀਆਂ ਨੂੰ ਸੋਧਿਆ ਰੇਗਿਸਤਾਨਾਂ ਦੀ ਸੁੰਨ ਨੂੰ ਲੰਘਿਆ ਜੰਗਲਾਂ ਪਹਾੜਾਂ ਦੇ ਨਾ ਮੁੱਕਣ ਵਾਲੇ ਪੈਂਡੇ ਤੈਅ ਕੀਤੇ ਜਵਾਨੀ ਰੂਪੋਸ਼ੀਆਂ ਤੇ ਜ਼ੇਲ੍ਹਾਂ 'ਚ ਕੱਟੀਆਂ ਕੁਰਸੀਆਂ ਨੂੰ ਠੋਕਰਾਂ ਮਾਰੀਆਂ ਕਿਰਦਾਰ ਦੀ ਬੁਲੰਦੀ ਉੱਤੇ ਜ਼ੋਰ ਦਿੱਤਾ 'ਕੱਲੀ ਮੰਜ਼ਿਲ ਨਹੀਂ, ਤਰੀਕਾ ਵੀ ਸ਼ੁੱਧ ਦਰਸਾਇਆ ਕਦੇ ਹਥਿਆਰਾਂ ਨਾਲ, ਕਦੇ ਵਿਚਾਰਾਂ ਨਾਲ 'ਖਾਲਸਾ ਜੀ ਕੇ ਬੋਲਬਾਲੇ', ਲਈ ਘਾਲਣਾ ਘਾਲੀ ਨਾਅਰੇਬਾਜ਼ੀਆਂ, ਚੀਖ਼ ਚਿਹਾੜਿਆਂ, ਸਾਰੀਆਂ ਤੁਹਮਤਾਂ ਦੇ ਵਿਚਕਾਰ ਅੱਜ ਵੀ ਸਹਿਜ ਤੇ ਅਡੋਲ ਰਹਿ ਕੇ ਯਕੀਨ ਪੈਦਾ ਕਰਦਾ ਹੈ ਕਿ "ਭਵਿੱਖ ਫਿਰ ਵੀ ਸਾਡਾ ਹੈ"