Botirjon ERGASHEV | rasmiy
Open in Telegram
Ushbu o'zanda siz ✒️ shoir Botirjon Ergashev ijodidan namunalar; 📌 ijtimoiy munosabatlar; 📺 ko'rsatuvlar; 🎙️ qo'shiqlar 🎬 video va audiolar hamda ko‘plab boshqa qiziqarli yangiliklardan bahramand bo'lib borasiz! Murojaat uchun: @Botirjon_Ergashev1975
Show more1 734
Subscribers
-224 hours
+17 days
-3430 days
Posts Archive
#Каналимиз_меҳмони
Ёзёвонлик синглимиз Одинахон Абдукаримовадан навбатдаги яна бир шеърий ижро.
"Оson bo‘lmadi"
@Botirjon_Ergashev
БЕЗОВТА БЎЛМАНГИЗ
Отажон, онажон, дунё нотинч, деб
Безовта бўлмангиз, тинч олинг ором!
Кимлардир дунёга поклик дея зеб,
Амалда ҳар ёқни қилмоқда ҳаром.
Ўйлайман, одамдай яшаса, нетар,
Дейман, нега иши амалига зид?!
Тушунмам, дунёни қандай пок этар,
Ўзи бўла туриб нотоза, палид.
Онажон, недир денг бу золимларга,
Одамхўрликдан ҳеч ор қилмаяпти.
Отажон, недир денг бу золимларга,
Тирикларнинг гапи кор қилмаяпти.
Бироқ, ғам чекмангиз, биз бор эканмиз,
Ёв из сололмайди ҳудудимизга.
Юрак мисол уйғоқ, хушёр эканмиз,
Аллоҳ куч бағишлар вужудимизга.
Кеча Ватанимнинг ҳар ғоясида,
Ҳимоя қилардим сизлар бор учун.
Энди хокингизнинг ҳимоясида
Турибман, руҳингиз бўлмасин маҳзун.
Отажон, онажон, дунё нотинч, деб
Безовта бўлмангиз, тинч олинг ором!
@Botirjon_Ergashev
#Каналимиз_меҳмони
Ёзёвонлик синглимиз Одинахон Абдукаримовадан навбатдаги яна бир шеърий ижро.
"Отамдирсиз".
Меҳр учун ташаккур!
@Botirjon_Ergashev
ASSALOMU ALAYKUM, QADRDONLAR!
BARCHANGIZGA VATANIMIZ MUSTAQILLIGINING 35 YILLIGI MUBORAK BO‘LSIN!
YURTIMIZ TINCHLIGI DOIMO KO‘ZLARIMIZNI QUVNATAVERSIN!
@Botirjon_Ergashev
#Mustaqillik35
#Vatan_madhi
Oʻzbekistonda xizmat koʻrsatgan madaniyat xodimi, shoir Botirjon Ergashev
FARGʻONAJONIM
@Botirjon Ergashev
#Yangisidan
БЎЛГАЙ...
Қадди расосан, ўқи,
ақлинг ҳам расо бўлгай,
Бу расолик шайтонга
энг олий жазо бўлгай.
Иблисдан юз ўгирмоқ
ердан юз карра оғир,
Буни дилдан истасанг,
бардошинг асо бўлгай.
Ҳар намоз қазосидан
сўралгайдир ҳар банда,
Қисмати хунук, кимки
бенамоз қазо бўлгай.
Қай умр эзгуликка
бахшида эрса, яхши,
Ул зоти шарифлардан
Яратган ризо бўлгай.
Ҳаққа қул бўл, шум нафсга
зинҳор қул бўлма, Ботир,
Шунда Фиръавн нафсга
иймонинг Мусо бўлгай.
@Botirjon_Ergashev
#Kanalimiz_mehmoni
Укамиз Саидбек Раҳматов "Қизғон" номли шеъримиз жуда гўзал тарзда ўқибди.
Сизларгаям илиндим.
@Botirjon_Ergashev
Ёзёвонлик синглимиз Одинахон Абдукаримова навбатдаги шеърий ижро.
"Кулиб қўйинг".
Изоҳларда фикрингизни кутамиз.
@Botirjon_Ergashev
#Tavsiya
"Hayot va xayol yo‘llari"da dilbar telejurnalist singlim Surayyo Mansurova bilan dildan suhbatlashgandik. Sizlargayam ilindik. Bir vaqt ajratib, ko‘ringlar-chi. Fikrlaringizni izohlarda kutamiz.
Yoqimli tomosha!
@Botirjon_Ergashev
МЕНДА ҲАМ БОР
Дардларинг-ла эзма, дўстим,
сенда бор дард, менда ҳам бор,
Иймонни суст айлагувчи
сенда бор гард, менда ҳам бор.
Қайғу-кулгу, шодлик-додлик,
билурсан, мудом елкадош,
Барчасини англагали
сенда бор вақт, менда ҳам бор.
✍️ Ботиржон ЭРГАШЕВ
🎤Гулруҳ Эшонқулова
ХОТИРА
Хотира - қалбимнинг тор хужрасида,
Мудраб ётган кекса, улуғ мўйсафид.
Бир он кўзим юмсам хаёл сасида,
Уйғониб, борлигин қилади таъкид.
Ногаҳон нотаниш жойлардан чиқиб,
Таниш қиёфалар учрайди гоҳо.
Ҳурлик келар ёққа илҳақ, кўз тикиб,
Интизор туради Қодирий бобо.
Юрак типирчилар раҳмимни емас,
Синиб кетгудайин кўксим қафаси.
Шўх эсган шабода, шабода эмас,
У Усмон Носирнинг ўксик нафаси.
Хотира - ўтмишнинг қайтиши деган -
Нафис ташбеҳлардан порлагувчи бахт.
Хотира - тириклар улуғлайдиган,
Ва руҳлар шод бўлар энг муборак вақт.
✍Ботиржон Эргашев
@Botirjon_Ergashev
