MIRZOHID FARRAH | Rasmiy kanal

KOʻRGANINGIZDEK :) Men shodon emasman, koʻrganingizdek, Koʻnglim devorlari ezilib, soʻngan. Soʻzlar ham hastaroq sezganingizdek, Toʻkila-to'kila dardlarga koʻngan. Men shodon emasman, koʻrganingizdek, Ichimda dard toʻla sogʻinch yashaydi. Bir chetda jimgina unutilgandek, Yuragim men uchun arzin boshlaydi. Men shodon emasman, koʻrganingizdek, Soxta tabassumda kulib qoʻyaman. Men kula olmayman, kulganingizdek, Niqobda boshqamas oʻzim boʻlaman. Men shodon emasman, koʻrganingizdek, Qiziqmas men uchun o'zga hayoti. Balki seva olmasman sevganingizdek, Menga unut boʻlgan ketganlar yodi, Men shodon emasman, koʻrganingizdek, Qalbimning tubida gʻalayon, shovqin. Oson kecha olmasman kechganingizdek, Vafoga mahkumman, abadiy tutqun. Men shodon emasman, koʻrganingizdek... 23. 05. 2026. 📜Muallif: Mirzohid Farrah ✍🏻 • Samarqand shahri •

KELIB-KETGANLAR 🍂 Turfa ekan bu koʻngilning koʻchalari, Kelib-ketar xanjar sanchib nechalari. Yolgʻonlarga toʻlib ketgan so'zchalari, Qaytib kelmang, hayotimga kelib-ketganlar. Savdolashar qalbin sotib bozorlarida, Bilmaydilar qolar bir kun ozorlarida. Mehr emas, nafrat yashar izhorlarida, Qaytib kelmang, hayotimga kelib-ketganlar. Izladingiz mendan faqat xatolarimni, Bilmadingiz sizga boʻlgan vafolarimni. Arz qilmayman yurakdagi yarolarimni, Qaytib kelmang, hayotimga kelib-ketganlar. Xazon kabi toʻkilganda qadringiz, Bilmam, yetar balki yetmas sabringiz. Yod etmasin biz g'aribni qalbingiz, Qaytib kelmang, hayotimga kelib-ketganlar. Men uchun ma'quldir yolgʻizlik yoʻli, Oʻzga yoʻl koʻnglimga ozorlar boʻldi. Ming ishqdan yaxshidir kimsasiz choʻli, Qaytib kelmang, hayotimga kelib-ketganlar. Charchaganman soxta koʻngil olishlardan, Gohi bezdim haqiqatni koʻrishlardan. Foyda yoʻqdir endi qaytib kelishlardan, Qaytib kelmang, hayotimga kelib-ketganlar. 05. 04. 2026. 📜Muallif: Mirzohid Farrah ✍🏼

BIR KUN ☘ Kecha shodon eding, bugun-chi jimsan, Qayga ketdi, seni tashlab ishonganlaring? Hozir ular uchun aytgin-chi, kimsan? Endi suyanch boʻlolmaydi suyanganlaring. Dunyoda tinmading, gʻarazli niyatlar qilib, Dedingki: „ Bu ishim hechkim koʻrmaydi ”. Kimlarni yigʻlatding, qalbini poralab, tilib. Endi har qilmishingni tanang soʻzlaydi. Zalolat botqogʻiga botarding har kun, Yolgʻon soʻzlar aytib, Haqdan yurmasding. Bu toʻloving ayanchli, oshkora bugun, Oʻzga koʻnglin ranjitib, parvo qilmasding. Bu hayot daftarida oddiy soʻz emas, Har kimning yozilgan haqiqati bor. Dunyo jamolini koʻrgan koʻz emas, Ishq deya intilganning tariqati bor. Sevgi deb nomlangan, aslida bu soʻz, Albat maqbul boʻlgay Allohga boʻlsa. Ikki dunyosiga yaralgan javharidir koʻz, Hargiz yaxshilik ko'rgay kalomin tutsa. Bir kun qadamlarimiz uzilar yerdan, Bizni kutib olar, qorongʻu zulmat. Osiymiz, rahm qil, oʻtinchim Sendan, Sinov uchun berilgan bizlarga qismat. 23. 03. 2026. 📜Muallif: Mirzohid Farrah ✍🏼 • Samarqand shahri •

PREMYERA | Tez kunda☘ 21-fevral soat 19:00da ! Muzalar hamda Og’abek Safarov you tube kanalida ❤️ Ogʻabek Sobirov - Qishloqlik qiz❤️ Composer: Og’abek Safarov Aranger: Ozodiy music 🎹 Shoir: Mirzohid Farrah ✍🏼 • Buyurtma asosida yozildi. In Sha Allah qoʻllab turasizlar ukam bilan birinchi ishimiz ! Yaqinlarga tarqatib qoʻying !😊 Ijtimoiy tarmoqlarimizga obuna bo’ling❗️ Instagram | You tube | TikTok | Telegram

OTAM 📙 Huv, anavi dalada otam ishlaydi, Goh uyga kelmaydi hafta-haftalab. Mehnatdan bir zum ham, sira tinmaydi, Ketmonin yerga urar, asta hansirab. Huv, anavi dalada otam ishlaydi, Qoʻllari qavargan, koʻzlari tolgan. Oilam deb uzun kun yerni tirnaydi, Aslida, shu dala yoshligin olgan. Huv, anavi dalada otam ishlaydi, Maktabdan shoshilib, boraman chopib. Menga kulib doim holim soʻraydi, Soʻngra choy ichamiz, tuproqqa yotib. Huv, anavi dalada otam ishlaydi, Dardlarin hechkimga aytmay, jimgina. Allohga shukur deb, rizqin izlaydi, Yonida parvona oʻsha kamina. Huv, anavi dalada otam ishlaydi, Tuproqdan mustahkam kelajak qurib. Har joyga mehrdan nihol qadaydi, Baʼzan oʻyga choʻmar, hayollar surib. Huv, anavi dalada otam ishlaydi, Sogʻinib, yoʻllarimga boʻlar intizor. Halollik, rostgoʻylik, baxtdan soʻylaydi, Dunyoda otamdek yana kimim bor? 29. 01. 2026. 📜Muallif: Mirzohid Farrah ✍🏼 • Samarqand shahri •

✅ Idea sotiladi ! Qoʻshiq nomi: Yor 🧡 Bastakor: Giyosbek Olimov 🎹 Matn muallifi: Mirzohid Abdusamadov ✍🏼 ( Studio Samarqandda ) 📞Aloqa uchun: +998942084446 +998940045404

PREMYERA 🦋🔊 18-Yanvar | 18:00 ⏰ XAMDAM SOBIROV - NILUFAR 💔 📜Mualliflar: Jamshid Ximmatov✍🏼 Mirzohid Farrah✍🏼 💡Idea: Jamshid Ximmatov 🎹Aranjirovka: Doniyor Akhmedov ©dndmusic • Buyurtma asosida yozildi. In Sha Allah qoʻllab turasizlar birinchi ishimiz !😊

Nasib tez kunlarda Xamdam Sobirov akamizdan « NILUFAR » ismiga ishlangan taronamizni kutib qoling ! 🔊🎵 XAMDAM SOBIROV - NILUFAR 💔 📜Mualliflar: Jamshid Ximmatov✍🏼 Mirzohid Farrah✍🏼 💡Idea: Jamshid Ximmatov 🎹Aranjirovka: Doniyor Akhmedov ©dndmusic • Buyurtma asosida yozildi. In Sha Allah qoʻllab turasizlar birinchi ishimiz !😊

BAHORLAR KELADI 🌸☘ Sen kutgan bahorlar keladi hali, Yorishar koʻnglingda abadiy chiroq. Saroying baxt bilan toʻladi hali, Qaygʻular birma-bir ketadi yiroq. Aldanma qishning oppoq qorlariga, Qachondir bagʻringni muzlatib ketar. Marjondek terilgan oʻsha dorlariga, Chirmashib boʻgʻzingdan ayovsiz osar. Kuzga ham ishonma, ishonma zinhor, Qalbing koʻmib ketar xazonlariga. Qadringni bilmasdan etadi u xor, Soʻngra tashlab ketar armonlariga. Yozga doʻst boʻlmagin, joning yoqadi, Ayyorlik bobida yomondan yomon. Jilmayib, oʻzgalarga siring sotadi, Tuzogʻi o'tlidir, chiqmaysan omon. Sen bahorni kutgin, shoshmagin, shoshma, Yuraging berma hech yomonlariga. Gʻazabdan o'rtanma, dengizdek toshma, Yetarsan jannatning bo'stonlariga. Hayot daftaringni yopmay tur biroz, Hali yozilajak koʻp goʻzal soʻzlar. Hayotning sinovi sen bilgandan oz, Robbing uchratadi eng sodiq koʻzlar. Sen kutgan bahorlar keladi hali... 02. 01. 2026. 📜Muallif: Mirzohid Farrah ✍🏼 • Surxondaryo viloyati Qumqoʻrgʻon tumani •