زُلفكْ

‏زي ما مشيت مشاوير كتير لناس مكسلة تعدي عشانك الشارع ، هتلاقي ناس يمشولك مشاوير بقلبهم وإنت ممشتش عشانهم خطوة واحدة من غير ما تحس . هتلاقي الجبر يجيلك من باب عمرك ما عملتله حساب ، كفاية بس إنك تكون راضي ، ودايما ربك عليه العوض .

أنا فِ صف التجاهل والمُضي قدماً ، لا بسعى ولا هسعى في أذية حد ، ولا هعيش عُمري في صراع علشان أحاول أغيظ حد وأحسسه إني أحسن منه ، حتى حوار الأفضلية دا عُمري ما هحاول أثبته لحد لإني عارفه قيمة نفسي ودا الأهم ، هتلاقيني دايماً في طُرق راحة البال ، والهدوء ، و التفكير الإيجابي والعيش مرتاحه وبسعى ليهم ، بعيده كُل البُعد عن الدوشة وصراعات الحياة دي كلها ، لإن لا تربيتي ولا تفكيري ولا طاقتي يسمحولي بدا .

أن تسمح لأحبتك ولمَن حولك أن يكونوا أنفسهم حقيقةً بلا خجل ولا خزي ولا تكلف ولأقصى درجة مقبولة ممكنة لهو من أعظم ما يقدمه إنسانٌ لإنسانٍ.