Mitti Farishta 🖇 || blogi

29.02.2024

Баҳор келаяпди, сездингми жоним, Тоғлар кечаяпди қорларидан воз. Дарахтлар муҳим бир юмуш билан банд, Келинчак уйғониб қилгандек пардоз. Баҳор келаяпди қиздек қилиб ноз, Саллона - саллона ташлаб қадамлар. У бирам чиройли, дилбар, дилнавоз, Шошилинг, йўлига чиқинг, одамлар! Баҳор келаяпди, ифорларидан, Ҳадемай ҳушимни қилар фаромуш. Ҳамма ҳайдагандек Феврал бечора, Сўнги кунларидан кечади ҳомуш. Баҳор келаяпди, ичимга сиғмай, Чучмомазорларни қучгим келяпди. Ерда юрганларга ҳеч нарса демай, Турналари билан учгим келяпди! Баҳор келаяпди... Гўё табиат, Катта тўй беришга кўрар тараддуд. Ҳой сен, баҳор билан эгиз мухаббат, Кел менинг кўнглимнинг қўлларидан тут! Баҳор келаяпди... Қанча ноз, виқор, Арига талатиб кўйлакларини. Суйганлар кўксига солиб аланга, Ўйнатиб ошиқлар юракларини! Баҳор келаяпди, сездингми, жоним... Малика Салимова

Cutie pictures 📸

Beautiful girl

To‘grisi o'zbek tarjima saytlarga unchalik besh ketmayman. To'g'ri ishi oson emas lekin bitta ishni oxirigacha qilmaydi. Tarjima boshlandimi oxirigacha qilib keyin chiqarish kerak. Bo‘lmasa kutish kerak. 1, 2 qism chiqarib qo'yib, boshqa kinoga o‘tib ketishadi...

Instagram sahifamizda 25ming obunachi🥰 Instagram.com/Umr_Falsafasi

Oq orzularimni qilmang chilparchin, Yaxshi niyatimni yomonga yo'ymang Yaxshi ko'rganlarim sizdan iltimos, Menga yomon nomni siz loyiq ko'rmang! 🎙✍ Kamola Sulton

Тобутдек тебраниб, чайқалиб аста, Заминга бош қўяр япроқлар ўлиб. Куз йиғи беради дилгир,шикаста, Ёмғир шариллайди унга жўр бўлиб. Мастона боғларда ҳазин табассум, Гўё қаригандек чиройли аёл. Гўё турналарга термулиб бир зум, Дарахтлар ҳўрсиниб суради ҳаёл. Машҳур бир рассомнинг чала асари, Мойли бўёқларнинг иси кетмаган. Гўё чизилгандек наридан-бери, Гўё тугатишга умри етмаган. Айвонлар бурчида эгасиз инлар, Келинлар сув сепмас туриб тонг саҳар. Уҳлаб, уйқусига тўймайди тунлар, Ёзнинг иссиғидан толиққан шахар. Қизини узатган отадек олам, Бўм-бўш юрагини юрар кўтариб. Киймлари жулдур телба шамол ҳам, Кимнидир тинимсиз толмас аҳтариб. Яна Куз... Яна шу ҳазонрез кузак, Шомлар қоришади Қуёш қонига. Ҳеч нарса ярашмас қабрдан бўлак, Бечора баргларнинг қабристонига. Малика Салимова

Қошингизга ўсмалар ёт бўлмасин, Кўзингизни оҳу қилсин сурмалар, Сизни кўриб Европа мот бўлмасин, Ўзбек номин қилманг бурда бурдалар. Дудоғингиз олча мисол қип-қизил, Ярашади бир очилиб кулсангиз, Ясама лаб сизга эмас беҳазил, Чин дунёда жавоби бор билсангиз. Қовоғингиз кўтардингиз нинада, Қийноқлардан тушиб кетди киприклар, Алламбало ўрнатдингиз сийнада, Аранг турар миллат қурган кўприклар. Ўзингизда нима қолган, нима бор? Сочларингиз ўхшар ширин пахтага, Ҳийлангизга кўниб қолган вафодор, Айланмасин бир кун ҳиссиз тахтага. Нима қипти бир оз сўлса юзингиз, Ахир баҳор айланмайди умрбод, Чиройингиз олсин ўғил-қизингиз, Аслингиздан аслин топар бу ҳаёт. Санаб берган дамин санаб олгунча, Замин тафтин сезиб турсин товонлар, Очилган гул, қайтиб бўлолмас ғунча, Борин шилиб олса ҳамки салонлар. Чумчуқ лайлак бўла олган қай замон, Ниначи ҳам капалакка ўхшамас, Тақлидда ҳам меъёр керак эй, инсон, Ўзлигини унутмоқлик яхшимас. Сўзим оғир олган бўлса қайси гул, Суратимас, кўнглидан авф сўрайман, Ўзингиздан кечманг илтимос, буткул Сизга Хақнинг саодатин тилайман. Топганингиз сочилмасин ҳавога Тўй-томоша, шодликларга буюрсин, Юзларингиз тўлиб турсин ҳаёга, Ортингиздан бутун дунё югурсин. Кимга опа, кимнинг сингли, ёрисиз, Мафтункорсиз айланса ҳам фасллар, Ўзига бек ҳур Ватаннинг орисиз, Сиздан кейин қолсин мағрур насллар! Севара Хоним

ОИЛА - СИНОВХОНА!!! Она қайнонага айлангач, нима ютади-ю, нималарни ютқазади? Ютгани мисқолча, ютқазгани бисёрдир. Келинг, унинг ютқизишларини эринмай санаб берайин: *Қайнона келинли бўлди. Эвазига умрини сарфлади, ҳуснини сарфлади. Игна кириб, игна чиқди – тер тўкди. Яхши емади, яхши киймади, тўйга тайёрланди. * Чиройли уйларни келинга бўшатиб, ўзи минг розилик билан пойгакдаги эски уйга сурилди. *Авваллари ўз уйи ўлан тўшаги эди, овозини хоҳлаган пардага қўйиб гапирарди. Энди эса орага истиҳола тушди, сўзни секингина, у ёқ-бу ёққа қараб айтадиган бўлди. *Олдин бирор кун гўштсиз овқат қилса ҳам бўлаверар эди, энди уят бўлади. Орада бегона бор, қозон сифатли қайнаши керак. *Келин йўғида ёзилиб ҳасратлар айтилар, ёзилиб режалар тузиларди. Энди эса тилини ютиб ўтириши керак. Сири ёйилиб кетиши, айби очилиб қолиши мумкин. *Авваллари уйида подшодек ёйилиб яшарди, истаган ерида ястаниб ётаверар эди. Энди эса “Келиннинг олдида афт-бошим айб қилмагудайми, устимдаги кўйлак жуда эскирмаганми, шу рўмолни ўрасам бўлаверармикин?” деган андиша етмагандай, “Ётишим хунук кўринмаяптими?” деб чўзилгани пана жой қидирадиган бўлган. * “Болаларим катта бўлди, энди тоғора бозор, касал бозордан қутулдим” деганида келини туғиб, онага айлангани-чи? Ўзиникиларда бақувват эди, энди бели бешга бўлинганда набира боқишларига нима дейсиз? *Ундан ҳам баттари жонидан бўлган ўғлининг унга айтадиган гаплари тугаб бораётгани ва ҳоказо... Айтинг, қайнона шу туришида яйраб кўриняптими? Яна ҳамма гина қайнонаданми? Мана, ҳозир сизнинг айтган гапларизни эслаяпман: "Қайнонам яхши яшашимизга қўймаяпди"- айтинг-чи, ким кўпроқ яшаш имтиёзига эга: қайноналарми ёки ёшлар? Ахир қайнона бу дунёдан чиқиб кетишга ҳозирданоқ тайёрланаётган одам-ку! Кетиб бораётган, ўтиб бораётган одамга иддао қиласизми? Жами уйланган фарзандларга мурожаат қилмоқчиман: ўғлонлар, қайнона аталган аёл умр бўйи йиққани, ясагани, яратгани, топган савобу дуоларини сизга атаб, қолдириб кетяпти. Юрагим увушиб айтаманки, ҳатто у бир кишилик ўрнини ҳам сизга бўшатиб кетишга тараддуланяпти! У сизни деб ўпирилди, сизни деб қуриди. Кимнинг ўлгиси келади бу дунёда?! Унинг ҳам ҳеч ўлгиси йўқ аслида! Аммо “Қувватим кетиб, ёрдамим тугаганда, боламнинг харажатлари кўпайганда топганини еб ётавераманми?” деб ҳам кетишга чоғланиб қоларкан у. Унга яхшилаб қаранг. Озгина иш қилса, ҳансираб қоляпти, кетиб бораётганининг ишораси шу. Пешонасидаги ажинлар ажин эмас, уни етаклаб кетаётган йўллардир! Унинг кам гапириб, кам еганидан хавотир олинг. Бу унинг бу дунёлик сўзларни айтиб бўлдим, ейдиганимни еб бўлдим деб, ҳаёт дастурхонидан қўл артиб туришларидир. Кўришганда ҳам, хайрлашганда ҳам йиғлайдиган бўлиб қолди, бу видоларининг бошланишидир! Ўтиб етган отасини гапиравериши, онасини соғинаверишидан ҳушёр бўлинг! Уларнинг ёнига талпиняпти у! Қайсики қайнона қовоғи солиқдир, билаверинг, ўғли унга эътиборсиз, келини эса бефарқдир! “Она, қанисиз?” деб туринг! “Она, сиз менинг тоғимсиз” деб туринг, музлари эримаса, мен кафил! Қайсики, қайнона ўғлини ошкора қизғанса, билингки, ўғил хотинпараст, келинида эса келинлик илми йўқ! Аслида бизнинг миллат бу борада ғоят билимдон бўлган, эшитинг, ўғлоним! Аёлингизнинг ҳам қулоғига қўрғошиндек қуйиб қўйинг! Оналарнинг умрини узайтириш, розиликлари ичра яшаш учун бизникилар қуйидаги қадриятларга амал қилганлар: *Келин-куёв ота-оналари олдида бир-бирининг исмини атаб чақиришмаган (бу қизғанишлар кучайишининг олдини олади). *Куёв ҳеч қачон оила аъзолари даврасида келинчакка гап қотмаган (бу “мана, мен аёлимга алоҳида эътибор бераётганим йўқ”, қўполроқ айтганда, “Унинг учун ўлиб турганим йўқ” деган ишорани берган). Келин ҳам шу пардада турган. Бу, ҳар ҳолда, оналарнинг руҳииятига хотиржамлик берган.

“Мен Аллоҳнинг олдида хато қилдим” Бир йигит билан учрашиб қолдим. У менга ипак толаси бўйича муҳандис эканлигини, ғарбда ўқиганини ва ҳозирда Дамашқдаги катта бир заводда ишлашини айтди. У: “Менда тутқаноқлик касали бор. Баъзида ўзимнинг машинамда (бу энг хатарлиси), гоҳида эса жамоат транспортларида, йўлда, кутубхонада ва баъзида уйда ушбу касалим тутади. Бир кунда ёки бир ҳафтада 3 мартадан 5 мартагача такрорланади. Бу касалликдан наҳоятда чарчадим ва эзилиб кеттим. Нима учун бу касалликни Аллоҳ менга берган?” деди. Шу пайт миямда турли фикрлар туғилди. Тутқаноқлик касали мияга тааллуқли бўлиб, тузалмас бир касаллик эканини билардим. Лекин у мендан бошқача жавоб кутарди. Шунда уйимга таклиф қилиб, унга суҳбат қуриб бердим. Аллоҳ таоло бундай марҳамат қилади: - “Агар шукр қилсангиз ва иймон келтирсангиз, Аллоҳ сизларни азоблаб нима қилади?”. (Нисо сураси, 147-оят) У мени бутун вужуди билан эшитарди. У мендан бу оятнинг маъносини сўради. “Модомики банда Аллоҳ буюргандек ҳаёт кечирса, амрларини адо этса ва қайтариқларидан қайтса-ю, Аллоҳ таоло унга дард ва азоб бериши ажабланарли иш. Чунки Унинг Ўзи: - “Агар шукр қилсангиз ва иймон келтирсангиз, Аллоҳ сизларни азоблаб нима қилади?” - деган бўлса, дедим. У бу гапга жиддий ёндошди, бир парча қоғоз чиқариб: “Айтинг, мен нима қилишим керак”, дея ёза бошлади. Мен унга намозларни ўз вақтида ўқиш, тилни тийиш, кўзни ва қулоқни гуноҳдан тўсиш каби қирққа яқин солиҳ амалларни айтдим. У ҳаммасини ёзиб олди. Чунки ундаги дард аламли ва уни қаттиқ азоблаётган эди. У чиқиб кетгач мен ўзимча уни чалғиттим деб ўйладим. Чунки ундаги касал шифоси йўқ бўлган бир касаллик эди. Мен эса унга Аллоҳнинг амрига итоат этса, ундан бу дард кетади дедим. Жума куни дарс берар эдим. У биринчи ҳафта келдида менга: “Алҳамдулиллаҳ, ҳаётимда биринчи марта ушбу ҳафтада менда ушбу касаллик бўлмади”, деди. Ишонинг! Мен шу вақт бутун дунёга эга бўлгандай бўлдим ва “Аллоҳим унга шифо бер!” деб дуо қилдим. Иккинчи жумага келди ва бу ҳафта ҳам касал бўлмаганини айтди. Учинчи, тўртинчи ва ниҳоят бешинчи жумада келди, хурсандчилигимнинг чеки йўқ эди. Чунки мен Аллоҳнинг айтганини айтдим ва Аллоҳ уни рўёбга чиқарди. Уни бу касалликдан узоқ қилди. Бироқ олтинчи хафта келмади. Мен яна касали қайталаган бўлса керак деб ўйладим ва жуда қаттиқ қайғурдим. Аммо кейинги ҳафта келди ва менга ишонч билан: “Ҳаргиз айтган нарсангиздан ҳижолат бўлманг “Мен Аллоҳнинг олдида хато қилдим”, деди. Ва ўтган хафта гуноҳ ишга қўл урганини айтди. Дарҳақиқат, бугун бошимизга не мусибатлару ва не дардлар келаётган бўлса, гуноҳларимизнинг кўплигидандир. Демак, тавга шошилишимиз даркор. Шунда Аллоҳ таоло тезда бизни бу балолардан халос қилади. Муҳаммад Ротиб Ноблусийнинг дарсликларидан.

Бир беморни Ибн Синонинг ҳузурига олиб келишибди. Ўлим тўшагида олиб келинган беморни бундан олдин кўрсатмаган табиб қолмаган экан. Ибн Сино эса беморга суюқ дори берибди. Дорини 3 маҳал овқатдан кейин ва олдин ичиш кераклигини, беморнинг авҳоли ва дориларнинг доимий тартибда ичилиши назорат қилиниши лозимлигини тайинлабди. Шунингдек, Ибн Сино беморни олиб келган яқинларига уни дори тугагач, 20 кундан сўнг олиб келишларини айтади. Орадан маълум муддат ўтгач, бемор ўз оёғи билан Ибн Синонинг ҳузурига келидби ва “Эй табиб, кўнглингиз тусаган нарсани тиланг, мен жуда катта бойман. Ҳеч ким тузата олмаган пайтда мени тузатдингиз”, дебди. Шунда Ибн Сино 3 та идишда берилган сувнинг пулини тўлаш етарли, деган жавоб берибди. Беморга дори эмас, оддий сув берилган экан.

Жуда бир бошқача жияним бўлган. Чиройли йигит. Глянцевый журналларнинг муқовасида турадиган йигитларга ўхшайди. Роса қизларни айлантирди. Йигитликнинг айшини беармон сурди. Уйланар пайти келганда опам манга бешта қизнинг суратини кўрсатди. Ичида чиройли-чиройли қизлар бор. Ичидан битта қизни танлаб бердим. Танлаб берган қизим табиийки жиянимга ёқмади. "Холамни диди яхши деб атай айтгандим. Сиз эса энг кўримсизини танландингиз!" Ман айтдим: "Шунисидан яхши хотин чиқади!" Аллоҳ ёлғончи қилмади, ўша келинимиз чиндан ҳам тилла келин чиқди. Келин бўлиб очилиб, бир ҳусни ўн ҳусн бўлиб чиройли бир жувонга айланди, Аллоҳга шукр! Эрига қўшиб, қайнона-қайнотасини ҳам гулдек тутади, инсияти бор. Оғир-босиқ.Уйниям ишини тахт тиндиради, ишниям... Кеча опамга бошдан оёқ разм солибман. Оёғида янги оёқ кийим, бошида янги рўмол. Унисини сўрасам ҳам келиним олиб келди дейди, бунисини сўрасам ҳам... Ўйланиб қоламан. Биз негадир одамларнинг чиройига эътибор берамизу, кўзидаги маънога, юзидаги нурга аҳамият бермаймиз. Ёки қоматига, озғин-семизлигига, обеддан кейин чиққан янги бойнинг қизи эканлигига ва уйининг ҳашаматига негадир чалғиб қоламиз... Аслида ўша нарсалар мутлақо аҳамиятсиз нарсалар бўлади. Жуда кўп оддий оилаларда борган ерини яшнатиб юборадиган асл қизлар тарбияланаётган бўлади. Бир кўзлаб ўтиб кетамиз... Қайнонамнинг бир ҳамкасб опахони бор эди, шартаки, манга ўхшаган гапи кескир аёл эди. Бир куни кўчада гулзорга сув сепиб турса уйининг ҳашаматига учиб ёнига иккита аёл келибди ва сизда қиз йўқми деб сўрабди. Манда қиз йўқ деса, набира қизлариз борми деб устига устак савол берибди. Йўқ, набира қизларим узатилиб кетган деса, аёллар жўровоз бўлиб, аттанг бўлганда яхши бўларди-да деб қолишибди. Майли, шунчалик сизларга шу маҳалладан келин қилиш ёқаётган бўлса, ҳув анави тўртинчи эшикда битта зўр чевар қиз яшайди, одобиям гўзал, ҳусни ҳам жойида, ота-онаси ҳам жуда яхши одамлар деб кўрсатиб юборибди. Хола қараб турса, ҳалиги аёллар ўша уйнинг яқинига бориб, дарвозанинг одмилигидан бурнини жийириб қайтиб келишаётганмиш. Холамизнинг жаҳли чиқиб гап билан узиб-узиб олибди: "Айтмайсизларми, ўғлимга баланд дарвоза қидириб юрибмиз деб, ман қиз кўрсатибман сизларга адашиб! Чиқинглар сизларга бу маҳаллада қиз йўқ, бой-бой жойларга боринглар, сепига битта дарвоза қўшиб берсин!" дебдилар шартта... Шу воқеа жуда кўп эсимга келиб туради. Афсуски, бойликка қараб иш битирадиганлар кўп ҳозирги замонда. Негадир ҳамма ўзи четида ҳам ўтирмайдиган гиламга ҳаридор бўлади, инсонга эмас... Аллоҳ ҳам билиб туриб ниятига ярашасини йўлидан чиқариб қўяверади... Ummu Zaynab Ummu

Qaldirg‘ochlar inini qurgan, Uyimizning ayvonlariga. Arzirmikan dunyo tashvishi, Onam ekkan rayhonlariga. ✍ ... 🎙Shahina Bahodirova

Kuchukni yoqtirgan musiqasi yoki yoqtirmagani 😅 Har doim birga akillab beradi😂 Aynan shu naqoratiga

Avval haftada 3 4 marta yuvinadigan, hozir haftada 1marta😅 Hayul esa deyarli har kuni.

ОТА УЙИМ! Қалдирғочлар инини қурган, Уйимизнинг айвонларига. Арзирмикан дунё ташвиши, Онам эккан райҳонларига. Бўёқлари кўчган дарвоза, Ота ҳовлим тафти бошқача. Борсам ўпиб кетади онам, Кўзларимдан оққан ёшгача. Севинчидан елиб, югуриб, Қумғонларда қайнатади чой. Дастурхонлар тузаб мен учун, Супаларга қилишади жой. Мевасидан ширин данаги, Набирасин ҳолини сўрар. Тойчоқ ўғлим от қилиб минса. Эҳ болама, болам деб кулар. Сабзи тўғрар отам майдалаб, Ош қилишга кетади уннаб. Ўзим қилай ошни десам дер, Не қиласан жонингни қийнаб. Ўзи болам бугун келдингку, Меҳмонсан сал дамингни олгин, Совуқларда юргансан болам, Мана новвот чойингга солгин. Эҳ онамни сўзларин тинглаб, Кўзларимдан чиқиб кетар ёш. Томоғимга тиқилар жоним, Тик қарашга етмайди бардош. Ҳовлимизни тутиб кетади, Чакки эмас отамни диди. Димоғимни қитиқлар мени. Ошга солган беҳини ҳиди. Тарвуз-қовун еймиз камига, Отам қилган ошни еб бўлиб. Шу ҳовлида ўтган болалик, Ёшлигимни эслаймиз кулиб. Кўз олдимда турар жилвакор, Этигини бўёқ пастаси. Қўлларида қадоқ изидан, Ялтираган кетмон дастаси. Алишмасдим дунё бойлигин, Ярми очиқ қолган эшикка. Онажоним бармоқ излари, Тушган ўша ёғоч бешикка. Фарзандлари йўқлаб келишса, Нурсиз кўзлар нурга тўларкан. Яна келгин жоним болам деб, Ота-она мезбон бўларкан. Бу ҳаётни тўлмайди ками, Дардлар сиғмас шеърий битикка, Арзирмикан дунёни ғами, Отам кийган бир жуфт этикка.